本延鍋物

營業中

休息中

Panyin Shabu specializes in Japanese hot pot with various grades of premium wagyu. Each dinner set comes with salad, raw egg, rice and warabimochi.Tried two different soup bases. Kanto-style Sukiyaki - I personally perfer this over the super sweet Kansai style. Dashi Konbu Soup - filled with umami to bring out the flavors of the ingredients.A4 Kuroge Wagyu Chuck Roll - very smooth and tender with a good amount of fat. A5 Kuroge Wagyu Rib Eye - beautifully marbled meat that melted in my mouth. Se

先黎新鮮開胃沙律，配上沙律醋👍🏻壽喜燒湯底甜香，提鮮食物味道。柚子胡椒湯底，飲落好特別，辣辣地嘅胡椒加上柚子香。食到中途，待應會幫你加返足料湯底。新鮮蔬菜盤，有好多唔同種類嘅蔬菜，本菇、娃娃菜、南瓜、芋絲、滑豆腐等等，夠晒纖維攝取量。黑毛和牛肉眼A5油花分布均勻，肉質新鮮， 非常濃郁牛香味，加上陣陣油花味道，份量足，必食。極上黑毛和牛A4油花分布得好靚，呢款油花味比較重啲，再嚟就牛香味，好大一塊，配埋稻庭烏冬，麵質非常煙靭彈牙，好夾。最後食埋甜品，綠茶厥餅，表面好多綠茶粉末，加上低甜蕨餅啱晒。

今日係銅鑼灣做野，被哩間門面裝修好靚既日式店鋪吸引左入黎。門口裝修好有日本風，打卡都好靚。哩度係一人一鍋壽喜燒，D牛好靚仲有証書，最愛食牛既我點可以唔試下。😋Lunch Set: 有四款唔同既牛同一款豬選擇關東風壽喜燒 湯底 : 平時食既壽喜燒湯底味道都比較甜同重口味，但哩度味道岩岩好唔會偏埋一邊，而且係好清甜既味道。野菜拼盤, 日本白米飯 (+$15升級烏冬)沙律前菜: 沙律菜好新鮮，車厘茄及小豆腐粒配上日式麻醬汁。好味。野菜拼盤: 日本蛋一隻，蛋黃係橙色，一睇就知係靚野。我成隻落，熟左之後係好似一粒溫泉蛋，但超好味，日本蛋真係特別有蛋味，而且吸晒壽喜燒既湯底，讚各種野菜好新鮮，睇落好豐富，而且擺盤都好靚，日本人真係好精緻。我地都加錢食烏冬，有壽喜燒既湯底，加上各樣新鮮野菜及和牛既味道，烏冬係超入味，有煙煙靭靭既口感。😋本延特選黑毛和牛 120g $328雪花分佈得好平均，肉既顏色都好紅好新鮮，賣相好吸引。只係放入鍋幾秒其實已經可以食，肉質超級淋，好重牛味，而且好新鮮。什麼醬汁都唔洗落，鮮味同埋壽喜燒湯底既味道同和牛絶配。😋 極上黑毛和牛 A4 120g $238雪花分佈都係一樣好平

才剛從日本回來沒多久，又想念日本和牛，於是找到這間在銅鑼灣專吃Shabu shabu的本延鍋物。本延鍋物的裝修是我最喜歡的木系日本風。晚市套餐有4款湯底可以選擇，我和朋友選了關東風壽喜燒和水之芽柚子胡椒湯。肉品方面選了兩款，極上黑毛和牛A4及黑毛和牛肉眼A5一看牛肉的油花已經知道這裡的和牛非常高質，雪花平均。每片和牛肉都充滿油香和肉香，只需要涮3-4下便可，再配以日本生雞蛋令和牛肉更加嫩滑。值得一提，這裡的雞蛋蛋味非常濃厚，吃到最後拿來拌飯異常好吃滿足。配菜方面有沙津菜，豆腐以及大大盤的蔬菜盤，讓我在吃過和牛後，吃點蔬菜解解和牛的油膩感。甜品方面，職員送上了抹茶蕨餅為這個美味的晚餐作一個完美的作結。

