有口福

營業中

休息中

好耐未試過同同事飯聚， 佢提議去九龍城， 但又唔想食泰國野...就搵左間餐廳入入到去都幾多野揀喎...食辣野嗌返枝啤酒先! 啤啤佢店員推介泰啤....果然係九龍城 泰國野集中地有趣嗌d 前菜，我就想食牛肉片，同事想食黑雞腳，個賣相好靚，有d 芝麻係試上面。加埋木耳同青瓜好清爽。 黑雞腳冇骨，咬落去脆脆地，唔錯。而牛肉片就不過不失，係以前係上面食既味道同口感哩個炸豆腐又係店員推介，其實佢仲推介埋大腸...不過同事唔食，所以冇得嗌個炸豆腐比想像中好食外面脆得黎入面勁嫩，又唔會散，超正好耐冇食的炒薯絲，成日想係屋企自己整，但永遠都整唔到係街的味道哩個又係正，辣辣地，又唔會辣到食唔到。好開胃，一個人食一碟都得雞煲熱辣辣，suppose係要嗌埋其他野打邊爐...但食埋入面半隻雞，都飽了，嗌唔到其他神奇地服務費係每人十蚊...有趣

還記得幾年前還未帶口罩時，嚟過一次食酸菜魚，今次同朋友再來，發現小店味道依然出色之外，仲比以前多咗好多特色小菜，今次令人大快朵頤。酸辣腰花$98雖然喺內臟，但食起嚟口感及味道一啲都唔似，腰花類似豬潤，但口感比豬潤更堅韌，亦沒有內臟的腥味，而且用酸筍及酸辣汁去炒，酸味突出，辣味慢慢滲出來，爽口惹味，而且食得出大廚爆炒的火喉好夠鍋氣。韮菜花炒雞腎$98大廚炒得夠鍋氣，將韮菜及雞腎炒得夠哂入味，呢碟小菜唔辣嘅，就係夠香口，而且雞腎質地脆口，味道鹹鹹香香，佐酒一流。水煮魚$198水煮魚用魽魚煮，入面有好多芽菜及薯粉，魽魚比較多肉少骨，而且好有魚味，魚肉已拆骨一大件的，一件放入口分兩啖先食得哂唷! 水煮魚酸多過辣，令人食到口水流，食完一啖接一啖。

🌟酸菜魚 💰198魚肉新鮮，鮮嫩多汁，而酸菜則帶來一種脆嫩的口感，與魚肉的柔軟形成美妙的對比。配料亦相當豐富。有薯粉、芽菜、酸菜，使得口感更加豐富多樣。🌟辣炒土豆片 💰68土豆片外酥內軟，炒製得恰到好處，土豆片酥脆可口，給人帶來愉悅的咀嚼感。辣炒土豆片的辣味和鮮香太能刺激食慾了，我太愛了！超推薦這個！🌟辣子雞 💰88辣子雞的雞肉經過炒製後，外酥內嫩，肉質鮮嫩多汁，入口即化。花生足夠多！正！香辣誘人、口感鮮嫩和酥脆，非常適合作為下飯菜！

住九龍城嘅朋友，介紹咗依間餐廳好多次，今日終於約埋屋企人一齊來試試😎雖然餐廳好似比較舊，但晚飯時間，都幾多熟客仔，睇嚟好受街坊歡迎👍🏼價錢都幾大眾化非常推薦！蟲草花胡椒豬肚雞個湯好好飲！好濃，胡椒味突出豬肚軟林林，又好入味，好食！半隻雞嘅份量，兩個人食都差啲食唔晒！又可以飲湯，又可以啖啖肉，正！炒米粉以晚飯時間，想叫個炒粉麵share，呢個米粉性價比超高，$78大大碟！鑊氣十足，米粉彈牙，配料都幾多，唔錯嘅選擇！清炒高笋絲萵筍絲真係非常適合夏天，清新清爽其他嘢食都比較濃味，叫一個清炒嘅蔬菜，就啱啱好😎椒鹽九肚魚分量比想像中多！九肚魚唔係一條條，係已經切好一件件，所以炸粉脆卜卜嘅範圍就比較多，熱辣辣，份量咁多，真係超滿足！夫妻肺片又係比想像中大碟👍🏼👍🏼辣味調校得幾好，唔會太嗆整體來講，食完之後都明白點解朋友極力推薦🤔經濟又實際，份量又多👍🏼👍🏼

