有口福

同朋友來到九龍城搵食，揾到間川菜館有好嘢食，《有口福》以小店形式經營，廚師用心做菜。椒鹽九肚魚~熱辣辣即叫即炸，薄薄一層炸漿，非常香脆，完全冇骨，啖啖肉，非常可口。酸菜魚(少辣)~廚師採用新鮮魚起肉，可能會有少少骨，魚塊肉質嫩滑而不會太淋，入口質感唔錯，酸菜味道夠香濃，叫咗少辣，唔會太搶喉，其他配料有筍片、芽菜及玻璃粉等等，掛滿湯汁，越食越惹味，整體味道好出色。家鄉炒米粉~ 米粉炒得香口，一啲都唔油，夠爽口。普寧豆腐~這個豆腐都做得好出色，新鮮炸起，外脆內軟，豆腐滑一滑，沾少少韭菜湯，特別美味。…查看更多

因為太太從網上見到呢間川菜店，位於九龍城泰菜重鎮，仲有賣沙巴躉做嘅酸菜魚，經Openrice 訂座20:00時段。開餐當日OT關係未能準時到場，打電話改遲10分鐘到，男店員好禮貌亦冇托手踭嚟到坐低睇menu, 舖仔細細款式算多，女店員幫手落單考記性，我哋就咁嗌半份酸菜魚都識推介招牌沙巴躉，唔加配料盛惠$308。湯底連底料食夠酸夠味，魚肉確實同其他食開酸菜魚有不同，肉質較厚、肉較鮮甜美中不足之處是魚肉煮唔入味，兩者未能融為一體。涼拌魚皮: 同出面食開淨係得麻椒辣味不同。此店魚皮顯然切得較幼細、魚皮質感較煙韌，個汁係酸酸地開胃菜，但麻油似乎落得過咗火位，令到整體有點膩。辣炒萵筍絲: 夠熱夠味，除咗$78有啲貴，真係冇乜嘢好挑剔，三爬兩撥好快食曬。炒米粉: 成餐飯嘅MVP 夠熱夠鑊氣，米粉炒得鬆軟而不算太油膩，料頭受火足夠，啲蛋去到燶燶哋嘅程度更顯得香口。難怪聽到有好幾枱堂食同埋好幾張外賣單，都係有叫炒米粉兩個人都清得晒！記憶點停留在炒米粉，如果有機會再幫襯，會試試其他唔同組合。…查看更多

最近我在一家專注於海鮮和肉類的餐廳品嚐了兩道令人印象深刻的菜品：烤魚「鉗魚」和豬喉骨，這次的用餐體驗讓我感受到了一場味蕾的盛宴。首先，烤魚「鉗魚」的呈現讓我驚喜。魚身金黃酥脆，外皮微微焦香，散發著誘人的香氣。當我用刀叉切開魚身時，鮮嫩的魚肉立刻展現出來，肉質鮮美，彈牙有嚼勁。搭配上特製的醬汁，魚肉的鮮甜與醬汁的風味相得益彰，讓每一口都充滿了層次感。這道菜不僅保留了魚的原汁原味，還增添了烤製後的香氣，讓我忍不住一口接一口。接下來是豬喉骨，這道菜的獨特之處在於其豐富的口感和濃郁的風味。豬喉骨經過慢火燉煮，肉質軟嫩，骨頭的膠質讓整道菜品更加滑順。每一口都能感受到肉的鮮美和骨頭的香氣，搭配上香料的調味，讓整體的味道更加豐富。這道菜的份量也相當足，讓人吃得過癮。…查看更多

九龍城的特式川菜館。位置方便，從宋皇臺地鐵站出發只需步行5分鐘，旁邊仲有好多巴士站。蔥爆牛肉牛肉又薄又嫩，夠哂入味。京蔥味香，提升口感，賣相一流。酸菜魚 好大碗，魚片滑，啖啖肉。仲有豐富的配料，包括花椒，麵條及大腸等。花椒味香，酸辣適中，開胃非常。 而且份量十足，2-3人份好夠！ 餐廳仲提供多款飲品，讓客人隨意選擇。餐廳上菜都好快，餸菜即叫即製作，既新鮮，又夠穫氣。客人好多，記得要預約，否則可能需要預留排隊時間。…查看更多

