海膽仔

營業中

休息中

難得去到新蒲崗，朋友就提議不如試下呢間專食海膽同刺身嘅居酒屋!倍化帶子吞海膽 $98 帶子厚身大件，同入口即溶嘅海膽有反差嘅口感，一啖食真係好滿足～鮮甜嘅海膽加淡而鮮嘅帶子非常夾！紫菜再脆DＤ就完美了海膽三色丼 $138有大約半板加拿大海膽，同上一樣咁新鮮由於拖羅蓉冇太多調味所以指定動作:撈飯加鼓油夾紫菜，正！三文魚籽大大粒又唔腥，咸鮮味出定食包埋嘅沙律菜好新鮮，沙律醋酸酸甜甜夠開胃！刺身定食 $128 ‼定食性價比超高，7款刺身，每樣2件，包括三文魚腩、帶子、油甘魚、鯛魚、希靈魚、蝦、北奇貝。甘蝦大隻又鮮甜！希靈魚魚子部份多又爽脆，三文魚腩魚魚味濃烈，鯛魚清新冇筋。定食附送味噌湯，日本米飯同沙律，咁抵要去邊到搵！！油甘魚刺身 $48超級厚切，油脂豐富又新鮮。池魚刺身 $48想叫熱食，奈何廚房冇人所以唯有叫多個刺身。味道偏淡，肉質爽滑，建議配白飯，突出口感總結：九龍區想平食海膽的話非常推薦

閨蜜近期完成左佢既見習護士生涯，要帶佢食西當慶功。呢度咁fresh 又juicy 既海膽同海鮮系價錢商宜真係性價比高。一向我都係鐘意食比較creamy 既 #gillerdeau 但係黎到呢度既時令生蠔有前所未見既西班牙生蠔Eternia，分別係Eternia 係海水味重d既生蠔，原汁原味食都好夠滋味。如果想用商宜的方式去食海膽，我就會叫呢個有海膽喺凍豆腐上做topping 既小食，兩樣加埋一齊就係我既perfect大愛了。而我既閨蜜當然不只對又fresh 又juicy既西班牙生蠔大讚，仲好喜歡呢間店中所有既「無臉男」擺設！

好多人都講話呢到有間隱世食店，主打海膽。鐘意海膽既me當然要來睇睇。Menu上除左海膽，仲有好多不同類型既日本菜：串燒、拉麵、丼、壽司，而亦都有大當酒同飲品選擇，係一間好齊全既居酒屋。倍化帶子吞海膽 - $98未黎前睇到人地既食評，黎到一定要食呢個。果然無令我失望，真係好正！手掌咁大既帶子，包住滿滿既海膽，除左鮮甜，都搵唔到其他形容詞，滿足！海膽丼 - $168 配沙律、麵豉湯+ $10 波子汽水呢個又係未黎都想試既，見到帶天有一小板海膽，再加碗上既兩條，又係滿滿既海膽呀！ 海膽有淡淡海水味，唔會腥， 除左可以就咁配飯食，仲可以用碗旁邊既紫菜包住當小手卷咁食。 跟餐既沙律，菜爽口，配上沙律汁好開胃。而麵豉湯入面麵有好多豆腐卜同海帶，有咬口。加十蚊要有波子汽水，好抵飲。芒果蟹肉沙律 - $68蟹籽沙律食得多，今次呢個係換上芒果同蟹肉，個底就同蟹籽沙律一樣，係青瓜絲加沙律醬，已經好fresh ，但再加上甜甜既芒果，就更加fresh. 蟹肉都唔少，比得好大方。饅魚芝士卷 - $36呢到既卷物都係性價比之選。饅魚有微微燒過，上到枱表面仲暖暖地，入面包住青瓜同芝士粒，好夾。秘製牛舌拉面 - $6

前排喺新蒲崗做嘢，收工見有少少肚餓就喺對面街見到有間食壽司🍣嘅舖頭都好似唔錯，有勁多人喺門口等外賣，入到去睇餐牌樣樣都想食，唔知係咪lunch食得太少嘅關係，我同個同事有眼闊肚窄，樣樣都想叫你食，最後叫咗壽司定食+刺身定食+牛油果軟殼蟹卷+鵝肝壽司+赤背壽司+帶子壽司+火炙三文魚，成張枱都唔夠牌，唔講以為係四人份量，估唔到刺身質素都OK，同埋份量真係好大，我自己就勁鍾意火炙三文魚，油脂分布剛剛好，真係食完第二朝早餐都仲飽緊😅

