正宗山西刀削麵皇

營業中

休息中

山西刀削麵皇本來多去荃灣，見葵芳新開，就去幫襯。點了：麻辣牛肚刀削麵套餐 ($52) - 麻辣超香兼惹味，但牛肚略為有點不夠軟。嗜麻辣的，超級推薦。豬肉鴨腎水餃刀削麵 ($52) - 味道不錯，但餃皮有點厚魚腐雞翼刀削麵 ($52) - 魚腐和雞翼都不錯麵條都是即削 (偷影了削麵的師傅😂)，麵條很滑很Q彈，喜歡吃刀削麵的都推介到這裡吃。套餐都包豆漿，但我覺得略甜。不嗜甜的，可能要點其他飲料了。

平日想食刀削麵都會去荃灣。前排路經葵芳發現有分店開張，今日一於嚟試吓佢嘅虛實！嚟到葵芳店，俾我第一印象係「精緻」，店內約5張枱，10個坐位。屬於蚊型鋪，要應付葵芳街坊似乎唔多夠用。唔怕！可以主打外賣。而且所謂麻雀雖小，五臟俱全嘛！一般店有嘅嘢佢都有嘅！店內冇水吧，所以只提供豆漿，樽裝飲品，只限凍飲。😅食物方面，同荃灣店一樣，有涼拌菜，麻辣、鹵水系列餸菜配即削刀削麵。今日點咗個鹵水牛展拼菜肉雲吞刀削麵，豬軟骨熱拌麵。刀削麵麵質口感依舊彈牙，有彈性。鹵水牛展薄薄一片，鹵得好入味，而且份量足。雲吞口感結實，唔算好大隻，但菜肉比例好，食多幾隻都唔怕。 湯底味道比較削，冇乜味道要靠自己調味。熱拌麵上枱就聞到滿滿嘅麻醬香味，食到中段熱氣散發，麵條就比較乾身，所以下次要食快啲。😅 醬汁除咗麻醬仲有少少辣，好惹味。豬軟骨就非常一般又乾身，建議揀雲吞之類比較濕嘅配料會好啲。服務方面人流唔多，仍然會有漏單情況，豆漿遲遲唔嚟。順帶一提，唔知係咪受疫情影響，店內所有員工都朝氣，氣氛靜得可憐，搞到我食完都想馬上走

自問係煙韌有咬口嘅野嘅fans，麵包、年糕、糯米糍等等，總之可以訓練咬功嘅食物我都鍾意，自從上次朋友帶我嚟食呢間刀削麵之後，我就愛上咗刀削麵嘅口感上次朋友推介食冷撈，夏天食就啱哂；呢排天氣涼返啲，我就揀返食熱撈，上次食口水雞，今次就試牛𦟌！再加多份鹵水雞翼同樽仔奶茶，相信係完美嘅晚餐嚟到又係大碗，配上5大塊牛𦟌同2隻雞翼，同埋四川擔擔醬，撈埋食好出色，唯一可惜在擔擔醬唔辣，如果可以揀辣度就好啦～ 麵即叫即削，唔洗驚會煮淋咗好有咬口，粗幼厚薄都好平均，見到師傅強而有力嘅臂彎就係信心保證長期覺得麵食係一人晚餐之選，如果下間喺港島開就好喇順帶一提，佢枝樽仔奶茶都好正，好濃厚

今日去左食刀削麵，呢度新店開張，好新淨☺️食物選擇有好多，我地叫左：..1️⃣刀削麵套餐：叫左五香牛𦟌、滷水雞翼，勁大碗，熱辣辣，佢啲牛𦟌嘅花紋好靚，油花分布均勻，紋理清楚可見，食落果然嫩度適中！推薦！😛😛😛滷水雞翼好入味，大大件！刀削麵即叫即整，真人示範，大開眼界😂食落質感幾好，同樣都係份量勁多，食得勁飽！..2️⃣冷撈系列：麻醬手撕雞冷撈刀削麵勁吸引，我覺得佢將成樽麻醬到咗落去😂多到好似碗湯咁，手撕雞拼麻醬勁夾啦，估唔到同刀削麵都一樣夾！😆仲有好多青瓜絲令到成個麵唔會膩！..3️⃣一人小食：涼拌萵荀，香甜清脆😘兩個人分都OK..4️⃣嘢飲叫咗凍豆漿同樽仔奶茶，奶茶茶味香濃！☺️..呢幾日我比較熱氣，所以冇食到佢麻辣小食，下次一定要試！呢間鋪頭衛生乾淨，大份夾抵食，值得一訪！..