這家小店位於九龍城，鄰近地鐵站，距離地鐵站大約5分鐘左右，方便快捷。這天和朋友一同到來，品嚐一下美食。我們選了酸菜魚、普寧炸豆腐、爆炒牛胸爽、炒米粉。酸菜魚絕對是其中一個大絕，保留原有的味道也迎合香港人的口味，能挑選不同的魚類，更能挑選適合自己的口味。普寧炸豆腐，香脆可口，內裏十分嫩滑，最重要吃起來不油膩，配搭餐廳特製的醬汁，更為美味。爆炒牛胸爽，每一隻牛只有極少的份量，入口爽脆脆可。炒米粉，眼見是每一台必點的美食，米粉口感很不錯，帶點爽滑，一絲絲的，絕對是必點之選。…查看更多

同朋友食飯吹水次次都會黎幫襯，4個女人一個墟，叫個雞煲慢慢食傾下計次次老闆娘都好熱情招呼最開心系永遠吾會限時，幾爆場都好，都吾會黑面被趕，所以呢間變成我地嘅「飯堂」而家好多餐廳要限時，搞到次次都吾夠盡興如果有時無咁忙，都會同老闆娘傾下計吹下水，但今日星期五，好爆場最可惜今日無「去骨九肚魚」 呢個真系一絕，每次必叫夏天最正嘅系有冰凍嘅啤酒，夠涼嘅涼菜…查看更多

今晚七点九同两个friend去九龙城「有口福」食饭，一入门口冇人理，见有张空枱就坐低。等咗好耐先有人嚟落单，点知落完单先话我哋冇订位唔可以坐，但又唔安排坐边，之后有个黑面女人hea我哋上二楼，心谂算数照跟。 同侍应确认落单后就开始等，隔篱枱迟过我哋入座，但人哋个酸菜鱼同炒米粉上到成枱都系，我哋？四十分鐘得碟冻冰冰嘅凉菜！连洗餐具嘅热水都冇！朋友落楼问，个女人竟然串爆：「人多唔等得可以走！」最后逼住催先极速上菜，但成餐饭食到一肚火！ 隔篱枱阿姨都忍唔住话：「你哋啲菜唔难整啊！」明明疫情前帮衬过唔错，而家变成「冇服务冇态度」，绝对冇下次！大家避雷！…查看更多

今次同屋企人嚟到呢間網評尚可諗住食餐便飯，點知經歷堪稱本年度最差飲食體驗。平日夜晚七點五十walk in，已经安排坐下，門口知客黑面拋低句「冇訂座就上二樓啦」，帶我哋穿過殘舊嘅木樓梯去到明顯疏於打理嘅閣樓。冷氣機滴水聲伴隨霉味，卡位皮椅仲有可疑污漬，呢啲環境仲衰過大牌檔。落單後足足等咗半個鐘頭，眼見遲嚟嘅訂座客陸續上菜，我哋張枱連杯水都冇。追單時個女部長竟然反白眼話：「等唔切可以取消㗎！」完全冇歉意仲要態度囂張。最離譜係隔籬枱遲我哋入座，但人哋個菜已經食緊，我哋連最基本嘅炒時蔬都未見影。奉勸各位街坊要訂座都千祈唔好揀呢間，除非你想體驗乜嘢叫「貼錢買難受」！建議去隔離街冰室好過，起碼伙記會識得講句「唔該」先。…查看更多

