海膽仔

海膽仔今次係我第二次回訪呢間性價比高叫「海膽仔」嘅日本菜餐廳，呢度刺身非常新鮮，每次經過新蒲崗都會幫襯佢哋，餐廳門口有一級，輪椅人士如果要食呢間餐廳就要自備斜板啦！1.海膽雜錦魚生丼 跟麵豉湯及沙律$168+哈密瓜梳打$7（10/10）呢碗海膽雜錦魚生丼飯真係正到不得了，海膽非常鮮甜，海膽係用咗墨西哥海膽，而丼飯入面仲有赤蝦、帶子、三文魚同金目鯛等時令刺身，所有丼飯入面嘅刺身都切得好厚身同非常新鮮，定食仲跟咗麵豉湯及沙律，揀埋飲品仲有優惠，我揀咗哈密瓜梳打只係加$7，佢哋嘅冰入面都好特別，係加咗少少火龍果汁，所以會見到粉紅色！2.汁燒雞扒丼 跟麵豉湯及沙律$58+橙味梳打$7（9.5/10）呢碗汁燒雞扒丼飯個雞扒肉質非常嫩滑，雞扒外皮都有炸過，就算汁燒都脆身，個汁甜甜地，定食仲跟咗麵豉湯及沙律，揀埋飲品仲有優惠，我揀咗橙味梳打只係加$7，佢哋嘅冰入面都好特別，係加咗少少火龍果汁，所以會見到粉紅色！3.燒雞腎$28（9.5/10）呢串燒雞腎燒嘅時間啱啱好，雞腎唔會好韌，咬落去有嚼勁，掂！4.燒雞腿肉串$28（10/10）呢串燒雞腿肉燒嘅時間都係啱啱好，咬落去雞皮脆卜卜，入面雞肉肉質嫩滑，好掂！2人總共價錢$296個人口味總評分：9.75/10地址：新蒲崗衍慶街2-32號新蒲崗大廈地下Q號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#hkig #hkboy #hkkol #新蒲崗 #新蒲崗美食 #新蒲崗好去處 #海膽仔 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

海膽仔 📍：香港新蒲崗衍慶街2-32號新蒲崗大廈地下Q號舖🚗：黃大仙地鐵C2出口 步行10分鐘📞：+852 6377-3038💲：~HKD68-198/head for lunch Food quality✔️：下午輕食便當（章魚燒、饅魚芝士卷）、燒左口魚邊丼👌🏼：倍化帶子吞海膽、三文魚籽葱拖羅海膽丼總結：😋一間以海膽為主題嘅日式料理餐廳 丼飯都新鮮幾正 下午茶都頗抵食 路過可以一試😜😋下午輕食便當可以揀兩款小食 章魚燒竟然係熱辣辣唔係攤凍一陣上畀你 饅魚芝士卷都份量足👍🏼😋丼飯選擇都唔少 試咗燒左口魚邊丼好高質 燒左口魚幾乎入口即溶 油脂感十足配埋温泉蛋撈飯好快就清哂碟 好似驚你唔夠飽 跟餐仲配沙律🥗加一碗小烏冬🤔叫得海膽仔就冇道理唔叫海膽 但兩次食質素有啲不同 第一次叫招牌倍化帶子吞海膽 海膽份量少 帶子海膽都冇好新鮮🙊🤔第二次點嘅三文魚籽葱拖羅海膽丼嘅海膽就好食又新鮮 但拖羅反而普通啲 但份量好夠 三文魚籽都飽滿👍🏼😨位置有點難揾 丼飯夠打卡但環境就普通啲🥺…查看更多

好同事話新蒲崗《海膽仔》刺身很新鮮，價格親民，近可立中學附近，明亮的招牌奪目。我們點左🥢北海道厚岸生蠔$78：大大隻鮮甜滑溜海水味突出好食。🥢時令海膽軍艦$48：質地細膩鮮甜入口即溶。🥢象拔蚌壽司$16：肉質爽口味鮮甜。🥢什錦魚生沙律$98：三文魚、吞拿魚、鯛魚肉新鮮味甜爽口🥗菜新鮮嫩綠。🥢秘制牛舌拉麵$68：牛舌軟腍，拉麵量多大碗抵食。定食跟沙律及麵豉湯🥢和風牛肉飯升級$78 ：升級是較多牛肉，有肥牛、牛肉粒、溫泉蛋、洋蔥，日本飯甘香軟糯。🥢燒三文魚飯$68 ：燒三文魚香、溫泉蛋滑撈飯很好味。沙律菜：新鮮爽脆。麵豉湯：味香不鹹。…查看更多

