波記燒臘粉麵店

營業中

休息中

難得放假諗住食好d，去呢間西環紮根多年成嘅波記叫左碟燒鵝飯，黎到一望， 舊舊都係背脊，基本上只係得皮同骨，皮咬落去一d都唔脆，僅餘少量嘅肉係好韌，我相信美心快餐都好食過佢。真係好垃圾，嬲到要上黎寫第一次食評。冇下次!

大排長龍的波記最好味就係燒鴨。價錢比燒鵝平之餘味道相差不遠。每次來都一定會點燒鴨瀨。燒鴨燒得充滿油香，而且肉質軟熟易咬，入口係香氣一直徘徊。叉燒感覺就差一點，只有瘦肉，缺少予最好食的油脂和半肥瘦部分。最吸引是，一碗雙拼先$37，最適合我呢啲窮苦學生。👨‍💻所以食完出黎是大排長龍😼 PS 波記燒鵝本人認為未到好好味的級數，反而燒鴨才是最出色。

純粹找個地方醫肚，自問對食的要求不算高。見門面可以，店內多人幫親，入內試試，結果極度失望。店舖給人感覺好像後巷潛建一般，燈光昏暗，圓枱摺椅，地毯髒得很，感覺極不舒服。價錢不算太貴，點了牛腩麵。從未吃過如此難吃的牛腩，好深色，硬似食牛肉乾，完全不似是牛腩的部位，雖說是柱侯牛腩，味道也實在是太甜，沾辣椒醬吃，應是店主入貨的辣椒醬，完全無辣椒醬味，麵雖不算糊，但完全不夠爽。因為實在太難吃，不得不寫下這食評

今日早左收工，趕得切7點前入去食番個燒味飯！真係好感動，平時想食都食唔到！好掛住，一講又流口水！入到去大大個餐牌，有時好想試下瀨粉，但都係要簡燒味飯。因為依到既薑蓉本人覺得好好好好食，係精華黎。 燒鵝飯冇得輸，水準依舊。而且好好彩有一個係俾左全脾我地，如果就咁叫鵝脾飯，係要９０蚊，相差一半價錢咁濟，ＳＯ ＬＵＣＫＹ！ 叉燒(例)叉燒唔會比下去，舊舊厚切，就算冇乜肥膏既都好淋又有肉汁。面且用蜜糖燒到外圍有啲焦香，口感一流！ 平時晏就黎好多人咖，又迫又要排隊。雖然出名好食，但如果比我可以早啲收工，又闊落又可以靜靜地，我一定會再黎食，哈哈。叮叮同我都好滿意，覺得好滿足。

Lunch Time 自己一個去左石塘咀市政大樓附近間波記燒臘粉麵店食lunch。去到剛剛係放飯時間，有好多人係門外等位。等左幾個字，終於入得座，坐低後就嗌左個燒鴨瀨粉，上枱時有d驚喜，估唔到係原隻燒鴨脾上。燒鴨脾色澤油亮，賣相吸引。鴨脾唔油膩，無鴨羶味，咬落皮脆香口，肉質軟嫩彈牙，肉汁豐富，不愧係米芝蓮推介。湯頭聽聞係用雲吞麵湯，湯清無味精。瀨粉顏色晶瑩，條條分明，唔會碎濕濕，麵質彈牙爽口，唔會過軟。

香港人鐘意去小店都係因為小店有一份無價既人情味。可惜而家香港有唔少打住小店既旗號餐廳，但只係巧立名目。幸好，呢一間波記燒味係例外⋯⋯友人話呢間波記既燒鵝係西環好出名，所以就同友人一齊黎試一試佢既水準。店鋪裝潢同餐牌睇落係一間好普通燒味店 一坐落就梗係叫個鵝脾飯先，點個店員話要訂先有，係咁同我講對唔住。我都幾失望因為我都係遠道而黎試架嘛。但係無計就叫店員幫我落個燒鵝飯算。個飯黎到，居然有鵝脾，個店員靜雞雞走黎同我講話見我咁想食，專登加脾俾我。真係好開心。同埋呢度既鵝真係名不虛傳，肉質鮮嫩，肥而不膩，唔錯唔錯。食野期間，雖然店員好忙，但係都仲會客人吹水，有傾有講。氣氛好好一定會再黎食！

波記幫襯左好多年，由山道舊鋪幫襯到而家係石塘咀市政大廈對面既新鋪，以前無咁多款式，不過炸魚皮，韮菜花，牛腩，鴨瀨都好食，而家有時經過都會食碗鴨瀨先走，今次叫左鴨脾瀨，味道依舊，係值得一去既小店。

我已經幫襯該店很多年 今天去食燒鵝飯 覺得十分失望 碟飯攞上嚟時發覺大約有八舊燒鵝 其中六舊全部是骨沒有肉 詢問夥記時得到答案是如果你要食肉 叫嗰陣時就要叫全鵝胸 或是鵝髀飯 我都知而家 百物騰貴 生意難做 但係都唔好咁樣搵我哋笨呀

老實講係有有少少失望😔佢既燒味係唔錯 叉燒蜜汁味重 鵝味幾香 但食麵我都係覺得湯底佔左好重要位置 佢地既湯味精濃得濟 食到一半已經開始覺得口wea wea😔如果行開果頭附近都會試下 但尊登去到食便不值了

