波記燒臘粉麵店

營業中

休息中

久聞波記燒鵝大名，早年更入選米芝蓮，舖仔細細環境普通，但出品美味食物，一定大把捧場客下午六時燒鵝脾已經賣哂，轉攻燒鴨脾瀬粉，鴨脾大大隻絕不欺場，而且仲係暖熱的，皮脆甘香，肉質鮮嫩。。。。鬼咩，老闆係親自落手即燒，永冇放得耐，點會唔好食呢另一半連湯都飲哂不過食瀨粉麻煩d好難夾，不過燒味一定要配瀨粉先正，唯一拎起個碗扒入口臨走更加要打包一隻返屋企，慢d差d都冇，我見好多人外賣叉燒返去做餸，下次有機會試下先

試過n咁多間燒味店，波記必定是我心目中王者，價格味道都是上上級，今日又忍不住午餐品嚐美味。波記除燒臘外，還有牛腩、雲吞、水餃賣，但當然燒臘較優勝。叉燒鴨脾瀨粉 ($50)份量極多，一碗已很飽肚。燒鴨脾外脆內軟，外皮燒得剛剛好且金黃，咬下去足滿肉汁。燒鴨較瘦，不會好似外面皮下隔著一大層恐怖肥膏，波記能做到瘦而不柴，鴨肉帶香濃五香粉味但又不會蓋過鴨肉味。呢隻鴨仔無得頂！啖啖肉叉燒也是波記王牌，外皮焦脆肥瘦適中，咬落非常鬆軟，呢隻豬仔食過夜粥他的鬆軟屬天然而非鬆肉粉，入口有甜甜的蜜汁味然後是叉燒的原來肉香。燒肉叉燒米粉 ($37)燒肉皮脆肉彈，肥瘦適中。巧妙地即使皮浸湯後仍然保持酥脆，但略嫌太咸，假如付上芥辣醬可減低咸到，呢隻豬浸得太多咸水了燒臘可以說是港島第一，大份又好食相比某某連鎖店得細細幾舊又乾又難食。但是波記的燒鴨叉燒對於某些人來說可能會覺得偏瘦。波記的環境較狹窄，坐得有小小不舒服。新手來試，極推鴨脾叉燒

西環「波記」的燒鵝，一向有名，即使數年前因事分為兩間店舖經營，名頭仍然響亮，是不少人心目中吃靚燒鵝的心水地方。但碍於路途遙遠，所以雖然慕名已久，一直未有幫襯 。不過自從地鐵南區線通車之後，交通比前方便，就造就了我這次的到訪。 這次來的時候還未到中午，雖然店內已有不少食客正在享受美食，等候的人並不太多，所以只是在店外等待了三數分鐘，便可入內用膳。這兒的燒鵝一向是店中皇牌，但一碗「燒鵝髀瀨」（$90/碗）著實並不便宜，見這兒的「燒鴨髀瀨」（$45/碗）價錢比「燒鵝髀瀨」足足平了一半，實在抵食，雖然明知道燒鵝始終比燒鴨來得好吃，還是捨燒鵝髀而取燒鴨髀，先一嚐這價廉物美的廉價美食的滋味。等不多時，一碗熱氣騰騰的「燒鴨髀瀨」已由店員從店內逼狹的通道間送上。看著浸潤在清澈湯中的半透明白色瀨粉上那隻外皮呈亮麗橙褐色的燒鴨髀和翠綠色的蔥花，讓人在未品嚐前已不禁食指大動。細細品嚐之後，但覺得半透明的瀨粉滑中帶爽，不會輕易夾斷，湯頭也味道適中可喜，主角的燒鴨髀啖啖是肉，肉質口感既佳，也有不錯的肉味，外皮雖不太脆，仍然及格，燒鴨髀、瀨粉與湯三者的組合，配合無間，波記的名氣確非倖致。 一碗教人吃得津津有味的

今日抽起條筋好想食燒鵝，立即上網睇！比我搵到西環有間老店，平靚正！就去左試。一入到去，店面小小，餐牌貼在牆上。見到有不少熟客同老闆傾計，一入嚟就知自己想叫咩係人情味啊！當然重有啲遊客幫襯我第一次光顧，當然要睇耐少少。最後揀左燒鵝懶粉。不足五分鐘就上枱！係睇落好正嘅燒鵝外面充滿油香，但肉就唔係好軟淋。湯底就係普通清湯加蔥粒。懶粉軟硬度不錯👍🏻但份量就相對少，我唔係大食怪都唔係好夠猴總評分幾高推薦去開西環可以光顧一下小店。價錢又合理

