河內越式料理 (村南道)

營業中

休息中

喺附近睇完戲都晚上九點幾，而家呢個時間好多舖頭都慣咗早閂。咁就沿住呢間數落去睇吓仲有邊間鋪有開。突然見到呢間越南粉，就諗住近近地食完快啲返屋企。之前都見過好多分店就係好少有會自己個人去食。叫左二人餐有兩碗粉，一碟雞翼、一碟菜同埋兩杯嘢飲， $200唔使性價比有返咁上下。我就叫咗生牛肉湯河，個湯頭正常發揮，比起早幾個星期喺第二啲舖頭食嘅越南菜，呢間水準唔差，直頭成碗湯清曬！另外，牛肉份量幾多相都有誠意。另外個雞翼都幾入味，每人兩隻好似唔係好夠喉。另外叫咗熱情果冰，初頭以為特款係沙冰，點知原來係沖水嗰款。食完炸雞翼潤一潤喉都幾好。

今次份量好明顯細左，我係普通食量嘅女仔食完都仲覺得肚餓。牛河嘅牛肉得幾塊細薄片，豆卜撈檬嘅拌菜都比得好孤寒。同埋可能因為比較夜（九點幾），D碗碟同檯面都有明顯污漬，不過無昆蟲我都費事投訴了。唯一保持到水準嘅係飲品。身為熟客我好失望，短期內唔會再幫親。

今日同朋友喺圍方睇完戲之後嚟咗喺呢間位於喺圍方出面嘅越南菜食嘢, 相比起圍方嘅餐廳抵食勁多。星期日晚市時段都好多人食, full house咁濟。Menu就咁睇嘢食嘅種類都有好多, 煮食都有湯麵、撈檬、連喺香港比較少食到嘅濱海都有，而且出差速度都好快。順化蕃茄蟹肉扎肉湯檬粉蕃茄同蟹嘅味道好濃郁，比想像中大碗，扎肉同埋豆腐卜等份量正常，如果蟹肉多啲就更好，但整體嚟講好鮮味食落好開胃。濱海伴香茅豬扒寫到明係必點當然要試吓。相比起係越南食到嘅，佢嘅濱海會比較煙靭。香茅豬扒大大塊，唔會太晏，好欣賞佢個沙律菜係有埋紫蘇同埋薄荷葉。芒果牛油果鮮蝦米紙卷一上菜覺得佢個顏色非常之好睇，用咗紫色嘅米紙令人眼前一亮。鮮蝦啖啖肉，生菜新鮮，入邊都有夾到薄荷葉，加倍有新鮮感。招牌越式三文治做到外脆內軟，有生菜、醃菜、扎肉等，新鮮食最好。熱柑桔蜜、熱杞子龍眼蜜冬天飲熱飲，感覺暖笠笠又養生。

今日去咗大圍一間食越南嘢嘅餐廳入到去好有越南風格，又有越南帽掛喺牆上面😂仲播緊越南音樂😌入去嗌咗一個牛三寶湯河🐮軟殼蟹撈檬🦀仲有安南鮮蝦米紙卷🦐。個牛三寶湯海就有牛腱牛丸同埋生牛肉，D牛展唔韌煮到好腍、牛丸充滿牛味，唔會太鹹有嚼勁、牛肉就肥瘦適中，啖啖肉。湯底冇味精味，濃郁香醇但又唔會特別鹹，有啲可惜既係河粉煮到碎左、夾唔起。連埋河粉仲比埋一個迷你青檸同埋辣椒🌶️而軟殼蟹就好夠鬆脆、皮又薄又酥脆香口點埋魚露食卜卜脆😋😋撈檬入面加左蘿蔔絲、青瓜絲，食食下又咬到花生碎同埋隻蟹既麵衣，酸酸脆脆，口感豐富。米紙卷入面包左蝦、生菜🥬，蘿蔔絲🥕，青瓜🥒、粉絲，十分足料，米紙煙靭、配菜清爽，配埋魚露🐟食好爽口開胃，不過蝦就唔算多😿野飲揀左冰鎮奶茶，真係有一大碗冰凍住，奶茶茶味都有，但係甜味冚過咗陣茶味，個人覺得甜左D🍬 最尾嗌埋甜品：椰汁芒果紫糯米飯（雖然好似係泰國甜品⁉️） 椰汁甜度岩岩好，配埋酸酸甜甜既芒果同埋煙韌既糯米飯，好滿足！唯一缺點係糯米飯比得好大方，有一大舊，食完飽曬🫃🏻😂