本廷鍋物係一間主打日式涮涮鍋嘅餐廳。裝修風格以日式簡易木系，走進店內都覺得好舒服。假日午市套餐，在11:30-4點供應。以壽喜燒湯底為主。主食有不同級別肉類選擇。套餐仲包括沙律前菜，野菜拼盤，白飯/烏冬。我同朋友揀左2個套餐，本廷極選黑毛和牛和極上黑毛和牛A4，分別都係130g。其實份量都足夠嘅，質素就梗加唔洗講，最適合想經濟實惠咁過下和牛癮。A4和牛係上等級既高品質和牛，具有良好嘅脂肪紋理和口感，肉質鮮嫩多汁。我本身係唔好要上到A5嘅和牛，因為油脂量太大，反而A4就啱啱好。另外要讚下嘅係個醬油湯底，味道夠哂濃，夠甜夠咸。牛肉碌10幾秒已經完成，直接點埋生雞蛋就食，同湯底味道啱啱平衡到，一般來講就唔需要再額外點醬油。配埋白飯食真係好滿足。如果同朋友一齊就可以一個叫飯一個叫烏冬，share食咁樣係最完美。

今日同朋友去左銅鑼灣搵好野食，去左食最鐘意既壽喜燒呢間叫本延鍋物，經過都會比佢門面吸引住，非常日系既設計，雅致之餘仲有好舒適既感覺餐牌有幾個套餐可以選擇，我同朋友各選擇左極上黑毛和牛A4, 同埋本延特選黑毛和牛見到呢個可愛既筷子座，忍不住要影一影先上湯底，呢個壽喜燒湯味道是剛好，食到最後都吾會有過咸既感覺等緊個湯滾既時候，食沙律菜開開胃先，果然夠新鮮食壽喜燒當然吾少得日本蛋啦，蛋黃色澤呈橙紅色除左肉之餘，仲有一大盆蔬菜配料，吾可以吾提個菇，食落去十分juicy , 仲吸晒湯汁，南瓜亦好淋甜終於到主角出場，呢個日本黑毛和牛A4, 未食已經知道不得了，油花均勻，而且色澤鮮嫩。入口即溶，完全係筆墨難以形容既滿足沾上蛋汁既和牛，只可以講係完美，一啖放入口，和牛既香氣充滿成個口呢個係本延特選黑毛和牛，色澤同油花都係十分靚。呢個咬落去就比較有彈性，牛味都係十分濃，亦都係食到停吾到口呢個金針菇吸晒湯汁，食落仲好爽口，除左肉之外，其他配料都十分出色食到最後，所有配料都吸晒湯底既味道，加埋日本白米飯食十分夾今餐非常滿意，我同朋友都覺得呢間餐廳絕對有下一次

之前返工經過門口見日式木系簡約裝修，一路以為哩間係cafe，點知最近朋友約係度食飯先知道哩度主打一人一鍋shabu shabu。🍽️晚市套餐🍽️已經包左🥩肉、🥗沙律、🥬野菜拼盤、🍡甜品及🍚飯（可加$15轉烏冬）湯底有4款選擇，分別係 - 關東風壽喜燒 - 日式昆布上湯湯底 - 昆布酸辣湯 - 木之芽柚子胡椒湯而肉都有5款選擇 - 🐮日本黑毛和牛A4 $328 - 🐮極上黑毛和牛A4 $438 - 🐮本延特選黑毛和牛 $508 - 🐮黑毛和牛肉眼 A5 $638 - 🐷上選日本豚肉套餐 $258我地就揀左極上黑毛和牛A4配關東風壽喜燒同黑毛和牛肉眼A5配日式昆布上湯，仲加錢轉左烏冬雖然當晚接近坐滿但上菜速度都好快，一開始就上左沙律，野菜拼盤，再加一隻生蛋俾我地一陣蘸蛋汁💯。野菜拼盤種類好多，有冬菇、大蔥、金菇、粟米等，全部都好吸湯汁。到主角出場，兩碟和牛上枱，油脂分布均勻，我地一見到就流晒口水🤤，夾一片落湯底幾秒就可以食，入口即化，牛味極重，加埋蛋汁，滿口嘅幸福感。開頭以為每份肉得180g好少，但其實都有差唔多有十大塊，加埋個飯/烏冬正常男仔黎食一定夠飽！