新蒲崗算係一個工業區平時都好少嚟嘅但係咁岩經過呢就食朋友推介嘅依間日本餐廳周邊嘅舖頭都閂晒門唯獨係依間仲係開着燈同埋門面好靚佢嘢食嘅品種好多 同埋好多價錢都唔係話好貴10分親民依間鋪叫海膽仔緊係要試吓佢哋嘅海膽所以就叫咗呢個海膽丼海膽嘅份量10分多同埋好鮮甜三文魚帶子鵝肝丼啲三文魚同帶子好肥美好有口感 同好鮮甜兩個丼飯都會包埋一碗味噌湯同埋沙律牡丹蝦10分鮮甜完全冇腥味明太子雞翼兩隻$28超抵食又炸得好香脆帶子海膽卷完全滿足左兩個願望可以食到肥厚嘅帶子同埋海膽嘅鮮味

原來係人氣店，冇訂位真係一枱難求。我哋都係因為六點前 walk-in ，先有機會坐低。食材同埋食味其實都係 fair deal，叫咗個時令推介海膽豆腐⋯ 但係兩個食材，都係冇感情交流，浪費了。呢啲居酒屋，其實香港每個地區需求都應該幾大，但係點解好似越來越少？

前排同朋友食咗呢間幾抵食嘅日本菜，選擇多而且價錢唔太貴，質素又唔錯～🔘海膽三色丼 $138呢個丼飯性價比幾高，有海膽、吞拿魚蓉同三文魚籽，呢間餐廳叫得海膽仔一定要試吓佢嘅海膽，有鮮味仲有少少回甘!! 🔘壽司定食 $128丼飯同壽司定食都跟沙律同麵豉湯，壽司款式幾啱我口味，有帆立貝、大蝦、三文魚、吞拿魚、海膽等等，全部都偏大件好足料，刺身有光澤肉質細緻，質素普遍幾好!! 🔘火炙鵝肝壽司 $58呢個價錢有兩大塊鵝肝算係咁，鵝肝燒得香口，一咬落去油脂爆發出嚟，正!! 🔘炸蝦蟹子卷 $36呢個印象比較模糊，味道應該係正正常常，唔特別出色又唔太差!! 🔘厚燒鰻魚手卷 $28鰻魚好味幾肥美，冇咩細骨唔腥!! 🔘吉列生蠔 $38又係抵食之選，有四件吉列蠔，剛剛炸起，非常酥脆! 餐廳座位唔算多，係小店嘅格局，佢嘅無臉男裝飾幾可愛呀~

朋友介紹新蒲崗日本野，海膽仔，一聽個名勁吸引，gooooo海膽丼，跟沙律,麵豉湯$168:海膽有兩款，鮮甜肥美，份量唔少，yummy蟹籽沙律$48: 比較清淡唔太多料牛油果軟殼蟹卷$38: 只有4粒，牛油果薄，一般厚燒鰻魚串$28: 肉厚肥美，皮微焦，正牛舌串$28: 夠肥厚，不過醃製不足中間冇咩味熔岩海膽魚餅$38: 黑色賣相好神秘，咬開濃厚海膽漿，好正！章魚燒(6件）$32: 粒粒有章魚甲羅燒配法包$68: 蟹膏豐富仲有生蛋，可惜多士只有兩件，其中一人只好用飯伴黎食燒茄子$48: 超大條茄子，又厚，蒜蓉味如果濃d就仲正海膽豆腐$68: 比較細份，唔係滑豆腐有d失望吉列生蠔$38: 夠晒香脆，蠔唔算大但鮮味味醂魚乾$88: 剛烤好熱辣辣好好味食物整體都唔錯，價錢唔貴，坐樓上感覺比較壓迫。服務麻麻，一直強調8點交枱，但根本沒滿座。重點係食物未齊但問幾次夠鐘，服務態度好差。

身為新蒲崗街坊，海膽仔的出現真心感到開心。性價比及質素叫你成日掛住佢。唔講咁多開波先，首先係👈🏼👈🏼👈🏼【海膽】口感質量 8/10新鮮度 8/10味道 👅配料配搭8/10賣相擺盤 8/10份量 包足感 8/10整體⭐️ 8/10⭐️💪🏼💪🏼💪🏼👍🏼👍🏼👍🏼🤭【海膽刺身飯】口感質量 9/10新鮮度 8/10味道 👅配料配搭8/10賣相擺盤 9/10份量 包足感 10/10整體⭐️ 9/10⭐️⭐️⭐️💪🏼💪🏼💪🏼👍🏼👍🏼👍🏼🤭🤭🤭【生蠔】口感質量 9/10味道 👅香醬汁配料配搭9/10賣相擺盤 9/10份量 包足感 10/10整體⭐️ 9/10味道係正到無話可說啦🤭🤭🤭⭐️⭐️⭐️💪🏼💪🏼💪🏼👍🏼👍🏼👍🏼🤭🤭🤭【蟹籽青瓜沙律】口感質量 8/10新鮮度 8/10味道 👅配料配搭8/10賣相擺盤 8/10份量 包足感 8/10整體⭐️ 8/10成件事係沙律有驚喜，份量都好好⭐️💪🏼💪🏼💪🏼👍🏼👍🏼👍🏼🤭😉😉🙌🏻🙌🏻🙌🏻【前菜沙律及麵豉湯】口感質量 7/10新鮮度 8/10味道 👅配料配搭8/10賣相擺盤 7/10份量 包足感 8/10整體⭐️ 8/10⭐️💪🏼💪🏼💪🏼👍🏼🤭🤭總括來說：質量及價錢都高分，值得來一試🥹🥹🙌

