沙拉姆咖喱屋

營業中

休息中

今日去左油麻地一間正宗嘅印度餐廳食飯，我地叫左咖喱角，兩款印度烤餅，燒烤拼盤，咖喱牛舌同咖喱牛肉。點嘅食物未黎之前，上左個小食，唔知叫咩名，係圓筒形嘅脆片，無乜味嘅。咖喱角餡算多，炸得夠脆，OK！烤餅黎講，兩款都做得好岀色，點咖喱食真係無得輸，但個人鐘意芝士多過蒜蓉味！咖喱唔會太辣，唔食得辣嘅朋友都食到，幾重香料味，肉都有咬口，但唔會好驚喜！燒烤拼盤有雞脾，雞肉，魚同羊肉腸，烤得夠香，但係有少少乾，最後都係點咖喱食！抵讚嘅係同班朋友係餐廳到傾計食野坐左成2個幾鐘，唔會趕你走！

今晚同老公去油麻地買啲野，所以就上openrice揾下有咩好野食，一search就見到呢間位於廣東道嘅印度咖哩餐廳，我同老公都大愛印度咖哩同Naan，所以就決定食呢一間，雖然餐廳位置算幾偏僻，唔向熱鬧大街位置，但我地當晚去到已經9點鐘，餐廳都仲有頗多客人，不過唔需要等位，可以即時入座，餐廳裝潢好有印度特色，侍應廚師都係印度人，服務態度非常友善有禮，餐牌上選擇好多，必定揀到想食嘅印度菜，枱面水樽樽蓋寫住$10，不過餐廳本身有提供飲用水，點餐後，侍應奉上印度脆片，係免費餐前小食，脆片偏鹹左少少，但有醬汁配合，都唔錯，今次我地點左：咖哩雞（$70）白飯（$15）好正宗嘅印度咖哩，香濃惹味，雞件嫩滑，同食得出雞件唔單止得咖哩味，有事前醃過，雞件無骨，啱晒我呢啲懶人食，唔錯，白飯正常，唔會太硬或太淋，上枱時保持到熱辣辣，芝士烤餅（$25）老公食印度菜必叫嘅naan，一啲都無令我地失望，絕對食到旅行時嘅味道，烤餅香噴噴，芝士唔會太膩，讚啊，芒果乳酪（$35）見好多食評推介呢一杯芒果乳酪，我都一於試下，價錢黎講算中等，不過絕對係高質素，芒果味好濃，飲落好creamy，仲食到少少芒果，乳酪味道可以中和

這家咖哩屋全是印度人，無論廚師👨‍🍳服裝生都是來自印度，其實咖哩真的有很多款式，新加坡、馬來西亞、日本、泰國、巴基斯坦、印度各式各樣口味各有一套，如果我個人會比較喜歡泰國咖哩甜中帶辣，不過今日這間印度咖喱出其惹味，值得試試喎⋯⋯是日餐湯似雜菜湯有 ： 洋蔥、番茄、紅蘿蔔同薯仔加了香草味所以有種不同飲法，比較淡口！咖哩魚同咖哩雞二款咖哩都有點不同，咖哩魚淡口魚肉是雪魚味一般無驚喜，相對魚來說咖哩雞較濃郁，雞件腍入味肉味濃郁，我最喜歡薄餅熱騰騰蘸點咖哩汁同食，滋味無窮！😋午餐套餐$55 位不用加一

吃厭了日菜西餐，間中也想吃一下印度菜中香料豐富的咖喱和軟熟煙韌的Nann Bread。香港地吃印度菜的地方不少，想雅致一點，選擇一般離不開羅勒、Rang Mahal，但偏偏我獨愛小店的親民感，於是便去到朋友推介多遍的沙拉姆咖喱屋試試看。餐廳位於油麻地，是間格局小巧窄長的店子，只可容納約30人，這晚下層爆滿了，於是侍者帶我們到只得數張小枱的上層。一坐下便點了Masala脆餅、薄荷無骨燒雞、印式咖喱燒羊腿和我最愛的蒜蓉烤餅。先來奉上像蛋卷般的印式脆餅和薄荷乳酪醬（免費的），口感香脆但略嫌偏鹹，蘸點微酸的乳酪醬中和較好吃。另一道頭盤Masala脆餅，有點像墨西哥的薄脆，扁平的脆片鋪滿番茄粒、洋蔥粒等等，再灑點辣椒粉，可口惹味，愈吃愈噴火！主菜的薄荷雞肉以為平平無奇，殊不知像港式鐵板餐般奉上，雞肉在熱辣鐵板上滋咋作響，又香又惹味，最讚是肉質嫩得如慢煮般細滑，超出預期般的美味。再來是大大隻的羊腿和蒜蓉烤餅，單吃一口咖喱羊，濃厚的咖喱帶甜，卻又充滿丁香、小茴香等多種混合香料的味道，相反羊肉帶羶，肉質偏嚡口，所以友人不甚喜歡，但我卻獨愛羊的羶香和香料咖喱帶出的化學作用，以鬆軟的Nann Bread蘸

