海膽仔

營業中

休息中

新蒲崗又一隱世日式餐廳， 有各式各樣嘅生蠔等日式食物， 餐廳裝修別樹一格， 海膽生蠔一覽無遺， 一入門口未食嘢就已經流曬口水 倍化帶子吞海膽超大隻嘅帶子， 大隻過澳門的籌碼， 中間夾住勁鮮甜嘅海膽， 帶子嘅外層用火槍燒過， 再加上紫菜蓋面， 外脆內軟， 香熱嘅帶子味， 加上內裏鮮甜帶子肉， 一啖咬落去有多重口感， 可以將 嘅靈魂合二為一🦪 日本令和怪物平時食生蠔一啖一隻 ， 不過今次日本令和怪物 ，差唔多有我手掌咁大，係我咁大個女所食嘅生蠔中size最大， 要分幾啖先至可以曬放入口， 隻怪物有淡淡嘅海水味， 又creamy🍱 雜錦定食兩隻特大鮮甜海老, 厚厚既三文魚腩同油甘魚，北寄貝，帶子，厚切吞拿魚， 再加試大大碗飯，跟餐仲有麵豉湯同沙律 ， 好足料男仔嘅話，食曬成個定食都夠晒飽

新蒲崗開左新日本菜😍我竟然咁遲先知，真係枉為街坊🙈約左媽媽食晚飯，點知ot左2粒鐘，最後8：45pm先到舖頭，好彩趕得切last order 仲有得食😜舖頭可以堂食同外賣，門口有個雪櫃仔放刺身盛或壽司俾客人揀選🍣最吸引當然係一板板既海膽😍平時買板返屋企加送一定超正！日式汽水都有得買🥤好鍾意充滿童年回憶既波子汽水💙又黎張全家福先💖💖2個人叫左三文魚腩刺身，海膽丼同海膽炒飯首先上枱既係三文魚腩刺身😍$88 有8切，相比起其他晚廳便宜，見開都係$68 5切。呢度仲要塊塊都又大又厚❤️啱曬最鍾意食三文魚既媽媽👍碟下有好多冰粒，keep住刺身温度，防止佢俾我呢d打卡超耐既人放到變壞😂猶豫左一陣食熟食定魚生飯好，一於試曬2款海膽食物啦😋海膽炒飯有驚喜，估唔到有咁多海鮮，基本上每啖都一定有大蝦，或者八爪魚或蜆肉🐟最頂既主角海膽，我就分撈飯一齊食，食落就有陣陣海膽味香好多🤗海膽丼🍣😍2款海膽都咁正咁鮮甜😚加埋三文魚籽作點綴，口感更豐富。美中不足係紫菜唔夠脆，唔係既話就可以自製海膽手卷玩下啦😂2個人食唔到太多款😢見到佢有多款生蠔，大大隻望落都正，唯有下次再試啦

估唔到喺新蒲崗街坊地方都有間咁正嘅日本嘢🥳 仲有得買食材返屋企，今次先試吓堂食🤤壽司同軍艦用料都幾新鮮，特別三文魚籽勁大粒😍 價錢都好合理😙 不過係紫菜唔係好夠脆🤣🤣 鰻魚芝士卷 $28/4軍艦s：松葉蟹膏$16/三文魚籽$18/芥辣八爪魚$16/2/ 赤蝦壽司 $16/2燒物亦做得好好！燒牛舌勁香仲要厚切😍 重點都係真係好抵🤣鹽燒牛舌 $28/ 帆立貝 $38唐揚炸雞 $38好抵食又好大舊，不過唔係好夠脆🤣軟殼蟹手卷 $26 炸得幾好，紫菜可以再脆啲🤣結果成晚食咁多嘢三百蚊唔洗就埋單，真係好好抵啊🤣🤣🤣 慳妹仔表示完全可以再encore 🥳🥳🥳

