本延鍋物

營業中

休息中

晚巿套餐湯底：關東風壽喜燒壽喜湯可以無限添加，所以一路食都係咁濃味！柚子胡椒湯雖然有隻🌶️係menu但食落唔覺得辣但柚子味就好濃！2款湯都會有生雞蛋，柚子湯仲會另外提供柚子汁沾，柚子愛好者表示😍😍😍清新又解膩！極上A4黒毛和牛A5黑毛和牛肉眼兩款和牛嘅油花雪花都分佈平均，肉靚就點影都咁靚。每片涮大概10秒就食得，肉質十分超軟熟，入口即溶，肥而不膩，每一塊放落口都好滿足🥰另外仲有前菜漬物、野菜：金菇、香菇、白菇、南瓜、旺菜，茼蒿、大蔥、蟹柳，啲菜吸收曬壽喜湯汁好入味好正！無論配白飯定烏冬都係咁好食（我地自製左一碗牛肉烏冬🤣）極上餐仲送左豆腐，貓奴見到貓筷子托忍唔住要影低🫣一人前份量黎講非常豐盛，190g剛剛好，因為仲有菜同飯。日系裝修環境乾淨舒服，店員經常主動加湯，仲好有禮貌，有機會一定會再嚟！

去灣仔本延鍋物吃了豪華肉肉；極上A4黑毛和牛的價格為$458，而A5黑毛和牛肉眼的價格則為$608。這些肉質鮮嫩多汁，入口即化，絕對是肉食愛好者的天堂。無論你選擇哪一種，你都可以期待到一個極致美味的肉食體驗。　他們的關東風壽喜燒湯底和柚子胡椒湯底都獨具特色，而極上A4黑毛和牛和A5黑毛和牛肉眼的肉質鮮嫩多汁。除了主菜之外，餐廳還會提供包前菜、野菜拼盤和日本白米飯。前菜有淮山、青瓜條各兩條。野菜拼盤則提供了新鮮的蔬菜。至於日本白米飯，它的米粒飽滿而有嚼勁，是最佳的搭配食物，能夠提升整體的食用體驗。

啱啱好喺灣仔銅鑼灣中間位置嘅本延鍋物門面有格調，黑白色配搭淺木色彩感覺亦相當放鬆。本延鍋物主打一人嘅關西風壽喜燒鍋，平日/假日套餐好似略有不同，平日lunch一百幾就可以食到A4-A5級和牛價錢相當親民😳而且仲有海鮮及其他稀有部位嘅和牛做單點，唔叫套餐嘅話選擇都有好多👏🏻極上A4黑毛和牛 $458/190g本延特選A5黑毛和牛 $528/190g和牛肉質軟嫩且帶有溫和的味道，和牛油花遍佈均勻、鮮嫩，簡單淥10秒8秒就入口即化🤤撈埋蛋漿一齊食更加好味！套餐有跟前菜、野菜拼盤、無菌雞蛋、日本米飯/+$15升級烏冬☺️除咗傳統關東壽喜燒湯底之外，一人鍋嘅好處就係可以試埋其他湯底，另一款柚子胡椒湯，淡淡胡椒香帶有清新嘅柚子香味，中和返和牛嘅油脂感，仲多咗一個柚子胡椒嘅醬汁可以點。

天氣開始轉涼，係時候要打邊爐暖胃🥶打邊爐就令我諗起壽喜燒，啱啦一於就食呢間和牛壽喜燒啦佢哋係一間主打日式涮涮鍋同壽喜燒，再配高質黑毛和牛。由日本A4黑毛和牛起至A5黑毛和牛肉眼都有，唔食牛嘅朋友友可以揀日本豚肉☺️ 餐廳門面白色弧型外牆加上木框大窗的設計，令人感覺很柔和再配搭復古吊燈、乾花等搶眼擺設，唔講以為係間cafe🤣佢哋嘅牛唔是一般的和牛，係來自熊本縣的頂級品種「和王」，只有經過精心挑選的飼料飼養28個月以上並獲得A5或A4以上等級，且BMS (油花標準等級)需達到6以上才能夠稱之為「和王」，每份牛肉即叫即刨，保證係最佳狀態🫡極上A4黑毛和牛$458+$15烏冬套餐包埋前菜、蔬果籃、豆腐，前菜係漬物青瓜同山藥，估唔到山藥都可以生食😮爽口又脆蔬果籃湯底係柚子胡椒湯，配埋柚子醋，滾緊時聞落唔討好，好似藥油咁攻鼻，食落酸酸哋幾開胃，都唔差🥹攞嚟洽菜好清新A4牛份量幾多，有9片薄身啲，眼見油脂分布平均，油脂感少啲，肉味唔差呀A5黑毛和牛肉眼$608 +$15烏冬湯底係壽喜燒湯，濃味偏甜，洽牛牛一流，件牛係索晒湯汁，好味，配牛食 正呀👍🏻相對起A5牛係厚身，有5大片，大大舊白色油脂睇到都咪話