因為世界杯賽事期間，同朋友兩人在油麻地購買波衫印球員number而需時1.5hours. 所以在附近食，上openrice搵搵附近多人like的一間餐廳食晚飯。搵到間食咖哩的，沒多想就叫了一個二人餐，選擇了mango lassi,另外有咖哩魚，因為我兩都唔食羊，佢換了咖哩牛給我們，謝謝🙏🏻，兩個咖哩都好味，不過咖哩魚的黃咖哩合口味多d,咖哩牛的咖哩比較重牛肉味。還有印度脆餅同烤餅，熱騰騰的。整體都唔錯。

餐牌 枱面 乾淨整齊 坐位也舒服 先給高分 落單安心等食 這個脆圈餅，待應哥哥說是送的。香脆，加微辣汁相當不錯，醒胃！90分這個沙律🥗份量多，夠三至四人食，味道雖濃烈仍清新，與別不同！90分薄餅香之餘絕對油而不膩，食出新鮮搓粉煎焗，配上肉食，如送飯的滋味飽肚，且味道特別！95分這個雞扒又是份量多，一至二人未必食得哂。雞扒一般，反而上面的配菜紅蔔白絲等等新鮮爽脆，多菜平衡番肉食，滿足！75分環境 服務 均很好，會再幫襯！

係香港想食正宗印度菜唔一定要捐窿捐啦#油麻地 #沙拉姆咖喱屋 就有啦！2人套餐$288 #唔洗加一左右係 #雜菜咖哩角，外皮金黃鬆脆又唔油！😍入面包左咖哩薯仔、青豆！好惹味！中間係 #炭燒雞排 韌左少少#咖哩羊 有三舊薯仔同5-6舊羊，羊夠林 但羊酥味唔夠！不過個汁好正 攞黎送飯/點naan一流😍套餐仲有個咖哩魚，不過朋友唔想食魚 所以轉左做 #蒜蓉炒菜 唔好睇小佢！蒜蓉味重！#偷飯賊 仲有#papadum #胡椒餅 唔會太辣，青汁凍既 唔錯！野飲包2杯乳酪/啤酒揀左原味同埋士多啤梨味乳酪，真係粒粒士多啤梨好足料！最後仲有甜品 #香米布丁 不過呢個唔係人人岩食，偏甜 有好多米#服務態度超好 店員識講廣東話，2人套餐好似set死左咁 但只要肯講 可以轉唔同既食物！食食下店員仲會問你岩唔岩口味！好貼心👍🏿咁好既服務仲唔洗加一！

Was searching for an Indian resto while in town and so glad to find this small nook with a delicious secret: the Food .. we enjoyed is so much to the last drop. Keep it up!! Namaste

六個人既聚會，由其中一個search openrice發板，見到佢咁多好評就一於黎試下啦！平時無食開印度菜，都唔知叫咩好，所以直接叫左個套餐，乜都試下個餐有兩款薄餅既，另外配左三款醬汁，再有一盤飯同一盤豆。先前亦上左魷魚筒飯、雞肉等等。最尾有個甜品，同一人一杯飲品自己好麻麻啲醬汁，唔知係咪因為啲口味太正宗？完全食唔慣啲香料既味，食唔落口☹️ 得紅色個隻似肉醬味覺得ok魷魚筒同雞肉普普通通，有啲似台灣夜市既野食😗 調味不是我口味，但有朋友覺得雞肉好味既。杯芒果飲品幾正！有朋友覺得可以少啲甜如果再揀都唔會再去呢到。。。 不是太啱食，但服務員係幾nice同埋都識少少中文既

朋友帶我揾呢一間咖哩屋傳聞最正宗餐廳坐位舒適原來設有上層樓梯，可作私人聚會無論店外，店內的推介menu's 都周圍貼滿非常熱賣未點歺侍應就送上印度馳名小食，香草脆片加上芥蒂的醬汁，非常可口，別具特色，點醬食味道有薄荷口感鐵板烤雞，BBQ口味的燒雞相對特別在於以鐵板燒一直保持熱烘烘，火辣辣呢小食之中不少得咖哩角，即叫即炸，脆卜卜的口感，非常㘃味印度薄餅最出名了，呢碟香蒜味的薄餅非常鬆軟，蒜味濃厚，即叫即燒