鍾意食辣的，就會經常都會心血來潮想食辣今日忙到全日都未食嘢，當然要食啲自己鍾意食嘅嘢補償番所以就揸車過嚟食呢間嘅水煮魚，之前有朋友推介過呢個價錢一啲都唔貴，因為係好大份量㗎仲可以加唔同嘅火鍋料，師傅就會煮埋一齊我哋就加左萵荀，其實仲有鴨血、豚肉片、肥牛、牛腱……不過我哋唔想食咁多肉，就淨係加左萵荀，係最夾嘅配搭麻味&辣味都好夠，而且越食越辣魚塊大大件，肉質非常肥美，呢盤水煮魚真係足夠3個人食‼️辣炒土豆絲呢個當小食食真係不得了，會令人食唔停口㗎

朋友外國返嚟念念不忘呢度嘅酸菜魚，返香港第一時間就叫我幫佢book位。揀咗個早少少嘅時段，避開人流食得舒服啲。好似有新嘅餐牌，而且天花做咗簡單裝修，煥然一新。涼拌海蜇絲$50海蜇絲粗狀爽口，撈勻麻油，醋汁和芫荽，清新又美味👍🏻👍🏻酸菜魚（無骨）$198依度酸菜魚特別之處就係原條魚起肉連骨，並非只得魚片。啱晒鍾意食魚，唔怕魚骨嘅朋友😍份量巨大，放上枱已聞到勁香麻椒油香氣，喜歡比酸菜味更濃，魚片滑溜，鮮味突出。配料亦相當豐富。有薯粉、大量芽菜、酸菜，好似食極唔完！😍🌟干鍋田雞$168大量乾蔥、洋蔥、青椒，芝麻爆香田雞，惹味又有穫氣。田雞醃得入味，略炸過好香口！臨走老闆話多咗好多新菜式，當然下次要再來品嘗支持吓～

今日去九龍城附近做嘢，順便嚟九龍城搵吓有乜食，見口淡淡就食吓川菜啦，入咗嚟呢間’有口福‘先講吓叫咗咩-孜然脆骨-一定要熱辣辣咁食，好友大陸風味，因為我食唔晒攤凍咗之後冇咁好食炒米粉-又係大陸口味既炒米粉,香港真係好少見,重口味之選，另外食到佢鹹蛋香味，唔知係食錯定佢真係有放😂脆椒雞軟骨-呢個真係幾過癮，雞軟骨外脆內軟，最過癮係嗰啲紅辣椒🌶️可以當薯片咁食☺️口水雞-呢個反而麻麻地，d雞肉好似唔太入味計cp 人值真心贏晒，佢碟碟都超大碟，我食左4樣野+埋兩罐天地1號都係$400唔駛，份量應該夠3個人食，良心小店☺️

Dinner for 6 in the private room upstairs. Restaurant is known for its spicy dishes, chicken pot in particular, but we decided to have a zero spicy meal this time.Made a trip especially for chef’s 冬瓜邊爐. Chef needed to pick out winter melons with the thickest meat and widest radius possible so they would adhere snugly onto the pot. Here’s what we had.Inside the pot: Scallops, clams and abalone. 藍尾蝦 - not good for grilling as the meat would stick onto the shells.象拔蚌- very fresh. Preferred to eat s

見今日星期三🗓️，點都要慰勞下自己見好耐冇去過九龍城食嘢 今日突然想去下雖則九龍城泰國嘢比較多 但係呢間炒小菜嘅餐廳吸引咗我😍😍見到咁多小菜，一時三刻諗唔到叫咩好😂好在我朋友提醒我叫啲平時屋企少食到嘅嘢咁我梗係叫個酸菜魚啦🤩🤩佢酸菜魚嚟到嘅時候，香味十足 魚肉滑身得來又唔老 而且非常入味👍🏼加上可以有好多配菜隨便配搭咁我就加咗一份海帶絲 一份娃娃菜同一份金菇呢啲蔬菜都吸晒黃金湯嘅味道 簡直係視覺味覺嘅雙重享受😋😋另外要講佢份量十分之大 足足有我一個手臂咁長 如果正常食量四個人食都可能夠食😍以第二樣佢一定要試嘅就係辣炒萵筍佢火候控制得非常之好 炒出嚟嘅萵筍翠綠之餘非常爽口 而且清爽得來帶有小小嘅辣味 非常適合做開胃菜😋呢碟乾鍋肥腸勁有鑊氣🥘雖然係肥腸 但係佢整到嗰啲肥腸好乾身 將佢本身啲油迫晒出嚟 令到肥腸嘅口感該爽脆嘅部份爽脆厚肉嘅部份充滿油香 如果呢個時候有碗白飯俾我就好啦🍚雖然我今日淨係叫咗小菜 但係其實佢都有火鍋水煮魚等等嘅嘢食可以叫 種類非常之多而且員工嘅服務態度都非常友善！☺️🥘🥘🥘🥘🥘🥘🥘🥘🥘地理 8/10環境 7.5/10味道 7/10服務 8.5/10🥘🥘🥘🥘🥘🥘🥘🥘🥘

