更多
2022-01-04
34 瀏覽
🍽海膽仔 對於海膽仔好感不大嘅我一直都冇咩衝勁去試呢間餐廳,今日出於一個陪朋友嘅心態嚟呢度食嘢,估唔到又幾有驚喜🤍海膽三色丼($138)可以話係色香味俱全嘅一個丼飯!本身三樣嘢嘅顏色都極鮮艷,而且味道亦都係好新鮮,份量亦都唔少,可以每啖飯都有餸~啖啖鮮味~平時我好怕海膽嘅腥味,呢度算係我食過腥味比較冇咁重嘅海膽!🤍三文魚腩($88)一份三文魚腩足足有八塊咁多,而且每塊都係厚切,亦都新鮮好味,絕對係魚生愛好者嘅恩物!🤍甲羅燒配法包($68)兩塊法包都係極香脆,配上分量充足嘅甲羅燒,同埋少少檸檬汁,令到佢啖啖鮮香🤍芝麻雞翼($32)一份兩隻,兩隻都皮脆肉嫩,而且雞翼本身好入味,亦充滿芝麻香🤍熔岩海膽魚餅($38)睇落佢嘅賣相冇咩特別,因為黑蚊蚊唔太吸引,但係一咬落去就即刻有海膽熔岩流出嚟,橙色嘅海膽同魚餅形成強烈嘅對比,真係好似熔岩湧出咁嘅樣,相當特別🤍炸蝦蟹子卷($36)炸蝦雖然俾啲壽司飯包住,但係仍然保持到炸蝦嘅香脆,咬到落中間感覺到層脆炸皮好驚喜~💰人均消費:約$300📍 新蒲崗衍慶街2-32號新蒲崗大廈地下Q號舖
對於海膽仔好感不大嘅我一直都冇咩衝勁去試呢間餐廳,今日出於一個陪朋友嘅心態嚟呢度食嘢,估唔到又幾有驚喜
🤍海膽三色丼($138)
可以話係色香味俱全嘅一個丼飯!本身三樣嘢嘅顏色都極鮮艷,而且味道亦都係好新鮮,份量亦都唔少,可以每啖飯都有餸~啖啖鮮味~平時我好怕海膽嘅腥味,呢度算係我食過腥味比較冇咁重嘅海膽!
🤍三文魚腩($88)
一份三文魚腩足足有八塊咁多,而且每塊都係厚切,亦都新鮮好味,絕對係魚生愛好者嘅恩物!
🤍甲羅燒配法包($68)
兩塊法包都係極香脆,配上分量充足嘅甲羅燒,同埋少少檸檬汁,令到佢啖啖鮮香
🤍芝麻雞翼($32)
一份兩隻,兩隻都皮脆肉嫩,而且雞翼本身好入味,亦充滿芝麻香
🤍熔岩海膽魚餅($38)
睇落佢嘅賣相冇咩特別,因為黑蚊蚊唔太吸引,但係一咬落去就即刻有海膽熔岩流出嚟,橙色嘅海膽同魚餅形成強烈嘅對比,真係好似熔岩湧出咁嘅樣,相當特別
🤍炸蝦蟹子卷($36)
炸蝦雖然俾啲壽司飯包住,但係仍然保持到炸蝦嘅香脆,咬到落中間感覺到層脆炸皮好驚喜~
💰人均消費:約$300
📍 新蒲崗衍慶街2-32號新蒲崗大廈地下Q號舖
張貼