今日約咗個住鑽石山附近嘅朋友食飯，誤打誤撞比我發現到新蒲崗有間主打海膽嘅高質日本料理😍我哋每人叫咗一碗刺身飯同一碟小食，整體都幾有驚喜海膽三色丼（$128）海膽絕對係對得住海膽仔呢個店面嘅鎮店之寶。海膽嘅size本身都唔細，而且食落非常新鮮，嗰陣海膽鮮味好似海水一樣一層層慢慢湧出嚟，冇講笑，咀嚼一舊海膽都要經歷返幾秒先徹底感受完呢粒海膽嘅生命。總之真係好正好正。而且吞拿魚都好好食，非常滑，口感好自然舒服🥰三文魚大蝦帶子丼（$88）值得讚嘅係份量都幾大，三文魚同帶子都大大舊。小小遺憾係佢地可能同啲海膽住埋一齊所以啲營養比海膽搶曬sosad，所以相對嚟講口感上冇海膽咁驚艷。客觀而言絕對都合格有餘，奈何有對比有傷害，有海膽就食海膽啦🥳香蒜牛柳粒（$68）都唔錯，煎得幾香，肉汁飽滿，香蒜is真的香而且都脆。一開頭上嚟覺得有啲淋，過一陣就硬返啲，算係有唔同程度嘅口感可以自己揀咁樣，都幾得意😋———————————————#海膽仔海膽仔 (新蒲崗)新蒲崗衍慶街2-32號新蒲崗大廈地下Q號舖

新蒲崗開咗呢間海膽仔🥰鍾意立食或者坐食都可以👍有好多款唔同嘅刺身壽司可以選擇😆😆今日午餐時間黎到先試下佢嘅lunch set🤤 跟餐包日式沙律及餐湯 好抵食 要試當然就要試佢最出名嘅爆膽丼$168之前試過喺旺角區食類似嘅料理都要二百幾三百蚊，呢個價錢真係好抵！ 海膽大大片💞 食得出新鮮！好鮮甜，一啲都唔腥 😋身為海膽控會畀90分 加埋啲魚子，賣相靚👍食都食得開心啲 燒三文魚丼$58🐋三文魚丼飯價錢咁抵食！點可以唔嗌😂 三文魚份量算多，食曬啲飯都仲有餸🐟🐟🐟 三文魚肉厚切 🔥燒成半生熟，又有油香，又有食刺身嘅感覺 👍呢個飯真係超值

朋友推介呢間日式小店，就決定黎食個lunch試試，舖頭門面已經好有日本風，入到去裝修更有去咗日本咁既感覺，非常舒適！呢度餐牌都好多選擇，有全日定食，又可以單點，價錢都好親民！刺身定食定食包沙律同湯，我地加咗$5 叫埋汽水，刺身份量十足，非常新鮮，配搭埋壽司飯，大滿足！八爪魚刺身我地另外都叫咗刺身share食，爽口又新鮮！倍化帶子吞海膽見到好多人都推介，所以叫咗試試，果然無介紹錯，海膽creamy有鮮甜味，夾住紫菜同帶子一齊食，口感好match，好好食！

新晉魚生刺身控又出動(•̀ᴗ•́)و今次嚟到我間唔中都鍾意去下嘅新蒲崗覓食👅近期都好似好多人推介呢間新開嘅日式小店海膽仔 ( ˘ ³˘)♥︎ 整體感覺價錢親民，真係有種做街坊生意嘅感覺～而閒日夜晚都超爆場，好受歡迎啊！ღ 倍化帶子吞海膽 $𝟴𝟴全晚最大驚喜嘅菜式！！帶子真係好大粒，好厚身，一定要分開幾啖食啊！帶子味道鮮甜，再夾着𝗰𝗿𝗲𝗮𝗺𝘆嘅海膽，加埋紫菜一齊食，勁滿足🥳╰┈➤ 𝘁𝗮𝘀𝘁𝗲: 𝟴.𝟮/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟱/𝟭𝟬ღ 混合海膽沾麵 $𝟭𝟮𝟴沾麵配料都幾足料，有四隻蝦同糖心蛋～而主角海膽湯底濃稠度適中，有海膽碎增添口感。但味道個人就麻麻，唔知點解食落覺得湯底有少少臭🤢而且自己覺得食沾麵湯底一定要夠熱先好食，但餐廳冷氣真係好大，食咗幾啖後湯底已經開始凍🥺本身都幾期待呢一碗沾麵，但而有少少失望😮‍💨╰┈➤ 𝘁𝗮𝘀𝘁𝗲: 𝟲/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟱.𝟱/𝟭𝟬ღ 爆膽丼 $𝟭𝟲𝟴有兩款唔同嘅海膽，兩種唔同嘅享受～海膽味道鮮甜，無腥味，唔錯。份量都算幾多，呢個價錢呢個質素，性價比絕對高👍🏻╰┈➤ 𝘁𝗮𝘀𝘁𝗲: 𝟳.𝟮/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳/𝟭𝟬ღ 刺身定食 $

