有口福

營業中

休息中

還記得幾年前還未帶口罩時，嚟過一次食酸菜魚，今次同朋友再來，發現小店味道依然出色之外，仲比以前多咗好多特色小菜，今次令人大快朵頤。酸辣腰花$98雖然喺內臟，但食起嚟口感及味道一啲都唔似，腰花類似豬潤，但口感比豬潤更堅韌，亦沒有內臟的腥味，而且用酸筍及酸辣汁去炒，酸味突出，辣味慢慢滲出來，爽口惹味，而且食得出大廚爆炒的火喉好夠鍋氣。韮菜花炒雞腎$98大廚炒得夠鍋氣，將韮菜及雞腎炒得夠哂入味，呢碟小菜唔辣嘅，就係夠香口，而且雞腎質地脆口，味道鹹鹹香香，佐酒一流。水煮魚$198水煮魚用魽魚煮，入面有好多芽菜及薯粉，魽魚比較多肉少骨，而且好有魚味，魚肉已拆骨一大件的，一件放入口分兩啖先食得哂唷! 水煮魚酸多過辣，令人食到口水流，食完一啖接一啖。