- 慶祝紀念日就係要搵間靚餐廳、鋸個扒 (我自己覺得🤣)，奈何依家靚少少嘅西餐好似愈來愈貴，真係比唔落手🥹 ‘The Grill Room’成日都喺openrice search到，但係扒(我自己覺得🤣) ‘The Grill Room’成日search openrice西餐都見到，今次終於決定試下，點知有驚喜🩷 - 😋 香煎帶子配南瓜雲呢拿籽忌廉湯 ($158) 👉🏻 可能係我飲過最好飲嘅南瓜湯🥹😍 好creamy，南瓜同忌廉嘅比例岩岩好，唔會好漏🤘🏻 帶子都幾大粒🤣 - 😋 炭燒美國16安士USDA安格斯肉眼牛扒 ($578) 👉🏻 開頭見到個價錢都有少少唔想嗌，不過上網睇相又好吸引，上菜個陣先發現個價錢勁抵👍🏻 因為個牛扒又厚又大份🥳🥳 👉🏻 嗌咗7成熟，切開真係有啲粉紅色🩷 牛味好香，充滿肉汁，勁滿足🥰🥰 - 😋 燴蕃茄牛面肉扁意大利麵 ($258) 👉🏻 呢個意大利麵嘅醬真係驚艷到我！！係偏甜嘅蕃茄醬，但係又有淡淡嘅酸味，醬料嘅份量非常好👍🏻 可以令到每一啖都掛到醬之餘，又唔會搶咗意粉本身嘅味道😍😍 👉🏻 另外牛面肉都夠淋，仲好大舊🩷 - 😋 Mocktail - Garden Eve ($78) 👉🏻 味道上偏甜少少，岩唔飲酒又想打下卡嘅女仔😜 - 😋 Cocktail (唔記得價錢😂) 👉🏻 呢到嘅cocktail都幾出色，兩杯都酸酸甜甜，好易入口👏🏻🤘🏻

- 觀塘出名人多車多😂 但係喺ATM附近 (行5分鐘左右😂) 竟然比我搵到間好chill嘅cafe，仲要勁大，weekend同friend黎食野同傾計好舒服，完全傾到唔捨得走😍😍😍 - 😋 葡式香辣燒春雞配薯條($128) 👉🏻 份量比預期中大！🥰 雞肉好滑同好易切，可以好elegant咁食😛 本身燒春雞都好夠味，不過餐廳都額外配咗香辣醬，更加惹味🙌🏻🫶🏻 - 😋 夏威夷薄餅 ($158) 👉🏻 同平時夏威夷薄餅最唔同，應該係佢嘅馬蘇里拉芝士好香，啖啖都充滿芝士香，好正🤤🤤 - 😋 Orange Juice & Apple Juice (+$18 Drinks Upgrade) 👉🏻 Brunch Set可以加少少錢就有埋野飲😍 👉🏻 除咗咖啡，呢度好好仲有果汁揀，仲要大大杯，好適合夏天🌞🌞🌞

依家啲Cafe愈開愈多，但係啲野食就十間有九間都一樣🥹 今次出開銅鑼灣，randomly search到呢間新開嘅cafe，隱世到連入口我都搵唔到，要打去問🤣🤣 - 😋 魚糕串辛辣麵卡邦尼意粉 ($138) 👉🏻 呢個大推！必試！開頭都驚伏，但係店員介紹呢個係佢哋signature，好似又無理由唔試🤭 一試愛上，個醬應該係落咗辛辣麵嘅粉 (我估？😂) 唔會好辣，但好香好惹味🥰 卡邦尼令成件事更creamy，食到停唔到口🥳🩷 - 😋 安格斯牛肉芝士漢堡 ($138) 👉🏻 個牛肉超級厚+Juicy，個漢堡包有烘過，好香脆👍🏻 份量足夠，同埋切個陣都易切，兩個人share好岩🫶🏻 - 😋 醬油脆炸餃子 ($58) 👉🏻 呢個小食幾驚喜！話說我哋影相打卡都搞咗好耐，再食埋兩個主菜先食佢，點知都keep到外皮脆口，入面係滿滿嘅肉肉，好滿足😍 - 😋 粟米濃湯+精選蛋糕(Tiramisu)+自選飲品(藍莓提子梳打) (+$68轉套餐) 👉🏻 想特別highlight個Tiramisu，係我鐘意嘅味道😋 creamy同奶香味為主，為晚餐畫上完美嘅句號😙 - 🙋🏻‍♀️ 其他說說 👉🏻 餐廳位置唔算太多，但坐得好舒服，適合幾個朋友/同男朋友靜靜地傾下計☺️

