呢間連鎖粵式料理喺唔同地方都有而且食物質素幾好。值得一試。 西貢咖喱牛腩配法包 $80 法包有5塊，上面加咗牛油嚟烘。個面金黃香脆，而且又唔硬，烘得啱啱好！側邊仲會有咖喱汁。咖喱汁份量比得好足，而且味道香濃。唔會太濃稠等啲麵包可以朔到啲汁。牛腩份量都好多，而且大大嚿，每舊都炆得好腍。 加$12就有鮮芒果西米露 西米露個底係椰汁入邊仲有好多西米露同埋鮮芒果。飲落又唔會太甜。 越式蝦醬通菜 $88 晚餐為咗健康啲嗌咗個炒通菜。通菜份量都幾多，三個人食都好足夠。而且唔會太油。蝦醬味道亦都唔會太鹹。

重慶大廈隔離開咗一間新嘅地下商場。入面有啲似food court。有唔同菜式嘅餐廳，仲有枱凳可以坐。靜靜哋坐得幾舒服。 Banyan $148 呢個係沙律碗，所有嘢都好新鮮。入面啲沙律菜有幾款：羅馬生菜、羽衣甘藍、椰菜、紫椰菜 仲有啲都講唔出名。上面有兩件烤天貝，呢個都係我第一次食，係由豆發酵而成。亦都有兩大件香炸茄子，同埋鮮番茄。亦有鷹嘴豆蓉，食落有香蒜味。 升級變餐嘅話就可以有埋一碗是日口味湯同埋飲料。我嗰日個湯係南瓜湯。湯非常濃稠，而且有濃郁南瓜味，打到非常順滑，上面亦加咗兩塊脆片增加口感。 Cedar $78 呢個係卷餅，入面都有豐富嘅沙律菜。亦有牛油果，烤南瓜，醃紅洋蔥。食我酸酸地好開胃，而且佢有個墨西哥醬有少少辣味，加埋食落好fresh，亦都好健康。

呢間韓國燒肉非常地道，小菜同埋醬料都係自家製，一定要嚟試下。而且店員都係韓國人，而且識得講廣東話，非常之熱情。店舖入邊啲肉都係用韓牛同濟洲黑毛豬。店員亦都會好貼心幫你燒。 韓牛牛頸脊 Hanwoo chuck flap tail 韓國嘅牛味真係好濃郁，而且油脂非常之平均燒嘅時候真係超級香。餐廳亦都會附上一碟韓國嘅粗鹽，加埋牛肉一齊食真係冇得頂。牛最好燒到三成熟，表面香脆但係入邊仲係少少生生地就好食。 9級韓牛 韓牛都有分好多級，而呢個係九級差唔多係最高級，所以油花非常之平均，而且食落好有牛嘅臊味，同埋煎嘅時候油脂味真係超級香！食落唔會韌，包埋生菜同埋點鹽食真係好似去咗韓國。 韓豚調味豚排骨 豚肉非常之大塊，而且醃得啱啱好，少少甜甜唔，好腍。而且加埋生菜同埋特製麵豉醬一齊食，真係超級好味。 豆腐蘑菇煲 韓國嘅湯煲亦都係好出色，入邊有超級多料，食到好飽，而且湯底有鯷魚嘅鮮味，且加咗少少辣，喺天氣凍嘅時候飲完個胃即刻非常之暖。

今日嚟到尖沙咀，係一條細街度見到呢間日本餐廳啲食物好吸引，所以就入咗嚟試。 明太子玉子燒$72 玉子燒啲蛋煎到好滑，而且好Juicy。而且份量多好大件。上邊仲加咗木魚絲。呢度嘅明太子醬真係值得一讚！少少辣，而且非常鮮味，又唔會過鹹，加埋蛋一齊食真係好夾。 自選串燒三串$98 免治雞肉棒月見 三角雞軟骨串 之前食過月見好好味，所以喺呢度都再嗌嚟食。雞肉入邊撈咗少少雞軟骨，食落非常有口感，而且雞肉打得好細滑，加埋蛋黃同埋醬油一齊食真係一流。上面仲要用醬油燒一燒過，非常有串燒風味。雞軟骨上面亦都撒咗七味粉，好惹味。 明太子燒飯團$46 明太子飯團外面都係加咗醬油烘過，所以外邊有少少似飯焦，煙煙韌韌，但係又唔會黐牙。上面仲加咗燒過嘅名太子醬，亦都係好好味，非常之送飯。外面仲要加多塊紫菜，真係好想食第二嚿。 自家製抹茶蕨餅伴紅豆$52 蕨餅會加埋黑糖漿一齊食。個黑糖漿同蕨餅真係好夾，而且紅豆都粒粒好大粒好好味。 金川燒吉士$46 金川燒一上枱係仲係熱辣辣，而且表面非常之焦脆，又唔會太甜，加埋cream就啱啱好。朋友都話好味。