之前一路都係食開荃灣個間分店既刀削麵，後來佢係葵芳開左新店我就更加多黎食啦😍麻辣手撕雞刀削麵 $59最喜歡食佢地既麻辣套餐，配上佢哋自家製嘅辣椒油同生蒜超重口味 岩曬我😆手撕雞已經好入味有小小醬油香再加少少辣 而且重點個雞唔嚡👍🏻配上少少青瓜絲做襯托令口感豐富而且更加清爽🥰🥰我見佢哋既刀削麵係用人手削，即叫即削！令刀削麵增加了不少口感而且食到煙韌感同新鮮麵粉既香味🤓麻辣魚腐刀削麵 $52麻辣魚腐好好食😋😋不過得六塊 比起其他有啲唔抵 所以都係肉類比較抵🤣樽仔奶茶 +$9奶味足夠 茶底屬於偏濃厚身一啲！豆漿豆香正常 唔會太甜 食完啲重口味食物同解辣一流！麻辣牛肚$39麻辣牛肚必食！非常入味彈牙❤️ 每次黎都必叫😝麻辣豬軟骨 $47豬軟骨係第二名 炆得好淋亦都好入味🥰

在葵芳社區會堂旁邊，有一條食街，價錢 很化算，見到有正宗山西刀削麵皇，曾經去過荃灣分店，這裏開了新店，放假去葵芳逛街，就來試試味道如何。喜歡有套餐，價錢經濟實惠，像車仔麵般，選餸菜配粉麵，單拼$49雙拼$52,還可跟餐以優惠價加小食，吃個飽飽的。在等待食物的同時，我們看著廚房，雖然店面小小，也不礙廚師發揮功架，結實的臂膀捧著現搓的麵糰，在湯鍋前面削呀削，大小不一的刀削麵就這樣飛進鍋裡煮成，彷彿在看廚藝表演呢。糖心蛋拼五香牛展刀削湯麵，牛展爽口，配麻辣醬吃很夾。溏心蛋十分推介，裏面流心外面鹵水，超入味，微微咸的，越吃越好味。刀削麵麵質煙韌，非常有嚼勁，不會一團粉的。而且份量很多，吃一碗刀削麵也很夠飽。清湯底味道也不錯，不過我喜歡吃辣，要了一碟特製麻辣醬拌著吃，裏面有爽口菜脯，小辣，非常惹味。朋友點了豬手拼豬軟骨刀削湯麵，豬手炆得很淋，味道香濃，有豐富的骨膠原，女友人大愛。豬軟骨啖啖肉，伴著麻辣醬吃很香。小食點了涼拌青瓜和泡椒鳳爪。 涼拌青瓜 要拌勻陳醋吃才夠酸味，要把蒜泥一起吃才夠香，這道菜是不辣的，青瓜也新鮮。泡椒鳳爪，本來以為是辣的，但這裏的泡椒鳳爪一點也不辣，要吃到底才有點微辣，感

山西刀削麵皇開到葵芳啦，不過葵芳分店比較細，得3張4人枱，繁忙時間可能要等位，好彩水準同荃灣總店一樣咁高質，除咗刀削麵之外，佢地啲麻辣涼拌都好惹味㗎！刀削湯麵套餐單拼$49，雙拼$52，刀削麵係即叫即削，見到師傅係廚房拎住嚿麵團不斷削，麵質非常煙韌彈牙，湯頭睇落好似幾清徹，但飲落都算濃郁朋友叫咗白菜豬肉雲吞拼溏心蛋，雲吞好足料飽滿，個皮厚薄適中，溏心蛋蛋黃綿密順滑，我就叫咗五香牛𦟌拼豬大腸，牛𦟌份量勁多，質感厚實，而且醃得好入味，豬大腸就煙韌彈牙，冇任何異味小食叫咗麻辣牛肚($39)同麻辣手撕雞($39)，面頭舖滿晒大量蒜蓉同麻辣醬汁，牛肚好入味，而且好有咬口，手撕雞撕得夠細，配埋一絲絲青瓜絲食，好有口感自家製樽仔奶茶(+$9) 味道香濃，好有茶餐廳風味，值得一試，樽裝豆漿(+$1)甜度適中，味道唔會太淡

晚上見到這小店沒有客人，便入去一試。叫了豬肉水餃併牛輾刀削麵。店員送來滿滿的麵來，一看，外觀很不錯，而且餸的份量也相當足。牛輾淋而軟，入味，厚薄適中，我覺得很好食。而豬肉水餃，唔知是取貨回來，還是自家製，味道不錯。餃子中充滿肉汁，不過若皮能薄一點更好。但刀削麵質十分飽肚，部分略厚，麵質唔夠煙靭，但不叫難食。反而，湯底很不錯，不需加辣，味道足夠。不會油膩，我還嚐了幾口。環境是可以的，但氣氛就一般，感覺店員一點生氣也沒有，懶懶閑的。社交平台讚好該店，就送雲耳，酸酸的，味道正常。

小編係刀削麵既fans，係荃灣果陣已經成日幫襯，估吾到佢開分店開到黎葵芳，仲方便左我。正！🍜五香牛𦟌溏心蛋刀削麵湯麵套餐 - $52果然水準依舊！牛𦟌有口感，溏心蛋有流心效果，個湯清得黎岩岩好夠味。🥢紅燒豬手滷水雞翼刀削麵湯麵套餐 - $52豬手幾淋，雞翼都入味。送麵一流。跟餐有凍豆漿。🥣涼拌海蜇 - $37份量好多，好爽口。仲有啲青瓜絲。酸酸地，幾開胃的。🐷麻辣豬耳 - $39食第一件吾係好辣，但愈食就愈麻辣。送埋湯一齊食，一啖麵，一件豬耳，一流！

