波記燒臘粉麵店

營業中

休息中

2017年展開需要尋找一些新食力，由東區走到西區只不過是半小時；有了港鐵之後四通八達到西環並不是困難的事。香港大學站B1就是今日的首站，一出就看到「波記」已過午飯時間，仍舊多人到滿瀉。單看外觀並沒有豪華裝潢，只有例明燒臘應買的食品，由叉燒、燒鴨、燒鵝等應有盡有。別以為只有上年紀的人士才會喜歡「波記」其實喜歡懷舊的我也會追隨。踏進店內地方不算大，每位客人在圓枱中並肩而坐，不過今日馳名中外的燒鵝已沽清；唯有單點叉燒燒鴨瀨粉吧！不過燒鴨都有驚喜，香脆的外層肉質瘦嫩而不膩；加添香蔥更為惹味。瀨粉的滑溜與濃郁的湯底達致甚高水平。能夠久仰大名的「波記」確實沒有令我失望，但希望下次能夠吃到燒鵝便更好。

一直久仰波記的大名，但一直嫌遠未有食過。這天難得在西營盤上課，就趁著1小時的lunch break來到波記，吃一碗傳說中的美味燒鴨瀨。雖然是星期六，但幸好人不算多，一行3人竟然不用等位。一坐下，大家不加思索就立即點了燒鴨瀨（$30）。燒鴨份量甚多，密密麻麻地鋪滿在瀨粉上才不過$30一碗，絕對是街坊價！鴨肉味道很香，吃落啖啖肉，確是滿足。我也喜歡這兒的瀨粉滑溜得來還有彈性，質素不錯，而且吸收湯底的鮮香，入味又好吃。但可能因為有了米芝蓮光環，期望太高，反而失望也多。鴨皮燒得不夠脆，略為腍身，如果鬆化一點會更完美。鴨肉肉質亦不夠軟滑，部分肉質比較鞋口。不過整體其實仍然不錯，在西環區仍然是抵食（和邪惡）之選。

波記燒鵝脾瀨，久仰大名之前想去食都食唔到，因為日日排長龍，賣哂就無。係燒味界，波記已經上左神枱。試過之後，表示真係名不虛傳！ 燒鵝夠油，皮肉分離，皮脆肉香，跟瀨粉係絕配。而且個脾鬼死甘大隻，超滿足啊！

波記，已䇄立在西環超過四十年，一向是附近街坊的食堂，又因舖仔細細，今日午餐時間到來，想食相信只能選擇外買了；他們最出名的食物就是燒鵝、燒鴨和叉燒。本來想要燒鵝髀叉燒飯，可惜巳經沒有髀，無奈只好選擇了燒鵝叉燒飯，但始終係鵝身，肉質比較上嚡口，尤幸鵝油甘香滋味，送飯一流；叉燒肉質比較瘦，感覺就比較韌，但加上鵝油一起吃，感覺就增加了滑口感。之前已有聽說燒鵝脾和燒鴨髀有限量，但想不到是搶手到午餐時間巳沒有貨買，可能下次要再早一點來了。😭在門外還見到有三隻燒鵝未䦕，但相信是打算一隻隻賣的，還見到之前有很多雜誌介紹的文章。

一直喜欢吃叉烧饭，这家小店真的超级好吃。每次都会有叉烧油鸡拼～ 去晚了会没有的吃，真的很受欢迎。感觉是每次去西环必吃的食物。他家粉类，也比较有味道。不愧是米其林推荐

今晚去左買波記燒鵝，買左$200 半隻燒鵝⋯ 佢俾盒野勁多骨！得5-7舊肉吳係呀嗎？ 我明明見你掛係到勁大隻嫁啵！ 叫佢俾多包醬都係得啵半隻鵝俾多包醬都合理呀？ 洗吳洗醬都吳可以俾多包呢？

Roasted Goose in Soup Noddles | 燒鵝瀨粉.-終於一嚐波記的燒鵝! 鵝件份量頗多 足以鋪滿碗面😌 不過吃下是有點失望 皮不夠脆😪 雖然鵝件多 但肉佷少 肉質較韌 不鬆化呢 幸好鵝油甘香豐腴! 湯底鮮香 瀨粉爽口 不會淋不會泡👍🏼 整體驚喜不大

本來淨係打算來香港大學站食甜品的，但手多又要搵下西環有咩好野食見到呢間有燒鴨脾瀨，即時兩眼發光決定要試丫！午飯時間來到，可能係住宅區，唔使等位見到場上個menu,真係樣樣都想食丫燒鴨係主打，必叫，但拼咩好呢，都諗左一陣。個丫姐等落單都等到有啲唔耐煩，佢心諗:唔好阻住個地球轉啦！最後決定拼牛筋腩碗野加左腩汁，超正牛筋好嫩，唔痴牙，好入味推介本來叫燒鴨脾的，但唔知係咪因為我叫雙拼，佢話無脾，叫我轉鴨肉好傷心丫，專登來食脾，點知食唔到鴨肉都好嫩滑，鴨骨都入味，係唔錯的。三十幾蚊咁大碗野係幾抵食的。我仲要飲晒啲湯試左朋友仔的叉燒，肉質好'鞋'丫，但味道都可以的。題外話，間野做街坊生意，但對客人都唔係咁𠺢。環觀四周，只得我地兩個無水。枱枱客都坐低就落水，唉。。。佢應該係唔憂做

