海膽仔

營業中

休息中

成日喺網上面見人講海膽仔，今次終於去黃大仙呢頭，有機會嚟新蒲崗朝聖啦！黎到海膽仔，梗係要叫好多海膽食物啦，首先見到佢有個好特別嘅菜式，叫做海膽沾麵，見到佢係海膽湯底，似乎係南瓜湯撈海膽，面嘅份量好似都好多，叫咗嚟食。另外再叫一個帶子吞海膽～仲有我最鍾意嘅牛油果蟹子沙律。首先嚟嘅係牛油果蟹子沙律，份量都幾多，兩個人食都可以食到兩碗，蟹肉好足料，你會一路撈一路見到好多蟹肉，菜嘅份量都好多，沙律醬都好多，撈埋一齊食好味。牛油果口感幾正，唔會太林，但係又唔會太爽，味道幾香，生菜都好鮮甜，好味。 帶子吞海膽真係同佢個名一樣，好似一個帶子吞咗個海膽咁，兩牌帶子入邊夾住左一篇完整嘅海膽，好得意！帶子非常巨型，仲有個紫菜包住，點少少豉油Wasabi嚟食，超級正！海膽好鮮甜，完全冇異味，因為喺香港食到嘅海膽通常都有啲怪味，但係呢隻真係好好味！大推。最後就係海膽沾麵，味道特別，整體上係偏甜嘅味道，入邊都好足料，一路不啲湯會見到好多海膽粒，相當足料。入邊嘅海膽味道都係鮮甜嘅，佢d面條屬於比較幼身嘅面條，海膽汁用嚟撈啲面剛剛好會撈晒，一滴不留！👍一定要講講佢四隻蝦，大大隻又脆卜卜，仲有炙燒嘅味道，好味！整體上

咁岩喺新蒲崗附近 行過見到呢間餐廳就隨意入咗去點知竟然有驚喜 嘢食幾好食😱而且非常大份 啱晒我呢啲大食怪😍跟餐送嘅湯 入邊有幾隻蜆仔同埋昆布清淡得黎幾好飲沙律就係正常沙律汁方面就用咗沙律醋啱晒好似我一樣驚肥嘅女士們😎三文魚大蝦帶子丼 $88帶子爽口清甜 非常新鮮🥰大蝦黏口甘甜 仲有好多蝦膏🤩三文魚就正正常常 刺身定食 $118本身落單嘅時候以為係齋刺身點知原來跟個飯結果我哋兩個女仔叫咗超級多超級多嘢🤣🤣因為佢另上個飯好大碗講返啲嘢食先🤓大蝦、帶子同埋三文魚同頭先嗰個丼一樣質素算非常之穩定👍北寄貝好甜好爽口😋吞拿魚冇筋 甘香🤤白身魚就正常發揮🤓帶子吞海膽 $88超級大隻 帆立貝輕輕燒過 令到出邊有啲咬口入邊又鮮甜 雙重享受😍海膽份量多 鮮甜新鮮 👅張相入邊好似冇乜咁係因為個帆立貝真係太大隻🤣🤣令和之怪物 $68@1可以單隻嗌 但我同朋友超級鍾意食蠔🤩所以就直接叫咗半打 😎冇諗過佢大隻到咁樣😱😱成隻手咁大 肉質爽口 比較淡海水味😋比較容易接受👍其實平時食貴價omakase都係食令和所以依度真係好實惠好抵食😍😍😍如果唔係因為我哋唔小心叫咗太多嘢嘅話一定再order多半打😩😩

