河內越式料理 (村南道)

營業中

休息中

未去過圍方，是晚就諗住去行下，一出鐵路站就見到對面街好旺，咁好似街舖又吸引過商場食喎，就搵間試試先。間間餐廳都多人，最後揀左食越南野，店員好快安排入座，仲送上熱茶同餐牌添，高效率👍⭐越式咖喱牛腩飯朋友點左咖喱牛腩飯，越式同港式有咩分別㗎？食落好似重啲香料味，牛腩已紋到淋晒，綿綿的又有肉香，好食喎，仲有超多飯勁飽🤤⭐極品牛三寶湯河粉自己就揀左牛肉河，生熟牛都想食，加上越式牛丸通常都好食啲，就貪心啲要三寶先😆黎到無失望，肉好多，生牛滑，牛展軟腍，仲有重牛味又彈牙嘅牛丸，河粉又多夠飽肚，湯頭亦很鮮味，唯唔算太熱，個人喜歡燙口的湯底😆⭐越式炸蝦餅好似淨食個飯有啲寂寞，朋友追加左份小食，炸蝦餅香口彈牙，幾好食喎😋⭐椰果椰汁西米露 & 鹹檸七特飲跟主食叫會有優惠，叫左杯西米露同鹹檸七，椰汁西米露夠香甜，不過椰果就唔多，都幾正好似飲咗杯甜品咁。朋友叫鹹檸七不過不失，鹹鹹地都幾好呀。明碼實價無加一，啲嘢大份又好食，唔怪得咁多人幫襯啦。

河內越式料理(村南道)大圍村南道55號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：順化蝦餅撈檬 $68，追加小食-越式豬頸肉(細) $32，椰果椰汁西米露 $30河內越式料理鄰近港鐵大圍站A出口，交通方便！😄😄😄餐廳有多款越式湯粉、撈檬、飯、小食、甜品及飲品，還有下午茶優惠，總有一款啱你！👍👍👍順化蝦餅撈檬：蝦餅大大件，炸至金黃脆皮，脆口滋味，內餡卻依然鮮嫩多汁，帶有蝦的鮮美口感，加上撈粉和雜色蔬菜，彩色繽紛，賣相華麗，加上酸甜魚露，色香味俱全！😍😍😍越式豬頸肉：雖說是細碟，份量卻依然十足，肉質鮮嫩，十分有咬口，經過燒烤方式烹調後肉的表面呈現焦香的外觀，咬下時會有爽脆感覺，滋味一流！😋😋😋椰果椰汁西米露：椰汁有濃郁的椰香味，椰果有彈牙的口感，西米露則清甜可口，三種滋味合一便成了這杯特式飲品，啖啖透心涼！❤️❤️❤️餐單上還有供2位用的重量級越南火車頭，看來味道不錯，下次定要約埋朋友試試！👏🏻👏🏻👏🏻

🔥好味指數: 7.5/10.而家周圍都好多分店嘅連鎖越南餐廳唔似我都會叫呢一個蕃茄蟹肉札肉湯濛 $69😆😆因為我食完第一次就覺得好好食🤣🤣蕃茄湯底非常濃縮🍅而且有蟹肉 真材實料😋唔覺唔覺，就會飲晒成碗湯🤭🤭加多少少青檸汁真係好開胃🤤🤤.🔥法式牛油雞翼$52 呢個價錢有四隻，即炸即製脆卜卜炸得非常香口好食😆😆除咗淡淡的牛油香味😆.🔥越式炸蝦餅 $32份量雖然唔算好多但蝦餅外脆內軟😇點配枱上的醬汁更加惹味😉.🔥海房牛肉炒飯 $92牛肉炒飯熱辣辣都係即叫即炒而且份量大得驚人😳😳可以2-3個人一齊食都冇問題🤣🤣.🔥椰汁紅豆冰惠顧飯或者粉麵加$12就可以飲椰汁味非常濃郁而且可以叫餐廳少冰🤭🤭紅豆都好林 不錯😌😌.最值得一讚嘅係餐廳職員非常有禮貌而且非常樂於助人餐廳店舖非常忙碌，但佢哋仍然笑面迎人真係值得一讚👍🏻👍🏻😇餐廳亦都唔會收+1服務費😆

