沙拉姆咖喱屋

營業中

休息中

食lunch漏左支酒精搓手液唔記得拎 好彩餐廳啲姐姐冇del到 夜晚放工再去拎竟然比我拎得翻！雖然支洗手液唔貴 但因為係當年去exchange嘅時候買落嘅 個樽仔陪左我一段人在異鄉嘅日子 對我好重要💛大感謝呢間餐廳！！！野食好味 😋服務態度好 👍價錢合理 🤑值得一試 😍

平時吃得多粥、粉、麵、飯，都想轉一轉口味。吃什麼好? 靈光一閃 – 咖喱 – 又如何?當然是goodidea 啦!今晚捉咗個friend陪去咗油麻地嗰頭，搜尋到一間印度咖喱屋。餐廳雖細，裝修企理光猛，仲置咗個小型酒吧位，確是麻雀雖小五臟俱全。食印度餐，必食的就是 Naan 同埋咖喱，所以，沒徵求個friend 的意見，就已經決定點【蒜香烤餅 Garlic Naan】同埋【香滑白咖喱牛腩 Beef Korma】。其餘的菜式就交咗個friend 去揀。佢揀咗 【瑪莎拉大蝦】、【蝦醬通菜】。仲有，佢驚啲嘢食會太辣，所以叫埋啤酒飲。啤酒好抵飲，大樽青島 640 ml都只是$25，第時想出街飲啤酒，呢度絕對可以考慮。其實，呢度都好體貼，好照顧啲怕食辣的客人，辣度是可以選擇少辣、中辣和大辣。今次我哋就只是選了少辣。主菜未上，餐廳就先送上薄脆餅配薄荷醬，邊吃薄脆餅，邊飲冰凍啤酒，感覺超爽。不多久，所有嘢食都一次上來，仲砌成朵花咁，好盞鬼!【蒜香烤餅 Garlic Naan】正辣辣，軟得嚟又帶點煙韌，又有蒜香味。點埋咖喱汁仲正!【香滑白咖喱牛腩】咖喱汁很香濃，但唔太辣，適合我哋的口味。牛腩煮得好腍，好

平時搭西鐵行過去油麻地都經過一間印度餐廳，今日終於有機會入去一試。餐廳主要以印度小食及咖喱為主，款式都很地道，而且除了豬外，其他雞牛羊及海鮮都有，當然唔少得素菜啦!我們點了一個二人餐，有小食、兩款咖喱、烤餅、飲品及甜品，都是$328且免加一，非常抵食。小食拼盤有春卷炸至金黃香脆，中間是素菜餡；炭燒雞塊有很濃的香料味，中間又唔會燒得太乾；印度脆餅配薄荷醬，味道勁夾。兩個咖喱有牛腩，炆得很腍，咖喱味濃郁，香料味甚重，還有些薯仔；蔬菜咖喱則較為清新，有些豆角、菇等。主食配印度黃米飯及蒜蓉烤餅，前者爽口，配大量咖喱汁都不怕一飯會太濕；烤餅香脆帶點煙韌。甜品香米布丁比較甜膩，不過米香突出，還有點煉奶香。最後飲返杯芒果乳酪及泰象啤，非常豐富的晚餐。還想讚下女外藉店員真係好貼心，整晚都得佢一個走全場，我未開要匙羹佢好快手就比左我，證明佢好留意客人動向，抵讚👍🏻👍🏻👍🏻

當天的午餐 , 就落腳在位於 油麻地-廣東道 的 Salaam Namaste Curry House ~Menu ~餐湯 : 白菜煲冬瓜湯 , 是一般港式的家常湯水 , 味道清新 , 大家應該都會喜歡飲 ~Kashmiri Naan 雜果烤餅 : 是 "喀什米爾" 地區的一種烤餅 , 餅就是夾著乾果乾烤成的 , 餅烤得香口又鬆軟 , 味道香甜 , 超好食 , 廚師好廚藝 ~Lamb Makhani 牛油茄汁燴羊肉 : 質感濃稠醬汁滿有香料的味道 , 亦帶有羊肉的香 , 味道微辛 , 帶骨的羊肉是先用香料醃過之後再煮 , 羊肉軟嫩有羊味但不會是羊羶味 , 可見廚師的功力是深不可測 , 配飯或者配 Naan bread 都非常好吃 ~Chicken Tikka Set 無骨燒雞 : 烤雞當然就是印式烤雞 , 其實叫得 Tikka 就一定是無骨的烤雞件 , 雞件烤得滑嫩且邊位有炭香 , 香料和雞件的味道配合得恰到好處 , 沾沾醬汁來吃 , 認真一流 ~Ox Tongue Masala 瑪蕯拉牛脷 : Masala sauce 煮得稀杰適中 , 味道十分到位 , 香料味道濃郁而且味道平衡 ;