海膽仔！！！！😍😍好鍾意餐廳個名👦🏻用海膽做主題嘅餐廳唔多，所以今次特登搭的士黎新蒲崗試！！首先，佢性價比相當之高！見到隔離枱叫咗刺身/海鮮丼飯，d刺身好大隻好新鮮，都係百幾蚊😋 今次第一次嚟食，散叫先！一坐低就即係叫左『倍化帶子吞海膽』，招牌菜😍亦都係今餐最滿意嘅一道菜☺️ 帶子好新鮮，海膽亦都好甜，冇任何嘅苦澀味。唯獨是係紫菜林左，如果係脆卜卜就更好。店員好落力推介今日精選嘅鮮魚刺身☺️ 落咗樓下揀魚，最後order左一條『鮃鰈魚Hk$288 』，肉質好彈牙😋！魚骨加咗$38嚟煲湯。仲揀左粒『赤貝』，赤貝肉質好爽口。但比較細隻，好似俾人偷食咗咁🤣🤣 (除咗魚，樓下仲有好多新鮮生蠔🦪、貝類、海膽)另外，刺身都十分新鮮☺️ 我哋嗌左『三文魚腩刺身 Hk$88』同『油甘魚刺身 Hk$48』。全部都係厚切，超級厚，好扺食😋最後叫番啲熱野先，嗌咗『牛舌』、『芝士年糕』。牛舌好厚身，好好食呀！只不過係$28☺️ 炸年糕嘅質素有啲似放題🤣比較油膩，唔太推介。「海膽仔」絕對係可以encore嘅餐廳☺️ 下次會嚟食丼！再試吓其他海膽類菜式😋😋

返工附近，開左日本🇯🇵料理店，當然要約埋同事一齊去食下。個招牌大大個，好易搵到。聽同事講鋪位前身係酒樓，所以入面空間感比較大，有2層，d位唔會好迫，坐得舒服，食先會舒服架麻。雖然叫《海膽仔》，但係食物款式好多，多款海膽料理，仲有不少熟食，唔講以為去左居酒屋。-倍化帶子吞海膽一定要叫黎食！！ 個帶子真心好大隻，從來無食過咁大隻，仲要完全估唔到$88可以叫到2隻咁大隻。入面嘅海膽量都唔少，多到爆出來，仲要係無怪味嫁！！-壽司壽司都比出面大粒，足料！要特別講下明太子海鮮軍艦，d明太子切到一粒粒正方形，食落去特別有口感，推介！！-鵝肝多士上面嘅汁有少少鹹，但配落鵝肝好match令食落去無咁膩！不過得一舊要$48蚊就少少🤏🏿貴。-大根煮牛舌大根好入味，牛舌煮得夠淋！仲要牛舌好多舊，個size 仲大過大根😂都係$68，足料有突。可惜食唔到木板燒港膽😣，唔知係咪太受歡迎。

之前一直都想食呢間海膽屋,因為有朋友食過話抵食，今日 終於有機會捉埋我老公去試。店舖係前面賣外賣，便當，后面及上層有堂食位，由於座位唔多，所以雖然係平日，但我地都等了大約15分鐘。坐好就立即點了最吸引我的倍化帶子吞海膽，一上場好震撼, 大大個帶子切開口，塞滿了海膽，大啖食，大滿足。由於今日特別肚餓，所以再點了一堆飯類，三文魚子手卷及海鮮丼。三文魚子手卷味道鮮美紫菜脆，壽司飯軟諗帶勁。魚生飯有跟麵豉湯,價錢仲好抵。另外order 了三款串燒，燒豬腩肉，牛舌，和牛粒串。最愛燒豬腩肉，由於本身豬肥膏在串燒過程中已經出了油，所以食落口感是香脆，唔油 膩，好味。

平時我極少去新蒲崗 因為附近無乜野行 又好似無乜野食咁🤷🏻‍♀️最近朋友話之前試咗海膽仔 以食海膽為主 仲有生蠔同好多其他和食選擇 質素仲好唔錯💕我咁鐘意食日本野當然要嚟試下啦◾倍化帶子吞海膽帶子配海膽 即係鮮上加鮮啦↗️一大片帶子夾住多到漏出嚟嘅海膽 好刺激 兩種鮮味完全無違和 好夾❣️◽三文魚腩刺身三文魚腩好新鮮 而且係我鐘意嘅厚切😍$88有呢個份量真係好抵食 足足有8片呢◾壽司中拖羅/鰻魚/赤蝦/海膽蝦/鵝肝牛肉/芝士三文魚Menu有清晰顯示邊種係一份一件 邊種係兩件 唔洗擔心預錯份量😉個人勁推介拖羅 好新鮮 入囗溶化 仲有鵝肝牛肉 牛肉燒完都好嫩而且油脂夠 配埋小件鵝肝好不得了💯◽炸雞軟骨係我至愛嘅小食啊🤣食親都停唔到口一粒接一粒 呢度調味都做得好夠 配埋蛋黃醬 轉眼間就成碟無晒🐔◾鵝肝多士多士烘到脆卜卜🍞鵝肝夠creamy多汁 有種入囗即溶嘅感覺◽燒左口魚邊丼最後比呢個丼飯KO咗 比我想像中大碗 唔係淨係話啲飯多 係左口魚邊都有好多片😌左口魚邊入囗好滑嘟嘟好嫩 最鐘意呢種輕燒過嘅效果 夠晒香🐟◾富士山柚子梳打◽信州白葡萄汁兩枝都係日本直送🎌果味都好充足 而且唔係嗰種"假嘅果味"😂你

