有口福

營業中

休息中

凍凍地又係打邊爐既季節了！經朋友介紹知道呢到既烤魚不錯，就黎試試佢入到去吸引到我既反而係胡椒豬肚雞煲，一於叫呢個，下次再食烤魚！當晚仲叫左孜然一字骨、辣炒萵筍同埋脆椒雞軟骨雞煲以瓦煲煮，上菜時熱辣辣，勁香胡椒味，記得係未食野前飲碗湯先，雞湯飲落有胡椒既辣味，雞味唔會比胡椒味蓋過亦唔會死咸，問左老闆娘話佢地既雞煲係唔落味精同鹽煮的，只靠食材及醬料既調味。雞件嫩滑，份量多，豬肚爽口無異味，雞煲仲加埋啲紅棗當歸等等藥材煲，十分養生。火鍋料叫左響鈴，鋪頭既響鈴係即口即炸，上菜時熱辣辣，就咁食左條勁脆勁鬆化，一定要叫；食到尾再落個烏東食，索哂啲湯汁，食完成日暖哂！雞軟骨有驚喜，上菜時以為同坊間既炸雞軟骨差唔多，點知食落脆口，炸得乾爽，唔油膩，雞軟骨以椒鹽及辣椒調味，送酒一流，成點食哂都唔會覺得熱氣。辣炒萵筍炒得爽脆，萵筍食落無渣，帶小辣，食到尾唔會成口油，抵讚。孜然一字骨以豬仔髀加上原粒孜然籽焗，食都落充滿孜然味，十分香口，唯獨焗得有啲過左，有小小鞋口。總結黎講鋪頭樓面唔大，只有6張枱，但食物真心唔錯，食物種類多，價錢唔貴，亦都勁有人情味，老闆娘不時走出黎問我地啲野岩唔岩食，亦有同其他食客有講有

天氣開始涼涼地，食四川菜辣辣地就最好不過，朋友就帶我嚟到位於九龍城這間「有口福」入到餐廳望見餐牌上的菜式樣樣都想食😋麻辣牛肉牛肉鮮嫩又入味，涼浸浸的青瓜絲配搭麻辣醬汁，辛辣味道好開胃，作為前前令到胃口大開。酸菜魚我們點了小辣，味道剛剛好，魚片厚薄適中，魚肉嫩滑，連埋湯底一齊食，令人回味無窮，酸菜魚裏便放入大量爽口的芽菜和酸菜，口感一流，紅薯粉吸入湯汁，好食到停唔到口。干煸四季豆吵得非常乾身，完全唔油膩，加入了欖菜及豬肉碎一齊炒，辣辣地好惹味。重慶辣子雞一上枱已經聞到辣椒嘅香味，但係食落不會太辣，雞丁炸得好香脆，外脆內軟。家鄉炒米粉簡簡單單加入了午餐肉、雞蛋及蔬菜，已經炒得好有鑊氣，米粉炒得乾爽而且煙煙韌韌。最後飲埋杯清涼嘅竹蔗茅根，好滿足！

早前食四川菜時因為遷就朋友點了小辣，不能過一過辣癮，今日就約了位吃得辣的朋友來九龍城這家「有口福」食四川菜，滿足一下辣癮。除了酸菜魚等鍋類之外，餐廳還有很多小炒提供，最後我們就點了烤魚和一份小菜。•諸葛烤活魚(麻辣中辣)點了半條，份量都多得驚人，色香味俱全，餐廳調配的湯汁非常惹味，麻辣中帶點甜，而且配料都好多，有大量鮮腐皮、芽菜和芫茜。餐廳將魚炸得外層香脆，因此味道帶點焦香，魚肉肥厚，肉質紮實彈牙。另外加了薯粉、蓮藕、萵筍及墨滑油炸鬼，餐廳貼心地將其他配料另上，可以慢慢食不用擔心煮得太軟，薯粉吸收了魚的鮮味加醬汁的辣味，口感煙韌，而墨滑油炸鬼炸得香脆，輕輕沾上醬汁已經好好味，既掛汁又能保留油炸鬼的口感。·孜然寸骨有別於其他餐廳，這家餐廳是用了孜然籽而非孜然粉，豬腿肉非常厚身，表面烤得香脆又不會過乾，外焦內嫩，啖啖肉，好出色。幸好我們七點前就入座，因為到了七點半左右餐廳已經滿座，餐廳的地道四川風味果然吸引了不少客人。

