時間過得好快，眨吓眼就一齊咗11年了，雖然已經結咗婚，但儀式感仍然都係好重要呢！呢晚我哋就去咗秋田鐵板燒慶祝，餐廳位於天文臺道，私隱度好高。
鐵板燒有幾個Menu，我哋揀咗秋田二人前鐵板燒套餐，價錢分別係$950/$1150，視乎選擇嘅係牛肉薄燒定係厚燒。我哋就各點了一款share :
季節沙律
先送上清新開胃的沙律，打開味蕾。

接着就開始精彩嘅鐵板燒料理啦！
師傅免費請我哋食雞泡魚乾，雞泡魚乾預先用味醂醃過，甜甜地，送酒一流！
魚籽鵝肝蒸蛋
蒸蛋生熟度控制得恰到好處，入口嫩滑，面頭有慷慨嘅魚子作點綴，配上脂香嘅鵝肝，味道好有層次！
鮮活龍蝦半隻
龍蝦非常新鮮，上鐵板時仲係活生生，師傅仲要撈埋龍蝦膏去炒香，難怪入口咁鮮甜彈牙！底下亦都有鐵板煎嘅多士，口感香脆。
原隻活南非鮑魚
師傅用昆布包住鮑魚，再放上大把嘅海鹽，淋上酒後再焗一焗。鮑魚口感軟腍，本身海水味重，同時又散發淡淡昆布香氣，不論食原味定係配搭昆布忌廉湯都各有特色。

香煎頂級鵝肝
鵝肝好厚身，煎至外層香脆，內裏口感軟綿，配搭黑醋同菠蘿都有解膩的效果。
鹿兒島霜降和牛薄燒
鹿兒島霜降和牛雪花漂亮，分布平均，包住香蔥再連同香脆嘅蒜片一齊食，牛味更加突出。
秋田炒飯
食鐵板燒點少得炒飯？佢鍾意欣賞師傅炒飯嘅表演，鐵板燒炒嘅炒飯特別有鑊氣，粒粒分明秋田炒飯嘅材料亦都好豐富，有蘿蔔、櫻花蝦、煙肉及蔥花，色彩繽紛。
炒野菜
主要係炒椰菜，加上少少菇類及蘿蔔絲。
龍蝦清湯
用上剩下嘅龍蝦頭去熬湯，味道清甜。

精選甜品
是日甜品有豆沙餅配雪糕，豆沙餅同樣係鐵板燒即席烹飪，餡料嘅十勝紅豆軟綿香甜，味道唔錯。
今次嚟到秋田鐵板燒慶祝周年紀念，餐廳仲特地為我哋喺鐵板上準備打卡位，而且細心地即時幫我哋打印相片，服務非常好！

尖沙咀高cp日式定食 ~ 和道屋! 和道屋嘅地面入口好窄，一不留神就好容易錯過，但走入去卻發現別有洞天！門口一入去嘅走廊位先有千與千尋嘅無臉男迎接，旁邊仲有夢幻嘅粉紅櫻花樹裝飾，沿住樓梯走上上層，樓梯上掛滿燈籠，餐廳內走懷舊日系風格，到處都係打卡位 ！ 餐廳午市定食套餐嘅選擇好多，價錢$88至$268不等，豐儉由人！全部定食都配有三文魚刺身、甜品、麵豉湯、茶碗蒸、前菜、沙律，超級豐富！三文魚刺身有兩件，每件都厚切肥美，甜品有抹茶蕨餅，叫人滿足！openrice訂枱有88折！ 火炙三色丼定食($138) 呢款三色丼有齊我最鍾意嘅幾款刺身，包括：左口魚邊、三文魚、拖羅及三文魚籽。左口魚邊油脂豐腴，入口即溶！三文魚火炙後逼出油香，拖羅油脂分布都好平均，火炙後有化開融化嘅口感。三文魚籽晶瑩剔透，鹹香十足，份量都好慷慨！我特別欣賞丼飯都有添加醋，調味後可以平衡三款火炙刺身嘅膩感，好有心思。 雜錦壽司定食12件($138) 呢個價錢好抵食，計返每件手握壽司都係$10左右。壽司款式係廚師發辦，而用料都冇將貨就價，有火炙左口魚邊、吞拿魚赤身、油甘魚、吞拿魚蓉壽司等等。 拖羅海膽刺身杯($88) 太耐冇食刺身，索性追加呢個餐廳名物豪氣一番！刺身杯舖滿三文魚子、拖羅蓉及海膽，面頭再以黑魚子點綴，非常澎湃！刺身用料新鮮，海膽都好甜！