見到呢間餐廳幾多人等外賣就同朋友入左去試下😂味道不錯而且侍應姐姐全部都好熱情❤️！鋪頭唔係好大，但位置都幾闊落唔會唔舒服！牛三寶湯河首先試咗佢哋嘅牛三寶湯河，呢碗湯河真係好出色！✨湯底清澈而鮮美，帶有一絲淡淡嘅香草味😋飲落去完全唔口乾。河粉滑嘟嘟，吸收咗湯汁，咬落去口感彈牙！三寶入面我最鍾意係牛丸😍口感彈牙而且調味得好好。鍾意食辣所以落哂隨餐附送嘅辣椒仔🤌🏼湯底嘅鮮甜加上辣味，令到成個湯河更有層次！炸蝦餅外脆內嫩，蝦餅好彈牙，係expected嘅味道😂但surprise嘅係外層非常酥脆而且不油膩！⭐️牛肉沙律超級大份，上菜個時真係嚇親😂有紅蘿蔔青瓜同生菜，搭上酸酸甜甜嘅醬汁☺️令人感覺食指大動，非常開胃！而且仲有少少花生碎令到口感更加好，配埋花生碎食更香口！🫶🏼咖喱牛腩飯咖喱汁嘅質地比平時食開嘅稀身，但神奇嘅係味道冇因為咁變得淡，仍然食到好香嘅咖喱味🥴比較似平時港式咖喱，而且椰奶味都幾突出🧐牛腩煮得非常入味，肉質軟嫩🌸而且每舊牛腩都幾大舊😋好啱送飯！牛油果沙冰🥑今晚嘅MVP一定係牛油果沙冰❤️！！！沙冰滑順，牛油果味濃，清甜得來又唔膩🥰🥰仲可以感受到牛油果嘅細膩口感，牛油果控必試！🥑

生牛肉湯粉係越南菜嘅經典代表，湯底濃郁，帶出牛骨熬出嘅鮮甜味，生牛肉片薄得嚟仍然保持嫩滑，淋喺熱湯入面輕輕一灼，入口即溶，配埋新鮮嘅青檸、豆芽，食起嚟清新又滿足！🍜香茅豬扒撈檬絕對係一個開胃嘅菜式，檬粉彈牙爽口，配埋香茅豬扒，兩者完美結合。豬扒烤得外焦內嫩，香茅嘅味道滲入肉入面，仲有酸酸甜甜嘅魚露醬汁提升味道層次！🍖紙米卷係越式小食嘅代表，呢度嘅鮮蝦紙米卷皮薄而有韌性，內裡夾住爽口嘅蝦、清脆嘅蔬菜同軟糯嘅米粉。🦐我叫左杯龍眼冰就係炎熱天氣嘅救星，甜而唔膩，冰涼解渴。龍眼肉爽口多汁，配埋透心涼嘅冰塊，飲完令人即刻精神爽利。❄️朋友點左椰汁紅豆水係甜品同飲品嘅完美結合，椰香濃郁，紅豆煮得軟糯，甜度啱啱好，唔會太濃太膩。🥥香茅豬扒實在太好食，所以又叫多左份share，肉嫩多汁，好正。🍴最後，仲點左香茅雞翼，雞皮微焦帶有香茅味，雞肉多汁又嫩滑。無論係配飯定係單食，都好啱口味！🍗

難得入到大圍緊係出去食街鋪，大商場靚係靚，但啲食店貴到飛起之餘仲要未必好食餓餓哋都行唔遠，行幾步見到有間越南幾企理就入去try try60蚊一個生牛肉河都算係咁，唔包飲品今時今日留港消費都係差唔多價錢，啲staff招呼都算ok geh，但會掛住傾計揾唔到人個湯好正，唔算好味精 加啲魚露 酸酸咸咸好開胃 係我想要嗰隻味了跟麵仲要有粒小青檸同啲辣椒粒，方便自己調味，如果真係唔夠酸或者再想食辣啲我諗可以問佢要多碟添😂好特別又超好味嘅斑斕茶，甜甜清清so peaceful

晚上嚟大圍搵食,同朋友嚟幫襯下食越南野,估唔到入內已經全店滿座,牆身靚靚越式掛飾,有氣氛,欣賞!靚!店員好好既招呼,提醒仲可以叫下午茶,套餐勁抵食,主食可以配小食,叫咗扎肉湯河粉,好快到熱辣辣上枱,再叫個順化蝦餅拼撈檬,撈汁食,蝦餅好出色好,足料夠彈牙,美味!香茅雞翼味道正常,朋友想試就叫咗個招牌越式三文治,估唔到爆餡滿滿的,滿足!越式豬頸肉配甜酸醬美味,好夾囉!二人食叫咗咁多野都食得晒,今晚大滿足!加埋油菜仲有飲品係冰鎮凍奶茶,好香茶味,不太甜喜歡!整體唔錯,唔怪得咁多人幫襯,下次要再嚟食過!