本延鍋物位於銅鑼灣謝斐道379號至389號特麗樓地下6號至7號舖鄰近謝斐道咪錶位店舖用白色牆身打造整潔的感覺用黑色招牌增加視覺效果門口有二級樓梯係左邊有個少少的地方劃左花園仔有兩棵植物裝飾右手邊係玻璃有摩達吉祥物非常日式今日係公眾假期，所以門外有個假日餐牌首先先取湯底有壽喜燒湯底同日式昆布柴魚上湯之後選肉類每款肉類重量都係130克日本A4黑毛和牛 $238A4黑毛和牛肩小排 $268極上A4黑毛和牛 $298本延特選黑毛和牛 $358上選日本豚肉 $238包括前菜，野菜拼盤，日本飯可加$15 白飯轉烏冬另加$18 可選日式紅茶／奶茶／檸檬茶我選擇了本延特選黑毛和牛同A4黑毛和牛肩小排湯底選壽喜燒本延黑毛和牛❤️非常大片焯5至10秒就夠非常嫰滑A4黑毛和牛肩小排肉質比較實壽喜燒湯底帶甜有大蔥野菜拼盤蛙蛙菜，南瓜等非常新鮮餐廳係以日式sabu sabu為主打黎岩冬天岩晒冬天打邊爐又一個好地方

女朋友今日帶咗我黎呢間主打日式鍋物餐廳慶祝生日，一入到餐廳就見到充滿時尚感嘅設計，門口圓形大玻璃好美好岩打咭，入面主要用淺色木，好有和風感覺。🥹🥹我點左A5黑毛和牛肉眼套餐，自選湯底揀左關東風壽喜燒，套餐包括咗前菜沙律，湯底上枱之後好香，A5和牛油脂好豐富，顔色粉嫩，睇落好吸引，一淥熟之後肉質好柔軟，入口即化，滿口肉汁，唔使太多調味，而且壽喜燒湯汁好濃郁，充滿關東風味。🥩🍶女友就點左A4極上黑毛和牛，配木之芽柚子胡椒湯。A4和牛肉質都不錯，肉質都頗嫩滑，柚子胡椒湯好清新，相當新鮮嘅配撘。🥩🍲食完肉之後套餐包咗蔬菜籃，入面有蟹柳、腐皮、玉米、紅蘿蔔、冬菇、白玉菇、金針菇、蒟蒻絲、大白菜、菠菜同蔥，新鮮又健康。🥗🥦

雖然openrice教由銅鑼灣地鐵站行過去近d但我放工由會展地鐵站行到店鋪，都只是6-7分鐘，很方便。門面相當雅緻，和式風十足，店內簡單整潔的裝潢，令人感覺很舒服。平日晚餐有5款湯底、5款牛可以選擇。今次我們選了極上黑毛和牛$438 +$15升級烏冬黑毛和牛肉眼A4 $638菜單都是一樣，只是牛的部位不同，分別有沙律、蔬菜盤及鮮蛋一隻，沙律內有沙律菜、蕃茄仔、冷豆腐再加上麻醬，清新且甜甜酸酸，挺開胃的。蔬菜盤內有冬菇、金菇、南瓜、娃娃菜、粟米、大蔥、蟹柳、唐揚等等，十分豐富。壽喜燒湯底香濃，甜而不死甜。兩種牛都好好食，每碟牛都起碼有六七塊牛，每塊牛大概淥5秒左右，yummy!極上黑毛和牛牛味較濃，黑毛和牛肉眼入口即溶，再沾上蛋香味勁重的蛋液，簡直滋味!食到七七八八時，再落烏冬，將牛汁、壽喜燒汁索滿條條都索滿了精華，太滿足了!