自從有了屯馬線，真的不是開玩笑，去九龍城真的方便了十倍！朋友今天特地選了這間距離地鐵站3分鐘的餐廳，超方便！黎到這間餐廳當然一定點酸菜魚，還可以加火鍋配菜，我當然就會加我最愛的水魷魚啦！跟住還點了家鄉炒米粉和手撕包菜。首先上菜的就係一大盤酸菜魚，一上枱立即聞到酸菜的香味，口水都湧岀黎，問過店員，魚肉是鯰魚，肉質有口感香滑，同湯底十分夾。而且真係無乜骨，岩哂怕骨的我！撈下發現煲底原來有薯粉，索哂湯超好食！再黎就係炒米粉，係經典的味道！炒得十分乾爽和香口，米粉質地比平時米粉有咬口，很好味！手撕包菜炒得很夠獲氣，酸酸辣辣忍唔住食哂！食這些惹味菜，配啤酒才是完美！為這餐完美晚餐再點睛！

上星期因公事忙，整個人感覺提不起勁，剛好有朋友邀約食飯，更主動推介一間私人珍藏的餐廳，便決定跟他來見識一下🤓🤓這間餐廳名字叫作「有口福」，位於九龍城，是專門製作川菜的。川菜素來以麻、辣、鮮、香為特色，加上菜式眾多，故在香港一直人氣高企。乘搭港鐵於宋皇臺站B出口，大概步行五分鐘便到達「有口福」，鄰近也有多條巴士路線，對於上班一族來說相當方便😊來到餐廳，只見門外大型淡黃色的招牌寫上「有口福」三個字， 非常醒目易認。推門進去，只見餐廳裝潢樸實，燈火通明，座位寬敞相當舒適，每張枱之間甚有空間感，較傳統香港地道小菜館的格局優勝。我們二人共點了五道菜，整晚的用餐體驗實在驚喜且令人回味，決定要為這次賞味之旅留下詳細記錄😙🎈清炒高笋絲 $68這道菜看上去不但份量豐富，且非常翠綠，每一片都切得非常薄身，豐潤透亮。入口只覺新鮮、爽脆、清甜，而且濕潤可口，每一片都有飽滿的水份。我喜歡萵荀，因為它既好吃又有功效，可以清熱下火，配上其他小菜一同進食，可以保持清新的感覺👍🏻🎈夫妻肺片 $50夫妻肺片是經典川式涼菜，主要是有牛舌、牛心及牛肺等食材。當侍應將菜式端上時，立即聞到濃濃的麻辣香味，喜歡吃辣的朋友定必要嚐嚐

夜晚去左九龍城呢間有口福食晚餐，果然真係同佢個名一樣，我今晚真係有口福，估唔到呢間小店咁出色。其實呢間餐廳舖面好簡單，傳統中菜館裝修，無特別修飾，但勝在光猛乾淨。主要黎係為左食野，唔係為左裝修，最緊要都係餸菜好食。前菜先試食左尖椒皮蛋同手拍青瓜，皮蛋好香好有蛋味，配上紅油加埋尖椒，雖然係好辣，但係感覺特別醒胃。而手拍青瓜非常青爽，加上落左好多蒜泥喺青瓜面，味道更香更有味道。之後上左孜然寸骨，每寸肉寸都大大舊，肉面烤得頗為乾身，但咬落去發現入面鮮嫰多汁，肉味頗濃，加上孜然味香，真係非常吸引，令人欲罷不能。然後要介紹葱爆羊肉，呢個菜係驚喜之一，因為今次呢個葱爆羊肉炒得非常乾身有鑊氣，唔係出面大部份川菜館咁炒到非常油淋淋，呢個菜不但炒得D大葱好香好好味，羊肉更加係恰到好處，有羊味但一D都唔so，雖然份量已經唔少，但食完真係仲想再叫多碟。再黎就係重慶辣子雞，當然係有好多好多辣椒，但雞粒亦唔少，比好多川菜館份量多。呢個辣子雞又係令我有驚喜既，因為預期呢個餸都冇得输，通常都做得香脆可口，但佢除左脆之外，係真係做到酥脆，而且食到雞肉入晒味，雞肉唔乾有肉汁，唔會好辣，但非常惹味，最利害就係連雞肉入面既

地道式川菜，店員熱情招待，樂於介紹各款店內名菜同最多食客回頭嘅美食。麻辣牛肉$48麻辣味濃，牛肉量唔少再加埋滿滿麻辣油嘅青瓜😋。水煮魚🐟🐠🐡$188魚肉新鮮，份量十足，追加鴨血味道超match。水煮魚麵底十分煙靭，美味彈牙。鴨血$58店員推介加追落水煮魚，味道絕配👍，好推介。手撕包菜$58健康之選，每餐必點一道😉。辣炒土豆片$68回頭率極高，香脆可口，必點之選。店員推介👍，名不虛傳。蘋界醋$18無糖可樂$13無敵玻璃樽可樂，頂級透心涼🎊🎊🎊