嚟到呢間日本小店，menu花多眼亂主食叫咗一碗拉麵，一個丼飯拉麵配嘅太卷上先，太卷用料足，包得好大件，入面有蟹柳、玉子、醃蘿蔔、腐皮同埋青瓜，未食拉麵之前已經飽咗一半本身嘅配料已經有調味，甜甜地連豉油都唔使落 前菜沙律用左柚子醋調味，酸酸甜甜，好開胃，而且日式嘅小碟好靚，增加食欲 朋友叫嘅辣味三文魚丼飯，同以往第二啲地方食嘅唔一樣，因為佢冇落沙律醬，主要淨係用咗一啲辣汁+洋蔥調出嚟嘅辣味，微微辛口唔太刺激，而且食多啲啲都唔怕肥刺身同飯中間舖咗啲紫菜，食落有多重味道唔會寡 熱騰騰嘅味噌湯入面竟然有蜆肉，而且每隻都肥嘟嘟，肉質飽滿清甜 和風牛肉拉麵比較濃，用咗豚骨湯日式嘅牛肉味道甘口，加上芝麻等等好香仲有正宗嘅配菜：筍，溏心蛋，紫菜片同蔥花拉麵嘅口感偏軟，唔夠彈牙 追加壽司有火炙芝士三文魚同腐皮壽司兩款都頗有水準 串燒方面叫咗條燒茄子，呢度嘅燒茄子令人大開眼界！第二度都係原條茄子燒，燒完之後自己夾起但係佢呢度嘅茄子係已經起咗肉，切開咗白色一條條，再加上燒香嘅蒜油、蔥同木魚勁香口每啖茄子肉都滑捋捋，而且索滿汁，超啱餸飯 金菇肥牛卷火候十足，外圍嘅金菇已經變得微微焦香，脆卜卜，入面嘅菇就滿有水

佢哋係以海膽為主題嘅日式餐廳🍴食材直送到港保證新鮮🤩除咗海膽仲有刺身同生蠔🦪雖然地點係比較偏僻 但係價錢真係好親民‼️.📌海膽三色丼 $128 呢到有好多款全日定食 包和風沙律同日式餐湯👅最平$58就有得食喇 最好喺全日供應 夜晚都可以平價食日本菜🇯🇵三色丼有吞拿魚蓉, 三文魚籽同海膽😎海膽得三舊有啲少 但係個魚蓉同魚籽份量就幾多🥰海膽好鮮甜🤤魚蓉配埋啲蔥一齊食好香口😝個壽司醋飯底都好滿 不過面頭嘅配料都多 夠食晒成碗飯🍚.📌混合海膽沾麵 $128呢款麵係期間限定 原價要$188 而家好平🤑呢到唔係正宗拉麵店 所以都對個麵冇太大期望🍜個麵係比較濕嘅 都有啲咬口唔算太淋😛不過個海膽湯先係主角😎非常之杰 掛湯一流😍好有海膽嘅鮮甜味🥳但係入面係冇海膽嘅 應該係用海膽打個湯出嚟🍲其實都有啲漏😳面頭仲有幾隻蝦 有煎香過 幾爽口唔錯🦐.介紹完佢地主打嘅海膽 當然就要講埋佢地嘅生蠔🦪全部都即叫即開 好新鮮✨仲有佢地嘅串燒都唔錯架😋.📌日本赤崎 $48人生第一次食生蠔 所以淨係比較到呢三款🤣呢款好厚肉 入口好肥美 好creamy 唔會好腥😆.📌日本獨眼龍 $68呢款好 重 海 水 味🌊超鹹 好似飲咗啖鹹