係我心目中總是離不開日本菜但心血來潮想試下另類菜走到油麻地橫街發現好多小店其中叫我難忘既係食印度菜呢間小店小店不算大但座位舒適寬敞都坐得幾舒服店員服務不錯會主動推介菜式來到食印度菜一定要嘗試咖哩這個是瑪沙拉牛舌咖哩可以選擇小辣，中辣，大辣適合初嘗印度菜既客人瑪沙拉其實係印度常用既综合香料所以咖哩有著辛香味送飯送烤餅非常惹味加上厚切牛舌煮得好林和瑪沙拉咖哩非常夾配上熱辣辣蒜香烤餅烤餅厚薄適中，帶脆邊好好味店主也推介炭燒雞柳雞柳有多種香料醃製雞柳在洋蔥配菜鐵板上熱辣辣香味十足最後叫了蒜香炒雜菜和凍奶茶作結十分推薦初嘗印度菜的朋友

Chicken tikka $88下面用錫紙包住，非常之熱，上菜的時候仲噴出蒸氣，鐵板發出吱吱聲，非常新鮮熱辣辣😝平時我幫襯開嘅餐廳比較少菜，呢間會多少少洋蔥及菜，都幾健康Roti$12點咖喱汁就一流呀！🙂Naan $20我見到廚房入面有師傅密密整naan, 即叫即整嘅感覺真係好好, 而且佢都好好食😋怕肥無食到butter naan, 或者下次都可以試吓Butter chicken and chicken curry兩款都超好食～推薦😊

友人推薦一家位於油麻地的印度菜，今天終於下定決心去試試。由於天氣太熱，稍作安頓後先點凍飲，友人與我不約而同點了Lassi，我的是芒果，友人的是咸味，芒果不太甜，咸味Lassi則可接受，當作補充流汗過多的鹽份吧。我很喜歡吃咖哩角，點了個素食的，主要餡料是薯仔，一碟三件，味道不錯但有點飽肚。去印度餐廳，必點的是咖哩配印度薄餅Naam，今次點了菠菜蓉咖哩雞，有咖哩的香卻不太辣，我很喜歡，尤其是以印度薄餅餸，是不能錯過的組合。最後還點了個炒通菜，正常菜式，只是油多了一點。整體來說是一家不錯的小店，會再來。

佐敦和油麻地一帶一向都聚集了很多印巴藉人士，所以這兩區的印度餐廳感覺上味道會比較正宗。佐敦就有兩間肩並肩的開着，味道都很好，就是人太多，可能是出名好食的緣故。今次有朋友介紹位於油麻地的這一間印度餐廳，食過後有驚喜，一定會再光顧。當中最喜歡的就是Tandoori Chicken，曾嘗試過在香港很多印度餐館，Tandoori Chicken都是煮得非常乾，似乎是煮得太久，讓雞肉本身變得「鞋颯颯」，但是這間店的廚師卻將雞肉的肉汁保留著，他的Tandoori Chicken做得很嫩滑。另外Naam Bread同埋印度手抓餅都很出色，點咖喱一流。

入到去地方唔算好大，但環境都舒適兩個人食，先試左一份lamb masala，醬汁濃郁，有少少辣，香料味足夠，羊肉偏稔，食落唔太似雪肉，有薑絲芫茜同埋一兩舊番茄仲嗌左一份chicken shahi korma，比masala甜，所以相比下冇咁鹹同重口味，雞肉夠入味，唔會太老主食有一份牛油烤餅同烤麥餅，牛油烤餅有3塊，1塊都有差唔多4/5層layer，點埋chicken shahi korma就唔錯烤麥餅有4塊，個人認為烤麥餅比較有特色，冇咁油，而且好有個種小麥好raw既感覺，（牛油烤餅好似係超市買到急凍個d然後自己煎翻熱個隻味）點masala都好夾最後仲叫左一份米既布丁，食落係exactly 西米露既味，但係用米代替西米，夠特別仲送左一份脆既薄餅，有d鹹味同辣味，點埋個綠色既醬就好好食（我估有青檸辣椒同香草）二人份量黎講真係好飽，見到其他客人叫既野食都好吸引，有機會再黎過👍🏿