九龍城一向都非常多美食！雖然係夏日炎炎，但烤魚就一年四季都咁岩食，呢日就過左黎九龍城既打鼓嶺道，「有口福」食下烤魚刺激下味蕾前菜首先叫左份尖椒皮蛋，勁開胃，辣汁掛晒係皮蛋上面，每一粒都沽滿晒，但唔會好嗆喉，辣度岩岩好，食完會好想即刻食下一粒辣炒土豆絲，當日叫左小辣，香氣十足，而且好大碟，份量好豐富！土豆絲爽口惹味加上大大碗白飯，已經非常滿足主菜黎啦！原條諸葛烤鉗魚，店員服務都好好，有一路提醒我地要先煮多10分鐘，再慢慢享受鉗魚本身少骨，所以啖啖肉，而且肉質厚身爽彈，夾上手每一塊魚肉都好大塊而配料亦有好多，有齊豆干酸菜芽菜，我地仲額外叫多一份午餐肉咁正既川菜，再配上天地一號蘋果醋酸酸甜甜，又可以開胃消滯，幫助返消化

兩仔爺，到九龍城食晚飯，亞仔指定想食胡椒豬肚雕，我知唯喱個豬肚雞煲邊度有，呢餐入得嚟有得食，就入到黎食啦，之前食過味道唔錯，今次一樣係再加個水煮魚，要唔辣，加支啤酒，兩仔爺食得津津有味，傾左好多心事。講返個胡椒豬肚雞煲，如果唔喺個仔後生靚仔，真係食唔哂，白胡椒咪味清香微棘，不傷口味，豬肚汆水一定要夠時間，唔係有味就唔好喇，入口爽爽，口感彈牙正，重有半隻雞咁多，重有配料，咸酸菜芽菜，計一計食得晒都好叻。水煮魚，梅菜配料，紅薯粉打底，其味道真係好正，飽肚，啱食，重有小食海哲，爽口彈牙，微棘，搭杯啤酒好味好味好好味。

自從屯馬綫開通後，去九龍城真的很方便。今天和朋友到九龍城逛街，本想吃泰國菜，但看到這間有酸菜魚，就被吸引進去了。幸好我和朋友在六時入座，餐廳尚有很多座位，到了接近七時已經座無虛席了。酸菜魚份量超大盤，足2-3人食用。先嚐了一口湯底，魚湯呈奶白金黃色，充滿花椒的香，酸辣的味道亦調配得剛剛好，不太吃辣的應該都可以接受。魚片份量多，肉質厚身，嫩滑而無骨。配菜豐富，有大量酸菜、芽菜、薯粉、竹筍。配菜吸滿濃濃魚湯的味道， 十分鮮味。麻辣牛肉醬汁香濃，集香、麻、辛於一身，青瓜絲可以中和醬汁的麻，是個恰當的配搭。尖椒皮蛋的顏色有別於出面吃的黑皮蛋，應該選用了黃皮蛋，蛋味比黑皮蛋更香濃，絕對是我吃過最美味的尖椒皮蛋，非常推介！同行友人帶了小朋友，所以點了一些不辣的餸菜。干煸四季豆本身有辣椒，店員十分細心，主動提議可以走辣。即做走辣，配上咸香肉碎和蒜片亦相當惹味，小朋友對這碟讚口不絕，把這碟清光光。家鄉炒米粉少得乾身，不會太油膩。最重要的是份量超大， 配料十足，有午餐肉、雞蛋、雜菜絲，口感豐富，絕對是飽肚之選！菜脯煎蛋煎得剛剛好，不會過老。除了菜脯外，內有juicy的肉碎，提升了口感的層次。叫了六道菜加

今日放假同另一半到九龍城有口福食下嘢！因為很早吃晚飯周圍不是太多人，只是吃到一半開始有很多人。經一輪防疫手續，「嘟」埋針咭，便隨侍應生入座。環境：牆壁貼滿餐牌，可以看圖選擇。我們點點叫了胡椒豬肚雞 ，孜然寸骨 ，清炒萵筍絲，尖椒皮蛋，泡椒鳳爪及青島啤酒。胡椒豬肚雞 $198雖然多人選酸菜魚，但真很久沒吃雞煲，所以選了胡椒豬肚雞，湯底有胡椒、黨心、杞子、紅棗、玉竹等，湯濃咸辣適中，雞嫩肉爽味鮮，豬肚林，沒有豬的異味，十分可口，是醒脾開胃的好選擇！孜然寸骨 $108第一次見那麼多孜然花椒佈滿碟中，寸骨中的肉燒得林而香，肉不黏骨，煮得剛好，調味到位，伴著辣椒乾、孜然和香料，真的啖啖美味！清炒萵筍絲＄68我選了辣萵荀絲，萵荀絲爽而脆且清甜，配合微辣，十分美味。尖椒皮蛋＄43用松花皮蛋，外晶瑩透黃，入口綿而溶化，辣得剛剛好！非常開胃！泡椒鳳爪＄45鳳爪林而入味，辣得恰到好處，是前菜的好選擇！

