正宗山西刀削麵皇

營業中

休息中

有一日經過葵芳見到呢間刀削麵，lunch都幾多人排隊，咁岩我一個人又唔使等位，又好耐冇食過就入去試一試啦。入面環境都幾乾淨，不過空間感唔太大，唔算多位，食飯時間就一定要排隊啦我估。見到餐牌有有湯有熱同冷拌嘅選擇，咁樣嗰日咁熱就試一試冷拌刀削麵啦。配菜方面，我就叫咗牛腱，份量都幾多下，我留意到好多人都有另外加麻辣醬，所以鍾意食辣嘅我緊係試一試啦。辣醬真係幾惹味，佢既辣度唔算係死辣有層次感好啱撈麵食。咁講返麵方面啦，煙韌度就還可以，我覺得配菜出色過刀削麵。我見好多人都係揀湯麵，我諗個湯底應該唔錯，下次再嚟試吓先。

平時嘅我尤其返工時間，較少因為食飯而行得遠又熱。通常唔係失望就更失望，今趟一走，知錯了 🙃小店逼硤就梗，所以我好怕堂食。今日要行咁遠仲唔L好食，極無癮 🤦白菜豬肉雲吞，紅燒豬手，刀削麵雲吞一睇就知翻烚，都好正常嘅快吖嘛 😒豬手樣子完整，味道普通，只屬於淋欠缺膠質，不推介 👎湯底咪就味水加色，只有咸味 🤷‍♂️豆漿 👎（心諗：呢杯豆漿呀？！🤦）淨食豬手可能無嘢，湊埋覺得碗麵份外難食 😒**有倒汗水滴落碗麵，咁啱果刻我已經吃完 😅

喺葵芳呢一區嚟講嘅麵食都唔少嘅，但係呢刀削麵就剩係得呢一間，反而呢米線呀拉麵啊嗰啲都有三四間以上嘅選擇。睇返食評，聽講呢一間嘅刀削麵配牛𦟌肉或者豬手都幾好味，今次我就先試下牛𦟌肉刀削麵，佢嘅湯底都幾好，唔算太過確喉亦都好有味！但係豆漿就麻麻地冇乜豆味，我地叫左個辣豬利、都係冇乜味，而且個醬辣得黎又咸還咸、辣還辣，希望下次試埋個豬手面冇令我失望la！始終佢嘅刀削麵都係由廚師親手逐下刀削出黎，可惜冇影低。

下午四點入去只得二枱客，叫熱豆漿黎凍豆漿，叫杯熱水嚟杯凍水，二位待應姐姐不停傾計，唔知以為全場滿座，最後叫了一碗豬扒刀削麵，一碗餃子刀削麵，一碟蒜泥肥牛，蒜泥肥牛食到最尾竟然有舊骨頭，非常嘔心，唔知係食剩定咩事，問啊姐竟然話係豬骨，其實已經好得閒冇客，但都可以加料，去的話請大家小心。

噚日本著感懷嘅心情去咗間平民化嘅餐廳，食咗下土家鮮香脆口嘅涼菜同埋滾熱嘅粗獷刀削麵，真係一場味覺上嘅驚喜之旅🤤。首先，個涼拌小黃瓜真係夠哂脆，清新爽口，而家想起嚟嘴巴依然有個清香；浸得啱啱好，唔會過於濕淋淋或者太乾巴。同枱嘅拍檔揀咗個香辣牛肉，賣相搶眼得嚟又唔會太辣，適合唔喜歡吃太刺激嘅朋友。嗰塊牛肉腍滑中帶啲嚼勁，配上餐廳特製嘅辣椒汁，簡直就係味蕾上嘅騷動。🌶️刀削麵嘅話，剛剛好嘅麵條厚度加埋啱啱提供嘅熱氣腾騰湯底，硬朗嘅牙口加埋湯麵溫暖嘅擁抱，冷颼颼嘅天氣下正！每一啖都令我仿佛離開咗香港去到咗北方麵食嘅發源地。商吓口麵，啖啖暖意🍜。食完今次，下次唔使諗咁多，直接揀幾樣小菜再加一碗刀削麵，晚飯就搞掂喇！特別提一句，餐廳服務都幾好，讓人食得坦心。下次仲要帶埋朋友一齊去試下其他口味，嘆嘆最後一口飲品，個樽仔奶茶又幾好飲，茶香撲鼻，滿足晒！🥤

