波記燒臘粉麵店

營業中

休息中

想去試食好耐，星期六過開海就一於試一下去到排隊時間比想像中快！去到有大約6,7個人係前面。。。不過等咗大概5,6分鐘就有位入得！店舖比較細，不過係舊式風格正丫！本來叫個叉鵝飯。。可惜鵝無晒咁轉食鴨叉燒好好食，不肥又唔會乾！蜜汁岩岩好又唔會太甜鴨皮有小小脆又無乜肥！好好食！ 好耐無食過好食的燒味飯真係眼見其他人叫鴨肶都好吸引！下次要再試真心正！之前仲見過老闆接受訪問，堅持不開分店，自己親手做而保持質量！支持！

傳說西環有一間毫不起眼既燒味食店，但鑑於小店星期日係休息，終於搵到時間星期六去香港大學站一出 過條馬路仔 遠距離已經見到有條小人龍 不過等位都好快 大概都係5分至10分鐘左右 入到去一眼望晒 大概有六張枱左右 可以容納20人左右 呢度最出名食叉燒，所以叫左一個叉鴨脾瀨。 可惜燒肉賣晒 未有機會一試。等左幾分鐘 就有得食。叉燒超正，半肥瘦最鬆化！而燒鴨皮都超脆，2樣食品都係水準之上，好明顯係即燒即賣，不愧為鎮店之寶！下次要再試埋燒鵝脾希望可以保持水準！

来香港近一年，有时也来波记食烧味。烧味也是我小时候的回忆。我家在上海，记得小时候家附近有一家烧味店，老板是个广东大叔，做得好烧味。小时候经常帮妈妈去买叉烧，一般是买一盒。我嘴馋，买完叉烧在返家路上就开始偷食。每次买叉烧，大叔就会笑着说，勿要路上偷食啦，不然又要被你妈妈骂啦！有时他装盒收完钱后，又额外切一小块给我，专门给馋嘴的我返家路上食。后来搬家后很多年没食大叔的广式叉烧。上海本地的叉烧做法又不同，大叔后来也搬了，于是多年没有专门去找叉烧来吃了。来香港后第一口波记的叉烧！是小时候那个广东大叔的味道啊，是我的童年，回不去了。那个路上馋嘴偷食叉烧的小孩子，有点想念广东大叔了。

雖然說是「冬大過年」，可惜我今年（2018年）的「冬至飯」，基本上因為我媽個人原因而告吹收場，我晚上只能剩下自己一個人，在阿姨陪同下食個晚飯了事。至於「冬至飯」的前夕，我就在西環「皇后大道西」旁邊的一間主打中式燒臘食品，店名叫做「波記燒臘粉麵店」的燒臘粉麵食店裡面，食了一碗燒鴨髀湯瀨粉作為下午茶食品。當我一個人來到西環，看見「波記燒臘粉麵店」和它大型貼牆巨型餐牌的時候，我忽然覺得這間中式燒臘粉麵店，令我有曾經看過「許冠文」主演的港產電影「雞同鴨講」裡面，「老許」跟他的中式燒臘食店「老許記」，還有他售賣的燒鴨瀨粉。「波記燒臘粉麵店」裡面的唯一餐牌，就只有被餐廳張貼印在牆壁上，被放大至到擁有巨大字體的龐大價目表。價目表裡面的食品名稱跟價錢，我望完「波記」巨型價目表後，很快就找到自己想食的「燒鴨全髀瀨」。我被了發現「波記燒臘粉麵店」，除了擁有自家製燒鴨之外，竟然還有自家製的燒鵝鵝髀湯瀨粉提供。可惜「燒鵝全髀瀨」的實際售價需要港幣九十五元，比起「燒鴨全髀瀨」售價昂貴得多了。所以我衡量過價錢之後，最後還是選擇先點一碗「燒鴨全髀瀨」，試食過「燒鴨全髀瀨」的實際味道之後，下次才慢慢嘗試「燒鵝全髀瀨」

以前係呢區生活，波記簡直係我既飯堂 之後搬走左，波記又唔開公眾假期，所以都差唔多成年無食過波記，最近終於又再食到喇同行朋友叫左燒鵝瀨加底，我就叫左叉燒油雞瀨加底之後都幾大碗 師傅仲要俾左鵝脾我地，賺曬我食左一舊鵝，塊皮燒得好靚無加底既瀨粉係用瓷碗裝，同以前一樣好多人都話黎食波記一定要試佢既燒鵝，但我覺得波記既叉燒更加令我記掛住 波記既叉燒肥瘦比例啱啱好，舖係叉燒面既蜜汁唔係死甜，滲左入叉燒肉入面入味得黎令到叉燒肉更加淋身，真係好正

Food here is always on point, I have never had a bad siu mei rice here. Period.The Roast Goose gets sold out quite early so if you want to try it you better come earlier during lunch time. By afternoon tea most of it is gone, though the Duck is also quite good. The Char Siu here is my favourite, almost the best in Hong Kong. I wouldn't mind people giving me better recommendations though if you have any!

