海膽仔

營業中

休息中

之前幫襯「海膽仔」係買過一次熱食外賣，發覺半個鐘後先品嚐都仲keep到好味，眼尾見堂食都叫做有十張2人枱咁上下，而且想試吓佢啲海膽係咪咁正。二人枱就真係偏迫偏細，仲要旁邊一定放盒飯子筷頂住啲空間；凳就算舒服不過凳下冇籃放大袋，枱與枱通道較窄。嗌咗個「S3海膽丼」，三文魚籽下面嗰撮海膽就冇餐牌嗰堆咁大撮，魚籽亦得幾粒，紫菜亦只得3片，唔會包得哂入面接近兩大碗嘅飯量。至少都做到幾新鮮，每瓣海膽似小舌頭般完整有緻，飯面海膽食落就幾鮮幾清甜，到食到一版嗰堆海膽，唔知係咪另一品種喇，發覺係另一種味道，海鮮羶味勁好多，海膽味亦厚重啲，令我諗起馬糞海膽陣徐，配埋正常攻鼻正常辣嘅wasabi，比較上留記憶啲。另外嘅「K7汁燒雞扒丼」飯多雞扒件數多，仲要跟埋幾好味嘅麵豉湯同沙律，夠哂飽，都係六十蚊左右算抵食。

是咁的，當日我地二個女仔， 諗住近近哋屋企附近試下呢一間嘢， 見openrice上面都幾多like， 又有活魚刺身， 平時我哋都經常食日本料理。。。 我哋係想今次試得好日後會包房一大班人去食。一坐低，屬於酒鬼嘅我哋， 第一時間係叫酒， 當我哋問到侍應（ 應該係比較話得事嗰個） 我哋話叫一支1.8L sake， 佢第一時間嘅反應就係 （嘩1.8？） 我立即笑住話可唔可以呀， 佢話當然冇問題啦兩個人， 佢自己同朋友平時都係咁樣。。。到問到活魚嘅時候， 昨日太多人客啦淨返兩條， 一條係淡味魚我哋唔啱， 另外一條池魚王佢話我哋兩個食唔曬。。咁好啦我哋散嗌其他啦。。生蠔同海膽係正常質素嘅。。其他散嗌嘅刺身當然係唔ok啦（ 所以我都費事影）咁我哋兩個女仔一直喺度傾計啦。。 到大約五點零嘅時候， 我見到待應攞我哋張單埋黎， 我望一望免收咗加一服務費。 我都無太理會隔咗一陣大約六點零鐘， 侍應收咗本身嗰張單， 再出另一張單畀我哋， 我見有收返服務費當然我覺得收服務費唔係一個問題， 但我都好奇問一問（ 嗰個好似話得事嘅侍應）點解剛才嗰張單免咗服務費而家呢一張單又要收嘅佢答我，因為我哋坐得太耐喇，所以我要

$138 就有哂貴嘅食材丼,唔怪之得係新蒲崗餐廳排列頭幾位！唔好以為價錢平就將貨就價,除食材新鮮外,亦見賣相有花過心思！尤其是海膽用木板上,真係為打咭以設😁除海膽味甜外,三文魚籽粒粒飽滿,拖羅蓉肥美,嚟這裡唔食這個丼真係會後悔！午市定食有包沙律同麵豉湯,麵豉湯不是普通貨,料非常多,真係見到餐廳用心去維持食物質素！同行人叫咗叉燒拉麵,兼用優惠價追加帶子刺身同吉列生蠔！相比丼的話,拉麵就有少少比下去,唔係話唔好味,係丼做得十分出色啫！帶子非常鮮甜,唔似係冰鮮雪藏貨👍🏻👍🏻吉列蠔：炸粉唔厚,蠔亦唔會炸到乾身！再叫熔岩海膽魚餅,唔好睇佢烏卒卒嘅外表,入面包住流心嘅海膽,真係好食到不得了最後試埋個海膽豆腐,豆腐好香黃豆味同滑,完全唔同“百x”嘅質素,海膽就係味濃嘅加拿大膽,真係絕配！餐廳仲免收加一添,所以係同區食日本菜的話,海膽仔已經係我不二之選了