終於試到這間以海膽為主題的日本餐廳，十分吸引😍 食物選擇十分豐富，價錢合理質素高，性價比高，值得一試👍 餐廳好受歡迎，店舖空間細，座位較少，平日晚市時間滿座晚市二人消費：$495（連加一費用）食評💖💖💖𝑨𝒑𝒑𝒆𝒕𝒊𝒛𝒆𝒓沙律 ($Free)✨麵豉湯 ($Free)✨湯料十分豐富，味道香濃而不鹹𝑭𝒐𝒐𝒅海膽三色丼 ($138)✨海膽、吞拿魚蓉、魚籽，樣樣鮮甜，包紫菜食更好味😍 份量多燒左口魚邊丼 ($108)✨黑松露味超香濃，左口魚邊好嫩滑，倍化帶子吞海膽 ($98/2件)✨熱門菜式，大大粒又厚身嘅帶子夾住海膽，賣相十分吸引🤤 十分軟嫩！吃下去雙倍鮮甜 熔岩海膽魚餅 ($38/3件)✨有驚喜！熱騰騰，外層的黑色魚餅煙韌彈牙，中間用了海膽醬做餡料，咬下去滿滿的海膽溢出🤤吉列生蠔 ($38/4件)✨熱騰騰，外皮炸得十分酥脆，口感滿分🥰火炙鰻魚壽司 ($18/2件)✨正常水準👍 鰻魚口感軟嫩，很不錯三文魚壽司  ($12/2件)✨正常水準👍

雖然鋪頭個名好港味，但鋪頭設計好日式地道，前鋪係賣新鮮魚生海鮮，後鋪就可以堂食，令我諗起係北海道食海鮮嘅感覺。食物方面，海膽質素對得住佢個名，的確係唔錯，該有的口感同鮮甜都有，可以挑剔嘅係個溫度低返少少的話，應該可以更突出佢海膽嘅鮮甜。米飯無乜特別煮得好好，所以海膽撈埋飯唔會覺得有加分，海苔一樣好平常，應該係無炭火烘過。推介可以直接買佢嘅魚生，價格都Okay，丼飯就睇心情啦。另外最後就係職員同餐牌都無介紹佢地用咩海膽，如果有返會比較好。

👧🏻Wodafoodie in San Po Kong✨😍極邪惡膽固醇之夜～😋🤭呢間係新蒲崗既日式小店雖然唔係好起眼係鑽石山站要行10分鐘但佢既性價比好高 又有d特色item呢晚我同朋友真係食得好開心好滿足🥰✨倍化帶子吞海膽 $98個名改得好得意！原來係超大粒帶子入面有海膽 出面再用紫菜包住 帶子厚身又爽口 海膽又好鮮甜 好鬼正🤤‼️‼️✨🦀甲羅燒配法包(2件) $68熱辣辣既蟹蓋裝住巨量蟹膏同蟹肉🦀撈埋隻生雞蛋 再搽上法包 超好食！🤩我試過去一d居酒屋食甲羅燒要$200+呢到真係平靚正！😋✨😈鵝肝多士 $48厚切鵝肝一咬落去入口即溶⋯⋯個種油香真係令人欲罷不能！建議叫一人一件☺️✨🐟三文魚刺身(8切) $68呢個真心大推！三文魚厚切又勁鮮甜！肉質細膩 口感爽滑我個三文魚控既朋友都讚不絕口😍😍✨🦑原隻日本鱿魚筒 $98鱿魚口感彈牙 味道香濃配埋帶點甜味既燒汁 好惹味呀～🥰✨🐮和牛粒串 $38呢個和牛粒相比其他實在遜色左d 醃得唔夠入味 要點豉油食🤣✨🍣三文魚香芒加州卷 $38成晚最多澱粉質就係呢個加州卷🤣芒果爽甜 三文魚上面仲有芝士帶出點埋豉油 真係大愛呀！🥰😋📍 海膽仔 (新蒲崗)新蒲崗衍