沙田罕有越南菜，好多時都會掛住佢，久唔久就會又想食越南野就一定意起佢。加上佢地點非常方便，就係大圍車站對面馬路，所以都係我經常會幫襯嘅一間餐廳。當然食物都一定有特色之餘，仲要好味先得，當然有時放工夜就會唔想煮飯，所以有時我都會買外賣返屋企，每次返到屋企都可以保持到仲有溫度嘅，真係好難得，証明係控制外賣菜時都有啲心機，唔會下下煮定晒啲野係到。所以真係值得一讚。佢嘅燒豬頸肉真係每次我都會必叫嘅，打開一定聞到佢個香味，食落仲要好滑好香好好味，配飯真係一流，而佢個豬扒同樣都係仲有溫度，外脆內軟，唔會乾真真咁，最最難得嘅係每次外賣佢嘅醬汁都好細心，一定唔會比漏，一個跟一個，明顯呢啲真係好用心做啲餐廳，所以點會唔成日幫襯。

晚市時間出咗大圍覓食見到呢間越式料理full唒，好彩員工做野都好快手，好快入得座。🍽️西貢咖喱牛腩配法包 $80咖哩份量都唔少，入面有幾舊大嘅半肥瘦牛腩，煮得好腍好入味。咖哩味道濃郁，配上蒜蓉法包一齊食好好味！法包外皮唔會好硬，好容易咬！🍽️濱海伴香茅牛肉 $76濱海係越南常見嘅小食~一絲絲幼細嘅米粉組成一個個米糰 ，加上蔥碎同炸蒜碎鋪喺面頭，食落口感偏煙靭，相當有趣。用生菜、香葉包埋米粉、牛肉、花生碎等一齊食口感好豐富，香茅牛肉味道亦好突出。🍽️街頭香葉卷撈檬 $66香葉卷包裹住肉餡，幾香幾特別。檬粉份量好多，口感偏有咬口彈牙，差啲食唔唒！🍹牛油果沙冰 $36抱住一絲希望喺呢度叫咗一杯牛油果沙冰希望好飲，結果真係有驚喜！好怕飲沙冰飲到成口都係碎冰！竟然呢杯牛油果沙冰一啲碎冰都冇，入口非常幼滑好似奶昔咁，而且仲有濃郁嘅牛油果同奶香味道，真心滿足！！.雖然淨係叫咗一個主食，但我同朋友都食到好飽！抵食！

之前乘郵輪去過越南但只是走馬看花逗留時間太短，跟很多美食擦身而過雖然在香港想吃越式料理不難但說到風味真的只有這家比較像樣坐下時奉上一杯班蘭茶已覺得有驚喜因為比較少喝到這味道，有點新鮮感生熟牛肉河粉湯頭不會太鹹或太甜牛骨味濃，八角香而不搶多喝幾口也不覺口渴生牛肉在熱船湯中很快變熟口感滑溜是最佳獎態香茅豬扒撈檬香茅豬扒不算大塊，調味不俗魚露不太甜，微酸撈上青瓜絲紅蘿蔔絲和花生碎喜歡清爽的味道鮮蝦米紙卷卷的扎實沒一吃就散一客四件內裡均有鮮蝦越南有名的滴漏咖啡必試練乳另上，不愛甜我就沒加上齋啡本身帶點點甘甜不知道是不是越南的咖啡粉呢？喜歡越南美食可以一試，不會失望