今日趁Lunch time約左班同事去試下西環一間出名燒鵝脾既舖頭..聽聞會由11點開始排長龍，心諗我地依d放一點飯既打工仔唯有搏一搏。點知無人排喎係一心諗住叫出晒名既燒鵝脾瀨粉，要求鵝脾另上果時，個店員話冇得另上，咁我唯有改叫跟飯啦，咁先唔會令到隻鵝脾塊脆皮浸淋晒架麻。鵝脾飯大約都有4-5舊肉皮唔夠脆肉係算幾滑（脾位）可惜欠缺鵝油香味羅食完之後仲要覺得非常口渴$90 黎講...實在太貴喇唔會再有下次了

[ 我既童年回憶 | 燒鵝瀨粉🦆]••細細個係婆婆湊我👵🏻佢成日帶我去美心食下午茶，成日都係食燒鵝瀨🍜細個個時淨係鍾意食層燒鵝皮，到到依家大個，都淨係鍾意食皮😋-🔹燒鵝瀨粉($48)⭐️5/10呢間幾排成日係fb見到，終於有一日Lunch男朋友陪我去食🤗原本想食燒鵝脾，點知話Lunchtime無分🤦🏻‍♀️其實都只係中規中矩，亦都唔係特別好食🤷🏻‍♀️我最喜歡個層皮，燒得唔算香，枉我咁遠水路慕名去試🚗▪️叉燒舊舊都又肥又硬，失望☹️🔹淨雲呑($32)⭐️6.5/10普通無乜特別，皮有d厚，不過蝦好大隻，佔左粒雲呑既3分2位置🦐-🔺同枱個叔叔有幸食到燒鵝脾😍佢見到我望住佢隻脾雙眼發光咁✨✨佢叫我試一舊🤣🤣(我當然無咁做啦💁🏻)--更多食評ig: hungrykays 🌸

好多次想嚟食嚟到點知無開，今日諗住見到佢有開先去幫襯，好啦，見見到佢開先泊車，泊完六點行到去，點知閘已拉…明明話收8點，好飄忽…呢間鋪頭應該係好有性格，又唔憂做，又無電話俾人查詢下究竟佢今日開唔開，幾點收工…

要數由細到大都吃不厭的食物除了麵包，當然還有叉燒! 我不算很喜歡吃燒味 但不知為何就是很愛叉燒，平日媽媽經常買回來加餸不在話下，去飲茶更會散叫碟叉燒才心足這次吃貨frd子帶我去主打燒味瀨粉的波記，鋪位不算大 勝在食物選擇多，由各款燒味飯麵到雲吞麵等都應有盡有　價格$30起跳，豐儉由人。姐姐服務態度好好，上菜又快，和frd子一人一碗開心吃個簡單的lunch圖中：1. 叉燒瀨粉（$32）看起來不太大碗，但事實上超足料！沒想到居然有那麼多叉燒（數過約有12塊）雖然點的是瘦叉燒，但叉燒都算大塊和厚實（肥叉/半肥瘦叉應該會不得了）肉質juicy嫩口，還帶淡淡蜜糖香，肥膏不多食落啖啖肉🤤。瀨粉入口爽口彈牙，軟硬度適中。略嫌湯底太油膩，但始終有燒味好難避免。$32又好食又飽肚，好幸福2. 燒鴨瀨粉（$32）又是燒鴨多得好誇張的一碗，上菜時整個碗都被燒鴨霸了，幾乎看不到瀨粉哈哈～喜歡燒鴨的的皮帶點微脆，但鴨肉偏鞋，而且肉的比例不多，相較之下叉燒瀨就出色多了。

星期六反正收早就特意搭地鐵過黎大學站試一試呢間波記 ：由於落雨一入去就有位，店員好客氣問哥仔食乜？？脾賣曬！ 燒鴨得番頭頭尾尾……我望左望呢個鐘數茅奶油食飯、就話燒鴨燒鵝瀨：先試左舊燒鴨有鴨油香味但鴨肉無咩味道，再試件鵝 同鴨一樣 鵝皮有燒鵝既香味肉又系淡茂茂希望越大失望越大 只能說無報章或雜誌講到貢神！信自己把口試過就人算！埋單51走人 搭地鐵去中環到中環站個口開始發喝識食既你 唔洗我講都知系咩野事！