今日帶大家嚟到銅鑼灣鬧市入邊嘅一間文青壽喜燒店。一改以往壽喜燒餐廳嘅日式復古裝修，呢間行清新日式木系風格，適合文青打卡！套餐嘅牛全部都係黑毛和牛，大家可以揀選A4/A5，唔食牛都仲有豬，照顧曬唔同人嘅需要～湯底唔單止有平時嘅壽喜燒湯選擇，仲有另外三款：日式昆布上湯、昆布酸辣湯和木之芽柚子胡椒湯。🍲關東風壽喜燒湯底濃郁豐富，甜甜地嘅味道同每一啖肉完美融合；而昆布酸辣湯則帶有微微辣味及酸味，為整個味覺體驗增添刺激。🌟極上黑毛和牛A4 180g $438A4和牛肉質鮮嫩，脂肪分佈均勻，雖然比A5和牛油脂感無咁重，但同樣牛味豐富💦同時無咁容易膩，絕對是肉食愛好者的最佳選擇❤️🌟黑毛和牛肉眼A5 180g $638黑毛和牛肉眼A5係頂級和牛中最優質等級，比起A4和牛肉質極為細嫩，帶有濃郁的脂肪霜降，入口即融，每一啖都係滿滿牛味🐮🥗每個餐都有前菜、野菜拼盤、日本飯🍚全部都好新鮮、鮮甜❤️食完牛再食絕對清新解膩！🍵最後仲有煙靭蕨餅作甜品，茶味濃郁唔會過甜，為呢餐畫上完美句號🫶🏻

喺香港仲未搵到好食嘅壽喜燒？大家不妨黎試下本延，包你唔會失望而回😆😋同朋友午餐時間黎食，一人嗌左一個餐，咁就唔使爭啦😎🍲極上黑毛和牛A4套餐 $238 🌕🌕🌕🌕🌑一個午市套餐包括一份沙律、一碟肉、一份野菜拼盤同飯/烏冬～和牛脂肪紋理非常漂亮，食落好軟淋淋😆而且入口即溶，好有牛味同油香味🥹份量亦都剛剛好，唔會太少唔夠食，亦都唔會食到濟👍🏼🍲本延特選黑毛和牛 $328 🌕🌕🌕🌕🌗一山還有一山高，本延特選和牛口感更正，軟滑兼入口即溶而且牛味更濃郁，真係好滿足！野菜拼盤方面，個人特別喜歡豆卜，豆味十足，再加上吸左濃郁嘅壽喜燒湯底，味道好豐富🤤烏冬彈牙得黎好索湯，每一啖味道都好豐富，好正👍🏼不過如果唔想要太鹹太重口味，就要留意下唔好擺鍋入面煮咁耐啦～整體而言，我同朋友都對呢餐好滿意，亦都諗住約encore了！

🍲最近雨下得太凶了，為了調解心情必須找一家溫暖的小店來一場我最喜歡的壽喜燒聚餐😝在銅鑼灣的巷弄里有一家超精緻的日式料理店，他們主打頂級品種黑毛和牛和高質壽喜燒～絕對能滿足想去日本的胃💗這次我中午來到品嘗他們的關東壽喜燒套餐，想不到份量真的挺足的，我們每人選了一份和牛，那塊肉脂肪分布得剛剛好的和牛真的超級幸福的！配上日本生雞蛋和甜度剛剛好的湯底真的巨幸福🥰【是日點餐】🇯🇵關東風壽喜燒 套餐🐮極上黑毛和牛🖤本延特選黑毛和牛🍄野菜拼盤 🍚日本白米飯🤍日本烏冬▪️本延鍋物📍銅鑼灣謝斐道379-389號特麗樓地下6-7號鋪#香港美食 #餐廳推薦 #餐廳打卡 #香港探店 #香港旅遊 #香港攻略 #香港手信 #香港去哪玩

本延鍋物 （灣仔） 我真係好鐘意食壽喜燒！今次就黎試下灣仔呢間晚市套餐既壽喜燒鍋啦！闕東風壽官燒 日本黑毛和牛A4套餐 （$328） 必須highlight既一個重點係，今餐真係好夠飽，好滿足。我認為係絕對對得起佢既價錢既一餐壽喜燒。一黎就上左啲配菜先，包括有蔬菜set、蝦滑、豆腐，蝦滑係仲好食到隻隻蝦既口感好正！啲蔬菜既種類都好多。而且佢仲有個烏冬包底。跟著就黎到大佬—A4黑毛和牛，你睇你睇，啲油花，啲紋路，食落同睇落一樣既正，油香油香，好滑，大大塊滿足曬我呢個食肉獸既欲望。到到最後，先知原來佢仲有個甜品。大滿足！