今日經過新蒲崗想食日本嘢，朋友介紹咗呢間海膽仔，主打唔同空運到港嘅新鮮魚生，而且夜晚都有冰食可以嗌， CP值非常高膽魚籽拖羅蓉丼🐟🍚 新鮮膽魚鮮甜，配上滑溜拖羅蓉，入口即溶，豪華海鮮味層層爆發，絕對係海鮮控天堂, 魚生嘅份量亦都唔少，跟咗沙律同埋湯，非常抵食海膽雜錦魚生丼🦪🍣 新鮮海膽綿密香濃，搭多款魚生如三文魚、魷魚，淋上醬油，鮮味衝擊味蕾，清爽又滿足，一碗滿足你多種願望海膽魷魚🦑🌊 海膽奶油般滑順，魷魚脆嫩彈牙，簡單組合卻超鮮美，由於魷魚有界花都嘅緣故，所以口感特別彈牙白鱔串燒🐍🔥 白鱔肉質細嫩，串燒外脆內軟，灑上特製醬汁，香氣四溢，咬落juicy，完美小食解饞。…查看更多

新蒲崗呢間「海膽仔」，鋪頭細細但幾乾淨。我哋叫咗個限定壽司10件$188，抵食嘅。壽司飯握得幾實，魚生都新鮮。另外單點咗海膽壽司，海膽份量合理，入口幾甜，冇怪味。朋友叫咗個刺身丼定食，佢話丼飯嘅刺身切得夠厚，三文魚係正常水準。定食跟埋湯同沙律，價錢好合理。睇過餐牌，刺身丼價錢由$98到$208都有，見到隔離枱叫咗拉麵同西京燒銀鱈魚，下次可以試下。呢度選擇都幾多，有串燒、生蠔、手卷，帶小朋友來都有熟食可以揀。整體來說係間唔花巧、食得過嘅街坊小店，經過附近會再來幫襯。…查看更多

「海膽仔」開咗好幾年，食過lunch幾次，今次係第一次嚟食晚餐，夜晚都幾多街坊嚟食，同埋原來樓上仲有座位我哋點咗：🥗 雜錦魚生沙律$98有三文魚、鯛魚、沙律菜、粟米、蕃茄仔，配上醋汁，夠晒開胃🐟 北海道海膽海鮮丼$208嚟呢度一定要試吓有海膽嘅菜式，海鮮丼刺身飯包括海膽，帶子，飛魚子，拖羅，油甘魚，仲有甜雞蛋及青瓜，魚生新鮮美味，清新健康🍣 限定壽司10件$188包括稿池，海膽，三文魚腩，帶子，燒左口魚邊，赤身，拖羅，油金魚，金目鯛，海鰻。好多熱門嘅款式都包括在內，魚生新鮮肥美🌟定食包括麵豉湯及沙律整體嘢食不錯，座位寬敞舒適…查看更多

🍽️ 三色迷你丼：呢個真係選擇困難症嘅救星！一次過有齊吞拿魚、海膽同蟹肉，三個願望一次過滿足晒！海膽份量好大方，入口即溶，甜到爆！吞拿魚同蟹肉都好新鮮，配埋醋飯真係好邪惡，成個Set份量啱啱好，滿足度爆燈！💯🍽️ 壽司拼盤：拼盤嘅魚生好厚切，睇得出用料新鮮！飯量適中，唔會一大嚿飯霸晒位，性價比超高！食得出師傅嘅手藝，件件都好穩陣！👍🍽️ 熟芥辣八爪魚軍艦 & 北寄貝壽司：八爪魚軍艦嗰個熟芥辣真係超惹味，帶點刺激感，好啱鍾意重口味嘅朋友！而北寄貝就爽口彈牙，鮮甜！😋不得不提佢個凍香水檸檬茶！重點係佢啲冰粒竟然係熊仔造型！🐻 真係可愛到暈，打卡一流！而且檸茶夠晒濃郁，飲落好解膩。朋友杯檸檬水都好清爽！成餐飯食得好滿足又開心！🎉…查看更多

