朋友生日, 上網搵下有咩餐廳可以慶祝生日又可以打卡, 見到呢間餐廳好多好靚花花裝飾佈置, 餐廳名又好浪漫, 決定黎呢度慶祝, 上到黎門口已經有花花位置可以即時打卡啦, 好開心, 哈哈! 入到裡面都係以花牆為主打裝飾, 亦有精緻花草的鳥籠坐位, 店內仲有兩隻可愛兔兔小店主坐鎮睇舖, 超得意, 我地當然點完餐之後, 就又開始影相啦~ *菠蘿照燒雞黑漢堡包
黑炭漢堡包表面好脆，雞扒就煎得幾香, 同菠蘿一齊食好夾好juicy。
*香草忌廉煙三文魚意粉
意粉軟硬適中, 煮得剛好掛汁, 口感唔錯，份量也十分豐盛，煙三文魚帶點鹹香味，混合一齊食, 好creamy, 是意粉的靈魂味道, 意粉上面灑上多色花瓣和香草作點綴, 賣相漂亮~
*小熊粒粒草莓牛奶
必點打卡飲品的可愛粉紅色啤啤熊冰，淡粉紅色草莓牛奶，味道不會太甜，入口順滑, 賣相真係十分可愛呀，非常少女心, 朋友很喜歡~
*招牌粉紅甜心心 (Sweet heart) – 需時10-15分鐘
心心甜點咬落脆脆的很香口, 不會太甜, 很喜歡, 呢到慶祝活動仲可以免費係甜品碟上加字, 美感滿滿~
甜品到後店員還會播放生日歌, 又有閃燈皇冠佩帶打卡, 還幫我們一齊拍照, 真係十分貼心服務, 讚!  呢餐生日飯朋友和我都好滿意和開心, 下次都要黎試下佢既下午茶先~

今晚係圍方睇戲, 睇戲前食晚飯先, 知道大圍火車站A出口, 對面街就有好多不同食肆, 搵左呢間越南餐廳, 我地因為早到, 所以唔駛等位, 不過坐多一陣, 就已經全場滿座, 仲要等位, 好採我地早小小到有位者~
*生熟牛肉湯河粉 - $69
生牛肉嫩滑，半生熟的質感好鮮, 熟牛肉就好軟腍, 伴隨住個熱辣辣既湯, 湯汁濃郁, 河粉細滑, 同埋河粉份量都好多~ *蝦餅撈檬 - $69
外酥內軟的蝦餅炸到很香, 香氣四溢，非常彈牙, 撈檬粉的麵條彈牙幼滑，加埋酸酸地的越式醬汁, 好開胃
*上湯灼田園蔬- 生菜- $21
跟餐可以叫碟菜, 生菜新鮮爽口, 都幾大碟, 好抵食
*軟殼蟹米紙卷- $73
軟殼蟹炸至酥香脆口, 米紙卷煙煙靭靭, 兩者好夾
*芒果沙冰 - $36
芒果味很香濃, 不會太甜適中, 夏天飲涼透心 *檸檬蜜糖薑茶 - $8 (跟餐)
岩岩先病好, 所以我就叫了杯檸檬蜜糖薑茶黎飲, 薑味好出, 有小小辣, 飲完好舒服

好耐無同兩位朋友吃飯, 由於其中一位朋友有coupon同埋未試過呢間餐廳, 又想食吓片皮鴨, 所以黎呢到用餐~
我地3個, 叫左佢既至二人餐 - 至尊鮑魚海鮮餐 - $998, 因為我地係3個人, 所以問侍應加多一份鮑魚幾錢, 佢話只需要幾十蚊, 我地諗應係50蚊到卦, 結果係$82, 隻鮑魚又唔係大隻又只是凍食, 又講唔出好鮮甜, 真係唔值呢個價錢加埋一係需要$90.
之後我地都加左一位蟹粉鮮魚羹, 套餐只包兩位,  問侍應加幾多錢又係話幾十蚊, 結果係$88, 加埋一係$96.8, 忠蟹粉鮮魚羹比較味精, 同埋蟹粉鮮魚唔多, 味道好一般, 好失望, 如果侍應一早同地講明係要加呢個價錢再加一, 我地係唔會叫, 最重要係又唔係話好食~
片皮鴨比較乾和凍, 無咩鴨味.
醉雞經Open rice訂位送的, 但酒味唔香濃, 食到雪雞味, 麻麻地.
其他菜式又係好一般, 都費事寫~
賣單未計可以扣coupon, 套餐免加一, 但散叫就要加一, 加埋餐前小碟和茶介加一, 合供$1225, 每人平均$408, 咁既質素, 真係唔值呢個價錢, 應該唔會再黎~