- 成日想搵啲好feel、有情調嘅餐廳，但係通常都好貴🥹 今次黎到大埔，竟然有間咁有情調、好食又抵食嘅西餐廳！一定要大大力推薦比大家😍😍 - 😋 南瓜忌廉湯 + 麵包配牛骨牛油 (Set Lunch包左) 👉🏻 好少呢啲前菜都要特登講，但係呢間實在令我太深刻🫶🏻 今日是日餐湯係南瓜忌廉湯，份量偏大，首先忌廉整到花花咁嘅樣已經令人食慾大增🤭 飲落口都真係好順口、清甜🥰 👉🏻 麵包方面，佢好特別咁提供咗牛骨牛油做搭配，第一次試，好有驚喜！牛骨牛油就咁食，口感有啲似薯蓉😂 比普通牛油再多左一層好香濃嘅油脂味道👍🏻 - 😋 美國安格斯七打牛柳 (Set Lunch連餐湯+包: $198) 👉🏻 叫咗7成熟，餐廳拿捏得好好，切開見到少少粉紅色，牛柳夠諗，好香牛味👍🏻 仲配搭左少少蔬菜、薯蓉同蒜頭🫶🏻 - 😋 自家製A5和牛手工千層麵 (Set Lunch連餐湯+包: $128) 👉🏻 大愛呢個食完唔會覺得好漏嘅千層麵😍😍 淡淡嘅牛肉香，再搭配香濃嘅芝士，但係芝士唔會過量，唔會令你覺得食完好濟🤣 - 😋 甜品 👉🏻 自家製意式奶凍：開頭以為朱古力同紅莓要二選一，但係原來佢係兩隻味combine左一杯，底層係朱古力，上面係紅莓😍 酸酸甜甜，非常出色嘅甜品👍🏻 👉🏻 時令甜品：唔係好記得佢叫咩名😂 不過食落有啲似焦糖燉蛋☺️☺️ - 😋 飲品 👉🏻 Mocktail - Forever: 由蔓越莓、紅石榴糖漿、梳打組成，飲落口有啲似利賓納，但係無咁酸，幾開胃☺️ 👉🏻 Apple Juice: 無冰嘅，成杯都係果汁，唔洗驚飲飲下味道會變淡🤓 唔會太甜👍🏻 - 🙋🏻‍♀️ 其他說說 👉🏻 餐廳燈光偏暗，座位唔算太多，所以唔會好嘈☺️ 成間餐廳裝修設計都好靚🩷

-
興致到想食越南野，即興入咗荃灣嘅越男仔，見佢個裝修幾靚仔，同埋好多款嘅野食選擇，啱曬我呢啲鐘意試新嘢嘅人🥰🥰
-

😋 越式生牛肉牛骨湯河粉 ($66)
👉🏻 超驚喜！見到個價錢本身都冇話抱好高期望，點知！啲牛入口即溶，仲要好香牛味，完全驚艷到我😍😍 個湯好清甜，唔會好油或者飲完覺得好口乾，我幾乎成碗清曬🤣🤣
-