救命！！在九龙城挖到宝了！！这家炒菜店让我连干三碗饭🍚每次来都点辣的，这次决定试试不一样的…强推新品虾蟹砂锅粥🦐🦀！鲜到眉毛跳舞！砂锅咕嘟冒泡，虾蟹的鲜甜全熬进粥里，喝一口直接打开天灵盖！本干饭人直接炫了半锅～家长炒米粉也是一绝！锅气十足，米粉根根分明，配菜超丰富，嗦起来超满足！还有大盆花菜🥦，火候拿捏得刚刚好，脆嫩入味，我愿称之为下饭神器！这家店绝对值得N刷，快带上512G的胃冲！！真的好吃…查看更多

九龍城區不嬲以食泰國菜為主，要搵啲特色中菜餐廳選擇真係唔算多，落巴士見到呢間「有口福」餐廳招牌大大隻字寫住主打酸菜魚、烤魚、火鍋好似幾正宗，同埋俾佢門口啲食物圖吸引咗，膽粗粗就入去試吓。🌶 酸菜魚酸菜魚的花椒香味好突出，唔係嗰種嗆喉嚨嘅辣味。趁熱試啖湯，味道幾正宗惹味，辣味適中，唔算太油膩，即使凍咗再食都冇層厚油出現，食晒成餐飯都唔算太大負擔。今次叫咗魽魚魚片，魚片數量幾多&大塊，而且唔算多骨，係值得一試！🥠炸普寧豆腐第一次食普寧豆腐，形態同普通豆腐已經唔同，偏向挺身厚實啲，油鑊炸過後做到外脆內嫩，咬落去仲好滑。就咁食就食到咸香 & 淡豆味，不過配埋隔離碟韮菜鹽水吊味，豆香味會再突出啲👅熱食定攤凍嚟食都OK👍一碟有好多舊，食晒都好飽。🐷 農家小炒肉豬腩肉片人加埋青辣椒片一齊炒，有鑊氣夠惹味，比較啱送飯。🍜 家鄉炒米粉呢個米粉夠晒有驚喜，廚師炒到米粉乾身唔油膩。配料有厚切午餐肉條、蛋同蔬菜，口感豐富！最正嘅位係超夠鑊氣，估唔到係好有大排檔風味。餐廳位置係富豪東方酒店巴士站，行過兩條街又有宋皇臺站，交通算好方便！…查看更多

街坊推薦抵食川菜🧏🏻‍♀️ 餐廳主打川菜及酸菜魚～ 亦有啲大排檔嘅感覺 同埋餐廳都推薦炸野食～ ====᪥ 酸菜魚 $198超大碟🙈 湯底酸香微辣 辣中帶麻 入面有巨量魚片🤣 仲有小編仲鍾意食嘅寬粉～᪥ 脆椒雞軟骨 $98雖然面頭有好多辣椒 但食落唔算好辣的～ 香辣惹味 都炸得好香脆🧏🏻‍♀️᪥ 椒鹽魷魚鬚 $108係經典嘅大排檔菜式～ 魷魚鬚都幾出色！外皮酥脆唔會同啲魷魚鬚分開 香脆可口🤤᪥ 家鄉炒米粉 $78幾有驚喜嘅粉米粉🤣 好有鑊氣炒得好香又夠乾身…查看更多

九龍城有口福係區內老字號，主打四川菜，馳名酸菜魚更是招牌菜，深受食客歡迎。店內裝潢簡潔，老板娘熱誠招待，更介紹招牌菜式，讓食可以品最佳菜餚。酸菜魚份量十足，老板娘介紹話每日都係用活魚起肉，所以魚肉片片有厚度，食落又滑又有口感，唔會一挾就散，湯底濃郁鮮甜帶少辣，非常惹味，仲有大量酸菜、大豆芽、筍片和薯粉。非常豐富。 椒鹽九肚魚：表皮酥脆可口，魚肉乾身，嫩滑中帶口感。炸普寧豆腐：炸至金黃色的豆腐，豆味香濃，口感外酥內嫩。點些韮菜鹽水，味道更提升。家鄉炒米粉：炒得乾身又夠鑊氣，材料有甘筍絲、生菜絲、蛋絲和午餐肉等，無論口感和味道都搭得好好！啤酒夠凍，配佳餚美食真係最佳拍檔！…查看更多

