正宗山西刀削麵皇

營業中

休息中

是咁的 個日見到外賣APP有得叫外賣自取 咁就嗌啦 但係我人喺路德圍分店 落錯左係葵芳分店 咁打過去外賣APP想取消訂單 外賣APP就叫我自己同餐廳講 咁我嗰陣時其實已經到左荃灣路德圍分店 咁就問該店店員點處理好 佢就叫我打過去講話喺呢邊買左取消返張單 葵芳分店同事就同我講唔關佢事唔係佢個責任 咁即係點荃灣又收左我錢 話可以取消 葵芳又收左我錢 話唔係佢嘅理任 到最後算啦當我自己買返次教訓 不過態度真係差到爆

🍜冷拌手撕雞刀削麵 (口水醬) $60-刀削麵偏幼 食落煙煙韌韌 口感超好但大食嘅我就覺得份量可以再多啲啲-再睇更多可以到IG @wd_bingetheworld ! 

哩間刀削麵店好細個就係荃灣見到 一到夜晚鋪頭外面一定會有人龍(//∇//) 依家開埋係葵芳就方便好多 而且唔洗排隊(ง ´͈౪`͈)ว 啲刀削麵係即叫即削 所以要等一陣 冬天就會好想去食 因為啲湯暖笠笠 好舒服 特別鍾意佢地嘅麻辣系列 啱曬鍾意食辣嘅我地ʕ•͡દ•ʔ 除左麻辣系列外 仲有好多配搭 亦都有飯 好多選擇(･∀･)✿ 麻辣牛𦟌刀削麵 ✿ ［$53］麻辣牛𦟌好夠味 辣度可以根據自己嘅口味去簡分別有小、中、大辣 另外亦有新鮮蒜蓉配埋一齊食 牛𦟌肉質啱啱好( ੭˙ᗜ˙)੭ 唔會好難咬或者太淋 而刀削麵方面是比較煙靭嘅面質 好有口感 份量對於一個女仔來講絕對足夠 套餐更送埋冷暖豆漿( •̀ᴗ•́ ) ̖́-✿ 麻辣肥牛刀削麵 ✿ ［$53］好鍾意個麻辣肥牛 肥牛唔靭 而且肥瘦都平均 夾埋麻辣醬汁一齊食好正 鍾意食牛嘅推薦 推薦(≧∇≦*)✿ 煎小籠包 ✿ ［$30］平時食開蒸小籠包 哩度有煎嘅所以想試下(˶◜ᵕ◝˶) 雖然哩度唔係專門食小籠包嘅鋪頭 但都幾有質素 keep到肉汁之餘 仲唔易穿 面上灑左芝麻 加上個底煎過食落更香口( ੭˙ᗜ˙)੭­­★好食指數★：8.5/10★服務態度★：幾好 ★免

平時同男朋友做完gym諗唔到食咩都係揀食呢間刀削麵🫡基本上好多都試過哂男朋友近期最鐘意嗌呢個！手撕雞份量多（多protein佢最愛）！米線彈牙，唔會太淋👍🏻配埋口水汁好好食！不過會有少少辣，唔食得辣嘅朋友仔要諗諗先🤣我今次就嗌咗拉麵，估唔到都好好食！軟硬適中，口水汁配豬肚絲都好夾！好食！冷撈之前都試過麻辣汁同麻醬，兩款都唔錯，但口水汁好食啲🤣而麵方面我覺得撈嘅話，米線同拉麵好食啲，刀削麵就湯好食啲👍🏻另外有份小食我地都覺得好唔錯，就係生煎小籠飽 $30/5粒底脆，皮薄，多餡，多汁我地今次第一次食都覺得好驚喜！不過唔記得咗影相🤣