朋友經常跟我提起這間店舖既燒鵝髀瀨粉好正！今日我終於有幸親去試一次。單食一碗都覺得好飽（因為真係成隻髀切比你食，加埋瀨粉比較飽肚，所以好滿足），燒鵝既肉質，咬落去既時候好鬆化，啖啖肉。另外可以叫店員比碟甜酸醬，加埋醬汁仲！如果撞啱燒鵝剛剛出爐既時間，仲好味，肉質熱騰騰，外皮脆卟卟，加埋d蔥花既香味。

之前睇過雜誌，知道這裡的燒鵝好正，今日Lunch Time特意來這裡試一試， 1點幾來到，小店已擠滿人， 幸好仍有坐位。即叫一碗燒鵝脾瀨， 等兩分鐘就來， 燒鵝脾太過隻碗， 橫放在碗上，淨係睇見都流晒口水， 先試一啖鵝脾， 皮脆， 肉質鬆化， 多肉汁，鵝肉亦很入味，亦不覺太油膩， 瀨粉很爽口， 湯底是雲吞麵湯， 加上少許蔥花， 恰到好處。85蚊價錢尚算合理， 只係瀨粉份量不太多， 男人食應該不夠。

呢度出名架，我都係個名所以特登來試下。星期五食晏時間來，不太爆，同檯學生哥食吾同燒臘飯，位位$4O起跳。學生發育係要有米落肚，我食碗粉可以啦。見到我碗燒鴨脾瀨粉好開心。賣相好，就是切得薄身了一點，厚小小才啖啖肉架嗎… 的確皮香肉嫩，好味!我再想，其實所有燒臘新鮮出爐熱辣辣就一定香噴噴熱辣辣好好味架啦，同我自己屋企樓下那些街市燒臘店沒有太大分別。大家路過西環不妨一試，但特登專程而來就不必啦。

兩條麻甩佬搵食，無理由去Café食甜品，或者fine dining咁浪漫架。計我話，食燒味就最正路。老友都話，燒味好喎！在西環食燒味，波記大概是最佳選擇，起碼我第一個印象就是它。你，有其他建議嗎? 餐牌大大張貼在牆上，當然，來得的客人大多已心裡有數，唔需要點樣研究。鴨髀瀨、叉燒瀨各一，呀，再整碗淨雲吞都好。反正都係大家些牙食。鴨髀是我的選擇，拿上手大啖齒，皮脆肉香，吃得過癮又滿足。若不是要跟人分享，來隻免切的，更精彩。瀨粉，繼續保持一貫的爽滑，唔會碎濕濕，幾乎連湯也喝光。試了幾件叉燒，點餐時未有指明要肥還是要瘦，隨緣。上桌的成品，偏瘦，卻沒有太韌。下次，要番半肥瘦，或者會好一些。細細粒的雲吞，無疑是皮滑。可是，餡料的佔九成是蝦肉，雖爽口，卻乏味，如果豬肉餡多番些少，就更合筆者心水。再提提，這裡的可樂，是玻璃瓶的，可樂迷請留意。已經好飽，無能為力，否則想加碗牛腩。餐廳資料:

燒味係其中一樣好能夠代表香港既食物只可惜而家小店既生存空間愈黎愈少有時要搵間燒味粉麵店都已經唔係咁易今次要分享既係西環既波記燒臘住西環既朋友應該都會識佢之前都有比米芝蓮推介過架燒鴨燒肉瀨粉 $40鍾意佢地呢到D燒味有味得黎唔會勁咸因為而家好多燒味都一係冇味，一係就死咸但呢D到燒味你會食到係有用心醃過所以係有D香料味，而唔係咸味兩個餸個皮都好脆，而且唔算肥另外好開心係呢到仲有瀨粉感覺而家愈來愈少餐廳有瀨粉個湯有D韭黃，好清好好飲燒鴨切雞飯 $40鍾意呢到既另一原因係呢到一d都唔孤寒唔會是是但但切兩舊肉比你就算就算雙拼都一樣咁大碟蔥油唔駛叫都已經比成兩大匙唔係間間食店都咁大方架切雞好滑但唔會勁淋無質感大家最好就係11:30-12:00去食因為lunch時間會好多人但晏去呢好多都會賣哂油雞聽聞都唔錯，有機會去試下啦

在星期一的收工後，我就去到週日休息的波記吃馳名的燒鴨瀨。當進入店內坐下後，雖然座位不是太舒適，但是當店員把燒鴨瀨放到我面前，燒鴨瀨中熱辣辣的滾湯上帶著香濃的燒鴨香味飄入我鼻里。😳環境已經不重要了😋我先用湯匙喝了一口上湯，湯內的韮王味道好出，和其他餐廳能夠吃得到分別。我試了上湯之後便夾起瀨粉，口感不淋，爽口！來到重要環節，咬一口燒鴨肉，肥肉出奇地算少，口𥚃啖啖鴨肉，絕對可以用'多肉'來形容！鴨皮的香油味在口腔內不停游走，令人回味無窮！

食過鏞記，深井裕記同金牌燒鵝，今晚試下聞名已久同擇星嘅波記。鵝肶大大隻，皮唔脆，皮下有好多肥膏，肉有D靭同少少蘇，湯粉普通，上湯的味道很淡，同之前見到的食評有好大落差。可一不可再。