Tonight my friend invited me to have dinner at Panyin Shabu. This is her second visit. She highly recommends the dinner sets which she considers a quality choice for foodies.As recommended by my friend, we ordered two dinner sets to share. For hotpot broth, there are three choices, viz. Kanto styled sukiyaki, Japanese dried kelp soup and yuta pepper soup with kinome leaves.For main course, you may choose Wagyu beef of different grades ranging from $358 to $608. If you prefer pork to beef, yo

門口係日系簡約裝修就咁睇都似係cafe 點知行近d睇係食shabu shabu 晚上有set揀我同朋友揀了關東風壽喜燒 And 日式昆布上湯湯底兩款湯底都好好昆布上湯清d,,食牛肉的時候，可以試到牛肉的味重唔重！本身以為壽喜燒先有雞蛋點知其他湯底都會有！正然後點了極上A4黑毛和牛 and A5黑毛和牛肉眼兩個雖然一個係A4一個A5，但一樣都咁好味油花分布均勻牛肉味好重肉質新鮮好大片！真係超滿意！稻庭烏冬好彈牙！餐仲有豆腐同埋大大份的蔬菜盤可以解下和牛油膩依家嘅服務態度好好，完全你唔使講啲咩，佢都知道你想要啲咩例如我跌左筷子，佢會自動自覺送一份新的原本諗住平日應該都唔多人訂位入嚟食啦，點知食完嘅時候7:30越嚟越多人入嚟食🫢

謝斐道不算常來到的地方，如果來到都係喺嗰間著名的舖頭食碗麵居多，偶然發現咗“本延鍋物”呢間舖，裝修各樣都好有風格，好吸引，而且次次都幾多人，就咁睇應該唔錯，唔係點吸引咁多客人幫襯😍呢日來到但見有“關東風壽喜燒”、“日式昆布上潟湯底”和“柚子胡椒湯”三款選擇，旅主食物方面食得牛嘅就有“日本A4黑毛和牛”、“極上A4黑毛和牛”、“本延特選A5黑毛和牛”和“A5黑毛和牛肉眼”，食唔到牛的都有個“上選日本豚肉套餐”可選擇。“關東風壽喜燒”和“柚子胡椒湯”就係我哋呢日嘅選擇，一人一鍋好衛生，大家唔使爭，壽喜燒嘅味道不嬲係好喜歡的，配菜有菇，有葱，有皇帝菜，有娃娃菜，有蟹柳........都好豐富，仲多咗一大舊滑捋捋的豆腐，超滑，入口即溶，柚子胡椒湯就有些胡椒味跟埋一碟柚子汁自己調較沾醬的味道，另一種體驗。極上A4黑毛和牛、A5黑毛和牛肉眼就係主食的選擇，和牛A4在燈光下見到均匀的油花同埋靚靚色澤，好享受，沾上蛋液食落肚超級嫩滑；A5肉眼部位，霜降紋理好靚吖，牛味好濃郁好滿足。

超值的A5和牛午市套餐，餐廳坐得舒適，一人一鍋，和牛軟滑美味，有feel到入口即溶的感覺，沾上生雞蛋，更自然帶出和牛肉味，蔬菜盆都可以，加上店員有禮，要為店加分。本以為130g會唔夠食，但最尾都食飽飽，非常唔錯！✌️🎉👏🙌 大食朋友，其實可以考慮食兩個餐，真心好。

天氣涼涼地，心思思想去shabu shabu ~ 同朋友仔經過灣仔謝斐道，見呢間裝修日系設計睇落去好舒適好chill，仲要係食shabu shabu, 完全岩哂我心水！ 我地揀左lunch set ~ 分別有湯底，主食，前菜，野菜拼盤及日本白米飯或可+$15升級烏冬 一見到有壽喜燒湯底，完全零抗拒諗都唔洗諗其他湯底😝 主食： 本延特選A5黑毛和牛120g  $328 A5黑毛和牛油脂分佈均勻，口感柔軟，人口即溶，配搭蛋漿食法簡直無得輸！ A4黑毛和牛肩小排120g  $198 牛肩小排肉質較結實，富有有嚼勁嘅口感，而且比較冇油膩嘅感覺～ 至於野菜拼盤包含冬菇，金菇，南瓜，京蔥，油揚，蟹柳，芋絲及蛙蛙菜～ 吸哂壽喜燒湯味真係好正呀！

