影片
更多
2021-09-07
28 瀏覽
好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗🤗今日朋友帶咗我嚟試呢一間小店，佢話嚟食過覺得好正～ 天氣熱有時都會想食下生冷嘢～入口附近雪櫃內有一盒盒加拿大同墨西哥海膽、三文魚、泡芺，亦都見到有新鮮嘅原條魚、生蠔… 開始已經心心眼😍店內設計都幾有特色！有唔同款式有大有細嘅酒桶，同千與千尋嘅Kaonashi（無臉男）公仔擺設～店員話呢段時間冇本地同日本嘅海膽，所以木板燒港膽同海膽拼盤都暫時未有得供應！🍴倍化帶子吞海膽（$88/2件）嘩！好大粒帶子呀！造型有D似刈包咁！😂 帶子刺身中間切開，中間夾住份量好慷慨嘅海膽，外面包住紫菜！先就咁試少少海膽，佢今日用嘅係加拿大海膽，呈金黃色有少少光澤，食落去口感綿滑，非常肥美… 帶子刺身新鮮夠飽滿，軟嫩鮮甜，食落仲有少少火炙味道，睇真D，發現原來貼住紫菜嘅兩邊有微微燒過，令到味覺多一種層次！咁嘅組合咁嘅價錢真係超抵食！超級推介😋🍴北海道鮮鳳趾生蠔（$68/隻）即叫即開，都幾大隻飽滿，落咗少少檸檬汁響面，一啖滑入口，勁creamy又鮮甜濃郁，呢款生蠔嘅海水味唔太重，唔太鹹，啱晒鍾意食肥厚飽滿又creamy 生蠔嘅我！🍴原條雞魚刺身（$328）所有原
回頭指數 ⭐️⭐️⭐️⭐️
開心指數🤗🤗🤗🤗🤗
今日朋友帶咗我嚟試呢一間小店，佢話嚟食過覺得好正～ 天氣熱有時都會想食下生冷嘢～
入口附近雪櫃內有一盒盒加拿大同墨西哥海膽、三文魚、泡芺，亦都見到有新鮮嘅原條魚、生蠔… 開始已經心心眼😍店內設計都幾有特色！有唔同款式有大有細嘅酒桶，同千與千尋嘅Kaonashi（無臉男）公仔擺設～
店員話呢段時間冇本地同日本嘅海膽，所以木板燒港膽同海膽拼盤都暫時未有得供應！
🍴倍化帶子吞海膽（$88/2件）
嘩！好大粒帶子呀！造型有D似刈包咁！😂 帶子刺身中間切開，中間夾住份量好慷慨嘅海膽，外面包住紫菜！先就咁試少少海膽，佢今日用嘅係加拿大海膽，呈金黃色有少少光澤，食落去口感綿滑，非常肥美… 帶子刺身新鮮夠飽滿，軟嫩鮮甜，食落仲有少少火炙味道，睇真D，發現原來貼住紫菜嘅兩邊有微微燒過，令到味覺多一種層次！咁嘅組合咁嘅價錢真係超抵食！超級推介😋
倍化帶子吞海膽
$88
0 瀏覽
0 讚好
0 留言
🍴北海道鮮鳳趾生蠔（$68/隻）
即叫即開，都幾大隻飽滿，落咗少少檸檬汁響面，一啖滑入口，勁creamy又鮮甜濃郁，呢款生蠔嘅海水味唔太重，唔太鹹，啱晒鍾意食肥厚飽滿又creamy 生蠔嘅我！
北海道鮮鳳趾生蠔
$68
0 瀏覽
0 讚好
0 留言
🍴原條雞魚刺身（$328）
所有原條魚都係時令日本鮮魚，我哋揀咗雞魚！刺身魚嚟到嘅時候不禁嘩咗出嚟！好靚呀！每一片都切得厚薄一致，師傅刀工抵讚！👍🏼 呢種魚唔係脂肪型嘅魚，夾落去見到魚肉晶瑩剔透就知道夠新鮮！咬落去係爽口彈牙，魚味屬較為清淡類！之後試另一片點咗隨魚上嘅柚子醬汁，酸酸味味咁，帶返出魚嘅淡淡鮮甜味，好清爽感覺！啱晒夏天食！
原條雞魚刺身
$328
0 瀏覽
0 讚好
0 留言
🍴魚頭魚骨湯（+$38）
叫咗原條魚刺身可以加$38 有個魚湯，奶白色嘅魚湯大大鍋熱辣辣，佢除咗魚頭魚骨外，仲加咗豆腐同蔥花，係濃郁嘅魚湯，食完成餐生冷嘢飲返個熱辣辣魚湯完結感覺係好圓滿嘅～
所有海鮮都好新鮮，價錢相宜，係一間親民又高質嘅小店！
張貼