嚟到呢間小店，感覺好親民，一坐低，氣氛鬆弛得嚟又有啲懷舊感。點了碗麻辣刀削麵，啱啱好嘅辣度，食落火辣辣好過癮，麵嘅彈牙口感仲特別地惹味，湯底濃郁帶有點點麻香，一啖一啖純粹係享受啊！跟住叫咗份脆皮烤雞，簡直係惹味到爆啦！雞皮金黃酥脆，肉質多汁彈牙，細細一塊就已經滿足到。仲有個涼伴黃瓜吖，脆口又爽滑，加啲蒜蓉辣醬拌一拌，清新解膩，係夏天超正嘅小菜！最後，千祈唔好錯過佢哋嘅珍珠奶茶，珍珠QQ嘅，奶茶滑嘅，香甜中帶點茶的苦澀，簡直係畫龍點睛之妙，令成個餐食完美收場。呢次嘅食驗真係開心過癮，食飽飽後行出嚟仲唔覺得自己係食神嘛！🍜🍗🥤

某平日的中午，豬腸肥美，沒有豬臭味，咬感不會過林，煮得入味，量不算少。還有一餸就是豬肉菜餃，皮薄餡料足，飽滿，食下，雖然菜已切細混入肉碎，但仍食到菜的新鮮。主角的刀削麵，煙靭，厚薄適中均勻。呢餐可以有熱飲，選了熱奶茶。茶味不算淡，不過始終不是茶記的味道。五十多元這一餐，算抵啊。不過，飯市非常人多擠逼。

今日同朋友夜晚唔知道食啲乜嘢好，然後就醒起附近有呢一間刀削麵嘅分店！其實好多年前已經幫襯過，但係近排我再去食啲味道都冇變喎🧐❤️⬆️牛肚餃子刀削麵朋友話佢哋嘅撈麵幾好食😋但係我每次去都必嗌牛肚熱湯刀削麵！牛肚嘅份量好大方，食極都仲有！同埋我一定要嗌多蔥，不過如果好討厭芫荽🌿，仲有記住帶走沖奶，因為佢啲蔥同埋芫荽係擺埋一齊嘅！餃子🥟都夠濃味同埋大隻！每次去到都必嗌嘅配料❤️👍🏻朋友食嘅係麻辣牛腱，上面有一大堆蒜蓉！雖然好惹味🥰如果怕口臭嘅就記住唔好嗌啦！

五香牛展鴨腎刀削麵最好食就係五香牛展香料味好足，牛肉味幾濃，筋肉分明，好有咬口出邊有時片得太薄或者太厚，會影響味道同口感但呢間厚薄就啱啱好一碗有四五塊，份量都算OK鴨腎就普普通通，只有鹹味，比較細粒，又唔算厚肉，亦都燘得唔冧，不用再試依間刀削麵不嬲都合格，好有口感不過今日似乎煮得太耐，有啲餬左太冧叫咗多青但芫荽太搶味，反而試唔到湯底另外可能跟餐個杯豆漿好似唔太新鮮，飲到最後有渣，唔知係過濾得唔好定係開始變壞白菜豬肉雲吞超級普通，皮厚，肉餡冇口感，調味偏鹹，不用再試朋友嗰個麻辣刀削麵嘅蒜泥醬幾惹咪不過冇影相

啲待應全部大陸人。我坐廚房對出個枱，啲廚房佬勁大聲係咁講粗口又喺度同阿姐鬧交，成間鋪仲要播埋啲大陸歌，超嘈😅😅😅😅食完兩碗麵，個小籠包勁耐都未上，問阿姐可唔可以唔要，講十幾次都扮聽唔到，仲要只不過企喺我前面，專登唔應機。另外一個唔識廣東話嘅阿姐之後仲一嘢撞落我隻手（疑似專登），一句sorry都冇，極度冇禮貌，唔講係咪服務問題，係基本禮貌都唔識。（利申本身冇得罪佢哋，亦冇做西客行為，就嗌完嘢食之後喺度等，過程冇催過🤥）