今個冬天已經ENCORE左好多次呢間餐廳，次次食完都無失望，想一再介紹下比大家。餐廳位置唔大，如果爆滿既話就可能坐得有小小逼，衛生情況合格，最緊要碗碟乾淨唔會油淋淋。家鄉炒米粉($68)上菜已經勁香，米粉加入左雞蛋、餐肉同椰菜絲等材料炒，份量勁大碟，雖然食材比較平民，但米粉炒得夠鑊氣，調味恰到好處，有驚喜。辣炒萵荀($68)切絲後以辣椒及蒜片炒香，食落爽脆，帶微辣，愈食愈想食椒脆雞軟骨($88)，雞軟骨炸香後加入辣椒及椒鹽爆炒，食落香口，份量多，配啤酒一樣，伴碟仲有海量索哂味花生，十分惹味。今次嗌左麻辣雞煲(小辣)(半隻/$158)，用上瓦煲加入花椒八角乾蔥等等料頭爆香後再加雞煮成，醬汁麻辣後勁犀利，食完成個咀都麻疹左。雞件正常唔算好滑但啖啖肉大大舊，值得一帶既係呢到雞煲仲附帶左青瓜條，同醬汁煮完後帶爽得黎又入味，好食。當日叫左好多野食所以叫得唔算多火鍋料，當中墨魚滑釀油炸鬼($58)同埋炸響鈴($48)十分值得推介。兩樣炸物並唔係叫貨再擺上碟而係即叫即炸，墨魚滑釀油炸鬼食落香脆同時帶墨魚滑既爽口彈牙質感；炸響鈴卷得夠薄炸唔會食完成口油，食落鬆脆比豬肉紙更鬆脆，而已浸落雞煲汁食索哂D汁

平時去九龍城都係食泰菜多，呢日搵到呢間食川菜，食我至愛酸菜魚~今晚真係有口福酸菜魚招牌酸菜魚，辣度啱啱好。酸菜魚份量十足，魚片厚肉嫩滑無骨，配料有芽菜、筍同水晶粉索晒湯汁好惹味。酸菜魚味道酸中帶麻，完全無油膩感，唔覺唔覺就食晒成盤酸菜魚水煮田雞非常大隻，田雞腿啖啖肉，鮮嫩香辣，我已經好多年冇食田雞，但我見其他枱都有好多人食，見到就流口水，所以都叫一個，果然無令我失望口水雞半隻雞都好大碟呀，表面灑上花生好香脆，淋上口水汁，食落啖啖肉，皮滑肉嫩，辣得嚟有啲麻又夠香，夠曬惹味清炒萵筍絲成枱重口味，點都要加個菜食下萵筍爽脆清甜無渣

之前有朋友食過推介，今日咁啱過開嚟九龍城，即刻試吓佢先，我哋兩條友叫咗五樣嘢，再加支啤酒🍻竟然全部清晒！我呢個朋友唔係好食得辣，所以全部都係小辣🤧如果辣度夠的話應該更加正🌶️🌶️🌶️-燒蟶子蟶子燒到啱啱好，肉質鮮嫩又彈牙，配埋蒜蓉辣椒一齊食超正-炒豬腳皮最鍾意食豬腳，呢個豬腳皮非常入味，口感係屬於煙靭有咬口嗰種，尖椒又夠辣🌶️好食🤤-孜然寸骨超濃郁孜然香味🤤寸骨肉質脆嫩爽口，香而不膩，仲要全部都啖啖肉，完全過晒口癮！-干煸四季豆呢個正常水準，炒得都幾乾身，份量都幾多-家鄉炒米粉呢個係哥哥仔推介，本身想叫個白飯，跟住佢就推介呢個炒米粉，的確唔錯，炒得夠香口👍🏻本身以為咁大碟食唔晒，但我哋都清咗🤫整體都唔錯，可以再食，下次要同個食得辣嘅朋友嚟先得🤫