順化番茄蟹肉扎肉湯檬，大大碗好足料，包括有蟹肉、扎肉同埋豆腐卜！蟹肉份量都唔少，充滿蟹嘅鮮味！扎肉大大塊又爽口，而豆腐卡吸滿哂濃濃嘅蕃茄湯底嘅精華！酸酸甜甜好開胃生熟牛肉湯河粉香噴噴熱辣辣，湯底好清甜，生牛肉同埋煮熟嘅牛肉片嘅牛肉味都好濃郁，入口仲好嫩滑，河粉爽口又彈牙，加入青檸！河內小食拼盤大大盤好豐富，份量足夠！小食拼盤有齊春卷、香茅雞翼、扎肉、蝦餅、米紙春卷…..全部上枱都係熱辣辣！我最鍾意食係香茅雞翼，皮脆肉嫩，仲保留到雞肉嘅肉汁，好juicy！蝦餅都好好味，彈牙又香口，配埋醬汁一齊食，酸酸甜甜，好味又開胃青檸梳打，青檸味重，飲落口好清新熱情果梳打口感清爽，入口帶有熱情果嘅香味，酸酸甜甜！餐廳舒適，上菜速度快！價錢合理，性價比都幾高！

前幾喺大圍行街，無意中發現咗呢間餐廳，啲裝修好有越南Feel，簡單清新。睇住個餐牌就決定試下！首先我點咗個泰式豬頸肉撈檬，價錢 $67，分量唔算多，但豬頸肉烤得香口，帶少少焦香味，加埋酸酸甜甜嘅撈檬，配搭得啱啱好。檬條啲質地夠滑，酸辣味岩岩啱，食完一啖就忍唔住再食第二啖。跟住仲試咗杯鮮芒椰西米露，套餐加$12 呢個價錢可以話係相當抵食。椰汁清甜濃郁，但唔會過甜，啲芒果係鮮甜多汁，加埋西米，冰涼嘅口感好清新，一杯就食到好滿足。另外，佢哋仲有蘇香軟殼蟹 ($45)，經過油炸之後嘅蟹肉，保持到咬口，味道唔算突出但至少保持到蟹味，整體嚟講係一個幾開胃嘅小食。埋單 $124，其實呢個價位喺大圍算係合理，食物質素高，有啲菜式仲有少少驚喜。如果你鍾意越式風味，想搵啲地方清閒食飯，呢間真係值得試下！

今次去圍方睇破地獄，不過想食啲平少少嘅嘢，所以去火車站另外一個出口搵食。咁多間舖頭，都有啲人，好彩呢間味道可以之餘，出餐幾快，所以完全趕得切。睇下有咩食先生熟牛肉湯河粉 $69牛肉有肥牛同埋牛腩片，肥牛放多一陣變成半熟，令夠甜嘅牛骨湯底多左少少油份。河粉好滑，如果想多啲香味，可以落少少辣椒碎同埋青柑仔，湯底會更多層次。素春卷撈檬 $68大條春卷切半，份量都大過一般越南春卷。見到裡面材料相當豐富，木耳、甘筍、芋頭粉絲，甚至胡椒都有，淨係無左豬肉碎，口感已經足夠。撈埋酸魚露同蘿蔔絲，非常開胃，可以一路食。香茅雞翼 （2件）$23因為有叫主食，可以跟餐要半份。雞翼炸得乾身香脆，有香茅味。但之前已經食左兩樣好嘢，就唔會覺得好特別啦！香茅沙嗲串燒豬頸肉 （3串）$72沙嗲串燒，同燒豬頸肉都食得多啦！但撈埋一齊都幾特別，因為醬碟好淺，所以點完已經有兩種味道啦！本身豬頸肉燒得乾身爽口，香料味足，所以香茅味唔算好濃味。點沙嗲之後，就會有花生香同微辣嘅感覺，加埋本身嘅香料，成條串燒味道更多層次。蜜糖柑桔冰+$12飲品色水好清澈，仲有幾個青柑仔，應該無落濃縮青檸汁，酸酸甜甜好放心。熱情果梳打+$12半杯熱

我阿媽不嬲嚟大圍都鍾意食呢間，不過呢間嘅質素的確係幾好！越南嘢嚟講係呢啲價錢，我嗌牛肉湯河，調味超正，原來侍應話全部湯河都係用牛骨煮㗎下午茶嘅話要好晏2:30後，我哋今日就唔會等啦我一定係嗌生牛肉湯河！牛肉份量唔算太少都幾好，金邊粉勁多佢個湯食完都唔會話好口渴，不過都有少少阿媽嗌嘅豬扒撈檬同埋河粉同阿哥一齊試吓，佢個豬扒又係香茅味整得好出色㗎呢間舖頭唔知係咩人開嘅呢，都幾多分店同埋質素OK環境都唔差，仲有獨立廁所侍應嘅服務態度都唔錯平民之選