壽司定食 (配麵豉湯+沙律)($128) 2.5/10前菜個麵豉湯係死咸麵豉湯，沙律正常發揮。見到壽司嘅樣就知大部份壽司都唔掂檔，除咗香蔥吞拿魚同三文魚籽壽司比較正常啲之外，其他全部都係雪味/冇魚味，連海膽同三文魚都係伏🥶 第一啖食蝦同帶子真係中哂大伏，完全唔鮮甜，好恐怖🥲 同埋佢個壽司飯都唔好食，勁似劣質泥膠，又漲又痴又冇醋味，完全係衰過五X嵐Level嘅質素💩三文魚大蝦帶子丼 (配麵豉湯+沙律)($88) 6.5/10呢個丼飯正常過壽司定食好多，粒帶子、三文魚、同蝦都新鮮，起碼冇定食咁伏。不過個飯一樣都係咁奇怪🥴Extra comment🖍•本身想叫海膽丼，點知佢話冇得叫，去到海膽仔冇得食海膽okok，但叫壽司定食又有海膽，點知就伏到坐直升機🚁

🍭海膽仔🍭屯馬開通真的很興奮🎶新蒲崗有好多好西等你發掘🎵😝而間以海膽做主題既餐廳, 係新蒲崗係出曬名🔥平❗️靚❗️正❗️▶️海膽丼 ($168 包沙律+味噌湯)👍🏻👍🏻👍🏻來海膽仔梗係要試佢既海膽啦😍唔同時令會用唔同既海膽~ 今次我食既係加拿大海膽😄入口甘甜❗️超級creamy❗️完全唔腥❗️😋而個丼飯有半盒海膽, 仲要超大隻❗️仲配埋沙律同湯, 超抵食😆😆▶️汁燒雞肉丼 ($58 包沙律+味噌湯) 👍🏻👍🏻除左海膽同刺身, 仲有熟食既丼飯揀~而個汁燒雞肉丼雞肉又大份又嫩滑😛 平靚正👍🏻真心抵食❗️食材新鮮, 性價比高~ 💯❗️😍評分: ⭐️⭐️⭐️⭐️⭐️

📍海膽仔 (新蒲崗)雖然而家禁堂食，但係鍾意食但係鍾意食日本野、魚生既竹我，都係忍唔住走去都係都係忍唔住黎食番餐好既。不過入到黎見到其實好多人都係外賣拎走，其實下次都可以考慮吓外賣。🍱 海膽三色井 配 沙律 海鮮湯 ($138)一送上枱，外貌真係要俾個一百分。師傅將啲三文魚籽、吞拿魚蓉、海膽排位排到到好澎湃，打卡一流。海膽鮮甜，絕對冇奇怪嘅腥味苦味，入口相當creamy。配上三文魚籽、吞拿魚蓉，就更加鮮甜又口感十足。整體來講，分量十足，食完超飽，好滿足。🍣 中拖羅壽司 ($88)仲有啲唔夠喉，就變咗最鍾意食嘅中拖羅，肥美鮮甜，相當厚實，好食。🍸 水蜜桃味汁 ($22) 日本嘅嘢飲通常都幾好飲，呢支水蜜桃汁就正正常常啦。📍新蒲崗衍慶街2-32號新蒲崗大廈地下Q號舖

📎炸南瓜天婦羅上枱嘅時候熱辣辣，外皮鬆脆得來唔會太油膩，南瓜軟糯香甜，唔錯🤤📎三文魚腩壽司三文魚腩好香魚油味，配搭埋壽司飯啱啱好📎海膽軍艦嗰日海膽軍艦做緊特價試咗兩件🙈海膽非常新鮮，以呢個價錢都唔錯，帶輕微甜味唔會腥😛另外套餐亦都有另一款海膽壽司，味道再甜少少，質感上亦都相對比較creamy📎牡丹蝦壽司牡丹蝦好新鮮，而且超級大隻🙆🏻‍♀️黑頭裏面嘅膏都幾鮮甜📎吞拿魚蓉壽司吞拿魚份量非常慷慨😂入口都好重油脂嘅香味🤤