最近元朗地鐵站附近開咗一間餐廳，好有特色。舖面唔大，可以堂食或者外賣。入到去見到一張大嘅鐵板燒枱之後可以圍住坐望住師傅即嗌即煮！望住師傅煮嘅時候都已經流晒口水非常之香。 牛肉沙律 $58 沙律菜、蕃茄仔非常新鮮，而且上面加咗紫洋蔥，食落好Fresh。上亦都淋咗日式和風醬汁，同埋沙律油。 上邊嘅牛肉份量非常之多，而且煎到表面金黃香脆，再用鹽調味就已經非常之好味。 鐵板鰻魚丼$88 鰻魚本身已經係熟嘅，喺鐵板上面再煎香佢，啲油脂好香魚味，而且師傅再攞火槍燒到鰻魚面燶燶哋。鰻魚汁亦都係師傅自己調製，唔係出邊即食嗰啲standard鰻魚醬。再淋係上面，成件事望住個師傅煮真係好療癒，好似睇緊戲咁樣。最尾再加紫菜絲同埋炸蒜片，撈埋食好夾。

呢間壽喜燒店已經book mark咗好耐，見有人推介亦都好吸引，所以就嚟試吓。 呢間餐廳主打食壽喜燒同埋串燒，好有日式風味。餐廳入邊亦都有兩間獨立嘅房，可以嗌埋杯嘢飲同一班friend一齊傾偈。侍應們亦都好有禮貌同貼心咁樣介紹食物同埋幫我哋燒和牛。整個用餐體驗都好舒服同埋滿足。 我哋兩個人嗌咗個壽喜燒二人餐同埋兩杯嘢飲 A5鹿兒島黑毛和牛西冷肉眼 每塊A 5和牛都好大塊，油花均勻，而且好厚。所以食落牛嘅油脂味濃郁，而且非常之嫩滑。一啖將塊牛放落口入邊，成個口都充滿着和牛非常之滿足。 職員亦都有介紹和牛嘅幾種食法，可以齋食、加蛋、加京蔥、或者配飯。個人就鍾意齋食可以食到牛嘅油脂香味。 壽喜燒汁亦都調校得啱啱好，唔會過甜或者過咸。壽喜燒入邊嘅甜味系列至於棉花糖非常之特別。 季節野菜盛合 食完晒啲牛之後就會用剩返嘅壽喜燒汁煮野菜。入邊有好多款蔬菜，加埋烏冬吸晒啲汁非常好味。烏冬亦到好好味，好彈牙。 巨峰提子乳酸梳打

我知店都開咗一段時間，但係一直都未去食。今次出街食飯就去試下。店舖入邊唔算大可以擺到六張二人枱，所以如果想你食嘅話就要book枱先啦。 菠菜三文魚千層麵 $118 呢個係餐廳新出嘅菜式，連餐牌都未上，新鮮滾熱辣，所以一於嗌你試吓。千層面每一層都有足料嘅三文魚、菠菜同埋蕃茄醬汁。上面仲要加咗一層芝士，金黃香脆。呢個配搭好好味。 石板街窩夫 $78 係餐牌度見到呢間有好多唔同口味嘅窩夫，好吸引，所以都嗌咗一個嚟試吓。窩夫一上嚟嘅時候擺盤都已經好吸引同埋好香。上面加咗好豐富嘅cream同埋上邊淋咗滿滿嘅朱古力同埋焦糖醬。個窩夫好鬆軟，陳穎仲有一球朱古力雪糕加埋一齊食，真係好滿足。 提拉米蘇咖啡 基本咖啡裝飾望落去都好吸引，所以嗌咗試吓。咖啡上面淋咗一層厚厚嘅cream cheese，食落有滿滿嘅空氣感，上面仲要有一條手指餅，再撒上一層可可粉，好有層次。