今日過開新蒲崗個邊，就過黎試下哩間之前聽過既日本餐廳，一入去餐廳，就見到可以買返屋企既新鮮海膽、三文魚同生蠔，再行入少少先到坐低既位置。餐牌上面既選擇都唔少，而且價錢實惠，所有定食都會跟麵豉湯。🥣麵豉湯麵豉湯裏面有蜆肉，味道清甜。🍣刺身定食 $118刺身定食入面有三文魚、池魚、吞拿魚、帶子、北寄貝同甜蝦。每一件刺身都好厚身，三文魚同帶子入口味道鮮甜，甜蝦亦好大隻，哩個定食性價比好高，抵食推介👍🏻🍣三文魚大蝦帶子丼 $88三文魚、帶子都好大件，甜蝦同刺身定食既一樣咁大隻，三樣都係肥美鮮甜，仲有少量三文魚籽。🍢雞皮串 $12🍢鹽燒牛舌 $28雞皮香脆惹味；牛舌爽口，上面灑上胡椒同鹽，香口惹味。整體黎講，餐廳既食物質素唔錯，性價比高，下次會再試下熱門既燒海膽。

與友人在覓食期間路過門面光亮的日本餐廳，臨立在街市與大排檔之中確實十分注目。大門一打開已看到師傅細心製作料理，周遭放在酒瓶、燈籠、旗幟等擺設，富有日式風情，座地雪櫃內還陳列出外賣刺身，相當吸引。走進食堂位置，空間細小，大約可容納20人。雖然鋪位細小，但食物種類十分齊全，有壽司、刺身、丼、燒物、串燒、定食、拉麵、前菜、炸物及鍋物，餐牌內大多食物勻提供圖片，既簡單易明又吸引。牛舌質感尚算爽口，若加以厚切爽口效果更為顯著，鹽燒把原有輕輕的燒烤香進一步顯得惹味，滴上少許檸檬汁把表面的油膩感除去，有吃過不停的節奏。餐牌內看到必食推介的海膽沾麵看似吸引，決定點選品嚐。麵碗上食材頗豐富，亦覆蓋了整碗拉麵有四隻大蝦、荀、半隻溏心蛋、椰菜片、粟米粒及紫菜2片。另一碗則是呈鮮橙色的海膽醬，醬汁質感呈糊狀，味道帶有淡然明礬味，但海膽鮮味並不突出，加上湯面上的香草碎，配搭不算合適，整體感覺如在喝南瓜湯，把軟腍糊脹質感的拉麵沾上海膽汁後，更突顯出掛麵度甚高，每口也充滿著醬汁，但醬汁杰度隨時間提高，質感變得更漿糊狀，更飽肚。食材方面味道較清淡，溏心蛋黃欠流心，雖然大蝦同樣清淡，但尚算爽口彈牙。在12款丼中選擇了配

傳聞中新蒲崗都有唔少好野食，但通常同朋友黎開都係去mikiki食，畢竟唔係太熟呢邊嘅路。但今次有地頭蟲帶路揾野食，就梗係放心跟住去啦！餐廳唔算好大間，人流都非常多！雖然我個日係6點去到但基本上都已經坐滿晒人，再晏D可能就要等位先入得。餐廳嘅野食價錢都好大個range，豐憸由人。我呢D冇咩錢嘅就食唔起太貴嘅野，不過都好有好多選擇！每個野食都會送味噌湯同沙律，味噌湯入面竟然有幾隻硯！幾有驚喜！黎到一間叫海膽仔嘅餐廳點可以唔試下佢嘅海膽！雖然呢個海膽三色丼唔算叫好多海膽，但絕對值得呢個價錢！海膽食得出夠新鮮冇怪味，仲有三文魚籽同拖羅蓉幾樣高級嘅食材，CP值真係好高！另一個就叫左個燒左口魚邊丼，上面有唔少黑松露，左口魚份量真係夠晒多！而且好肥美，作為燒左口魚嘅終實fans 真係非常之滿足！啖啖香味！食完都仲有陣陣魚油香同黑松露香係個口度！