星期六係中環一個人食完十分美味的刺身壽司飯, 距離睇跳舞表演仲有一小時, 便搵下附近有冇咖啡店, 睇地圖見到有Coco Espresso, 原來係中環呢到開左分店, 我都唔知道, 即刻過去探店, 裝潢依然係型格格調~
呢間咖啡店已經開左好多年了, 有幾間分店, 不過我係上環返工的時候已認識它, 對佢情有獨種, 有美麗開心的回憶~
呢間咖啡店的咖啡價錢合理, 味道都是我喜愛的, 今次就試左佢地既cold brew coffee, 有三種味道可以揀選, 不過我唔知道揀邊隻好, 所以咖啡師話幫我揀, 我信任佢, 留俾佢揀啦, 哈哈~

Cold brew coffee味道濃厚、層次豐富, 可以喝到咖啡豆的原始風味, 正~
希望以後會有機會再同你飲一次~

今日上完拉筋堂, 去睇跳舞表演前, 黎到之前同學介紹的人氣26樓的日本餐廳食個美味的午餐先😊. 一黎到就見到出面景觀好吸引, 裝潢雅致, 呢到主要係吧枱座位和開放式廚房, 可以望到廚師製作食物, 眼睛多樣欣賞😂, 哈哈~
餐牌有多款午市定食🍱, 仲有高級版的廚師發辦, 岩哂唔同口味既朋友~ 我就揀選了丼定食🍱~ 碎切剌身壽司丼定食($280)🍣
Deluxe Sashimi Sushi Rice Bowl Set
定食包括了日式雜菜蟹條沙律🥗, 沙律菜新鮮清爽，麵豉湯🥘有白蘿蔔、海帶、紅蘿蔔，味道香濃帶甜, 茶碗蒸蛋🥚蒸得剛好滑溜，散發香香的菇味~ 主角上場, 剌身壽司🍣丼種類多, 目測有八九種不同款式的碎切刺身, 全部肥美新鮮，海膽當然係我至愛❤️、十分鮮甜, 很喜歡, 仲有吞拿魚, 鰂魚🐟，其中一款仲經過燒一燒, 所以很香, 其他款式也十分鮮甜美味, 很享受這一款豐富的刺身壽司丼！對自己好啲, 哈哈! 餐廳都有擺設和提供好多不同的日本酒🍶🥃供飲酒作樂配搭唔同食物, 喜歡飲番兩杯的可以和朋友一齊暢飲說笑品嚐美食🥳, 等我下次約埋幾個朋友黎開心gathering😋!

想同朋友一齊食飯打個靚卡, 揀選了位於長沙灣一間打卡able西餐廳，這間餐廳充滿了波希米亞風情, 去到覺得環境好靚, 即刻影左幾張相, 哈哈! 我地點左呢度既招牌菜之一芝士火鍋 ($188), 湯底係三重特濃芝士, 芝士味香氣四溢, 配料包括有新鮮爽口西蘭花、外酥內軟斑斕多士、鮮嫩厚牛舌、新鮮彈牙鮮蝦、薯仔和車厘茄。香濃蟹膏手捲意粉配香焗明太子手拆蟹肉 ($218)

呢種意粉出面比較小有, 佢係比較長身的, 唔同長短咁捲埋, 意粉軟硬適中, 店員介紹要將蟹蓋入面既蟹肉, 混合埋意粉一齊食, 配合埋明太子和意粉掛汁, 小小微辣, 味道多層次, 幾特別~*芒果海鹽芝士奶蓋麻糬牛角窩夫配椰子雪糕 (108) ~ 製作需時十五分鐘

麻糬牛角窩夫外層酥脆內裡軟綿綿的, 香甜的芒果和海鹽芝士奶蓋, 形成對比, 但食落又好夾, 搭埋椰子雪糕, 多層口感。整體用餐愉快, 餐廳的服務員態度很好, 下次再黎試下其他款式既食物先~