鋪頭名講到明海膽係必食item，訂座7點，本想叫$88原板炙燒港膽，可惜已經賣晒，所以叫$88（2件）倍化帶子吞海膽。海膽份量冇之前雜誌相咁多，但帶子算大件，海膽帶子都新鮮好味。軟殼蟹手卷份量足，但係炸軟殼蟹只係微暖唔夠脆，感覺似焗返熱...另外，叫咗鰻魚、赤貝、三文魚、帶子壽司，size同味道都正常，壽司飯比較大嚿，好易飽。丼飯$98 有三文魚蓉、帶子、蝦、希靈頓魚、三文魚（每款大概有2件）同鮑魚。味道新鮮，可試多款刺身，性價比高。同樣個底有好多飯，可以衡量食唔食得晒再叫壽司，唔好浪費🙊小食就叫魷魚筒、雞翼、一口芝士。魷魚筒醬汁味濃，口感柔軟唔韌👍🏻 明太子雞翼普通，如果有多啲明太子更咸香會更好。一口芝士外脆內軟，芝味香濃，鍾意芝士人士要試試。座位算闊落，晚餐合共約$720，價錢合理，份量抵食。

新蒲崗不嬲多小店，今日黎搵朋友食飯，就聽佢介紹黎到呢間日本野試下，6點幾去到店內都已經唔少人食緊一入門口就見到擺左唔少刺身同海膽，睇落好新鮮定食方面有好多選擇，無論刺身定熟食都有，價錢大多數都係一百蚊樓下定食跟左沙律細細份，啲沙律好新鮮面豉湯佢個面豉湯有落到蜆去煮，特別有鮮味海膽三色丼呢個丼有海膽，三文魚籽同吞拿魚蓉，每樣嘅份量適中，海膽同三文魚籽都唔會有苦味牛肉濃湯鍋個湯底充滿牛肉味之餘又唔會太油膩，而牛肉肥瘦適中，牛味濃郁，其他配菜好似豆腐同金菇同個湯都好夾加$10烏冬烏冬食落幾彈牙，粗幼啱啱好，而且唔會有平價烏冬嗰種酸味和牛粒串和牛食到有牛脂味，燒得唔會太熟，食落都幾淋埋單人均一百幾蚊，算係新蒲崗內平價嘅日本菜

日本野一直都係香港人嘅至愛。而今次食嘅海膽仔近排係唔同嘅food blog都相當hit。所以我地就決定去試試。海膽仔同其他嘅日本餐廳唔同嘅係，佢係以海膽為主題，所以佢哋都有唔同嘅海膽特色料理，例如倍化帶子吞海膽，木板燒港膽等等。除此之外，佢哋都有唔同嘅飛機直送海產，串燒，炸物等等。我哋揀左星期六7:30食，即使佢有兩層，但好彩預先book左位，因為聽到其他人walk in都無曬位啦。餐廳限時90分鐘。餐廳一入門口就係一個擺曬唔同產地海膽嘅凍櫃，可以俾大家買返屋企外賣慢慢品嚐。再行入啲嘅凍櫃入面就有時令嘅飛機海產，我哋個日就有活赤貝，北寄貝，仲有幾款生蠔，價錢都合理，大家黎到鍾意嘅話絕對可以試試！原本一心想試木板燒海膽，可惜佢話個日已經賣曬，於是我哋叫左一個季節限定嘅珍味丼（$98），套餐包沙律同湯。之後叫左個倍化帶子吞海膽($88)，一隻活赤貝($38)，油甘魚鮫 ($68) 同富士山柚子梳打 ($22)。倍化帶子吞海膽($88)：帶子好大隻，海膽唔腥，值得一試珍味丼 ($98)後尾又覺得唔夠，又叫多咗2件鵝肝多士，細池魚刺身，火炙左口魚邊壽司同海膽軍艦。鵝肝多士算足料，多士都好脆；左