終於坐完月了，一岀關當然要食我最愛的壽司！老公體貼地預約了螢雪的omakase，想不到午市omakase性價比非常高，11貫壽司+手卷才$490/位，網上口碑亦極佳，難怪當日去座無虛席！ 先上前菜及沙律。沙律菜爽脆新鮮，加上醋汁，酸甜開胃。前菜有墨魚都口感爽彈！ 之後就是壽司環節，11貫壽司包括： 真鯛 真鯛味道甘甜，肉質結實。 左口魚配火炙左口魚邊 左口魚肉質鮮嫩，左口魚邊火炙後油脂豐沛，入口即溶，一啖放進口內口感及油香並重。
帆立貝 帆立貝超級肥美厚身，柔軟鮮甜！ 墨魚 墨魚比較爽口，舖上炒香過的烏魚子炒香，增添鹹香。 池魚 魚味濃郩。 鰤魚 肉質略帶嚼勁，越咀嚼越嚼岀鰤魚清甜的魚味。 櫻鱒魚 外型同平時食開的三文魚非常類似，師傅說櫻鱒魚屬於高級三文魚，每到櫻花季節就是品嚐的最佳時令！
醬油漬吞拿魚 吞拿魚魚味突出，配芥末籽提升味道。 北海道赤海贍 海膽色澤呈橙黃色，非常新鮮，入口甘甜，毫無澀味，好正！ 油坊主 油坊主油分豐腴，輕輕火灼後更加逼出脂香，用香脆嘅紫菜包住能夠平衡一下膩感！ bb吞拿魚 BB吞拿魚肉質嫩滑細緻，師傅用備長炭燒香，食嘅時候帶有淡淡炭火香氣！ 整體魚料非常新鮮，而且當日師傅發板嘅刺身咁啱全部都係我最鐘意食嘅，好啱心水，所以食得特別開心。魚嘅處理都好有心思，食得出有配搭過！不過舍利就握得略為鬆散，有進步空間。

蔥吞拿魚蓉手卷 不落俗套地放有紫蘇葉，令手卷多咗陣陣清香。
赤麵豉湯 麵豉湯都好有誠意，入面加咗雜菌及蜆，增添鮮味。 茶碗蒸 茶碗蒸用魚湯熬製，味道鮮甜，口感滑溜，入面仲有雞肉及甜薯粒，令味道更為豐富。 甜品：香蕉雪糕 甜品可以揀香蕉或柚子味雪糕，我就揀咗比較特別嘅香蕉味，味道濃郁之餘又天然唔人工。老公揀咗柚子雪葩都好refreshing！

之前食過佐敦分店嘅Tera覺得好食，原來元朗形點分店供應嘅款式更多！主食、梳乎厘班戟、牛角包窩夫、蛋糕、甜品等等都有多款選擇！心大心細完一輪，點咗幾樣都非常唔錯👍🏻 明太子蟹肉意粉（$138） 意粉好大碟，份量十足！醬汁有絲絲蟹肉、粒粒蟹籽，加上明太子嘅鹹香點綴，口感同味道都好豐富！意粉都好掛汁creamy! 香煎比目魚墨魚汁意大利飯($138 ) 比目魚煎至外皮金黃香脆，魚肉保持嫩滑！墨魚汁意大利飯口感剛好，唔會太腍或太硬身，不過墨魚汁嘅鮮味就唔夠突出，如果添加一些墨魚粒，會更有口感呢！ 飲品-$12，點咗一杯Americano，不過不失。 藍莓芭菲($68) 賣相好靚，層次分明，有乳酪、奇亞籽、藍莓啫喱、蜜糖，材料豐富，面頭仲擺咗幾粒珍寶藍莓，超甜超多汁！