同媽咪去新蒲崗處理銀行戶口事務, 經過有間日式餐廳, 門口張貼menu, 主打丼飯、壽司、刺身, 正好lunch hour時段, 餐廳內已坐滿食客, 唯有買外賣返屋企食。入到餐廳, 左邊為click order區, 右邊廚窗放了刺身, 特別係三文魚腩, 望到都流哂口水!外賣點了刺身、壽司同丼飯, 食過覺得刺身、壽司果然味道唔錯! 外賣仲附帶冰包, 可暫時keep到冷藏溫度。【三文魚腩刺身(8切)】HK$88每片刺身均為厚切, 質地爽彈, 充滿魚油香, 超推介!【油甘魚腩壽司】HK$16油甘魚腩微爽, 味道甘香有魚鮮味。【帶子壽司】HK$24帶子肥美鮮甜, 口感滿足。雖然外賣返到去已令軍艦紫菜轉林, 但對整體味道影響不大【芥辣八爪魚軍艦】HK$16八爪魚切成幼粒, 整體有層次, 但芥辣未唔太突出。【香蔥拖羅蓉軍艦】HK$16拖羅蓉質地棉滑帶黏, 有少少京蔥碎係面, 食落有少少唱口。【三文魚大蝦帶子丼】HK$88其中有兩片三文魚都係腩黎, 比起三文魚當然更有魚香; 大蝦微爽帶黏, 帶子鮮甜, 常溫丼飯做底; 丼飯跟沙律、海帶湯, 整個set好飽肚。

疫情關係無得返家鄉食刺身比我發現左呢間係新蒲崗既海膽仔位於新蒲崗衍慶街既海膽仔都要啲時間先搵到入到去好似日式居酒屋咁除左食海膽既菜式仲有串燒、炸物、刺身同定食倍化帶子吞海膽 $88/2件珍寶帶子用炙燒方法燒過面夾住海膽好似三文治咁外面仲有一塊紫菜包住一啖咬落去好滿足帶子好新鮮又鮮甜同新鮮海膽好夾😋活赤貝 $38/隻食親日本菜都會叫貝殼類既刺身今日叫左活赤貝即叫即開既活赤貝一啲都唔腥好鮮甜除左刺身仲有用紫菜包住食既赤貝一次過試哂兩款好正日本令和怪物生蠔 $68/隻呢間都有好多來自唔同產地既生蠔: 日本、法國、紐西蘭等等今次試下日本令和怪物生蠔成隻手咁大既生蠔夠肥美又唔會腥👍芝麻雞翼 $28/2隻食完魚生類要試下啲熟食叫左炸芝麻雞翼即叫即炸上到枱仲熱辣辣雞肉又夠嫩滑😋炸雞軟骨粒 $35最後叫左呢個炸雞軟骨小食配汽水一流呀👍👍

海膽仔果然專注食海膽，佢既海膽食到鮮甜味唔臭，早知就叫多啲海膽野食啦，可惜當日冇左燒海膽。另外串燒牛舌都出乎意料地處理得剛好，口感彈牙但唔韌，調味重黑椒。燒菠蘿多汁香甜。壽司方面可能始終唔係壽司店，飯偏淋有用醋調過但好似多左甜味，大拖中拖色澤同味道都有再新鮮啲既空間。燒三文魚腩切左個角位出黎，唔知以為食緊角切，厚身魚脂豐富。鵝肝壽司反而有驚喜，油香四溢。______________________________🏠 海膽仔📍新蒲崗衍慶街2-32號新蒲崗大廈地下Q號舖💵 350‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