九龍城食泰國嘢就多，不過今晚朋友帶咗我去食一間十分正宗嘅四川菜，仲幾抵食添😋酸菜魚$188，呢個抵食，老闆特別揀咗啖啖厚肉嘅鉗魚，好少骨，魚肉好嫩，仲有好多配料，粗粉絲、荀、芽菜，仲有菊花喺面，幾吸引；個湯好濃，好有魚鮮味，好味道👍🏻重慶辣子雞$88，呢個都幾難，雞肉炸得夠乾身又香口，份量都幾多，天氣咁凍食呢個好正💯 一邊食一邊飲啤酒，正😌酸辣腰花$88，豬腰都算新鮮，酸酸辣辣好開胃😋干煸四季豆炒$58，完全唔油膩，仲好惹味，同喺大陸食一樣，十分正宗。真係要提一提連個飯都好好食，絲苗米，好有飯香😍問一問，原來個廚係國內嚟，唔怪之得樣樣餸都咁正宗，呢餐2個人食，勁飽勁滿足，好抵食💯

有個都係食大辣既朋友話九龍城有間好正又唔貴既川菜，一於去試下先！食物好多選擇，有雞煲、烤活魚、小菜等等（仲有好多餐牌…）。家鄉炒米粉 （HKD 68)本來想食鐵板水晶粉，但老闆大力推介話佢地個家鄉炒米粉好好食，所以就試下。佢既配料有辣椒、餐肉、蛋、菜絲等等家常材料, 睇落好普通所以冇咩期望……嘩，點知老闆真係冇介紹錯！米粉炒得夠乾身有鑊氣，加上唔油膩，食落每條粉絲都好爽口，調味都夠香好惹味！加埋配料食，口感更豐富！再者有芝麻鋪面，令到整體香氣更有層次！勁香口搞到我食左大半碟（因為要留番少少俾朋友食）。重慶辣子雞 （HKD 88)作為一道重慶名菜, 滿滿既辣椒乾多到就快淹沒啲雞肉就係佢既特色！我同食大辣既朋友睇見都好興奮 炸過既雞肉口感酥脆，係香氣十足既辣椒乾同花椒既雙重刺激下，辣得好過癮！加埋好多炸到脆卜卜既花生，香氣更有層次，整體麻、辣、鹹、香！呢碟用黎送飯真係超正！。孜然寸骨 （HKD 108)有大量香料同辣椒鋪面，上碟已經香氣撲鼻。入口果然好惹味，味道咸香微辣。加上肉質脆嫩爽口，唔會黏牙，稍稍用力已經可以”骨肉分離”，啖啖肉又唔會食得好狼狽！同埋完全唔油！。農家小炒肉 （HKD

这家店我吃了无数次啦❗️真的实在是太太好吃了，店名叫有口福❤️吃了之后你就知道自己多有口福了。上次吃的时候，点了很多它家的川菜小炒，它家的川菜小炒实在是太出名了。‼️冬天又到了，想吃点猪肚鸡暖暖身子，立刻联想到这家有口福，立刻嘴馋来了。💜这次点了暖心暖胃的猪肚鸡，因为许久回不了内地，一直很嘴馋猪肚鸡，在香港真的很难找到地方吃猪肚鸡，这个猪肚鸡简直是吃出了家乡的味道啊。‼️浓浓的鸡汤加上红枣杞子，太好喝了，汤里面还放了党参，真的很浓的一锅汤，超级好喝，鸡肉也好新鲜，好嫩滑。❤️这次点了一份酸菜鱼，没想到它家的酸菜鱼那么好吃，味道正好，鱼超级鲜嫩，每一块鱼🐟都好大一块，一大份酸菜鱼这份量觉得4个人都没问题，下面还有很多红薯粉配菜，很值得点。😀这次点了一份炒田螺，妈啊太好吃了，它家的小炒好特别，这种菜式不是到处都能吃上。很干净田螺一粒沙都没有，田螺肉很Q弹，吃了很上头很想第二份。❗️主食方面，一定得点他们的招牌炒米粉。不一会儿就光盘了，儿子吃了三碗