海膽仔

海膽仔今次係我第二次回訪呢間性價比高叫「海膽仔」嘅日本菜餐廳，呢度刺身非常新鮮，每次經過新蒲崗都會幫襯佢哋，餐廳門口有一級，輪椅人士如果要食呢間餐廳就要自備斜板啦！1.海膽雜錦魚生丼 跟麵豉湯及沙律$168+哈密瓜梳打$7（10/10）呢碗海膽雜錦魚生丼飯真係正到不得了，海膽非常鮮甜，海膽係用咗墨西哥海膽，而丼飯入面仲有赤蝦、帶子、三文魚同金目鯛等時令刺身，所有丼飯入面嘅刺身都切得好厚身同非常新鮮，定食仲跟咗麵豉湯及沙律，揀埋飲品仲有優惠，我揀咗哈密瓜梳打只係加$7，佢哋嘅冰入面都好特別，係加咗少少火龍果汁，所以會見到粉紅色！2.汁燒雞扒丼 跟麵豉湯及沙律$58+橙味梳打$7（9.5/10）呢碗汁燒雞扒丼飯個雞扒肉質非常嫩滑，雞扒外皮都有炸過，就算汁燒都脆身，個汁甜甜地，定食仲跟咗麵豉湯及沙律，揀埋飲品仲有優惠，我揀咗橙味梳打只係加$7，佢哋嘅冰入面都好特別，係加咗少少火龍果汁，所以會見到粉紅色！3.燒雞腎$28（9.5/10）呢串燒雞腎燒嘅時間啱啱好，雞腎唔會好韌，咬落去有嚼勁，掂！4.燒雞腿肉串$28（10/10）呢串燒雞腿肉燒嘅時間都係啱啱好，咬落去雞皮脆卜卜，入面雞肉肉質嫩滑，好掂！2人總共價錢$296個人口味總評分：9.75/10地址：新蒲崗衍慶街2-32號新蒲崗大廈地下Q號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#hkig #hkboy #hkkol #新蒲崗 #新蒲崗美食 #新蒲崗好去處 #海膽仔 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

海膽仔 📍：香港新蒲崗衍慶街2-32號新蒲崗大廈地下Q號舖🚗：黃大仙地鐵C2出口 步行10分鐘📞：+852 6377-3038💲：~HKD68-198/head for lunch Food quality✔️：下午輕食便當（章魚燒、饅魚芝士卷）、燒左口魚邊丼👌🏼：倍化帶子吞海膽、三文魚籽葱拖羅海膽丼總結：😋一間以海膽為主題嘅日式料理餐廳 丼飯都新鮮幾正 下午茶都頗抵食 路過可以一試😜😋下午輕食便當可以揀兩款小食 章魚燒竟然係熱辣辣唔係攤凍一陣上畀你 饅魚芝士卷都份量足👍🏼😋丼飯選擇都唔少 試咗燒左口魚邊丼好高質 燒左口魚幾乎入口即溶 油脂感十足配埋温泉蛋撈飯好快就清哂碟 好似驚你唔夠飽 跟餐仲配沙律🥗加一碗小烏冬🤔叫得海膽仔就冇道理唔叫海膽 但兩次食質素有啲不同 第一次叫招牌倍化帶子吞海膽 海膽份量少 帶子海膽都冇好新鮮🙊🤔第二次點嘅三文魚籽葱拖羅海膽丼嘅海膽就好食又新鮮 但拖羅反而普通啲 但份量好夠 三文魚籽都飽滿👍🏼😨位置有點難揾 丼飯夠打卡但環境就普通啲🥺…查看更多

壽司方面：鵝肝壽司，份量都幾大份！雖然不是甜味取勝、而且油脂感十足，味道濃厚，對於喜歡重口味嘅朋友來講，真系好享受。嘅三文魚芒果加州卷，主要都系想食啲有甜味嘅嘢，味道沒有失望。而油甘腩壽司🍣 系好值得食，因為平時喺壽司郎都唔會見到有油甘魚。師傅都細心，魚肉上面都切咗刀紋。肉質鮮嫩。我覺得最值得食嘅就系佢招牌所講，海膽嘅海膽系一流嘅！海膽手卷甘甜，口感滑順，海膽嘅鮮味令我印象深刻。1）咖喱豬扒定食：佢嘅定食套餐有得揀升唔升級，可以平平哋都食到高CP值嘅定食。豬排炸得外脆內軟，可以點咖喱或者另外要沙律醬都得。而面豉湯裡面仲有蜆肉，味道鮮甜，唔會過咸。2）叫咗個小食磯煮鮑魚，鮑魚軟身而且入味，咀嚼時可以感受到佢嘅鮮味，真系唔錯。3）牛舌方面，彈牙嘅口感系一大驚喜，味道燒過亦好香，唧少少檸檬汁可以平衡啲油膩感…查看更多