🤑 三文魚大蝦帶子丼 $88🤑 雙重三文魚丼 $78🤑 加拿大海膽 $248🤑 三文魚腩手卷 $18 ———————————————星期六晚family night同屋企人試日本料理🥰上網睇review好似唔錯 決定試下 再share我嘅review比大家😊舖頭望落好細 得幾張枱 但原來有樓上位置 唔算好full當然最好 可以先打去book位 咁就萬無一失🤣🌟 三文魚大蝦帶子丼 $88 🌟所有刺身都大大舊 低於$100嘅情況下 完全驚喜🙈三文魚切到好厚 尚算新鮮 好滑好香三文魚油香味😋大蝦都對得住個名 相當足料👍🏻帶子大大粒 好厚實😚好多飯 食完超飽 好滿足😆🌟 雙重三文魚丼 $78 🌟係三文魚+火灸三文魚飯🤣刺身同樣厚實 啖啖肉 好吸引😋🌟 加拿大海膽 $248 🌟有得揀 加拿大/墨西哥/韓國 嘅海膽 問左職員意見後 我地揀左濃味啲嘅 加拿大海膽食完覺得唔係好重味🧐重點係 好腥😣唔係想像中咁好食 有啲失望 可能下次試其他款式嘅海膽🧐🌟 三文魚腩手卷 $18 🌟街舖價錢 高級質素😍冇諗過咁平嘅三文魚腩手卷可以咁正！三文魚腩超厚 非常香 有少少入口即溶嘅感覺😚性價比超高😊————————

今日專登都去咗呢一間餐廳度試吓，之前有朋友食過話好好食，所以都忍唔住走過去食飯叫咗一個黑豚肉眼定食！大大份嘅定食都只係$98 ，絕對係超值！而且呢度嘅黑豚豬肉真係好好食！豬肉非常之嫩！估唔到黑豚肉係咁滑的！而且入口嘅時候真係好林，再加埋珍珠米！配合得天衣無縫！一間好正嘅外賣小店

位於新蒲崗嘅小店一入門口係賣海膽同生蠔嘅雪櫃行入啲先係餐廳餐牌都算多選擇Lunch時間黎食，同朋友一人揀咗個刺身丼🥢海膽三色丼 ($138)海膽放喺個細細嘅板上面，好似高級咗😜仲有紫菜可以包住海膽食海膽味道鮮甜，吞拿魚腩蓉同魚子質素都唔錯😋🥢三文魚大蝦帶子丼 ($88)三文魚油脂分布平均🍣切得算厚，咬落幾有口感蝦都好大隻，肉質鮮甜🦐，帶子正常跟餐有麵豉湯同沙律🥗同區唔多同類型日式餐廳黎開呢區想食刺身，都可以再幫襯

海膽仔的壽司做得不錯，疫情關係就唯有外賣，賣相好吸引，咁多壽司最愛是幔魚壽司跟幔魚手卷。帶子壽司也很是至愛，食材夠新鮮同鮮味，另外叫左熟食-明太子雞翼都整得好食。呢間價錢合理，份量足夠，性價比高，食到飽飽。

今次第二次去到位於新蒲崗嘅海膽仔，海膽仔除咗新鮮海膽，仲有多款唔同嘅海鮮刺身，另外仲有丼飯、手卷、生蠔、日式燒物等選擇，種類豐富，今次一於試吓之前未試過嘅日式美食。刺身定食刺身定食豐富，共有六種刺身，包括三文魚、牡丹蝦、北寄貝、油甘魚、吞拿魚等，每款都大件鮮甜。個人最鍾意食佢嘅牡丹蝦，好大隻，食落鮮美爽口，定食仲包一碗壽司飯，分量十足。海膽三色丼三色丼有三種唔同嘅刺身，海膽好creamy，味道好鮮甜 ，入口即溶，木板上海膽配可配合壽司飯同日本紫菜食用，加上豉油同芥末，令味道層次更加豐富。仲有三文魚籽，粒粒都晶瑩剔透同飽滿，食落口感脆嫩；另外吞拿魚茸幼細香滑，加上吞拿魚嘅油甘香用嚟攪勻啲醋飯食唔錯。跟餐另配上新鮮沙律菜同面試湯，性價比高。軟殼蟹手卷手卷一放上枱要即刻食，紫菜先夠爽脆，軟殻蟹係即點即炸，炸得好酥脆，加埋沙律醬好夾好惹味，而手卷嘅飯粒粒粒分明，帶啲醋香。烤油甘魚鮫外層燒得香脆，魚鮫仲黏住唔少魚肉，咬落啖啖肉，魚肉肥美香滑，味道仲帶出魚油甘香。三文魚鰭其中一個最鍾意嘅炸物，三文魚鰭炸得香脆可口，油脂味突出，外皮脆口，魚肉嫩滑，除咗好味之外，仲帶有豐富營養。