正宗山西刀削麵皇今日下午見天氣好D, 當然放飯既時候出去食下啦原來公司附近開左新餐廳麻辣手撕雞米線手撕雞同米線分開上, 夠口感 湯底是無味精，手撕雞切得夠絲同長身 口感煙靭 雞味濃麻辣既辣醬好惹味 帶 d油香保持水準麻辣牛肚足料既牛肚, 生蒜既配搭幾特別上面鋪滿左生蒜同辣醬, 辣醬幾夠油香 似係配合番牛肚既香味 牛肚幾爽口, 切得夠長身有口感味醃得唔錯, 甜咸適中鋪面企理乾淨，令人坐得好舒服, 經過可一試

天氣熱冇咩胃口，比較想食麵😋🍜。路過呢間刀削麵專門店，見到小食嘅選擇都幾多，一於去試吓😉。.🥟白菜豬肉雲吞刀削麵$49雲吞皮薄多餡料，調味適中，感覺似自家製。刀削麵有咬口，有好香嘅麵粉味😮。.🥩蒜泥牛𦟌$35牛𦟌份量好多，略略滷過但唔會太鹹。配上佢哋特製嘅蒜泥，甜中帶辣，夠晒惹味😋。.☕️樽仔奶茶 +$9出得樽仔奶茶嘅餐廳都對自己嘅奶茶好有自信😎。呢度嘅奶茶茶味香濃，口感香滑。夏天飲夠晒消暑😝。

好多年前喺荃灣食過一次😍之後間唔中都會去食呢一間餐廳😛估唔到公司附近都開左依間😇放工就相約同事一齊去食😌.🍲刀削湯麵（雙拼）$52今次揀咗溏心蛋🍳同五香牛展😛呢個面係滷水湯底😍啲麵係現場到由大隻仔🤤削落黎架❗️我覺得溏心蛋可以再生多少少😂啲麵質好有咬口😍一個女仔都食唔晒一碗麵呀🤪.🥣涼拌海蜇$37海蜇都爽口既，但量唔算多🙈整體來講醋味好出❗️如果唔中意醋既人千奇唔好叫呀😂.🥣手撕雞$39我一心以為係雞髀肉🍗點知係雞胸肉，好失望呀🥺手撕雞嘅量真係好多😂成碟都係，如果鍾意食雞胸嘅你就一定要嗌依樣小食啦❗️

平時去開葵芳都係行新都會或者葵廣多，前排朋友話再入少少盛芳街禮芳街嗰邊都多野食，於是就去咗試新野~通常食開刀削麵都係湯麵多，餐廳除咗麻辣湯刀削麵，仲有仲有冷撈同熱撈刀削麵，好特別！睇完餐牌點咗白菜豬肉雲吞紅燒豬手刀削湯麵 （$52）配可樂，再加多一份東坡肉（$32）刀削麵大大碗，上碟既時候仲熱辣辣，正！雲吞一共有3粒，每粒既餡料都唔少。而豬手就煮得軟稔入味，唔錯。東坡肉肥瘦適中，散發淡淡酒香，食落肥而不膩。

見到某post今日特登約fd過去食，結果 大失所望。.第一下見到menu 已經覺得有d貴。兩個鎹要$52蚊。味道ok 但唔會特別好食。.order嘅小食完全唔掂，第一次食咁令人失望嘅小食。.首先 泡椒白柏葉，完全冇泡椒味 甚至冇乜味。一dd都唔覺得有辣味，後來加左辣椒醬，但都⋯無補於事。.泡椒鳳爪，同泡椒白柏葉大同小異，冇乜味。.涼拌萵筍係好濃嘅麻油味道⋯萵筍好薄身.唯一可取之處係牛展味道還ok。其他鎹都麻麻哋⋯

曾幾何時童年食過人生第一次的刀削麵，終於有間就近公司的刀削麵來個味覺回憶。正宗山西刀削麵皇在葵芳區正式開店，就咁睇Menu真係花多眼亂，選擇真心太多了，就選有圖有真相嘅牛𦟌溏心蛋試試先。一上檯被片片層次感的牛𦟌吸引著，件件晶瑩通透食落入味爽口👍，即削的刀削麵的麵條厚身呈粗條狀，每口麵條都煙韌Ｑ彈，口感彈牙，而麵條掛湯仍然味道理想。$52 雙併餐，份量超級多極飽肚，蔥花點綴溏心蛋讓色彩更豐富平均。大食積狠狠的加多一個風味小食，紅油抄手$37，6 粒大大粒足料水餃，正宗紅油麻辣汁醬加上炸蒜粒蔥花，CP值不錯，係一個不馬虎的誠意小食。樽仔奶茶+$9，茶味香醇滑口，不算是喝過最可口的樽仔奶茶，但自家品牌樽仔入蓋滿有誠意的。👅美味: ⭐️⭐️⭐️⭐️⭐️/5✨環境: ⭐️⭐️⭐️⭐️/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️/5💆‍♂️服務: ⭐️⭐️⭐️⭐️/5