再度回訪Proton! 今次平日嚟，午市有set lunch，奉送新鮮麵包或餐湯，飲品亦有半價優惠，更加抵食！ 安格斯牛柳粒野菌手工意大利麵($90) 手工意大利麵一直係呢度嘅招牌，手工意粉口感彈牙，每一條都掛滿creamy嘅依文士醬汁，好惹味！安格斯牛柳粒肉味唔算太突出，但肉質軟腍，份量慷慨！ 煙肉、法國藍青口、蒜香辣椒扁意大利麵($90) 扁意粉炒得乾身，藍青口新鮮味美，加上煙肉嘅鹹香，都唔錯！ 是日餐湯有蘑菇湯，如果質感濃稠一點會更加好！ 玫瑰蜜糖雞翼（ $60 ） 雞翼真係超好食，炸得薄脆，內裡肉質依然嫩滑juicy，塗上香甜嘅玫瑰蜜糖，令人食唔停口！ 黑松露焗脆薯條（ $60 ） 薯條即點即炸，上枱時仍然熱騰騰，蘸黑松露醬，係唔錯嘅小食之選！ 綠茶Tiramisu （ $80 ） 賣相非常吸引，綠茶cream味道香濃，口感軟滑，帶少許回甘，甜而不膩。 Yuzu Latte ($40，優惠後$20) 咖啡味道香醇，伴有柚子粒，閒時飲到果肉嘅酸甜及清新，頗有新鮮感！ Matcha Latte ($40，優惠後$20) 抹茶味道濃郩，同奶香平衡得恰到好處！

開始放產假了！黎緊有一段時間都冇得岀街食好野，所以爭取最後機會去咗尖沙咀米芝蓮一星嘅家全七福酒家食晚餐！Tasting Menu ($1000p.p)好豐富，足足有10道菜，就不作它想，點一個試試！🥢雞子戈渣 皮蛋醬蘿蔔 蜜汁燒脆鱔
雞子戈渣外脆內軟綿綿，口感好特別！燒脆鱔都好食，個皮好脆，肉質厚身彈牙！🥢雞茸燴官燕
好足料，夠滋補！女士恩物也！🥢燒雲腿大地田雞片
田雞肉質鮮嫩，調味剛好，炸過嘅金華火腿，鹹甜有緻。🥢釀焗鮮蟹蓋
食中菜最鍾意蟹蓋 🦀 呢度嘅蟹蓋都尚算足料，蟹肉慷慨，不過洋蔥就略嫌較為突出，稍為遮蓋咗蟹嘅鮮味。🥢彩椒炒/水煮手切牛肉
揀咗彩椒炒牛肉，牛肉用料好高質，口感軟腍，仲有少少入口即溶，口感非常細膩！🥢油雞樅菌炒四季豆
開頭以為係加咗欖菜，原來係用咗樅菌，好少見呢！四季豆炒得有鑊氣之餘，仲保持嫩綠，簡單嘅菜式，但味道不平凡！🥢瑤柱荷葉飯
荷葉飯加入大量瑤柱及雞肉，帶有陣陣荷葉香。🥢生磨合桃露
呢個合桃露超有驚喜，口感細滑，合桃香氣超濃郩！出色！🥢鴛鴦棗茸糕
煙煙韌韌，正常發揮。🥢懷舊芝麻卷
芝麻味道突出，不過就唔夠層次分明，有幾層黏埋咗，略為扣分。整體食物質素高，價錢我覺得都非常合理，不過擺碟我就覺得有進步空間，起碼可以抹下d邊先上碟。

突然間好凍，天氣凍就會好想食米線！呢晚去咗小瑪哥米線 ，原來原店「阿詩瑪雲南風味軒」大有來頭，喺太古開業23年，儲落不少熟客！ 米線湯底一共有5款選擇，分別係金牌小鍋湯米線、鮮菌蕃茄湯米線、香辣涼拌撈米線、豆花炸醬撈米線及豬骨清雞湯米線。各自都可以揀2-4款配菜，豐儉由人。 豆花炸醬撈米線（三餸$72) 香港好少地方有得食豆花炸醬撈米線，當然要試吓！ 就咁聽豆花配炸醬好似風馬牛不相及，但食落卻發覺味道好夾！滑溜嘅豆花剛好中和左炸醬嘅膩感，入口仲多佐滑捋捋嘅口感，好食！配菜我揀咗魚腐、白菜餃及彈牙蝦球(+$8)，蝦球略為失望，如果有d調味會更好！ 金牌小窩湯米線（四餸$79) 湯底麻香，第一啖先食到香味，落到喉嚨卻麻麻辣辣，非常過癮刺激，湯底做得唔錯！配料有鴨血、麻辣腩肉、麻辣肥腸同竹笙，腩肉略嫌比較薄切，厚身一點會較有口感！ 米線都免費跟咗熱檸水或者糯米香茶，糯米香茶值得一試，解辣解膩一流！ 小瑪哥除咗米線出名，呢度仲有另一個招牌名物—山珍氣鍋雞 。價錢少貴，個確係好足料，吸收晒唔同材料嘅精華，超級鮮甜！飲完成個身都好暖！