我哋叫左兩碗刀削麵，加一份煎鍋貼，上鍋貼時見到鍋貼上面同碟邊都佈滿鑊撈，個鍋貼底不是金黃色或煎過龍的啡色，而是銀白色加黑色鑊撈，感覺好污糟。我哋要求換另一碟或改其他野，遠遠聽到一位店員已經話，「鍋貼係咁個喎，邊可以換架」，過左一陣後另一位店員拎返同一碟放返我地檯上並且冷冷回覆「煎野係咁架啦，無得改喎」，然後轉身就走。當時已經好唔滿意，因為佢哋唔換都算啦，連拎走鑊撈都唔做。咁我哋以為碟碟都係咁，諗下係咪得我哋要求太高，得我哋接受唔到啫，所以唔想冇結果咁再同店員爭論。點知唔夠一分鐘發現原來隔離位都有叫煎鍋貼，仲要係無鍋撈，睇落好乾淨。我哋覺得間鋪自己都覺得有鑊撈有問題，畢竟錢都係要俾，最後勉強揀件少鑊撈既一隻黎食，之後成碟冇郁過。我覺得間鋪咁樣處理係非常差。服務態度都係差。食物質素又唔係真係好，只能係用嚟醫肚既級數。佢本身刀削麵麵身硬，又唔彈牙，而我哋點左既牛𦟌，雲吞，豬手味道非常普通，只有擔擔麵醬較好。本身間野又唔係賣得特別平，尤其係鍋貼，君X 都好過你。所以冇下次！

放工想自己靜靜地食個dinner，見呢間唔算貴，又有麻辣嘢，過下口癮，就食呢間。叫左麻辣牛肚刀削麵套餐，同一個牛柏葉小食。刀削麵麵條都幾爽口同滑溜溜，份量都幾多，牛肚份量就呢兜，份量正常，麻辣味都足，加杯凍豆漿，$50幾，$60。套餐我覺得ok。不過小食-泡椒牛栢葉就比較奇怪。分量係多嘅，不過唔夠入味，唔夠酸，唔夠辣。可以不試。麻辣味果d可能正常D

之前食開刀削麵，今日唔算好餓就試下拉面點知都唔錯喎！冇刀削麵咁飽肚，麵質都彈牙麻辣系列好好食，平時食開麻辣肥牛，會將麻辣肥牛啲蒜同辣醬撈落個湯麵到食，好食好多架！個湯底本身都正，加埋落去仲正，岩哂我呢啲重口味人士

「返工都要食好西」系列之豬手軟滑到冇朋友是日同同事齊齊去搵食，呢間新店一新開就勁多人排隊，所以今次一見冇咩人，我地成班人即衝入去。因為係新開，所以裝修比較乾淨，但位同位之間就偏窄。坐底見menu有豬手，梗係要試下佢，睇下係咪真功夫+大師傅。上菜基本算快，豬手菜肉雲吞麵；啲豬手勁軟、滑、「淋」！夠入味之餘唔會太咸，好味到可以齋食一碗豬手都得。鐘意豬手既OpenRicer 真係要試吓。另加支樽仔奶茶，好香滑，好飲，但茶味可以再濃啲。

其實我半個月內已經第二次嗌呢間刀削麵😂 可想而知我對佢有幾咁欣賞🥰🥰今次就試湯嘅刀削麵，兩個都係刀削麵套餐雙拼 ($52@)😛滷水雞翼：好入味，超級香，值得推薦👍🏻魚蛋：呢個有啲小驚喜，大大粒，幾好食😍魚腐：正常質素🤪白菜豬肉雲吞：呢一個食落菜味比較濃，感覺好健康🤣講返個麵，我之前食過呢間凍嘅刀削麵，我覺得煙韌啲，落咗熱湯之後有少少淋左🙈另外我哋都嗌多咗個菜，個菜落咗勁多蠔油，鹹到喊出黎，下次我都係乖乖淨係嗌刀削麵算啦😂😂😂PS: 個人覺得個麵嘅份量好足夠，但係餸相對較少，不過呢個價錢呢個質素，冇得輸😍😍

早前經過葵芳見到新開左間刀削麵，但由於新店關係，排隊人數眾多所以無食到。今日又經開呢到，未到放工時間，好快就可以入去坐。店內裝潢設計簡樸，整體光猛。兩人各自叫了五香牛展，紅燒豬手刀削麵配凍豆漿（無熱豆漿），湯頭清又鮮甜，五香牛展，紅燒豬手滷得好入味，刀削麵欠缺Q彈性。麻辣手撕雞刀削麵配樽仔奶茶，佢地既麻辣手撕雞係用碟仔另上，呢個幾好同埋佢地有唔同辣度選擇。麻辣手撕雞味道不錯但蒜蓉太大粒，麻辣加蒜頭粒的辣，實再太刺激了，改為蒜蓉更為人接受。樽仔奶茶甜度岩岩好，推薦。最後叫左個小食，滷牛肚同大腸都好味，唯獨蒜蓉太大粒，會搶奪晒其他味道。