夜晚8點幾係大圍附近求其入間餐廳食，見到呢間越南野好多人，就試下。menu都好抵食下，有d二人套餐係可以揀2個主食，小食同嘢飲。我地叫左生牛肉pho，牛三寶pho，炸春捲，炸蝦餅同軟殼蟹米紙捲，好飽啊然後埋單每人都係百幾蚊左右。牛三寶pho有牛展，牛丸同生肉，份量十足。河粉係正宗越式河粉，唔係港式撈左油果d。湯底牛骨味十足，加埋檯面d調味仲提升左味道。幾肯定個牛骨湯無落味精，飲完唔會口乾。炸春捲同炸蝦餅2樣都好食，屬正常發揮。我地仲叫左軟殼蟹米紙捲，軟殼蟹炸得香脆，包埋米紙捲同d菜減少油膩感，都係好唔錯。整體食物質素好唔錯，d 侍應姐姐服務態度都好好，呢個價錢味道唔錯而唔洗受茶餐廳服務，去邊度搵啊。

大圍一間近東鐵站既越南菜‼️夜晚六點零七點去都已經要排一陣隊～都有唔少人叫外賣👀環境尚算寬敞餐有唔同款式/套餐可以叫2人餐 3人餐/4人餐 岩哂有選擇困難既朋友仔越南小食咩都有👍🏻粥粉麵飯今日就叫左個雞扒撈檬&豬扒撈檬兩個都唔會煎到鞋哂～雞扒都系好厚肉～👍🏻撈檬材料都唔少 芽菜青瓜 蘿蔔絲唔少得再加左兩杯飲品椰汁紅豆冰 / 綠豆冰好重椰奶味，甜度還好 唔會過份甜👍🏻 不過略續紅豆/綠豆唔太夠🥹🥹唔夠飽滿同滿足但中意飲椰奶既就不能錯過～～小食_豬頸肉啖啖肉 烤得剛好 唔會lone先

河內越式料理 • 大圍大圍呢間火車站A出口對開嘅越式餐廳已經幫襯過幾次，今次再度幫襯，門口見已有人龍，無論堂食同外賣都有為數唔少嘅食客光顧。今次侍應姐姐態度好，出餐快，服務唔錯😋😋..✅ 河內招牌豬扒飯 🐷 $64豬扒飯主打一個「抵」字，豬扒用香料醃過再加以煎香，肉質唔鞋，證明烹調之前食材處理得唔錯。豬扒上加上少少蔥油，配上一隻雞蛋，簡單而惹味！😙..✅ 極品牛三寶湯河粉 🐮 $72牛三寶指生牛肉、牛展同牛丸。生牛肉正常，牛展質地比較稔滑，牛丸彈牙多汁。湯式飲得出九層塔香味，河粉份量算多，唔錯！😙..✅ 越式豬頸肉 🐷 $32豬頸肉本身已經好食，簡單經過香煎再逼啲油香出黎，非常好食👍🏼..✅ 香茅雞翼 (2件) 🐔 $22雞翼嫩滑多汁，外皮煎得香脆，係幾好嘅小食推薦😝

今日經過大圍，突然好想食越南野所以去左河內越式料理食野我地叫左以下既野食🥢生牛肉湯河粉 食越南野我好難唔食生牛肉河，個湯夠熱夠鮮甜，牛肉夠滑🥢順化蕃茄蟹肉扎肉湯檬 蕃茄同個蟹味夠濃郁，食到真係有蟹肉係入面，唔係得個名，食完我係飲晒個湯🤣🤣🥢越式炸蝦餅（細） 炸得香脆，個蝦餅本身都幾彈牙，又夠熱🥢越式炸春卷 又係炸得熱辣辣，熱食最好食🥢酸辣無骨鳳爪 佢比較無咁辣，容易入口🥢法式牛油雞翼 牛油味夠重，炸得好脆，但雞翼好滑，夠juicy🥢椰汁三色冰和椰汁珍多冰 椰味重，入面啲配料又幾好食，襯埋啲野食岩晒