😋 越男仔 海南雞雞脾 配椰汁酸湯檬粉 ($98)
👉🏻 好新鮮嘅味道，無喺其他餐廳食過呢隻湯底，酸酸地咁好開胃！個樣好似咖喱咁嘅色，但係食落個口感係輕盈、唔會厚重👍🏻👍🏻 加上啲雞係真係好滑嘅雞髀肉，份量仲要一啲都少✌🏻✌🏻 食完係大滿足嘅感覺☺️☺️
-

😋 法式芝心蝦多士 (跟餐+$49)
👉🏻 脆卜卜嘅口感，入面嘅芝士係淡淡嘅香味，份量佔粒多士嘅一半，唔會太多，都唔會覺得唔夠味，開心仔🥳🥳
-

😋 水果茶 (跟餐+$23)
👉🏻 入面竟然真係有真水果，有粒粒菠蘿食真係估佢唔好😂 杯水果茶都幾好飲，果味好重👍🏻👍🏻
-
🙋🏻‍♀️ 其他說說
👉🏻 值得一提嘅係呢到啲侍應服務態度好好，好helpful👍🏻👍🏻
-
#HKFood #HongKongRestaurant #TsuenWanRestaurant #HongKongFoodie #香港美食 #荃灣美食 #越南菜 #FoodLifeLoverTW #devietson #越男仔 #越南美食 #越男仔荃灣店 #荃灣美食

- 一般食串燒都係去開日式居酒屋，但係今次去到呢間餐廳嘅裝修係西式style，好似Happy Hour嘅感覺，即係燈光暗暗地，配搭音樂，仲有好多酒揀，氣氛💯💯 今次嗌咗超級多野食，唔逐一點評啦，主要推薦大家一啲我好鐘意嘅項目🥰🥰 - 😋 牛油帆立貝 ($38) 👉🏻 完全係我鐘意嘅味道！😍 食落口帶有牛油淡淡嘅香味，但完全唔會油膩，加上燒得有啲焦香，超級好味😋😋😋 - 😋 玉子燒 ($38) 👉🏻 呢個好似係每次串燒嘅必點之選😂😂😂 呢到嘅玉子燒好紥實，feel到佢係真材實料，口感上食得出玉子燒一層層嘅層次👍🏻👍🏻 - 😋 鹽燒牛舌心 ($33) 👉🏻 牛舌夠淋，而且牛味都濃，鹽燒「吊」咗牛舌嘅味道出嚟，又唔會搶咗風頭，平衡得啱啱好🥰🥰 - 😋 招牌茄子燒 ($39) 👉🏻 好多好多蒜嘅茄子燒🤤🤤 重口味朋友必叫之選！燒得好juicy，連外皮都係好軟，就算平時唔鐘意食皮嘅我都忍唔住連皮都食埋🙈🤭🤭🤭 - 😋 Craft Beer - Little Creatures Pale Ale ($49) 👉🏻 除咗串燒之外，呢度嘅酒都係重點！試咗幾款酒，私心最鐘意呢一款！如果你同我一樣，平時比較鐘意飲果酒，呢款就啱你啦！佢味道上帶有果香嘅清新，唔會太苦澀，好飲到聽唔到口🤭🤭🤭 - 🙋🏻‍♀️ 其他說說 👉🏻 值得一提嘅係呢到嘅串燒係會放係一個巨型嘅碟，然後一次過上，成件事好打卡able😎