吃燒味是件很講運氣的事情，就算可以加一聲指定肥瘦，要吃到真正的美味部位還得看運這裏的燒味質素極高，尤其是一味燒鴨，其肥美和鴨肉獨有的油香難逢敵手，價錢也公道，五十元樓下吃到這種質素，真的是物超所值當年知道這裏獲得米芝蓮推介，真是嚇破膽，一來怕 大排長龍，二來怕業主加租結業，如此好吃的食物，要是結業或質素下降就太可惜了。是日下午心癮起，想到這裏的燒鴨，買一份例回去配威士忌是個好方向，到達後還是想堂食，是日不再食飯就點了叉鴨麵。麵一上枱就知中大獎了，肥叉配鴨脾，叉燒咸甜適中，油脂入口即溶，更重要是肉質柔軟得完美。有好多朋友認為肉質軟硬和部位的油脂有關，更其實更重要是煮食技巧和事前功夫，君不見同樣的雞胸有人煮得水嫩有人煮得硬如乾柴，東坡肉也有人煮得乾硬。這塊叉燒的味道和肉質，是滿分之作燒鴨的皮烤得香脆，肉質也好，那種油香和野性的味道，一入口就充滿整個口腔，吃燒鴨就是想吃到這種味道麵有點鹼水味，湯頭也不是完美，如果是雲吞麵，一是不合格的作品，但燒味麵就是要粗豪一點，加點醋和燒味的汁，味道直接。如果換上更精緻的湯頭，味道可能不會更好，這種有的就是直接的好味道這店是破舊的，環境和接待也不要當成高級

燒味不過不失，一般的衛生環境，對客人呼呼喝喝，服務態度實在很有改善的空間，可能附近沒有什麽競爭對手，整體上只不過是間普通質素的燒臘粉麵店而已，外賣可以，堂食卻不能推薦！

係公司附近，食晏見難得有位就去下。食過燒鵝瀬，燒鵝係好食既，不過瀬粉同平時食果種唔一樣，似米線多啲，個人唔多鐘意，同埋成碗好油，亦好細碗，男仔食應唔夠飽。今次食叉鴨飯，叉燒好得，夠淋，肥既部份入口即溶，平時唔食肥肉都想食左佢。燒鴨ok冇咩特別，飯都夠硬身唔會淋patpat。差在佢間鋪明顯想人快啲走，冷氣開到極大，著左外套都照頭吹，吹到啲飯未食已凍冰冰同事食燒鵝瀬，叫佢比酸梅醬叫左4次先比……唉，好食都冇下次。

諗住行山之前食翻啲野，所以就黎左小編一直都好想食佢既燒鴨瀨，但好鬼遠既波記。٩(˃̶͈̀௰˂̶͈́)و波記店仔細細。有好多街坊、港大同學幫襯，所以成日都座無虛席架，好受歡迎。以粉面店黎講，食物款式都幾多。而且價格都幾親民，難怪大受好評！小編叫左碗 叉鴨瀨(hkd$37) 睇落吾算大碗，但系超足料。叉燒同燒鴨將瀨粉完全遮蓋，大滿足！兩者肉質佳嫩口、厚身。叉燒頗硬，而鴨皮頗香口。總括黎講都系高質既，性價比高，推薦呀！(=ﾟωﾟ)ﾉ

今次一行四人黎波記食Lunch，店舖依然咁多人（部分係遊客），依然咁逼，某部分座位差不多要背貼背坐，唔鐘意同人逼既，真係要有心理準備或者選擇外賣。由於波記收費頗貴，但又想食到靚位，所以今次改變點菜策略，全部單點。點了燒肉（例牌）、叉燒（例牌）、燒鵝（下裝：目標想食鵝脾）、一個白飯，二碗瀬粉。叉燒：依然無得輸，水準不變。 軟、腍、肥瘦適中、夠熱。用埋d汁撈飯，超好味燒肉：皮脆肉軟、半肥瘦。燒鵝：雖然隻鵝皮光肉滑，但因為太肥太油所以好失望。總結：叉燒同燒肉可以繼續encore食完波記大家不妨行到西環碼頭散下步、跑下圈，消耗一下熱量。

1130開口 已經有老街坊 遊客排隊等食麻雀雖小 五臟俱全 一貫港色燒味都有齊不過門口都有張紙貼住1130至730只係星期日唔開 公眾假期照營業一入門口已經有芬開撲鼻既叉燒不過黎得就緊係食燒鴨燒鵝啦配搭都非常多 有飯麵瀨粉 諗都有排諗我地2個人就叫左燒鴨全脾瀨 燒鵝飯 同一個魚皮未有得食之前 先環觀下環境都係得幾張枱仔最入係燒燒味既地方 所以係冇廁所借用㗎燒鴨脾瀨(3.5/5) 3.5分都係比隻脾既 因為瀨粉湯底實在淡而無味 不過瀨粉已經好少地方食燒鵝飯(4/5) 冇左果1分係因為我冇叫到脾 實在太可惜 連我唔食開薑蔥蓉都一掃而空魚皮就同平時粉麵檔差不多 就有個湯仔比你浸淋食燒鴨同燒鵝既比較燒鴨 肉厚 皮脂分佈平均燒鵝 肉味較香肉質較滑 鵝皮油脂豐富 鍾意食皮既愛好者不能錯過不過依度人流都多 食完都要衝衝離去 唔能夠坐多陣嘆埋野飲今次係第一次食評 因為我希望係不同角落處留下美食足印 跟我的叮叮