今日同女朋友7點幾黎食間野有兩層 裝修一般但幾舒服 由於好似無開冷氣 幾熱下侍應識英文 普通話 廣東話 印度話 厲害！服務幾好 幾周到食物方面 今日叫左一個印度黃米飯 一個燒牛肉咖哩一份炸雞一份牛油薄餅一個芒果奶昔一共230除左奶昔 其他都推薦！另外佢會送一份脆餅 呢個麻麻地價錢算係咁 鐘意食咖哩既朋友唔好錯過！

有朋友啱啱係印度backpack番黎，番左黎兩個幾月到就話掛著啲印度野食，以為最正宗嘅印度菜一定要係重慶大廈，原來油麻地都有臥虎藏龍，誤打誤撞之下，我哋就黎左呢間沙拉姆咖喱屋啦！門面好容易認，距離油麻地地鐵站大概五分鐘路程。七點鐘食飯時間，一入去已經見到坐滿哂人，重係打部份外國人添！我哋坐左係最入面嘅位置。野都未嗌，老闆已俾左一籃脆餅我哋啦！仲有啲綠色嘅調味醬，辣辣地都幾開胃下！Samosa（3件 ＄38），係印度傳統嘅咖喱角，真正的外脆內軟，入面有薯仔粒同啲青豆，調味醬方面有深啡色的甜醬，甜完咖喱角會感覺無咁寡。但係就咁食都好夠味！飲品就嗌左Mango Lassi（＄35），芒果乳酪飲品，聽講乳酪可以平衡辛辣嘅味道，所以我一定要嗌定先！飲落唔會話特別甜，好似smoothie咁，好滑。不過如果再凍小小就好啦！Reshmi Kebab（＄88），腰果忌廉燒雞，照字面解，好容易會覺得係有啲醬淋係面到嘅，但係睇番英文先知原來係事先醃左在燒嘅。燒得唔會太過頭，仲係好滑好多汁！味道方面好特別，係平時廣東菜唔會預到嘅，連埋之前綠色嘅辣醬同甜醬都好夾！由於我唔係好食得辣，所以問老闆有咩好建議。Chi

係油麻地A1出口，行去大約5mins就到，好易搵。入到去已經好有印度feel，侍應and廚師都係印度人，講印度話，落單個陣，識聽識講少少廣東話，好地道既印度菜呀。望落細細間，原來樓上都有座位。叫左羊肉咖哩角Lamb Samosas (4件)($48)，特色香料雞Chicken Makhni ($75)，印度蒜茸烤餅Garlic Naan (3大塊)($20)，椰子乳酪 Coconut Lassi ($35)。牆身有張紙介紹餐廳特色既食物，侍應都好熱情介紹有咩好食，其中就叫左蒜茸烤餅，因為餐牌有太多款啦，花多眼亂，樣樣都好好味咁。首先，有碟印度脆餅Papadum配薄荷醬，送既。脆薄餅落左黑胡椒，有少少辣，但好香。配上薄荷醬就好fresh，唔辣，開胃小菜。羊肉咖哩角最值得試。我好少食羊肉，一黎香港少有，二黎有陣羶味。但尼個羊肉咖哩角一d羶味都冇，而且係爆餡爆餡爆餡，入面有羊肉碎，青豆，啖啖都食到羊肉。配上甜甜地既燒烤醬(?)，一d都唔膩，拎上手唔會油膩膩。一定要試，唔食羊肉既朋友，可以叫咖哩角，同樣係廚師推介。特色香料雞既顏色係深橙色咁，有d椰奶(?)。有8至9件雞肉，食落口好重印度香料既

Great quality and service, small cozy place very friendly. The bread is so good you hesitate if to get other items from the menu at all! Could eat just this bread as my only dinner But all other things were outstanding too. Surely we’ll be back soon

1月7日， 懷著期待的心情到訪。 早前已經訂好位12：00， 11：50提早去到， 但沒有開門，再上Open Rice看看， 11：30開始營業， 於是打電話去， 聽到店內電話響起， 沒人接聽， 已覺不妙， 再等一會， 12：00仍沒有人開門。 失望離開。 反正覺得做生意， 如果沒有開門的話， 應該要聯絡客人通知。 本身地點已經不太方便， 還要白走一趟。 不太肯定其他食評大力稱讚的服務態度是否已經蕩然無存了。