見呢間餐廳有咁多好評一直都想黎試今日屋企人話想食咖喱就諗起過嚟終於可以試吓食完成餐飯背脊骨落絕對冇下次我哋三個人一開始個侍應係咁推三人餐但想試多啲其他嘢先叫咗個二人餐再加一個小食首先係個咖喱角皮厚到冇朋友碳燒雞都好乾Naan好大條燶邊食完都冇意欲再追加食完飯等左一陣見佢冇意欲上甜品兩個侍應傾得好開心提佢先記得買單嗰陣成張單加咗10%菜單上寫明不加收服務費個侍應嘅解釋因為我哋叫多咗一份小食所以變咗全張單都要加收服務費原來仲有呢種玩法咁好心你就寫清楚啦其實冇人等呢30,40蚊開飯但合情合理你寫得套餐唔收服務費就唔該你跟返商品說明關鍵係嗰兩個侍應嘅態度仲好似我哋要攞着數咁其實如果你有做足服務比多幾十蚊又有乜所謂但全程喺隔離傾偈一路傾又唔戴口罩上菜上甜品因為係二人套餐所以即使三個人都只比兩隻匙羹你比多一毫子你我都嫌多絕對冇下次！

今晚去左油麻地沙拉姆咖哩屋食印度菜，喜歡吃辣，以前成日週圍去搵辣野食，後來已淡忘了，今日重新搜尋印度菜館，眼濶肚窄下打包了幾盒取走。今晚點了一個脆餅，一個炸芝士，一個咖哩鷄(中辣)，一個瑪莎拉羊肉(大辣)，一個香料菜花燴薯塊，一個印式蔬菜炒飯，一杯印式辣飲，一杯凍瑪莎拉奶茶。跪餅捲成卷狀，有D芝麻，有D牛油香，有少少咸味，配上一個綠色既薄荷醬。其實後來既咖哩有薄餅送，呢個可以唔叫都得。炸芝士味道比想像中淡，似食緊炸豆腐，外跪內軟。菜花燴薯仔，菜花唔會太乾，軟身得來又吸到D汁，薯仔稍稔，略帶粉，係我喜歡既質感。咖哩雞唔辣，雞肉偏稔，有少少似煲完湯既肉，但個汁夠香，似乎佢地對肉質既要求唔似我地。瑪莎拉羊肉，個肉汁杰好多，有D蕃茄同洋蔥，可能因為咁，個汁又變得無咁辣，可能香料太勁，羊肉顯得唔夠羶。個炒飯有D菜花，青椒，紅蘿蔔，茄子，加左D黃薑去炒，食落比D咖哩仲辣。杯印式辣飲咸咸辣辣，有D似咸檸七加左孜然粉，上網睇番既菜譜原來仲有薑同黑椒，喜歡試新野既可以考慮。凍奶茶偏甜。無特別。隨咖哩奉送一個薄餅，似內地既葱油餅，不過牛油味更重咖哩羊、雞、炒飯、菜花都食得一半，侍應細心地包妥外賣。坐位分兩

同朋友到油麻地搵嘢食比較少食東南亞地方食物見咁多好評就黎試吓東南亞好多燒雞類菜式做法跟平時嘅不同雖然味道麻麻地但做法的確有東南亞嘅特色呢個炸芝士識落完全冇芝士味似係食緊炸豆腐我唔係好識欣賞印度牛油脆餅我冇食過味道不過不失 唔算突出Naan食落感覺味道唔夠最重要係呢度竟然冇咖喱配Naan!!有點失望為了配Naan 點了這個”咖喱”如圖所見 全無咖喱感覺 似是芝士菠菜蓉東南亞炒飯都係跟返東南亞特色味道一般飲品方面呢杯雖叫印式檸檬水但跟真係無特別 價錢不值最伏係呢杯印式辣飲令我聯想到恆河嘅水來沖飲味道好奇特絕對唔啱香港人口味總結來說雖然呢間係食東南亞菜式但係咪地道我唔知道我以前食重慶大廈嘅類似餐廳絕對比呢度好價錢亦唔算扺唔會再食

