樂麵

營業中

休息中

【拉麵？港式？】在坑口站入東港城商場，經過中庭，行多幾步就到。星期六，下午2點。有一對情侶在排隊。店內是滿客的。有人埋單出黎。大約等了 10分鐘。可以人手用點心紙落單，或者用 QR code。花鵰醉雞湯，淡麗，拉麵 （$98）湯很濃厚，有雞味。店家聲稱是親手熬製，沒有用原素表。我覺得爭論是沒有意思的，於是決定飲晒佢。（一個鐘後，無口乾，無不良反應）至於個麵，我覺得似油麵多過拉麵。一路食，一路思考，其實花鵰醉雞點解可以襯拉麵？這真係算日式？不過，有唔少菜式其實黎左香港經過改良先啱香港人口味，反而去當地食未必係心目中咁樣。餃子 6隻 （+$25）熱既，皮薄，涵靚，味道唔錯。樽裝無糖可樂（+$12）其實，可以唔駛加野飲。不過今日想飲可樂。留意番，店家用紙飲筒。好處是比膠飲筒環保，但紙飲筒因為質地比較粗，放入樽裝汽水會放大量既泡，而且啲泡會由飲筒噴出黎。（如果在 STEM 堂玩會比較有趣，在食堂就好捩咁棄。）還有不同口味的拉麵，見附近幾枱都有叫胡椒豬肚湯，似乎唔錯。我本來都想叫，但掙扎左一陣點解胡椒豬肚同拉麵會夾，最後都係試醉雞。有時候就係咁，其實唔係咩大問題，心理個關過唔到就係過唔到，無得勉

一個人食晚餐，決定去試吓新開嘅拉麵舖。點咗 真熬雞白湯，可追加小食，試咗其中兩款- 日式煎餃 同埋 唐揚日本秋葵釀蝦膠。 埋單連加一差唔多$200。個人覺得拉麵湯底唔錯，唔會話太鹹。煎餃味道正常。但日本秋葵釀蝦膠就好一般，可以試第樣。店舖日式裝修，但係衛生麻麻😔舖頭入面油煙味較重，而且個地黐黐湆湆，建議員工勤力啲拖地。

新開的拉麵店便過來試下 食物 : 真熬雞白湯拉麵 $98 ~ 湯味非常濃郁, 好有雞味, 不過飲完有口乾, 配有豚肉雞肉鴨肉及溏心蛋, 全部都好淋唔老, 拉麵正常 琥珀之味拉麵 $78 ~ 即是清湯醬油拉麵, 配有豚肉鴨肉及溏心蛋, 湯底較清, 味道正常好味 日式煎餃(6隻) $25 ~ 味道正常, 不過食拉麵點都要叫煎餃 環境 : 餐廳以紅色做主體幾特別, 座位舒服乾淨 服務 : 職員有禮貌 價錢 : HK$221 (包加一服務費)

作為將軍澳友, 之前行出行入東港城都留意到呢間新拉麵店最近東港城好多餐廳都結業, 見有新店開, 都應該要去試一試, 支持一下呢間鋪頭非常特別, 6點左右, 裡面明明有空枱, 搭枱用既中央大枱亦有位但偏偏要客人係出面排長龍, 大家都問點解有空位但唔入得?呢位店員哥哥非常無禮貌, 話總之有空位都唔入得, 佢要每5-10分鐘先比入一枱呢間麵店既入客制度咁特別, 我都好難評價, 係唔係想大家幫佢製造好多人排隊食既表象?大家都有追問點解要外面等, 哥哥仔就補充話而家鋪頭出餐慢, 怕大家入座先會等得耐先有得食。呢個係咩理論? 出餐慢還出餐慢, 咁咪大家點完餐慢慢坐係度等你出, 點解要外面企係度等?係鋪頭內有大量吉位既情況下等左20分鐘, 終於成功入座。拉麵定價幾高, 一碗麵$128, 我再加左個餃子$25, 加埋一就盛惠$168我落單後都唔知夠唔夠半分鐘, 碟餃子已經上枱咁大家都估到, 好明顯係一早煎定晒, 咁樣出餐我以為食緊放題一咬落口, 果然係凍既....連「暖」都唔能夠形容, 係「凍」到底你煎好左放左幾耐? 我唔敢講其他麵店都係即刻煎, 但起碼咬入口都會係熱萬眾期待既「秘制雞白湯拉麵」到場其

咁有香港特色嘅拉麵店，身為拉麵愛好者嘅我，一定要幫襯啦，因為新開張關係要排隊，一個人都排好耐。但我望到店舖入邊有好多空位，店員寧願傾偈都唔放人入嚟！搞到出邊好多人排隊，入邊有好多空位，都唔知係唔係銷售伎倆，喺門口出邊睇落多人啲，吸引顧客，希望老闆可以認真正視呢個問題！首先，講吓衛生問題，啲杯超多油，好似未洗乾淨咁！一裝水落個杯度，啲油浮晒喺水面！非常嘔心。搞到我唔夠膽飲水。（第二第三次去就冇咗呢個問題，應該改善咗）呢間拉麵店舖嘅湯底好多都採用香港特色味道，我當然唔會放過，試晒三隻最特別嘅湯底啦。（小弟我分別食過三次，排過三次隊，集齊晒先出呢一篇食評）算係咁啦慢煮好多個鐘嘅白雞湯拉麵！非常好味！比得上日本銀座拉麵！（當然爭少少啦）湯底唔算非常「傑」，但非常濃郁雞湯！一淡入魂！非常出色！而配料一啲都唔手軟，有竹筍，半隻非常流心嘅糖心蛋，青蔥，洋蔥，慢煮雞胸，鴨胸，叉燒。應有盡有！而麵底方面，我都係揀返幼身嘅拉麵。都算爽口！同場加映煎餃子，普普通通。冇特別，可以唔使加錢食。第二次到訪，我就試咗呢個花雕醉雞湯拉麵，個湯底有少少鹼水味。但依然都食得到酒香。唔錯唔錯。呢嚿慢煮雞肉食到想講粗口！難食

🔹真熬雞白湯特盛🔹芫茜拉麵▪️覺得唔錯呀，拉麵湯底叫左淡麗，唔膩，亦唔覺太咸，又有香既雞湯味。揀左藜麥麵，幾彈呀。肉切得夠薄～▪️芫茜湯好有香茜魚既感覺，連麵底都係芫茜覺，我鐘意呀～🧔🏻服務好好，店員好有禮貌，仲要問有咩要改善，又同食客傾計講笑（好耐無見過咁既親民服務😌）💬同oxxx rxxx既葵芳 店comments有d唔相符喎🤔▫️anywayz 下次想試佢個醉雞湯底，但店員話佢唔係藥材果種濃，係淡香，我就係鐘意淡香，想試埋炸池魚同秋葵😝♦️如果問我有咩要改善，我會話如果幫襯完蓋印，可唔可以唔係逐次消費計，以滿幾多金額可以蓋1 個印好d~