睇佢舖名叫做《海膽仔》，就知呢度主打海膽，除咗主打嘅海膽之外仲有時令海產、生蠔、刺身同壽司🍣⋯⋯一入去就見到大大個雪櫃放滿唔同種類嘅時令海產🐟🦪有日本直送嘅生蠔🦪即刻揀返兩隻嚟試吓🦪日本厚岸生蠔$48🦪日本令和生蠔$68兩隻都肥大肉厚😍淡淡嘅海水味，入口creamy🤤🍣壽司定食 $128🍜自家製叉燒拉麵 $68壽司定食包埋沙律同麵豉湯，壽司件件都好大件，仲要有成11件咁多，當中仲有埋海膽壽司，海膽好鮮甜喔🤤三文魚籽大大粒，入口脆嫩👍🏻呢個定食性價比高好多地方嘅叉燒薄得嚟食落會好乾好柴，呢間就唔會，半肥瘦好有口感👍🏻✨活赤貝 $45活赤背即叫即開，味道鮮甜✨蟹籽沙律 $48份量幾多，食落口感清爽🍣芥辣八爪魚軍艦 $16🍣火炙醬燒蟹棒壽司 $18芥辣八爪魚爽口有彈性，醬燒蟹棒被火炙後更醇香，一啖食落去超滿足✨味醂魚乾 $88✨炸雞軟骨 $38兩款小食都係即叫即整，熱辣辣，味琳魚乾入口油脂清香，口感一流！而雞軟骨就夠晒香脆👍🏻價錢親民，食材新鮮，服務貼心💕值得再試

📍 海膽仔難得嚟到新蒲崗一定要去海膽仔🤭，之前已經聽人哋介紹過餐廳門口係外賣區，有多款時令即開生蠔、刺身、海膽等。價錢唔貴亦公道，值得一試👅門口嘅裝修風格好似日本嘅居酒屋🏮，呢輪食開嘅嘢都係日本嘢真係好掛住日本呀🤤店員好快安排我哋坐低。枱上面有一壺茶，呢壺茶對於我哋成餐午餐非常重要，可以解滯。🔸海膽丼(包餐湯、沙律) $168首先講吓呢個麵豉湯同普通嘅麵豉湯相比之下好足料，有福袋皮、豆腐、海帶，配料好豐富，加分⭐️。沙律菜亦都好新鮮，醋汁嘅份量調得剛剛好。成兜食晒😋黎到海膽仔一定要食海膽😎我今日就叫咗海膽丼，返上面有一版迷你嘅海膽仔，另外仲鋪上超巨量海膽😻，$168可以食到咁多海膽其實真係好抵🤫海膽鮮甜之外味道亦好濃郁，口感creamy👍🏻very good，完全唔腥🙌🏻聽講佢哋唔同時令會使用唔同嘅海膽😌我仲食到海膽有浸香味，唔識形容但係就好似花嘅香味咁樣😻😻 🔸芒果蟹肉沙律 $68上菜嘅時候爭啲嚇親我呀，我冇諗過係咁大兜🤣好似食緊巨大化沙律咁🥗芒果嘅鮮甜真係蓋過左蟹肉味😆🔸松葉蟹膏蟹籽軍艦 $38滿滿嘅松葉蟹膏，望住已經流晒口水😌，呢一個暫時係我食過最濃郁嘅蟹膏壽司🍣，咬咗一啖蟹膏嘅味

📍海膽仔🔗新蒲崗衍慶街2-32號新蒲崗大廈地下Q 號舖———————————————————————經過鑽石山想嘗試一下小店，於是在新蒲崗找到一間日本餐廳🇯🇵.牛肉烏冬煲定食（$68）🐂湯底為壽喜燒，牛肉份量適中(大約五至六片)🐂，並會有大量配菜，烏冬軟身質地，屬於正常水準✅汁燒雞扒飯（$58）🐓🥚賣相非常吸引，而且雞扒份量很多🍖雞扒肉質屬於軟身🍛，配上照燒汁適合配飯🍚加多一點蔬菜就更好✊🏻🤣三文魚刺身（$88）🍣三文魚品質新鮮，融雪處理做得好🧊❄️.整體來說，這間餐廳性價比高，水準不過不失✅下次可以約埋一班朋友飲下日本清酒享受食物也不錯🥰🥰🤣好味程度🥰：8/10性價比程度：8.5/10儀式感程度🍯：6/10會否再到餐廳✅：MAYBE