自從圍方開咗，自己都多咗嚟大圍呢邊搵嘢食，發現大圍其實有好多小店都好值得大家試吓。大圍的「河內越式料理」，小店的外觀雖然不起眼，但離遠已經見到有人排緊隊。首推的極品牛三寶河粉，湯底濃厚，有牛的甜味，有牛丸、牛肉和牛𦟌三款湯料。河粉唔會煮得太爛，吸收咗牛肉嘅湯底，食越南河必食。河內越式三寶飯，有扎肉、香煎雞翼和香茅豬扒，份量夠，豬扒同雞翼煎得夠香脆。軟殼蟹米紙卷則相對清新，加左蟹肉同軟殼蟹，軟殼蟹的香脆同生菜、蘿蔔絲的清新配合，即刻解左主食的膩感。越式生菜包，必食！碎肉配合左香料去炒，甜甜辣辣咁，以生菜包裹，每一口都是清新可口的驚喜。主食有跟餐飲品的，我哋各自叫了一杯杞子龍眼茶同越南咖啡飲。微甜的味道中混合著杞子和龍眼的風味，解渴又開胃；而 熱越南滴漏咖啡則散發著濃郁的咖啡香氣，為整餐增添了一份濃厚的風情。這家小巧的店不僅價格親民，更以大份量的美食吸引著食客，真係抵食！

好鍾意食越南野，仲好哋之餘又唔會好滯好heavy。行開大圍見到有越南菜食，就同友人去醫一醫肚。點咗兩個前菜同兩個主食，食哂都唔膩！鮮蝦米紙卷 - 好大碌，又好足料。有大大隻鮮蝦、菜、紅蘿蔔同米粉，點埋個秘製醋好開胃。酸辣無骨鳳爪 - 開胃首選，好入味，無骨鳳爪真係必食！底下有好多配菜，全部都可以食埋，抵食！濱海伴香茅豬扒 - 最鍾意食濱海，將菜包埋肉同米粉點醋一齊食係最正！呢度嘅濱海係一塊塊，我出面食開係散的，反而一塊塊會食得方便啲，唔會散收收。肉碎生菜包 - 好大碟，生菜份量都好多。肉碎辣辣地好啱夾埋生菜食。食完都好飽，好滿足。食東南亞野必飲青檸梳打，呢度仲要係成罐梳打俾你倒，抵飲！

河內越式料理| 越南河粉Pho 大圍地鐵站出黎已經見到好多餐廳 就試下越南野越粉粉黎講 湯粉同撈檬都係越南特色 清清淡淡 但係都好好味價錢同出邊食越南河粉差唔多 但係份量夠曬抵食之選🔶極品牛三寶湯河粉 三寶係生牛肉、牛丸及牛展牛肉片真係夠曬滑嫩 上菜果時 表面仲係粉紅色 口感好好 牛味都好濃郁 新鮮牛丸 牛展 都充滿牛味 味道鮮甜 超大一碗 湯底清甜 好好飲 湯的味道醇厚🔶軟殼蟹撈檬撈檬個汁做到酸酸甜甜 好開胃 檬粉既份量好足 大大碗檬粉鮮甜既粉味 都好好味軟殼蟹炸到外脆內軟 成啖食落去好滿足軟殼蟹冇多餘既腥味 值得推介🔶越式炸蝦餅表面炸到脆口 外皮酥脆 食果時仲係熱辣辣蝦餅材料好新鮮 食到蝦餅既鮮甜味 推薦而已蝦餅份量都唔細 岩曬🔶越式豬頸肉豬頸肉係厚切 厚切先食到豬頸肉既口感有個越式辣醬 酸酸辣辣 好開胃豬頸肉唔會乾身 保持到肉汁🍴整體評價：湯粉既湯底幾出色 清清地 味道都係鮮甜 牛肉片真係夠曬滑嫩 新鮮檬粉既份量好足 好開胃越式炸蝦餅做到外皮酥脆 好好味推介指數: ⭐️⭐️⭐️⭐️——————————————————————————————📌 大圍村南道55號地舖付款方式Visa Mas

味道唔知，因為根本咬都咬唔入，$70淨係食咗啲紅蘿蔔同少量檬粉！同店員反映意見，我都沒有任何要求，但竟然係一啲反應都冇，唉！米紙好厚，好「煙韌」！最好味係個椰青！