新蒲崗居酒屋，隱世小店真係有驚喜～ 海鮮每日新鮮到貨，店員亦會好耐心介紹時令食材，試咗幾款本月推介✨🤤🐟 原條魚刺身是日新鮮刺身，老翁魚，師傅刀工俐落，魚肉透光度靚到好似藝術品🎐重點，入口清爽鮮甜，完全無雪藏味🫶🏻🦑海膽魷魚本月推介，海膽creamy得嚟唔會腥，魷魚咬落去有彈性兩樣食材夾埋一齊食，味道層次好豐富，如果海膽再多啲就好😍值得試嘅季節限定✨🍣 原條穴子壽司超長一條舖滿成個壽司飯穴子燒得微微焦香，肉質軟綿綿醬汁甜度剛好，唔會蓋過魚嘅原味🍲 大根牛舌關東煮蘿蔔煮到透心軟，吸晒湯汁精華牛舌厚切但炆得夠淋，完全唔使擔心「痴牙」關東煮湯底清甜，飲完成個身暖笠笠🥩 D5和風牛肉飯牛肉油脂分布平均，燒得香口洋蔥同醬汁撈埋日本米飯，不知不覺清晒成碗📍地點：海膽仔 (新蒲崗)新蒲崗衍慶街2-32號新蒲崗大廈地下Q號舖…查看更多

我約好友去位於新蒲崗衍慶街2-32號新蒲崗大廈地下Q號舖的<海膽仔>食午餐，環境舒適，裝修簡潔，富有日本風情。我哋點咗：🥢時令魚爆丼定食，配麵豉湯及沙律$168：好有心的思擺設，除了圍在飯面的魚片刺身，中間用魚片刺身盛著三文魚籽，還有小菊花做點綴；刺身新鮮甜美，三文魚籽帶有海水味道，飯粒軟綿好食。🥢軟殼蟹牛油果沙律 $98：軟殼蟹炸得酥脆好味，沙律菜和牛油果新鮮及鮮甜好食。🥢牛肉野菜鍋 $98：熱辣辣牛肉野菜鍋，牛肉味濃，肉質鮮嫩，野菜款式豐富，好味又好食。🥢西京燒銀鱈魚$138：銀鱈魚用西京燒得皮脆肉嫩，魚肉嫩滑鮮甜好味。…查看更多

海膽仔位於新蒲崗，以濃厚嘅日式風情同舒適嘅用餐環境而聞名🎌。內部裝潢精緻典雅，牆上掛滿傳統日本藝術品，營造出輕鬆愉快嘅氛圍。餐廳嘅開放式冷藏櫃裡整齊擺放著各式新鮮海鮮同日式小吃，令人一眼就能感受到食材嘅新鮮與多樣性🐟。🍱 北海道海膽海鮮丼呢款招牌海鮮丼用料十足，內有鮮甜嘅蝦、嫩滑嘅帶子同金黃嘅海膽，每一口都充滿海洋嘅鮮味🌊。海膽特別新鮮creamy，令整碗飯更加鮮甜誘人，絕對係海鮮愛好者嘅必點之選！👍🍣 限定壽司拼盤呢個超值壽司拼盤包含十件精選壽司，特別推介嘅有肥美嘅稿池、鮮甜嘅海膽、入口即化嘅三文魚腩同清爽嘅帶子✨。再加上香氣撲鼻嘅燒左口魚邊、鮮美嘅赤身、豐腴嘅拖羅、爽口嘅油金魚、細膩嘅金目鯛同濃郁嘅海鰻，無論係口感定味道層次都令人印象深刻！每款壽司都展現出師傅嘅精湛手藝👨‍🍳。🍜 豬軟骨拉麵湯底濃郁醇厚，豬軟骨燉得軟爛入味，配上彈牙有嚼勁嘅拉麵，令人一試難忘💕。每一口都帶來滿滿嘅幸福感，特別係喺寒冷天氣裡，食一碗真係暖入心窩❄️➡️🔥。…查看更多

呢間係位於新蒲崗的私人日式居酒屋,位置比較偏僻.已聽過好多同事介紹,但因為唔就腳,所以一直冇機會去試,甘岩收工前好想食海膽,同事又重新介紹我去食所以就訂左位去食啦,因為想食好耐,2個人,但叫左好多野食>V<重頭戲一定係海膽,叫左1板海膽同埋帶子海膽,好濃奶油,質地細膩、柔滑，入口即溶,配埋帶子一齊有甘甜味帶有海洋鮮味.鵝肝多士,本身的細膩柔滑和濃郁奶油感，帶有豐富的油脂香氣,配上法式麵包多士,冇甘油膩,口感更豐富,有層次.蟹蓋正常發揮,冇咩特別.本身諗住食海膽出名,但佢生蠔種類都多.另外有水果雪葩食,我地揀左水蜜桃同椰子,水蜜桃比較少見,食落有似沙冰+水蜜桃汁,常食開南瓜雪葩(似雪糕口感),椰子都係似雪糕口感…查看更多