- 法國菜係一種我幾鐘意嘅用餐體驗，精緻同慢活嘅節奏，但係法國菜通常都好貴，所以好少食🙈 今次終於比我搵到間價錢可接受、食物又高質、坐得又舒服嘅法國餐廳😍😍😍 - 😋 蝶豆花木魚清湯+鯛魚刺身 ($188) 👉🏻 個湯一飲落去就係日本熟悉嘅味道，鹹鹹地，好鮮甜！ 👉🏻 鯛魚刺身原來係放埋落去，開頭以為係另上😂 鯛魚味道本身比較淡，配住啲湯黎食味道會更出，好特別☺️ - 😋 時令魚子醬+巴馬火腿+杏仁+餅乾拼盤 ($388) 👉🏻 我人生中第一次食魚子醬🤤🤤 搭配餅乾黎食，係鹹得黎又香甜嘅味道！超正！！！魚子醬份量好足夠，基本上食曬餅乾都仲有剩😂 👉🏻 下午茶時間同朋友黎飲下酒，食呢個小食應該幾有feel🥰 - 😋 烤加拿大海膽多士 ($68/pc) 👉🏻 除左係日本，好耐無見過咁大舊海膽啦！仲要係勁鮮甜，同日本食到個啲差唔多，多士烤到脆薄薄薄，每一啖都配合住滿滿嘅海膽，一定要再encore！ - 😋 威靈頓牛柳 ($398) 👉🏻 值得一讚嘅係，侍應會等你完成小食部份先上主菜 (香港好多餐廳係一次過上矖🙈)，所以我地食個陣仲係熱辣辣，牛柳叫左7成，岩岩好，牛味好重好香👍🏻👍🏻👍🏻 - 😋 Pink Lady ($118) 👉🏻 兩杯Mocktail都好特別，有個波波係面，打卡一流！但要快手啲，因為差唔多時間佢會自己爆左😂 飲落去係玫瑰嘅味道，甜甜地，女仔應該大部分都會鐘意🥰 - 😋 Sexy on Tree ($98) 👉🏻 呢杯係酸酸甜甜嘅味道，好開胃👏🏻 - 🙋🏻‍♀️ 其他說說 👉🏻 餐廳唔算太大，但座位都係沙發質地，坐得超舒服🥰 同埋比一般西餐廳靜，岩想靜靜地傾下計嘅人😍

- 今日收工突然想食日本野，openrice search下搵到呢間餐廳，一入到去就被滿滿嘅日本氣氛包圍🥰 被安排左坐bar枱嘅位置，但係因為同師傅們都有距離，唔尷尬之餘，仲坐得好舒服👍🏻 - 😋 和牛炒飯 ($158) 👉🏻 第一啖食入口已經有濃濃嘅牛味😍 啲和牛粒都好大粒下，入口即溶，好出色👍🏻 仲落左紅蘿蔔同洋蔥，中和返和牛嘅油脂，令到入口完全唔膩，想一啖接一啖咁食🤤🤤 - 😋 荔枝豬肉卷 ($38) 👉🏻 我最愛嘅串燒組合之一❤️ 最欣賞佢個豬肉處理得好好，燒得好香口同脆口，配合埋大大粒荔枝，無得輸👍🏻👍🏻 - 😋 牛舌厚切 ($68) 👉🏻 每舊都大大舊，口感亦唔會太硬，好食！ - 😋 白鱔 ($88) 👉🏻 呢個我都勁鐘意，食落口真係又「卜卜」聲，然口魚肉又好綿密，完全做到外脆內軟🤤🤤 - 😋 日本小甜薯 ($26) 👉🏻 食到甜薯原本嘅甜味 (有啲居酒屋會加勁多蜜糖🙈)，口感都軟心👍🏻 - 😋 茄子 ($21) 👉🏻 將茄子切開一舊舊咁燒嘅食法我比較少食，又幾驚喜喎！茄子燒到好軟，加上章魚小丸子上面嘅鰹魚碎，好特別嘅味道😍 - 😋 日本芝士年糕 ($28) 👉🏻 係有小流心嘅芝士年糕！雖然得一舊，但係都幾大舊😛 - 😋 巨峰梳打 ($40) 👉🏻 飲品又係有小驚喜，好大杯，仲要係唔假嘅巨峰提子味！ - 🙋🏻‍♀️ 其他說說 👉🏻 非常適合平日收工過黎chill下，座位好舒服，位置之間有足夠嘅距離，環境都唔會太嘈，可以靜靜地食下野、傾下計、放空下🥰