波記燒臘粉麵店既燒味真係無得輸，上次黎佢已經關左門，可能太好生意，賣哂就唔做 (好唔開心)。今次黎終於都比我食到喇，叫左個燒鴨賴粉，雖然張相望落去呢，隻燒鴨好似有D深色，但其實實物係好靚架，個面勁有光澤，皮好脆又唔算好肥(不過就算係肥，都真係忍唔到唔食!!!! )，加上D香料味入哂落燒鴨既肉到，所以一D 'SO'味都唔覺得，而且肉質唔會好鞋，好似咬都咬唔開甘，真係做得好好。另外，湯底唔會無味精味，食完唔會口渴想飲水，成件事真係好完美呀。

今日路過西環諗住試下傳說中的波記買咗盒叉燒鴨飯嗰賣相完全係零 一片凌亂 36蚊無湯菜又無條 絕對貴 飯好硬又好林 鴨味道一般睇見個樣都唔想食 我從未食過甘差既燒味飯永無下次

下午2點多, 裡面都幾多人食緊, 因為呢間老字號又出名, 所以一直都有好多人出出入入, 有熟客, 又有操普通話客.我一個人, 本來諗住坐張細台, 唔好阻住佢, 不過佢見我大份又有個大背囊, 所以叫我坐大台, 話舒服D嘛, D阿姐都幾有人情味, 好好人呀!叫左名物-- 燒鴨瀨, 唻到真係見到好多鴨呀!D鴨肉都好嫰滑, 一排係有骨, 一排係肉, 所以一碗有哂2種口味, 瀨粉都好多, 所以好夠飽.呢間都好多選擇, 好似叉燒/ 牛筋腩都有得揀.

早便認識波記，當時在西營盤山坡上，是坡上買鴨記，很辛苦的。自從米滋蓮眷顧，粉絲絡繹不絕。今早依開飯寶典（openrice）,準時在11:28從港大站B1出口到達。門口無人排隊!11:30開閘，我未坐下，先叫鴨髀飯。說時遲，那時快，8桌子已被佔領。他們全是熟客!11:32一女子闖入，與我搭檯，馬上叫鴨髀飯；店員說:沽清。她望著我的戰利品，表情是。我舉機拍照，8成滿情況下，不是全部檯都放有髀，可見鴨髀供應極少。11:40爆滿，我叫店員取酸梅醬，開始吃飯。兩年不見，皮算脆，鴨微熱，賣點是鮮，肥瘦比例適中，當然還有抵食。聞說鴨鵝在16:00前沽清。這正是我少來原因。店招牌標誌三絕，我認為是有一邪，雙飛:一邪是店主不是廣東燒味師傅傳人，亦不是灣仔同興此類世家嫡傳，自學能感動萬千食客（包括照片中的新潮少女）。此類香港精神值得支持。雙飛:燒鴨來貨監控極嚴，選瘦到飛起的。二是义燒。义燒亦瘦到飛起。買了半斤外賣。質素中上。論醬汁，比不上再興的袐方。這幾個月港島人宜來一試，順路沿屈地街經電車路，左轉去一田超市。其實價格牌的脾字是錯誤，此字解作脾臟。字是髀，亦可俗寫為肶（古代寫法）。字是順潮流改變，如我上篇

波記是我由山道食到街市的店, 雖然不是經常來, 但每次都令我滿意多數晚上7時多他們已經收鋪, 因為買晒就收, 所以多數我都撲空, 今次卻可以吃到燒鴨脾, 十分愜意~~~ 真的好好食~~~ 

堂姐以前在這區工作，常常在這裡午餐。轉換工作環境後，很久沒有幫襯了，今天剛好跟我重遊舊地，當然要勉懷一下。堂姐介紹這裡的燒鴨瀨粉抵食，它比燒鵝瀨粉便宜了$15，所以我們都要了燒鴨瀨粉。這碗瀨粉煮得軟硬適宜，燒鴨又多，整整2排，啖啖肉，而且燒鴨肉味鮮甜，份量充足，鴨燒得很好，不會太肥，皮香肉嫩。加上蔥粒，更加將肉的香味提升了不少。堂姐的介紹真不錯，抵食夾大件。芥蘭煮得很腍，菜很清甜。