問母親大人生日想食啲乜，佢淨係講左兩隻字：海膽，又唔知係香港一間專sell海膽既專門店有幾難揾，好彩依間位於新蒲崗既小店最近推出左一系列以海膽為賣點既日式料理，成功拯救左小弟既一條小命😊. 北海道海膽（$480/ 100g) 新鮮、味甜，價錢符合心理預期🤣，配合波波飯同紫菜，我阿媽"BOMB💣" 一聲就鯨吞左成板，笑住問我可唔可以嗌多板，咁我當然就馬上轉移視線，嗌左同樣係餐廳皇牌既倍化帶子吞海膽（$88)頂住檔先。隻帶子有我半隻手掌咁大真係有啲誇，輕輕炙燒過令佢既香味更突出，配合海膽夾層可謂一場鮮味既碰撞，係我銀包夾層擦出唔少火花🥲。. 最後見我阿媽未食飽，作為孝子既我即刻嗌多左碟什錦天婦羅（$58）同刺身定食配壽司飯（$118)俾佢品嚐🤪前者比我想像中好食，塊炸衣薄得來唔會太油，而且足足有三隻蝦咁多，後者標榜係由日本新鮮運送至香港，有一定水準，但略嫌吞拿魚唔夠肥美。總括而言，來依度就專心食同海膽related 既菜式啦，聽人講佢爆膽丼都唔錯，下次有機會再試下🤑. P. S. 依間店仲有一個不足之處，就係佢音樂實在較得太大聲，如果想同朋友細細聲傾心事既話，容許我温提一次this is

最近朋友向我推介咗一間位於新蒲崗主打海膽生蠔刺身而且仲好親民嘅小店😚所以襯今日喺嗰頭影相所以順便去埋食個lunch😃餐廳好大有兩層，不過如果唔想排隊等位嘅話記得預先book位，唔係就好似我咁要等一陣先入到去🤧去得海膽仔就當然要食佢地最出名嘅海膽仔啦😍所以我同朋友分別叫咗佢地招牌爆膽丼同埋前菜嘅麵豉湯同出面餐廳食到嘅有少少唔同入面有兩大隻蜆肉而且唔太鹹🤗爆膽丼用咗北海道馬糞海膽同加洲海膽兩款海膽，兩種唔同嘅味道都好有特色💦兩種海膽勁肥美，食落去一啲腥味都冇，反而帶有微微嘅甜味👍🏻海膽側邊仲有啲三文魚籽做點綴，不過如果飯份量多啲就好啦唔係太夠我食🤧而朋友就叫咗雙重三文魚丼😍三文魚腩好唔單止色水靚同新鮮，而且油脂分布均勻🤤同爆膽丼一樣都有啲三文魚籽做點綴🤩地址：新蒲崗衍慶街2-32號新蒲崗大廈地下Q號舖