夜晚跳舞前同朋友黎個快食, 之前買左麥記4張20蚊coupons, 係手機點餐, 點完之後scan枱上的 QR code, 員工就會送餐, 真係十分方便~
我叫左熱檸水, 多檸檬
粟米正常發揮
雙層芝士孖堡加左$6蚊, 唔知點解張包住個包既紙有啲濕, 打開左之後發現啲汁都好多, 食到隻手有啲dirty, 不過個包都係熱既, 好食過石門個間, 唔知點解石門個間啲包都唔太熱~
20幾蚊一個餐算抵食, 味道ok~

上次試左女人街的串燒, 經過見到呢間泰國餐廳的廣告牌, 同朋友講下次要試下, 今晚睇完戲搵飯食, 就黎到呢間泰式餐廳, 燈光光猛, 乾淨企理, 卡位舒服~


*馬拉盞炒通菜

通菜熱騰騰的很喜歡, 食落鮮嫩爽脆，小小微辣, 惹味可口


*明爐青檸蒸烏頭魚

烏頭配上酸酸辣辣的湯蒸好上台, 下面有放蠟燭興住熱食, 烏頭魚肉質豐滿新鮮，食落啖啖肉又辣辣地, 好開胃, 餐廳另外仲有一碗酸辣湯附上, 喜歡濕啲朋友可以再加落去點黎食。


*燒蝦泰式蛋包金邊粉

燒蝦都幾大隻, 蛋煎到剛好,  金邊粉炒到唔會濕, 乾爽, 惹味, 重點係熱騰騰的, 加分

*芒果沙冰 ~ 泰式必點飲品, 很香濃既芒果味, 飲落好涼快呀~


*泰式奶茶沙冰 ~ 呢款出面餐廳比較小做, 所以試下, 估唔到茶味都幾濃喎


要讚一讚女侍應服務態度很好, 其中一位泰國人的女侍應更加笑容甜美, 給客人有親切感, 唔似有啲餐廳會黑面的, 哈哈~ 餐牌有提供二人套餐, 都幾抵食, 下次要黎試下~

今晚去北角搵朋友拎手信, 朋友帶我黎新開張的日本居酒屋, 之前佢食過午餐話好味, 而家店舖仲做緊八八折優惠, 幾抵食~ 係地鐵站B1出口行幾分鐘就到, 好方便~

呢度主要係4人坐位和有bar枱, 裝修都係日本格局的居酒屋, 坐位很舒適~


*滿潟帶子海膽卷

呢個滿潟帶子海膽卷有驚喜, 面頭係擺放左4種刺身, 卷物入面其實係卷左三文魚和八爪魚, 真係十分豐富, 帶子海膽都好鮮甜, 下層八爪魚就好彈牙,推介~
*鮨鮪壽司盛12款

各款刺身壽司各有特色, 厚切新鮮鮮甜，三文魚腩大件和肥美, 食落口很有口感，三文魚子好大粒, 海螺片爽口彈牙呀~


*月亮蝦餅 ~ 很脆口, 送啤酒的好選擇~
*串燒: 鹽燒雞翼, 牛舌, ~ 雞翼燒到外脆內裡juicy, 牛舌厚肉軟腍, 串燒必點~
*蘋果藍莓醬鵝干

呢個冷盤第一次食, 幾特別, 蘋果和鵝干一齊食, 配埋藍莓醬, 小小甜甜地, 口感多層次~


總括用餐開心, 服務很好, 刺身新鮮, 選擇多樣化, 價錢合理, 連廚師發板都有呀, 店員介紹拖罹都係呢度既推介食物之一, 下次一定要黎試下~

同朋友做完瑜伽, 就試下呢間位於總統戲院頂樓的泰式餐廳，廚師和侍應都係泰國人, 原來仲有埋戶外地方，可以打卡, 夜晚又有cocktail飲~
*冬陰功 ($92 /細)
冬陰功都幾多料，有開邊蝦、秀珍菇、草菇、檸檬葉、青檸、辣椒等，飲落酸辣醒胃
*肉碎生菜包 ($95)
豬肉碎加入紫洋蔥、辣椒、九層塔、等香料炒成，再用生菜包住食, 都幾有辣勁
*泰式炒米粉($118)
米粉配菜包括豬肉片、椰菜花、豆角，蛋花，自己加埋點左既辣肉碎一齊食, 味道更惹味, 哈哈。
*馬拉盞炒椰菜苗($125)
椰菜苗幼嫩青綠, 加埋馬拉盞醬炒唔錯~ 
*鮮椰青 ($58)
椰青清甜解渴，入面嘅椰肉仲可以刮出嚟食~
溫馨提示, 被安排的坐位冷氣都幾勁, 女士記得要帶外套呀~