突然間想食海膽做想起了位於新蒲崗嘅「海膽仔」😙😙😙前菜鮑魚嫩滑入味，醬香濃郁，咬落唔韌👍「海膽魚籽拖羅蓋丼」真心推，海膽完全唔腥，魚籽同拖羅好滑，配飯勁滿足。湯是隨丼附送，味道中規中矩，用來解膩剛好。博多豬軟骨拉麵…….豬軟骨好大件😆 而且豬軟骨入口即化😙😙湯底濃郁，麵條口感也不錯!!飲品方面，香水檸檬茶和檸檬水都很清新，解渴又去油，而且隻熊仔好吸睛😝😙😙小食章魚燒6件……食落帶啲汁，又唔錯喎!…查看更多

放工後走入新蒲崗嘅海膽仔，試咗兩款丼飯：火炙丼同日本馬糞海膽海鮮丼，簡直係味蕾嘅享受😋🍱 火炙丼：三文魚、帆立貝、吞拿魚等海鮮經火炙處理，表面微焦，油脂滲出，香口得嚟不失鮮味。每一啖都食到炙燒嘅煙韌感，配埋醋飯，酸甜平衡，令人一口接一口🥰🧡 日本馬糞海膽海鮮丼 ：主角馬糞海膽絕對冇令人失望，色澤金黃、質地綿密，入口即化，鮮味濃郁得嚟冇腥。配料仲有甜蝦、三文魚籽、赤貝等，每款都新鮮到不得了，層次都好豐富👍🏻🍵 環境簡約，乾淨企理，令人食得好舒服。💰 價錢方面合理，尤其係用上日本直送馬糞海膽，性價比高。…查看更多

聽同事講就講得多，但第一次食馬上覺得名過其實，既唔好食又唔抵食，唔明白點解咁多人推介，真心中伏了。叫了加拿大海膽海鮮飯，碗細，壽司飯被壓得太硬太實。刺身海膽的味道中規中矩，但海膽味道有點苦，而且份量唔多，純粹是飯多。叫了壽司，火灸壽司都幾好食。叫了一個牛油果炸蝦卷，成個壽司多飯少料，淨係多沙律醬，蝦又由炸蝦變了普通刺身細蝦。成個壽司如雞肋，食之無味棄之可惜。可能之前真係好食，但而家真心唔得。可一不可再:(…查看更多

今次食墨西哥海膽和令和風雅生蠔性價比高，有驚喜，會回頭今次我只係兩個人，但係都肯俾樓上雅座，可惜拉麵質素未如理想，但老闆毫不猶豫取消拉麵order。證明注意食物質素，期待下次再試吓佢嘅拉麵…查看更多

海膽仔的海膽丼去海膽仔點了海膽丼, 果然沒錯。店名改得好, 讓人一看便知道甚麼是鎮店之寶和主角。交通便利, 店內人流不算多, 不用等很久便可以點餐, 安排得相當好。亦不用等一會, 食物便製作好一一上桌。這個丼果然是一道清新美味的日式料理，以新鮮海膽搭配香口米飯，海膽很新鮮, 完全沒有半點腥味, 吃起來口感滑順，味道鮮美, 跟不新鮮那種又腥又臭的海膽絕對差天共地, 不新鮮的吃過真的會PTSD, 而這裡則完全不會, 而是讓人想一吃再吃, 再三回味, 如此出色的海膽料理, 難怪此店那麼受歡迎。可以搭配少量芥末增添風味, 我覺得不用加也可以, 吃到原汁原味, 感覺相當幸福。這是一次很好的用餐體驗, 真的吃到又鮮又甜的海膽。…查看更多

第一次黎呢間食，唔搵都唔知有呢間餐廳！今次點咗100g馬糞海膽（$480），會連埋幾件小飯團仔、紫菜、青瓜片一齊上！可以自製海膽壽司海膽食入口一啲都唔臭，好新鮮好好味！好似係日本食緊咁樣另外燒牛舌心（$58）又係好高質！入口味道一流，婫美日本食嘅感覺再食咗份限定壽司（10件）（$188）其中個三文魚好厚好美味，不得了 。佢仲要跟埋一碗烏冬添！飽晒 。餐廳嘅職員服務好好！而且用具擺設好有心思好靚，值得一讚…查看更多