銅鑼灣點會無好嘢食😌😌是晚訂咗呢間裝修和風舒服感覺嘅餐廳用餐🇯🇵主打食Shabu Shabu！唔想傷腦筋就叫咗每人一個套餐享用🥢要感動味蕾當然要食🏅和牛之霸-和王🎖️(無錯😌正正就係呢間餐廳所選用🐂嚟自熊本縣嘅頂級品種和牛‼️‼️) . 揀咗柯打每人一款(平日)晚市套餐🥢每個套餐附 前菜(係冷豆腐沙律🥗) , 野菜拼盤(有本菇, 皇帝菜, 蟹柳, 芋絲, 娃娃菜, 南瓜, 冬菇 等😛營養豐富!! ) , 生玉子, 日本白米飯 (+$15升級烏冬) 😍😍食材高質且非常豐富！.✨極上A4黑毛和牛 190g $458選配 日式昆布上湯湯底！清清哋嘅湯底更突顯到食材嘅原有滋味👏🏻日本和牛真係單單觀賞都令人流哂口水🤩🤩牛肉紋理清晰且油花均勻!! 入口更係軟熟無比又牛味十足👏🏻👏🏻.✨A5黑毛和牛肉眼 190g $608選配 關東風壽喜燒✌🏻微微甜嘅湯底更食材更添滋味😍😍呢碟A5比碟A4更過份！滿佈油脂嘅牛肉紋理仿如藝術品💯大大一片夾起放入湯底焯一焯幾秒！再沾上濕潤質感嘅生玉子！一啖放入口嘅濃厚牛肉味道+鬆化軟腍口感🤤簡直就係人間美味❤️. ✨加一服務費

本身超鐘意壽喜燒，所以一直有耳聞本延鍋物嘅壽喜燒好厲害。當日一去到門口就覺得佢地裝修好有心思，好日式好適合打卡，而且店員都好友善😂會主動話幫手合照，又會就下角度。

每個餐都跟左前菜（當日係沙律同芝麻醬豆腐）同野菜拼盤。黑醋沙律好清爽開胃，份量大方。芝麻醬豆腐好滑，豆味都唔會俾芝麻醬遮曬，帶有香濃豆味。野菜拼盤份量充足，食得出每類菜都好新鮮，豆腐感覺有特別烤過，好香好好食！

黑毛和牛肉眼A5 配烏冬
叫左壽喜燒湯底，湯底係好單純嘅味醂同醬油味，酒味唔會好出，個人認為要落左蔬菜再慢慢煮肉最正！黑毛和牛嘅質地真係無得彈，就算打卡用多左幾秒舊肉咬落都係好柔軟吸滿壽喜燒湯味再撈埋蛋漿一齊食，既食到肉味又帶有蛋香，而且蛋漿令肉質更加滑嫩！絕對值得一試！

極上黑毛和牛A4
配搭極上黑毛和牛叫左個昆布湯，呢隻肉比黑毛和牛肉眼有更重嘅牛味，而且比較鍾意佢地會切細塊啲，方便慢慢享受。昆布湯本身味道比壽喜燒湯底淡，所以重口味人士應該揀壽喜燒湯底同呢個極上黑毛和牛，不過昆布湯配搭重口味啲嘅肉食又係另一種享受。
蕨餅
飯後有兩件抹茶味蕨餅，係個perfect end！味道上唔會太甜，好清新，同時尾韻又可以

星期五的晚餐 見附近新開就黎試下呢間 新餐廳本身以為係食sukiyaki 點知原來係shabushabu 形式的。 sukiyaki 湯底而已。。。。。。裝修都幾日式 職員都很有善有禮貌。但味道就沒有太特別 唔知點解感多好評 但我食落 就一般 普通shabushabu 加好少少的牛肉 簡左 極上和牛 晚餐500$up per one 只有熱水一杯 日本茶都無 就覺得唔太好 同樣價錢我認為可以簡另外的餐廳唔太值呢個價 總結overpriced