成日lunch都會食山西刀削麵，差唔多每個星期都會食一次😍呢度最出名就係刀削麵，即叫即煮！有套餐可以叫單餸/雙餸麵+免費豆漿，價錢尚算合理。而且係開放式廚房，所以可以清楚見到師傅削麵既情況，刀法相當厲害！👏🏻👏🏻刀削麵口感煙韌,硬度適中，而且厚度平均，中意刀削麵既朋友一定要試下！😋除咗刀削麵仲有米線選，佢地既米線偏軟身，分量好多，配合埋個湯底都好好食。我自己中意食米線，所以平時都會叫麻辣肥牛+米線佢地既辣汁加咗蒜，可以撈勻肥牛單食，適合重口味既人甘做。又或者可以倒落湯底入面，變成麻辣湯底，我比較中意後者，味道好上癮！！如果唔中意食辣的朋友可以試下白菜豬肉雲吞同溏心蛋，呢度的雲吞好好食，十分有驚喜！而溏心蛋非常入味，相信浸咗好耐！但係鋪頭位置唔算太多，如果繁忙時間可能都要等一陣。不過見到佢地黎緊11月準備搬大鋪，可以有多啲位置坐啦！

某天經過這小店（應該只可容納12-14人），很想試下刀削麵。趁天氣有點涼，覺得很適合食暖笠笠的麵，跟朋友點了白菜豬肉水餃刀削麵和五香牛展，免費送豆漿，白菜豬肉水餃調味剛剛好，不會太鹹，刀削麵夠煙韌，份量十足。五香牛展很入味。其實刀削麵可以自由配搭材料，單拼、雙拼、三拼也可以。亦有很多小食配搭。

叫左一個雙拼刀削麵(魚腐加香蔥豬肉餃)。52蚊。有一杯豆漿。麵內嘅蔥粒集中響一隻匙羹方便忘記叫'走青'嘅客人。麵嘅軟硬度適中。份量好夠飽。咬開餃子，入面有啲湯好似小籠包嘅味道。湯底不錯，食落似用左牛肉來熬製。座位有啲太窄。想飲水可以叫店員拎。餐具都乾淨。

伏👎🏻劣評。今日晏晝食lunch，係葵芳分店，佢唔做送外賣唔緊要，我可以自己去拎，係電話叫完外賣問需時幾耐，我預時間，女店員話5分鐘，好，我打電話叫完之後就即刻去拎，去到同店員講岩岩打黎叫左外賣。。。。女店員:242我:242？係號？定242蚊？女店員:242我裝個頭去望一望佢個收銀機mon先見到原來係講緊叫我俾$242。俾完錢後。。。。我:我想要返張單呀唔該你女店員:佢一陣會痴埋俾你然後就等外賣，都好快唔需要等好耐。。。拎外賣回公司開餐，返到公司發現1.說好的收據呢？2.我叫左3杯豆漿，俾得2杯。然後我再打返去問佢哋係咪忘記俾單我。。。女店員:哦，係呀，你張單係度我:同埋你俾少左杯豆漿我，我叫左3杯，俾得2杯。女店員:你叫2杯咋喎我:下，我最尾一杯咪話加錢要多杯豆漿囉女店員:係喎我:咁不如你送返過黎俾我啦，連同張單，係隔離好近女店員:下，但我哋唔做送外賣喎最後，係店員同我分別行一半路程去拎返杯豆漿同張單。呢間野店員表達能力有問題之餘，態度仲好差，明明錯既係店員，點解會係變咗顧客都需要承擔？叫我去拎返唔係問題因為好近，但問題係店員既態度令我覺得唔可以承擔晒所有責任😡食物質素只係一般，真

荃灣有間成日要排隊嘅刀削麵店宜家連葵芳都開咗分店店舖一大賣點就係刀削麵係每日製造即叫即煮，仲可以睇到師傅點樣製作刀削麵🔶麻辣手絲雞湯刀削麵($52)麻辣手絲雞係呢到招牌食物由青瓜絲、生蒜粒、醋同辣椒油製成食落比較重口味，蒜味好重另外刀削麵好彈牙，食落同上海年糕嘅口質都幾似湯底比較清淡，可以平衡返手絲雞嘅重口味______________________________正宗山西刀削麵皇 (葵芳)葵芳禮芳街1號地下A號舖