河內越式料理 (村南道)

營業中

休息中

久違了的越南菜，好耐好耐冇食過，上網搜尋見到呢間“河內越式料理”相當好評，一於去尋找一番越南嘅味道先。 呢間位於大圍嘅分店地理位置方便，港鐵一出對面步行約兩分鐘就到。晚市剛剛開始，門口已經好多人排隊，幸好我早一步到，等咗一陣就可以入得喇，lucky✌️！服務員熱情招待，又有禮貌，讚👍！ order咗越式咖哩牛腩飯，香味濃鬱嘅黃金咖哩汁，配上肉汁嫩滑嘅牛腩，薯仔沾上香濃嘅咖哩汁，口感細膩。另外又order咗極品牛三寶湯河粉，湯頭清澈，湯河以生牛肉、牛展和牛丸配搭，極具層次感，滋味滋味！ 食越南菜點會少得越式香茅雞翼同炸春卷呀😂香脆金黃，沾上酸甜微辣嘅sauce，滿足滿足！最後來杯綠豆椰汁冰。椰汁香醇不甜膩，綿密嘅綠豆增加椰汁冰嘅口感，炎炎夏日來一杯椰汁冰簡直係透心涼。 越南菜款式多樣，美味可口，回味無窮！