燒鴨瀨粉 (左) $33一上檯覺得好似無咩特別，同街外燒味分別唔大，不過食落有驚喜。湯底好清而帶胡椒味，唔係一味死鹹，鴨皮脆得黎不至於食到成口油，最正係鴨肉真係好多肉唔似其他有時得塊皮👍🏻真係真材實料啖啖肉而且唔韌，好軟身仲幾多汁！評分：8.5/10👓燒鴨全脾瀨 (右) $48原隻脾放上檯都真係幾壯觀，鴨肉一樣軟糯有油香，不過原隻感覺更加食得出鴨皮既脆。只係價錢相對貴，如果只係鍾意食鴨肉既朋友可以叫返普通燒鴨瀨，價錢相宜但係味道都唔大分別架評分：8/10

想試呢間好耐但次次都好多人，今次終於𢯊起心肝排隊都要試。掛排咗10-15分鐘有位。叫咗叉燒燒鴨米，啲餸滿滿的鋪滿碗面，睇落賣相都唔錯，但食落其實只係一般。我果碗的叉燒偏瘦但都算夠淋，問題係無乜肉香味，而燒鴨雖然係脾肉但都一樣。佢地最出名好似係燒鵝，下次可以試試無妨。

叉油雞髀飯多蔥油 ($53)評分：9/10.作為香港人間唔中就會想食番啲港式嘢 😋 其中一樣非燒味莫屬～鼎鼎大名嘅波記小妹冇耐之前終於去咗食 😌 實在太驚喜喇 😆 完全無令我失望，無論係價錢定係食物嘅質素。落單之後嘢食亦都好快到叉燒同雞髀嘅份量好平均 👍👍兩者嘅件數相若，叉燒我冇特登話要咩部位或者肥瘦分佈，但嚟到都非常有料到，咬落軟熟，味道濃郁，啖啖肉但係唔肥。雞肉嘅折口位亦都好整齊，冇乜碎骨，雙拼仲要雞髀都只係$5X一個飯真係唔知去邊度搵，埋單時其實幾驚訝.Dual Siumei Combo BBQ Pork and Chicken Thigh with Rice ($53)RATING：9/10Definitely one of the best "siumei" rice in town — premium quality local food at a fair deal. Barbecue pork is super tender and soft but not greasy at all, they're also of half lean/fat by default

中午12點左右黎到，竟然唔駛等位，叫左個燒鴨脾併燒肉瀨粉，55蚊。燒鴨脾同燒肉肥瘦岩岩好，因為我最怕太肥既燒味，上次食過叉燒都唔錯，野食就好正，但唯一唔好既係坐得唔係太舒服同埋好多時要搭枱。

身處香港大學附近 被評為港大名物的波記 最岀名就係燒味 店都係街坊生意多平時 Lunch time 好多人 有時都要等一陣位 坐的位就係普通茶記咁 有少少迫 但都可以接受燒味同其他店比較 好似貴少少 今次試左碗叉燒燒鴨瀨粉 叫左一陣好快已經有 味道不算一試難忘 但都達到燒味應有水準 叉燒肥瘦適中 湯底飲左唔會勁口乾 好似加多啲錢可以係燒鴨脾如果經過附近都可以一試 但佢的休息時間好唔定時 好難捉摸.....食唔食到就講緣份啦 多數星期日同假期都會休息

呢間位於香港大學站b出口嘅波記可以話係港大同學仔必食嘅燒味店。鋪面唔算特別，同普通嘅燒味專門店大致一樣，而餐牌都係好平凡嘅menu：單拼雙拼飯/瀨粉。筆者叫左最常見嘅叉燒燒肉飯，先講叉燒，叉燒非常惹味邪惡，蜜糖燒汁加埋肥叉燒上嘅脂油簡直令人食指大動；燒肉皮亦都整得非常之脆，份量亦唔算少。另外值得留意係佢堂食有宜家買少見少嘅支裝可樂，配埋肥膩嘅燒味簡直一絕！至於用餐環境方面，因為係小店嘅關係，所以店面唔算大，位置唔多而且有少少迫，所以建議可以外賣，不過就無得飲賣少見少嘅支裝可樂。

本身約左朋友，見時間尚早又有d肚餓，就去波記食少少野先，波記既燒鴨本身都出名，所以今次決定燒鴨瀨外再試埋佢既牛根腩，燒鴨牛根腩瀨（$44），雖然唔平，但牛根腩炆得入味軟淋，燒鴨水準都keep到，所以雖然價錢偏貴但都可接受，味道唔錯，可以一試。

去開HKU附近，但係你唔會想食HKU can，朋友提議食平快靚正嘅波記，YES，完全同意平快靚正。齊人先入得，瞬間要點好嘢食，我就揀左叉燒燒鴨賴粉（$38）。雙拼只係加多$5，所以要哂兩個餸。足料，份量多，一上檯碗面全部都係叉燒燒鴨。叉燒半肥瘦，味道啱啱好，燒鴨肉嫩而不韌，肥而不膩，正！配埋碗湯賴粉，唔知點解個湯明明無咩特別，但係偏偏好夾，係香港味道。食飽行出嚟已經見到有人排隊，好彩早左嚟開餐。下次經過附近一定會再食，試燒鵝。

今日要拎野去HKU, 而友人又係西營盤出job, 咁就相約一齊食Lunch, 咁我地就去左石塘咀市政大樓附近間波記燒臘粉麵店食燒鵝瀨。 我同友人不約而同想食燒鵝叉瀨,滿滿一碗,面頭放滿燒鵝同叉燒。燒鵝色澤油亮,賣相吸引,唔油膩，咬落皮脆香口，肉質軟熟易咬，不愧係咁出名。湯清無味精, 食完都唔洗狂飲水。瀨粉顏色晶瑩，條條分明，唔會碎濕濕，麵質彈牙爽口，唔會過軟。 PS 雖然出色, 但我覺得以前細個回鄉食的燒鵝瀨比較最出色, 那個湯底比較濃, 鵝又香又捻。但香港太少地方有瀨粉食了, 波記不失為好選擇。