好耐冇食過韓國菜啦，呢日行經千色店，見到對面呢間韓式外賣店「生生市場」好多人幫襯，睇到餐牌價錢都幾合理，就外賣咗幾款菜式返屋企試吓！ 🐽 辣豬肉紫菜飯卷$48 🐟 吞拿魚紫菜飯卷$50 兩款飯捲都好足料，包得紮實，豬肉飯捲唔算好辣，除咗有蛋、青瓜、蘿蔔絲之外，仲加咗爽脆嘅生菜，材料豐富。 🍜 韓式炒粉絲$45 粉絲炒得乾身，配料有木耳、菇、蘿蔔絲、菠菜等等，撈埋韓式辣醬，非常惹味！份量都好多呢！ 🐔 甜辣無骨炸雞$48 炸漿略嫌比較厚，食落唔夠香脆，雞肉都炸得過熟，唔夠嫩滑，有進步空間，不過醬汁嘅調味都唔錯，甜甜辣辣！ 🍚 烤牛肉拌飯$63 牛肉拌飯色彩繽紛，賣相吸引，雖然材料簡單，難道唔高，但重點係韓式辣醬，加咗之後味道即刻生色不少！

老公生日，雖然忙到癲，但都提早食餐生日飯啦！去咗啟德新商場Airside內嘅新派中菜廳「嵐月」 ， 餐廳環境超靚，中西合璧得黎好有格調，門口係歐陸花園設計，入面座位又帶有中式鳥籠元素，座位寬敞，私隱度高，好傾約會！ 🐔 蘋果木燻泰安雞（半隻$288） 呢個超好食，雞皮爽彈，雞肉嫩滑，入口盡是煙燻香味！好入味！ 🐽 西班牙黑豚叉燒（$298） 叉燒用上西班牙黑豚肉，口感紮實彈牙，採用半肥瘦部位，入口鬆化！不過調味就偏鹹，甜多少少比較好！ 🦀 皇帝蟹脆米泡飯（$208）
泡飯湯底鮮甜，材料只有簡單嘅肉碎、節瓜粒同蟹肉，但加佐脆米之後立即口感十足！脆米浸飯後都保持脆脆口感，好食！份量都好多！ 🦁 石獅黑麻糕（$68） 造型好得意，芝麻味香濃，口感軟滑Q彈，都係唔錯嘅飯後甜品。 整體食物高質，裝潢華麗，係份量比較精緻，性價比唔算高。但間唔中黎一次都試得過嘅！

最近去咗銅鑼灣Cubus新開嘅川滬菜館「浦東蒲西」 ，餐廳裝修古典高雅，環境寬敞舒適，背景播放住老上海背景音樂，令人恍如置身六七十年代的老上海飯店！  午市套餐非常抵食，二人餐$368，四人餐$688，開幕期間仲做緊優惠！

冷盤選擇好多，試咗呢幾款都唔錯:
杭州醬鴨 蒜拍黃瓜 雞絲粉皮 金蘭拌茄子 湯可以揀蟹肉薺菜豆腐湯或者海參酸辣湯！揀咗蟹肉薺菜豆腐湯，比較清淡健康！豆腐嫩滑富豆味，湯頭鮮甜！ 小菜都有12款選擇之多，二人餐可以揀兩款，四人餐就可以揀三款，一次過可以試到多啲菜式！
糖醋金薯咕嚕肉
金薯炸得外脆內香甜，咕嚕肉薄脆，肉質彈牙！整體酸甜有致！
麻婆豆腐 豆腐好香豆味，麻麻辣辣，調味恰到好處，同樣送飯一流！ 賽螃蟹 呢度嘅賽螃蟹水準唔錯，蛋白嫩滑，口感細緻。 最後可以揀菜飯或者雞煨麵，難得有得選擇雞煨麵，當然要試下！雞湯底濃郁，麵條滑溜，吸收雞湯嘅精華後，味道鮮甜。