之前每次都係食丼飯🍚今次決定試吓其他野🤫估唔到佢除咗海膽.. 其他海鮮都咁新鮮🐟叫左壽司拼盤set 🍱 有成10款壽司🍣 拖羅.. 海膽..帶子.. 油甘魚…..每款都好正… 特別係帶子😬 鮮甜味美.另外 叫左個平平地既豬軟骨拉麵 🍜HKD68 就有交易🤝 仲包埋沙律🥗估唔到依家仲出埋生蠔🦪生蠔竟然有10幾款可以揀🫠我今次揀左仙鳳趾 + 厚岸🤤師傅仲調左個特式醬. 酸酸甜甜辣辣咁. Chiikawa fans 打卡神器哩度都有🤣…查看更多

新蒲崗呢間「海膽仔」真係隱世好食的居酒屋，食到尾聲都仲意猶未盡。先來是日新鮮即開生蠔—仙鳳趾生蠔，一入口就係清爽鮮甜同滑溜口感，海味突出而且不帶多餘腥氣，作為開場非常醒胃🦪。跟住叫咗三文魚腩刺身，脂香充足而不膩，口感柔嫩、入口即化，魚油香在口腔慢慢散開，肥美肥美🐟。主角當然要數海膽三文魚丼：重點必點海膽！海膽的甘香綿滑配上三文魚的油潤細膩，兩者層次交疊，每一口都好飽滿；丼飯配料分佈均勻，無論從邊食到中間，都保留到同等滿足感🍣。因為想一次過試多幾款，就揀壽司拼盤定食，已包前菜同麵豉湯，夠哂豐富，先食沙律、再到壽司、最後暖暖飲一口麵豉湯，節奏舒服而且份量感覺剛好🍱。到燒物環節，燒牛舌火候掌握得穩，咬落微脆帶彈性，牛香明顯；燒雞軟骨則爽脆可口，咀嚼感十足，越嚼越散發香氣，兩款都十分適合邊談天邊慢慢食🔥。整體而言，從生冷到熟食都表現平均以上，刺身控、丼飯迷同燒物愛好者都會搵到心水之選；配搭得宜、味道討好，確實做到「每款好食」的期待。下次想約多幾位朋友再來逐樣解鎖😋正～…查看更多

壽司方面：鵝肝壽司，份量都幾大份！雖然不是甜味取勝、而且油脂感十足，味道濃厚，對於喜歡重口味嘅朋友來講，真系好享受。嘅三文魚芒果加州卷，主要都系想食啲有甜味嘅嘢，味道沒有失望。而油甘腩壽司🍣 系好值得食，因為平時喺壽司郎都唔會見到有油甘魚。師傅都細心，魚肉上面都切咗刀紋。肉質鮮嫩。我覺得最值得食嘅就系佢招牌所講，海膽嘅海膽系一流嘅！海膽手卷甘甜，口感滑順，海膽嘅鮮味令我印象深刻。1）咖喱豬扒定食：佢嘅定食套餐有得揀升唔升級，可以平平哋都食到高CP值嘅定食。豬排炸得外脆內軟，可以點咖喱或者另外要沙律醬都得。而面豉湯裡面仲有蜆肉，味道鮮甜，唔會過咸。2）叫咗個小食磯煮鮑魚，鮑魚軟身而且入味，咀嚼時可以感受到佢嘅鮮味，真系唔錯。3）牛舌方面，彈牙嘅口感系一大驚喜，味道燒過亦好香，唧少少檸檬汁可以平衡啲油膩感…查看更多

今日嚟咗呢間海膽仔，佢哋最出名係海膽、生蠔同刺身，仲試咗丼飯同串燒都好高質😍👍🏻首先試咗赤貝，食得出好新鮮，口感爽脆，味道鮮甜！油甘魚丼勁吸引🤩 油甘魚好新鮮肥美，魚油豐富，入口即溶，好正！😋 配埋壽司飯好飽肚和風牛肉丼牛肉同蘑菇煮得好入味，肉質又夠淋，配埋啲洋蔥，甜甜鹹鹹，最正係有流心蛋撈飯一流！🤤🍚 飯嘅份量都幾多，夠晒飽肚一口炸芝士外皮炸得金黃香脆，入面嘅芝士就溶晒，芝士味好濃郁，一口一個好正🫶🏻🫶🏻串燒（五花腩，雞皮，雞翼）佢哋嘅串燒好有水準，五花腩燒得香口，雞皮燒得脆卜卜，雞翼燒得入味仲保持到嫩滑，每一樣都好好味😋…查看更多