倍化帶子吞海膽 海膽俾帶子夾住，紫菜又夾住海膽，相當吸引。一擺落口海膽隨即溶化，加上超級厚肉嘅帶子，鮮甜味美😍月替定食 三文魚帶子鵝肝丼 全都好大大塊，仲有面豉湯同沙律，好滿足❤️三文魚連埋邊皮厚切，極富口感；帶子又係好鮮甜高質；鵝肝燒過有脆邊口感，略為燒乾左小小。花之戀選擇有8款咁多，今次試試黑松露玫瑰花之戀、蟹膏花之戀、香芒花之戀黑松露玫瑰花之戀 外層模仿玫瑰花瓣嘅係吞拿魚刺身切片，蓋上滿滿肥美嘅吞拿魚蓉，香濃幼滑，加上黑松露味嘅衝擊，味道配搭完美；蟹膏花之戀 滿滿蟹膏同蟹籽，滿口蟹膏香，令其他食材更鮮甜，同海膽有異曲同工之妙；香芒花之戀比較似一道甜品，食落好juicy, 果肉切成細小顆粒，非常細心~壽司款式多不勝數，食材都好新鮮，除左大路果幾款，都幾中意呢個芥辣八爪魚🐙 口感味道都perfect, 紫菜仲係脆咖🥳黎到海膽仔，小食就試試 熔岩海膽魚餅☺️ 剛炸好嘅魚餅超級辣口🔥咬開有流心海膽漿⚠️好食得黎又特別，值得一試。雞軟骨都係啱啱炸好，熱辣辣，餸酒一流🍶

我同同行朋友都好鍾意食海膽，上網搜尋有什麼海膽嘅美食，見到新蒲崗工廈區有間餐廳名叫海膽仔，餐廳咁大膽叫得呢個名，相信佢哋嘅海膽有一定質素嘅保證，於是就決定過嚟試吓一入到去門口，餐廳裝修非常有日本感覺，亦都有好多時令刺身，新鮮嘅生蠔比顧客選擇，餐廳價錢亦都比較親民✨倍化帶子海膽$98呢個菜式好特別，紫菜包住帶子，裡面仲有好大塊海膽，帶子好厚肉鮮甜，海膽非常飽滿，入口充滿鮮味✨油甘魚刺身$48每一片都好厚切，肉厚鮮味，魚🐟油脂好豐富✨海膽軍艦$58上菜時，紫菜仲好脆，一大片海膽放係壽司面，海膽濃稠感十足，味道甘甜，芳香四溢✨火炙左口魚邊壽司$32火炙過後，左口魚油脂爆發，入口即溶，美味都難以形容✨刺身定食配壽司飯$128刺身分別有希靈魚、鯛魚、甘蝦、吞拿魚、三文魚腩、北寄貝、帶子，真係非常抵食，好似叫左個雜錦刺身拼盤一樣咁多刺身，但價錢只係好平，每一款魚生都好新鮮，最正就係嗰兩隻大大隻嘅甘蝦，有成隻手掌咁長，好鮮甜之餘蝦頭仲要有蝦膏✨中華冷麵加三文魚壽司三件$88冷麵上邊有熟蝦，蟹🦀️籽，甜蛋，蟹柳絲，青瓜，配菜非常豐富，冷面質感爽口彈牙，加上冷麵汁一齊食，酸酸甜甜好適合夏天，冷麵仲跟三件三

約左朋友係附近上瑜珈堂，臨上之前去食個晚飯先。今次揀左呢間餐廳，環境乾淨舒服。上堂前唔想食太飽，所以只叫一份定食～ 其餘就揀d輕食d既～太多款刺身唔知揀咩好，於是就直接叫刺身定食🤣 有蝦、三文魚腩、鯛魚、希靈魚、帶子、北奇貝等，定食仲包一碗壽司飯，沙律同miso soup。朋友話壽司飯都好味，不過我就冇乜食到～刺身好新鮮好清甜，蝦好大隻，蝦頭仲有好多膏，不過最正真係三文魚腩！所以我地encore左多一份三文魚腩，質素都係好好，真心肥美好食😍除左刺身，燒物方面叫左牛舌、雞皮、和牛粒，燒物好出色，仲好食過d串燒店，雞皮燒得好脆口，牛舌和牛都唔錯，牛舌相對唔算好厚身，但依然都有口感！另外叫左2款魚，包括銀鱈魚西京燒同燒鯖魚！其實呢2款魚都有得加少少錢就變做定食，但我地就冇跟餐，廢事太飽上瑜珈頂住個胃。呢2款魚調味我地都幾中意，唔會太鹹但又夠味，鯖魚皮係燒得好脆身同時魚肉依然係好滑，亦完全冇腥味！