以前HeSheEat岩岩開個陣就有食過佢嘅甜品，今次經過銅鑼灣見到佢好似坐得幾舒服，就入去試埋佢嘅正餐，兩個人，兩個主菜，一個甜品，兩杯特飲，飽到上心口先$400幾蚊，CP值爆曬登，一定會再食過😍😍 - 😋 牛油香草燒春雞配日式薯仔沙律 ($118) 👉🏻 超級巨型嘅燒春雞，面頭搽左蜜糖，好似BBQ嘅味道，雞肉好Juicy，好入味，都完全唔乾！ 👉🏻 形狀上比平時嘅燒春雞比較扁身，所以相對地切起上黎好容易，怕麻煩嘅人都可以揀😂🤪 👉🏻 想提下佢個薯仔沙律都幾特別，加左青瓜，食起上黎好fresh👍🏻 - 😋 意式蕃茄水牛芝士意粉 (煎三文魚扒) ($95) 👉🏻 個三文魚扒超級香脆，係「卜卜」聲個隻脆，同埋唔會超厚切，所以入口唔會好油🤤 👉🏻 開頭見到有芝士都擔心會唔會太膩，答案係完全唔會😂 啲水牛芝士係細細粒咁放係上面，好creamy，配合埋個蕃茄醬愈食愈開胃，忍唔住食左勁多🙈 - 😋 士多啤梨焦糖脆脆梳乎厘班戟 ($98，加 $12配朱古力雪糕) 👉🏻 上黎完全同圖片相符，超級靚，隨便影都夠打卡😍 👉🏻 班戟空氣感足夠，上面嘅醬應該係芝士奶蓋(?!)，有少少芝士嘅咸香，令個味道好有層次，同埋平衡返個甜味🥰🥰 - 😋 荔枝梳打特飲 ($46) 👉🏻 超級好飲！夏天好消暑，完全係真荔枝嘅甜味，一啲都唔假！ - 😋 夏日水果紅茶 ($38) 👉🏻 有得調整冰度、甜度，適合女仔/減肥人士，我叫左少甜都幾好飲🥰🥰 - 🙋🏻‍♀️ 其他說說 👉🏻 平日晚市時段嘅梳乎厘班戟大約要等20-45分鐘，落單個陣侍應會提醒，見你食得差唔多又會問你洗唔洗預時間上甜品，非常細心👍🏻👍🏻 👉🏻 今次坐窗邊位，餐廳係2樓，望住銅鑼灣繁忙嘅街景食野都係幾特別嘅體驗😛

- 一直知道好出名，想試好耐，終於有機會去試😍😍😍 星期六8點半左右到，唔洗等位yeah🥳 - 😋 黑草 ($42) 👉🏻 入面有芋圓、地瓜圓、紫薯圓、丸子、珍珠、西米、黑糖條、仙草、台灣黑糖，佢可以揀配花奶或者忌廉，我地揀左花奶 👉🏻 開頭驚會勁飽，好彩佢啲煙煙韌韌嘅野 (eg 芋圓)同仙草嘅比例都平均，唔會過多，配合花奶，食落唔會太膩，反而有食涼粉嘅清爽感覺👍🏻👍🏻👍🏻 - 😋 星球玫瑰 ($44) 👉🏻 粉紅色就係女仔必備嘅顏色，一上枱已經被影個不停🥰🥰 👉🏻 入面有玫瑰、荔枝、鮮乳同乳酪雪糕，係非常適合夏天嘅味道，玫瑰同荔枝好balanced，加埋個乳酪雪糕，好透心涼，好消暑！ - 🙋🏻‍♀️ 其他說說 👉🏻 留意返呢到有限每人最低消費一個甜品，不過甜品唔算誇張地大份，一個人食都食得落🥰