香港大埔龍尾泳灘啟用大概一個月，不斷有媒體報道發現大量海洋生物，以及泳客被海膽和水母刺傷的個案。有網民笑言，香港政府大可參考丹麥政府當年處理生蠔氾濫的做法：鼓勵市民採集生蠔，大埔龍尾泳灘的海膽問題必能解決。當然，這只是笑話一則，龍尾泳灘本有大量的海洋生物棲息，並不適宜當人工沙灘；另一方面，若想吃海膽，筆者建議大家應該到適當的地方，例如位於新蒲崗的「海膽仔」。環境：✨「海膽仔」的門口跟日本餐廳無異，但內進後會看見一個有如小型水產店的買賣區，陳列出不同種類的魚貝水產，可即時堂食或購買，而買賣區的隔壁是開放式廚房及堂食用餐區。✨裝潢設計主要走親民的日本餐廳路線，擺放了不同品牌的日本酒瓶、掛着和式燈籠及旗幟等，氣氛輕鬆舒適。服務：✨職員態度和藹親切，看見我們吃得狼狽之時，主動給予我們紙巾；上菜速度令人滿意。食物：🍚 爆膽丼 ($168)✨集齊北海道海膽及美加海膽，一次滿足兩個願望！✨配上日本壽司飯、蜆肉味噌湯及沙律，必能填飽肚子。🐚 倍化帶子呑海膽 ($88/ 2隻)✨尺寸驚人！打卡一流！✨這應該是筆者吃過最大的帶子，中間夾着份量多得傾瀉的海膽。🔥 木板燒港膽 ($88)✨廚師以火鎗本地海膽燒

今日特登黎到新蒲崗試下呢間2層既人氣海膽主題日本餐廳，雖然位置遠離鐵路站，但去到依然係滿座真係好犀利！淨係鋪面係呢區已經突圍而出，充滿日本風味❤️ 佢唔單至堂食，仲設有獨立零售區域，可以外賣各款新鮮刺身返屋企慢慢嘆😍 令我諗起日本啲魚生市場，冇得旅行呢到照食可也😋➨原板北海道海膽 100g ($480)以海膽做主題既日本店連店名都係海膽，緊係要叫海膽食，過下口癮喇😍 呢到有海膽系列既期間限定(好搶手架)仲有日本空運直送既原板海膽，今次嗌佐一板北海道海膽，會跟紫菜同波波飯，海膽好鮮甜，漲卜卜，完全唔會腥同苦澀👍🏻 成板食咁先夠滿足🤩➨刺身定食 配壽司飯 ($118)所有定食都會跟沙律、海鮮湯。不得不提海鮮湯真係比其他地方出色，入面既蜆肉好肥超鮮味！又夠熱辣辣👍🏻 刺身有齊三文魚、北寄貝、帶子、珍寶赤蝦、鯛魚、吞拿魚，好豐富而且全部都好厚切，勁大隻😍 非常抵食！➨火炙三文魚腩壽司 ($20/2件)壽司/火炙迷有福了，呢到既火炙價錢好親民，宜家好難食到好味又抵既火炙架啦☺️ 而且燒得剛剛好入口即溶，好幸福！➨火炙鵝肝壽司 ($28/1件)鵝肝相對硬身唔夠肥😂 如果平時好怕鵝肝肥膩感既人就值得一試

今日食既呢一間係位於新蒲崗既日式專門店位置都幾隔涉下，不過行多幾步就有巴士站到去到店前係賣生蠔等既外賣，而後面就係堂食既食物既選擇都幾多，價錢屬正常水平，黎得海膽仔當然就要叫個爆膽丼爆膽真係名乎其實！海膽既份量超多，加埋有3塊紫菜可以夾埋d海膽包黎食！成個餐包括左有爆膽丼，前菜，麵鼓湯，其實都幾豐富！首先講下海膽，佢係好明顯的有2隻唔同款既海膽！一隻用板上，一隻就咁放上飯上面我個人黎講會鐘意板上個隻多D，因為佢係鮮味濃好多，而且感覺比較creamy，very nice!!!

海膽仔 - 全部都係海膽今日嚟到新蒲崗一間日本菜餐廳，更加特別是一間海膽專門店，有多款不同的海膽料理，海膽控一定要來朝聖，餐廳也有提供熱食的丼飯和外賣的服務。海膽三色丼 首先當然要是海膽喇，三色丼有大大塊鮮味海膽、綿綿的吞拿魚腩蓉和爆珠的三文魚籽，三種鮮甜的食材，味道更鮮更豐富。秘製牛舌丼 平時食開和風牛肉，今次試試牛舌，厚切的牛舌，口感軟腍啖啖肉，加上秘製的醬汁，香甜又滋味。生姜豚肉丼 另外點了豚肉丼，豚肉肥殺肉比例適中，燒烤過後口感一流，配上生姜燒醬汁，帶點微微辣味，十分開胃。