新蒲崗海膽仔，先講倍化帶子吞海膽，嗱，呢個係海鮮界嘅王者，帶子嫩滑加埋爆香嘅海膽，入口簡直係天堂嘅味道！🥰✨ 再試咗吞拿魚蓉丼飯，嘩嗱，吞拿魚蓉一啖食落去，好似一碗升級版刺身飯，係啱晒食肉獸嘅選擇！🐟🍚 仲有生蠔，個海味濃厚到冇朋友，食完只可以用「鮮」字形容，口感仲帶咩爽！🦪💦 希靈魚刺身又驚喜，滑溜溜嘅質感加少少醋醬，簡直係完美match！🍴💥 唔好講咁多，仲有好多選擇未試，希望下次再嚟呀！🎉💫食完係意猶未盡，推薦畀大家去試吓！🎊🍽️…查看更多

📍 海膽仔 (新蒲崗)新蒲崗衍慶街2-32號新蒲崗大廈地下Q號舖圖1: 三文魚腩&帶子刺身 三文魚腩好厚身 帶子好鮮甜性價比極高😋✨圖2:三文魚海膽丼三文魚都有約6 塊😋海膽好creamy🥳三文魚都好新鮮圖3:火炙海鮮丼 （三文魚、左口邊魚、鰻魚）每款都有兩塊 左口裙邊魚好重油脂不過略嫌啲餸唔夠配飯😬⭐️每個丼飯都配小食同埋湯烏冬 超級飽肚😎結論性價比算高😎 仲有印花卡滿五個可以送個定食！可以成日嚟食啦😛…查看更多

今次真係落晒本黎豪食海膽，所以主角系海膽🤩但係冇諗到呢間其他嘅菜式都唔錯，甚至系出色😆海膽丼飯：比一盒盒嘅海膽略為遜色，都冇咁新鮮。所以如果專程過嚟食海膽，呢個丼飯可以pass左佢。加拿大海膽：入口軟滑即溶啊🤤極鮮甜，每舊肉質都好飽滿，食落好滿足😌墨西哥海膽：甘甜甘甜，帶有淡淡嘅海水味，系非常濃郁嘅海膽味😆粒貝：清脆爽口，味道非常清新🥰滴啲檸檬汁更加清爽🤤推薦❕❕其他刺身都不失水準，好新鮮😋出乎意料之外😳海膽品種系跟返當日黎貨嘅海膽出售，所以每日都唔同，價錢都系按時令價收取，所以有興趣去食嘅可以提前打去問一問先，咁就唔會撲空喇🫶🏻…查看更多

今日生日特登黎朋友推薦嘅呢間日式餐廳吃飯，最鍾意食呢度的三文魚，夠新鮮，口感又好，食落去滑溜溜，好似食果凍咁❤️之後我地仲叫左炸雞皮，炸得脆卜卜，色澤又靓，同埋叫左壽司，三文魚子，牛油果壽司，好新鮮，特別係鰻魚壽司好好食，又足料！之後對我我黎講嘅重中之重係！雞扒飯，好岩小朋友食，真係超級無敵嫩！食落去啖啖都係汁水，超抵玩！ 唔講笑，冇諗到新蒲崗會有咁抵食嘅壽司舖！一定會成日到frds 黎食！❤️🥰🥰服務一流🤤…查看更多

餐廳的裝潢融合了傳統與現代的元素，木質的桌椅和柔和的燈光營造出一種溫馨而寧靜的氛圍。背景音樂輕柔，讓人感到放鬆，適合聚會或約會。菜單上選擇多樣，從壽司、刺身到熱盤料理應有盡有。我特別選擇了經典的壽司拼盤和一份海鮮刺身拼盤。新鮮的魚肉搭配口感滑順的米飯，米飯的醋味恰到好處，讓整體味道更加平衡。各式各樣的生魚片色澤鮮艷，每片魚肉都切得極為精細，口感鮮嫩。搭配的醬油和山葵也提升了整體風味。這次的日本料理體驗不僅滿足了味蕾，也讓我享受到了一段愉快的用餐時光。…查看更多

前排去咗啟德塊空地野餐，環境幾舒服，野餐完去咗食晚飯，見airside嘅餐廳大多都係集團式多，價錢都偏貴，所以去咗新蒲崗個邊搵嘢食，上網見呢間多人推介又幾吸引，就入去試吓。一入門口已經見到有幾個凍櫃放咗海膽、其他刺身。三色迷你丼，$188，因為想試少少海膽，揀咗呢個樣樣試啲，3小杯分別有蟹膏蟹肉碎、海膽同葱拖羅粒，飯嘅份量3碗加埋都有平時食飯碗左右，海膽又未去到好甜，但都ok。反而個蟹肉有啲鮮味。鰻魚便當定食，$128，呢個同我想像中嘅有啲出入…我以為係一碗鰻魚飯再跟啲炸物小食，原來個飯只有好少，2啖就食哂…炸物同刺身唔錯，鰻魚飯就好普通。另外仲叫咗3串串燒：七味五花腩，和牛粒串，雞肉大葱，味道不錯。總結覺得刺身、生冷嘢做得比較好食，熟食就一般。…查看更多