相喺尖沙咀食啲小店，所以喺巷仔入邊搵到呢間泰菜。呢間係一間Bar同埋泰國餐廳，可以買杯嘢飲同朋友食一邊飲嘢。 泰式豬肉碎生菜包$98 生菜包好大份，啲生菜全部都好新鮮爽脆。豬肉炒得好有泰式風味酸酸地好開胃，加埋辣椒好惹味。豬肉入面亦都加咗好多香料。餐廳亦都好貼心俾咗一次性手套，可以揸住嚟食唔使洗手咁麻煩。 火山排骨$248 排骨係金沙骨，用咗泰式蔥蒜同埋檸檬汁一齊撈。個味有啲似泰式沙律但係係熱嘅。排骨一份有12嚿排骨份量都好大，可以同多啲friend一齊share。 泰式菠蘿炒飯$88 菠蘿炒飯入邊有粒粒新鮮菠蘿同埋好多提子乾上面都有肉鬆。飯面就有三嚿大菠蘿，菠蘿係燒過食落好甜好多汁，上面仲有三隻蝦食落好新鮮。 咖喱雞球$88 咖喱份量好大，而且入邊加咗好多蔬菜，有茄子，各款蘑菇同埋好多雞球。雞球係烤過之後先放埋落個咖喱入邊。雞球調味好好味，而且好腍。 泰式薄餅$24 泰式薄餅跟埋咖喱真係好夾。

原隻魷魚王$34 一大條魷魚成串上，魷魚用咗孜然粉同埋黑胡椒調味。燒完之後最尾上面搽咗一陣蜜糖。 土豆片$14 鍾意啲薯仔片係爽身同埋挺身串燒薯仔嘅話林同埋粉嘅話就會唔好味。 翠玉瓜$18 翠玉瓜孜然粉微辣同埋本身瓜嘅鮮甜有好大對比做串燒一流。 烤王者大扇貝$38 扇貝用咗蒜蓉嚟調味上邊仲有少少蟹肉粒。都有¼個掌心咁大隻。 鮮甜菠蘿$22 串燒點可以唔食菠蘿。餐廳一早切開咗一嚿嚿，然後再轉成串燒食起上嚟好方便。 黑白糍粑$45 新鮮炸出嚟嘅糍粑熱辣辣，而且外皮酥脆上面用咗煉奶同埋朱古力醬。

呢幾日好凍，突然之間想食串燒同打邊爐，見到餐牌啲相都好吸引，所以就去試下。 大頭蝦 $28 大頭蝦隻隻都好大隻，而且外面灑咗一層海鹽先至燒，食囉鮮味十足。隻蝦個肚度仲有滿滿嘅蝦子，見到嘅時候真係好驚訝，因為好少喺出面見到會有蝦子嘅燒蝦。食落啖啖肉。好味！ A4日本和牛 $148 A4和牛都燒得好出色，大約五成熟，食落唔韌，好滑，好香牛味。 蒜蓉燒扇貝 $28 扇貝上面鋪咗超級多蒜蓉，鍾意食嘅一定食得好滿足，而且蒜蓉仲燒到金黃色，一擺上枱就超級香。 脆脆鰻魚串 $42 鰻魚唔係已經鋪咗醬汁嘅嗰啲，係燒白鱔，所以魚嘅鮮味仲保留住，而且魚皮非常Q彈，有滿滿嘅魚油。 牛油蒜蓉焗蜆 $68 啲蜆份量都好多，而且粒粒都好大隻，蜆肉亦都好Q彈鮮味，呢個一定要趁熱食！ 香蒜大茄燒 $38 呢個茄子燒喺餐牌見到相嘅時候就已經好想食。佢係原條茄子上面加咗蒜蓉，食落茄子肉腍晒而且保留住好多茄子嘅水份，食落好好味。 軟殼蟹天婦羅 $ 72 呢個一碟有兩隻軟殼蟹，切開一半，四個人一人一舊啱啱好。軟殼蟹出面嘅粉漿唔會好厚，而且食落香脆。