食物品質OK,而且賣相吸引，湯底味道唔錯，特別係豆漿，唔會太甜，食物質素唔錯的，但服務員質素就好有問題...話說我地一行八個人進餐，咁多人總有人會食得快有人食得慢，其中有朋友放低碗筷，想話抹下咀先再繼續食，點知啲姐姐火速想收走碗麵，但碗麵未食完的，馬上叫停佢，但第二次又係咁；有人杯嘢未飲完，放低1秒都冇，啲姐姐火速收走，唔知佢究竟係想趕客，定唔想do, 雖則外面都有一兩個人排隊，但話晒店內嘅食客都係客，唔係坐喺度白食的，啲服務員咁樣對客人，好似想幫老闆倒咪咁😅啲姐姐咁嘅服務態度，即使食物質素有多好，我下次都唔會想再光顧。

平時食開包裝刀削麵，比較薄但有口感。但係呢間刀削麵應該係手打，超級厚，入口好似食麵糰咁💦 食兩條已經唔想食牛腱同溫泉蛋都普普通通，個湯比較淡口。試過今次，應該就冇下次啦

諗住見佢裝修都幾新淨，平日下午茶時間都冇做下午茶餐或者特價，應該係對自己食物水準自信嘅表現，初初食物嚟到賣相都唔差，諗住都應該會幾好食。點知。。。東坡肉刀削麵，東坡肉竟然非常柴又乾，其實真係好難先可以做到咁嘅效果，同埋做法根本唔係東坡肉，只可以叫做滷水豬腩肉。⋯⋯刀削麵質感正常發揮。另外叫咗個麻辣手撕雞，雞肉全部都係雞胸肉又係又乾又柴，只係有辣冇麻🤦🏻‍♂️生煎小籠包，煎得燶又滿佈鑊撈，個底全部係燶晒，啲油唔乾淨好多黑色一點點，小心中伏！食完真係影響健康…..🤦🏻‍♂️

史上遇過最差既餐廳 一入門口，想坐低，點知張凳好污糟 😥唔緊要換過第二個位坐。 （環境衛生差）叫野食，上菜時想問可唔可以加辣，佢好無禮貌又大聲甘話我咩加辣！？ 黑晒面。😡我重申問多次，有冇得加辣？佢先知我講咩 (定一開始扮唔明？），然後黑住面幫我加多d 麻辣。叫咗麻辣豬大腸刀削麵，麻辣同湯底都算正常但係絕對唔係好食，而且d 麵係硬既。。。😤我朋友叫咗金錢肚牛展刀削麵，但黎咗金錢肚豬大腸刀削麵 😨😨😨黑口黑面不特止，連落單都發緊夢 🥶真係絕頂既店舖⚠️ 由於呢間店舖嘅員工都非常冇禮貌，我哋避免佢加料，明明佢上錯野食我地都唔敢講 🥶P.S. 後來發現佢全部員工都係大陸人，都係講國語，都識聽識講廣東話，唔知係咪唔憂做啦，黑口黑面又大聲喝d 客人！反正冇下次。** 特出此post 希望大家唔好中伏 **

-{葵芳刀削拌麵😙}🤤熱拌豬軟骨東坡肉刀削麵🤤($60+$10)刀削麵質感過厚 咬落有啲粉 嚿肉係痴線唔太腍 但算係咬到軟骨嘅係硬左啲啲 東坡肉亦唔係一咬即化咗嗰種 就係好大嚿肉😂而撈醬就少少辣但可接受 撈刀削麵都香口嘅😙👖褲評: 7.5/10包野飲都唔錯 值得一提個豬扒幾出色😚不骨平日lunch真係幾多人排隊性價比: 8/10服務: 7/10環境: 7/10🚩 正宗山西刀削麵皇 🚩地址: 葵芳禮芳街1號地下A號舖#fuudjai #fuudjai中式 #fuudjai葵芳