九龍城開通左宋王臺站之後去食嘢真係方便咗好多，九龍城嘅泰國嘢就成日食今次比我發掘到一間地道雞煲烤魚小店！🤤雞煲可以選擇全份或者半份，等我哋有多啲空間叫唔同嘅嘢食！入到去已經聞到陣陣嘅香味，每一台都見到有叫雞煲/ 酸菜魚/烤魚，果然係招牌菜!! 酸菜魚嘅魚質地厚而滑身，湯底香濃呈奶白金黃色，除左魚外仲有水晶粉、酸菜同芽菜，另外仲有配料紙可以自由選擇自己鍾意食嘅餸菜加落去雞煲可以選擇香辣或者麻辣味道，而我哋揀咗麻辣味，師父將雞炒香，再用濃濃嘅麻辣雞煲醬汁鎖住雞肉，十分惹味。店員亦都有推介可以加肥腸、雞腎等等嘅唔同配料落去一齊同雞肉炒香，啱晒鍾意食內臟嘅朋友仔！我哋另外再叫咗鬼馬墨魚滑同薯粉 墨魚滑釀入油炸鬼，香脆可口！薯粉索埋雞煲醬汁，非常之夾蔬菜方面，我哋叫咗干煸四季豆，師傅炒得相當有鑊氣！

同屋企人去九龍城食飯，本身好鍾意食酸菜魚，但要食到一間好正宗又好味的酸菜魚都唔容易，今次食到呢間有口福有驚喜☺️不論酸菜魚或小炒都好好食😋😋酸菜魚$188 +(午餐肉$45)湯底香，好惹味，好濃郁，酸菜酸度岩岩好，預設左辣度，花椒好香，辣度係愈食愈辣同麻，好過癮，但食開小辣的我都唔會覺得好辣，整體都好好食😍而且一份係好多魚肉，夠大塊，少魚骨，好配白飯🤤🤤當中配料都好多，有包含幼薯粉、竹筍，酸菜，芽菜，呢個價錢性價比高😆👍🏻👍🏻脆椒雞軟骨$88雞軟骨炸得勁香脆，好有鑊氣，辣粉更提升左雞軟骨味道，配啤酒一流👍🏻🤤🤤正泡椒豬手$50肉質Q彈，好入味，愈食愈麻，好過癮😆😆香港少見的蘋果醋，酸酸甜甜，好開胃😆

九龍城一家小菜火鍋店， 大量極吸引的小菜，鍋類照片選擇。店舖不大，但有上下兩層招待， 今次安排在下層。清炒萵筍絲$68炒得乾爽，入口爽脆，有蒜香為麻油香味！店內的小菜大多比較濃味或帶辣，所以清炒萵筍絲絕對係最佳配菜。干鍋肥腸$108 要求了小辣， 上菜的辣度很適合。豬大腸是炸過再炒，所以很香脆。裏面有芝麻，指天椒，花椒洋蔥，所以很香口。肥腸份量亦很多胡椒猪肚鷄＄198/ 半隻豬肚半隻雞足料， 香味十足的胡椒味，加上杞子紅棗給一些中藥材熬制成湯。好養胃滋補強身， 還可以加火鍋配料作打邊爐，就點了娃娃菜（$30）和炸枝竹（$30）。枝竹夠厚，有韌性，吸收了胡椒豬肚雞湯汁， 入口都充滿濃郁的胡椒豬肚湯味。另外點了一碗白飯，兩罐天地1號蘋果醋。兩人埋單$500正， 很飽很滿足

天氣咁熱冇咩胃口，朋友異口同聲都想食酸菜魚刺激一下味覺。九龍城打鼓嶺道這間「有口福」開業多年，環境都有點歷史，但菜式依舊味道如一，每次去到都見到不少街坊、熟客捧場就知道極受歡迎。酸菜魚店家嘅招牌菜。也是少有用成條魚起肉再連魚骨魚翅部份，所以湯底特別有魚味👍🏻 魚肉嫩滑，配料豐富，有粗粉絲，酸筍，芽菜。干扁四季豆勁有鑊氣，四季豆夠乾身，肉粒鹹鹹地又有蒜香，送飯一流！酸辣腰花橙色和青色嘅辣椒又爽又辣，非常醒神。腰花厚薄適中，入口好爽，配以帶少少酸嘅辣汁好開胃惹味。加入左酸筍，夠晒風味！分別有中式和西式涼茶降降溫😁海蜇海蜇入口爽脆，撈勻芫荽和青瓜絲，夏天吃最適合不過。店家仲有好多招牌地道菜式，水煮魚，烤魚⋯⋯已經諗定下次嘅目標小菜😋