本延鍋物嘅裝修真係一流，走木系日式清新風格，白色外牆搭配木框大圓玻璃窗，簡約又別緻，而且座位相當闊落，又有梳化座位。😍我點咗鍋物套餐，朋友就點咗丼飯。❤️【湯底：關東風壽喜燒】喺揀湯底嗰陣，提供咗四個選擇，我就揀咗「關東風壽喜燒」，上枱時湯香四溢，瀰漫喺整個餐廳。湯底以柴魚湯為主經過煮沸後帶清爽口感。😋【主餐：極上黑毛和牛A4】今次揀嘅特選黑毛和牛屬於A4級別，色澤鮮紅，油花分佈均勻，唔會太膩，反而食落肉味更濃郁，令人驚艷，特別係蘸住蛋汁食，啲牛肉更加滑口，食落真係正到冇得頂！🐮😁【甜品：抹茶蕨餅】口感香甜，軟糯可口。🍵🍮【嚴選丼定食】赤醋飯上有各款新鮮刺身，包括赤身、拖羅蓉、甜蝦、帶子、鮭魚籽、油甘魚、三文魚、鰤魚腩、沙律松葉蟹柳等等，鮮味十足，口感不錯！🍣🦐🐟

中意shabushabu既應該要黎試下，佢d肉堅靚堅高質! 一人前自己隨時想食就食☑️隨左牛🐮之外，哩度仲有日本豚肉🐷供應。門面立下眼似間cafe，日系裝潢配上長方弧形既大窗幾別緻。今晚食得豪華d，揀左🐮A5黑毛和牛肉眼🐮同埋🐮本延特選黑毛和牛🐮餐。A5牛果然係最頂級之選，可以見到霜降程度之高😍入口即化滿口油香! 唔怕生既話將肉輕輕涮4/5下轉粉紅色就最好食🤤本延特選黑毛和牛同樣超高質，油花豐富分佈均勻，肉味與油香並重😋沾上蛋汁更滋味。咁高級既牛根本無需太多調味，個人認為應該食番原汁原味，所以我揀左昆布上湯，輕輕既昆布香就已足夠，套餐已包括沙律，野菜同埋飯。朋友就揀番classic既壽喜燒湯底，我就用左佢個湯黎煮埋自己d蔬菜，蟹柳等配料，咸甜味道同清淡既蔬菜好夾😋不得不提佢個豆腐，入口好驚喜，隨左勁滑之外豆香極濃😋最後每一人份蕨餅作結，超正既一餐🤙🏻

日本返來無幾耐又想食和牛啦~ 😍網上見到本延鍋物主打日式涮涮鍋及壽喜燒，選用熊本黑毛和牛，一人一鍋，睇落肉質幾吸引。來到店鋪，裝潢行日式庭院風，以白色木系爲主，讓人感覺舒適悠閑☺️🍽️我地叫左兩個套餐，每個套餐配前菜、野菜拼盤、日本白米飯 （+ $15 升級烏冬），有4種湯底選擇：關東風壽喜燒、日式昆布上湯、昆布酸辣湯同木之芽柚子胡椒湯。我地揀左關東風壽喜燒同日式昆布上湯，關東風壽喜燒味道濃郁，日式昆布上湯可以食到和牛原汁原味。最後會有個抹茶蕨餅，口感軟糯煙韌😝✨黑毛和牛肉眼A5 $658睇個花紋已經覺得好靚，油花分佈均匀，食落牛味重，肉質軟腍，入口即溶，大大塊蘸日本生雞蛋，令到口感更加嫩滑，推薦必食！😚✨極上黑毛和牛 A4套餐 $438呢個比黑毛和牛肉眼A5瘦少少，但都好食，用左黑毛和牛西冷部位，脂肪及油花比例豐富，無論配邊個湯底都好食🤤

朋友推介，今晚去銅鑼灣謝斐道本延鍋物吃黑毛和牛涮涮鍋和壽喜燒。據朋友說，此店的熊本和牛質優味美，一試難忘，物有所值。一進店感覺良好，店的装潢以白色和啡色為主調，座位舒適，通風良好。店員有禮，樂於向顧客介紹菜式和添茶和湯。我和朋友選了兩個晚市套餐分享。湯底有4款，我們揀了木之芽柚子胡椒湯和關東風壽喜燒。兩個湯底各有持色，胡椒湯開胃，值得一試，壽喜燒甜口。前菜蔬菜沙律清爽美味。主食有黑毛和牛，不吃牛可揀日本䐁肉。我們揀了極上黑毛和牛A4和黑毛和牛肉眼A5。A4和牛脂肪紋理和口感良好，肉質鮮嫩多汁。A5和牛為最高等級，和牛肉眼脂肪分佈更靚，入口絲滑，肉質更油潤，真係佳品。涮涮牛肉片再點蛋醬來吃，好味。牛肉180g份量足夠。蔬菜盆豐富新鮮，好味又有營。豆腐香滑。烏冬吸滿湯汁又滑又美味。甜點蕨餅煙韌清涼，好食。餐具都很雅緻。整個用餐流程感受都很高質有水準。今晚吃得很滿意，期望再訪。