今日朋友帶我去食川菜 餐廳門面平平無奇 但食物質素就真係有驚喜首先當然叫咗呢度嘅招牌之一酸菜魚 本身我同朋友都鍾意食酸菜魚 而呢度嘅酸菜魚用嘅魚肉非常厚身有咬口 而且個湯底味道都唔錯 裏面有酸菜大豆芽薯粉等等嘅配料 食完一口又一口孜然寸骨 呢個係豬脾骨 可以揸住個骨啖啖肉咁咬 睇落去雖然好似比較乾 但係食落都夠軟淋 面頭佈滿孜然 非常惹味大盤花菜 呢個超有鑊氣好香好好味 應該係由豬油炒成 大盤花菜走過油 仲有啲鹹肉 屋企好難炒到咁香咁有鑊氣 價錢只係70蚊但係份量十足家鄉炒米粉 本身正常我哋就唔會嗌啲咁飽肚嘅嘢 但呢個係店員推介 咁我哋就即管信佢試一試 點知真係非常有驚喜 除咗份量好大之外仲要炒得乾身有鑊氣 雖然係好平凡 但真係好好味 而家諗起都想食 …查看更多

去九龍城搵食，話呢間出名酸菜魚，好，試吓。睇餐牌，除咗酸菜魚，其他菜式都好吸引，兩個人為咗食多幾味，忍痛放棄酸菜魚。尖椒皮蛋幾好，該綿的蛋心夠綿，尖椒夠香，好大份，非常滿足。麻辣無骨黑雞腳好爽，麻辣味夠出，但對喜歡多麻的我，可以再麻些。看來簡單不吸睛的炸普寧豆腐，豆腐滑到不得了，沒有特別調味，可以嚐真豆香。外層炸得香脆，浸一浸特製的韭菜高湯，給清香的豆腐掛上惹味的層次。大盤花菜炒得夠香，跟我在四川吃的一模一樣，很難得，感動🥹。家鄉炒米粉又是一絕。用料十足，米粉很晶瑩，最難得的是夠乾身，夠鑊氣，又香又爽。眼前的一碟還未吃完，朋友已決定外賣多一份帶回家😆。…查看更多

通常出九龍城都係食泰國菜或者潮州糖水 但係今日就試新嘢食川菜 不過有意想不到嘅驚喜酥炸雞中翼 $80 雞中翼一開二 每件單骨雞翼都裹咗炸粉炸香 外皮酥脆內裏Juicy酸菜魚 $198 呢個係呢度嘅招牌之一 除咗酸菜魚之外 裏面仲有水晶粉/大豆芽/筍等等酸菜用嘅魚肉 魚肉好厚身有咬口而且都算滑 去骨亦去得乾淨 個酸菜魚湯底都算唔錯 酸味同辣味都適中 店員有推介可以加唔同配料係湯底 我哋就加咗炸豆腐串$40家鄉炒米粉 $78 呢個係店員推介話係餐廳最多人嗌嘅嘢食之一 嚟到非常有驚喜 因為超有鑊氣 米粉炒得乾身 裏面有椰菜絲午餐肉等等 而且份量超級大 食完都飽咗一半 必叫之選乾鍋肥腸 $98 乾鍋有曬花椒八角等等炒埋一齊麻麻香香 非常惹味 加埋肥腸乾淨而且都幾厚肉 可以額外加錢加配料炒埋一齊 我哋想食啲惹味嘅炒蔬菜 所以加左萵筍$50 蓮藕$40 個人覺得蓮藕加喺乾鍋都幾好味餐廳Default冇茶水提供 所以我地都叫左唔同嘅嘢飲 津路烏龍茶 鴻福堂系列飲品 夏枯草 汽水忌廉 青島啤大支裝 $32…查看更多