呢間越南餐廳已經吾係第一次食之前試過踏單車還車之後食今次就睇戲圍方實在太多人邊度都要等仲要吾知等幾耐過番大圍呢邊左右都有餐廳都要排等左10MINS左右佢D食物幾好食份量又足-順化化蕃茄蟹肉扎肉湯檬除左蟹肉、扎肉仲有豆卜而且蟹肉份量幾多一般出面食都係俾肉碎多青檸同辣椒另上吾會放係度匙度好好-軟殼蟹撈檬原隻軟殼蟹炸到辣熱熱中間切一刀仲有D生菜絲、青瓜絲、紅蘿蔔絲、花生碎當然仲有金不換(精髓-個人認為越南野必定要有)-西貢咖哩牛腩配法包又有牛腩又有牛根大約一半半比例牛腩幾淋牛根入口就溶法包加左牛油焗過脆皮-越式蝦醫炒通菜炒出黎吾會死咸有蝦醫味-椰汁綠豆汁/珍多冰同一般越南餐廳差吾多佢地GE湯粉/撈檬/飯類/濱海可以用優惠價加錢加飲品同埋小食外賣自取全單9折(下午茶除外)

星期日中十二點半嚟到， 都有位，唔需要排隊，入面有8成人， 再遲啲嚟就要等位， 我哋入咗去之後， 好快就滿曬人，座位排得比較迫， 裝修有少少殘舊。侍應生畀人嘅感覺就好勤快💗， 打開menu俾人個感覺就係cp值都頗高，我哋嗌咗個二人餐 二百蚊多啲👍， 包兩杯嘢飲， 我哋揀咗 雞絲沙律 +個菠蘿炒飯 同埋蕃茄牛腩配蒜蓉包。 食物質素about avera ge最好味係個salad 配埋酸酸地，少少辣嘅汁，好開胃💯。嘢飲有好多選擇呀，我哋order咗椰汁冰同 芒果椰奶，nice，有機會下次會再嚟!

平時都少過黎呢邊，今日過嚟搵朋友就順便行吓個圍坊，再喺附近搵食，見到間越南餐廳好多人，又有人喺度等外賣，感覺應該幾好食😝同朋友每人都叫咗一個粉再追加小食同飲品，價錢都實惠，食物又豐富😁😁😁真係食到好飽順化蕃茄蟹肉扎肉湯檬有好濃郁既蕃茄湯底，蕃茄嘅酸味加埋蟹肉既鮮甜，入面仲有扎肉同豆卜，湯底鮮甜開胃，最後係飲晒啲湯底嘅🤣🤣越式豬頸肉撈檬粉豬頸肉微脆，帶燒烤既香氣，個人對撈檬個汁有啲要求，呢間個汁好啱我口味，帶酸又唔係太辣。小食揀咗越式春卷，春卷皮比較厚但保持酥脆，入邊餡料好多。蝦餅都大件，炸到好香脆金黃，肉質彈牙有咬口，推介要試吓。鮮芒果西米露好重椰香味既西米露，而且配搭新鮮又甜既芒果，似飲緊甜品。羅望子冰朋友揀咗呢個飲品，試咗口，酸甜嘅口味幾特別。

這店位於地鐵站的斜對面, 十分易找。是日炎熱, 店員特意安排冷氣座位讓我降溫, 十分體貼。枱面放了魚露和雞醬等不同的醬料供食客享用, 乾淨企理。 1) 順化豬肉卷撈檬 $662) 椰汁三色冰 (原價$30, 跟撈檬價) $12順化豬肉卷撈檬以斜盤盛著, 頗特別。青瓜和蘿蔔絲新鮮清爽, 花生碎增添口感。檬粉清爽, 沾上魚露, 酸味味的, 甚是開胃, 很適合熱天享用。豬肉卷外脆, 味道足, 肉質似魚餅, 唯只有6小件, 且不是肉感類型, 滿足度不足, 感覺有點不實在。椰汁三色冰椰香味道滿滿, 略嫌珍多, 紅豆和綠豆份量少了點。