正宗山西刀削麵皇

營業中

休息中

麻辣牛肚刀削麵 $52刀削都是新解用人手削的，所以條條麵條厚度不一長短不同，令刀削麵增加了不少口感。因為是人手削的所以非常煙韌👍🏻 麻辣牛肚非常惹味，叫咗小辣都已經好辣，喜歡吃辣的人不妨試一試。牛肚滷得非常入味 加埋啲生蒜 重口味之選，正！麻辣牛展拉麵 $52麻辣牛展已經滷到非常淋，唔需要咬已經碎咗🥰拉麵亦非常煙韌，麵條粗幼度適中，非常掛湯❤️樽仔奶茶 +$9茶底味偏濃👍🏻 奶味亦有 唔算太甜！麻辣豬耳$39麻辣豬耳口感亦是偏淋。口水手撕雞 $35少少辣再加少少麻醬 都幾唔錯 下面仲有少少青瓜絲配埋食更加清爽。

好想食到刀削麵，所以走咗去葵芳搵下邊到有得食，比我發現呢到有間可以食到正宗刀削麵既店舖。店舖位置容易搵，一眼就睇到👀 有好多款唔同口味既刀削麵🍜，有麻辣🌶有唔辣，總有一款啱你食。刀削麵套餐🍜 雙拼 $52四川擔擔麵 + 豬大腸 配刀削麵，🌶辣度適中，豬大腸，爽滑又好食，仲要切到大大塊😋，最like就係個刀削麵，麵質煙煙韌韌，條條一樣厚度跟餐配埋杯香滑凍豆漿🥛風味小食就揀咗個涼拌豬耳🐷 $37豬耳勁爽脆，勁大碟，有香蒜又有青瓜絲，入哂味，一個人差啲食唔哂。真係好抵食😋

好難想象會咁難食。將湘川滬加個刀削面就話自己係山西嚟，個老闆或者個廚，肯定都未去過山西。賣刀削面 + 菜飯，呢個combination 都應該知道伏，勇者的我。刀削面，面質冇彈性，長短不一俱藝術感，仲有一陣菜板味怪味，湯麵連蔥花都冇一粒。東波肉，片裝厚切都算，但個味係死鹹嘅豉油味，東波肉應有嘅甜味醋味都冇晒，唔知以為食緊梅菜扣肉。口水皮蛋，唔糖芯，係百佳惠康買隻都靚過佢隻黃色芯圈皮蛋。蒜味薰蹄，蒜切得夠細，但蒜太多，太辣。

天氣咁熱, 諗住食個撈麵啦! 難得經過附近見到刀削麵諗住試下, 結果好失望! 刀削麵太厚太太太硬, 麵身唔滑而嚡口, 無軟綿軟筋道, 淡而無味! 麻辣醬有點咸, 最好味係花生同青瓜! $60一碗, 這質素算是貴得離譜!