老爺突然約食飯話想試下我地屋企附近嘅咖哩我同老公當然求之不得啦多D人我哋嗌餸可以叫多樣share😆雖然入咗嚟油麻地住差不多三年不過只係食咗兩次😅我哋訂咗7:30枱老老實實呢間餐廳唔訂唔知有冇位因為間餐廳面積好細我哋訂咗7:30 ，然後7:40去到都仲要剛剛等埋單🙈呢度出名好食係嗰個橙色雞我哋當然都唔執輸order 呢個然後就係佢哋推介嘅薄餅我哋嗌左三款，一款係麥餅，一款係蒜蓉薄餅一款係原味三款來講大家都一致認為個麥餅最好食因為佢嘅煙銀度係最高嘅👏🏻👏🏻另外冇諗過鷹嘴豆嗰碟都咁好食比起個咖喱牛好食好多個咖喱牛就略嫌遜色可能其一唔夠辣其二係個牛好鞋🙈

「香港篇 - 油麻地」“沙姆拉咖哩屋 🥘” 🌟🌟🌟.5/5有時覺得少數族裔比香港人更愛🇭🇰佢地都賣力工作、努力為生活打拼💪🏻依間咖哩屋細細間 都係👳🏾‍♀️👳🏾‍♂️經營的 支持💪🏻🔻Curry duck breast served with Naan 🦆($55)一上枱見到係細細片果款煙鴨胸 講真有點失望😞試完啖咖哩竟然有驚喜🤩咖哩帶濃濃🦆味🤤為🥘更添風味😋Naan薄餅煙煙韌韌😍😍熱辣辣 唔會太油 食到麵粉香🥰配咖哩好正🤤🔻Fish curry served with rice ($55)炸魚柳大舊 嫩滑唔會一夾就散👍🏻👍🏻炸過更加香 但咖哩冇鴨胸既香🤔🔻餐湯以🍅、腐竹同蛋花煲既雞湯🥰睇落幾清 但飲落係濃濃既雞湯味🥰🤤🔻拉茶好香既印度香料茶味🥰奶滑 配合得岩岩好👍🏻💁🏻‍♀️好鐘意幫襯小店🙈多份親切感🥰地方真係細既 見佢晚餐有set 想食早d去拎位啦🙈

今天朋友說，不如我們去食印度菜！好啊，印度菜很少食又少接觸，就去食吧！我們挑了這間好像開業都算久，位於油蔴地的印度餐廳，懂得路的從地鐵站過去行大約五分鐘，不難找到。選擇不少，價錢由$55起，可以任意配白飯或者薄餅，配薄餅不用加錢的。本打算食印度咖喱，但看到竟然有牛脷食，上網搜尋一下馬薩拉得知是用上大量香料的醬汁，就點了D餐，跟配白飯嚐嚐醬汁。原來午餐會有餐湯一碗。湯的質感稀，味道不濃，但也能飲得出這是用豆來製作的湯，容易入口。我一邊喝，感覺為甚麼嘴邊有點刮的感覺，原來是匙羹邊爛了，一不小心用力一點嘴都被刮破-_- 飲完後我跟店員說匙羹爛了，她把匙羹拿會廚房沒有作聲，不知道有沒有丟掉😅印度馬薩拉牛脷($55)香氣四散，急不及待要試試看。馬薩拉帶少辣，味道濃郁有層次，食得出是放了不同的食材進去製作的，辣味又能幫助帶出食物的味道，配上白飯食惹味又好食啊個人認為辣味會隨著食的時間在口中遞增，不吃得辣的可能就要問一下店員可否再少一點辣或者不辣了。牛脷方面大約有五塊，不算大塊也不厚，稱不上淋帶少韌有咬口，如果能夠更淋就會更好食。朋友跟配了印度薄餅，送上菜時我們都很驚訝，份量很大總共有三塊，其實每塊