影片
更多
2022-12-11
121 瀏覽
有個都係食大辣既朋友話九龍城有間好正又唔貴既川菜，一於去試下先！食物好多選擇，有雞煲、烤活魚、小菜等等（仲有好多餐牌…）。家鄉炒米粉 （HKD 68)本來想食鐵板水晶粉，但老闆大力推介話佢地個家鄉炒米粉好好食，所以就試下。佢既配料有辣椒、餐肉、蛋、菜絲等等家常材料, 睇落好普通所以冇咩期望……嘩，點知老闆真係冇介紹錯！米粉炒得夠乾身有鑊氣，加上唔油膩，食落每條粉絲都好爽口，調味都夠香好惹味！加埋配料食，口感更豐富！再者有芝麻鋪面，令到整體香氣更有層次！勁香口搞到我食左大半碟（因為要留番少少俾朋友食）。重慶辣子雞 （HKD 88)作為一道重慶名菜, 滿滿既辣椒乾多到就快淹沒啲雞肉就係佢既特色！我同食大辣既朋友睇見都好興奮 炸過既雞肉口感酥脆，係香氣十足既辣椒乾同花椒既雙重刺激下，辣得好過癮！加埋好多炸到脆卜卜既花生，香氣更有層次，整體麻、辣、鹹、香！呢碟用黎送飯真係超正！。孜然寸骨 （HKD 108)有大量香料同辣椒鋪面，上碟已經香氣撲鼻。入口果然好惹味，味道咸香微辣。加上肉質脆嫩爽口，唔會黏牙，稍稍用力已經可以”骨肉分離”，啖啖肉又唔會食得好狼狽！同埋完全唔油！。農家小炒肉 （HKD
食物好多選擇，有雞煲、烤活魚、小菜等等
（仲有好多餐牌…）
。家鄉炒米粉 （HKD 68)
本來想食鐵板水晶粉，但老闆大力推介話佢地個家鄉炒米粉好好食，所以就試下。
佢既配料有辣椒、餐肉、蛋、菜絲等等家常材料, 睇落好普通所以冇咩期望……嘩，點知老闆真係冇介紹錯！米粉炒得夠乾身有鑊氣，加上唔油膩，食落每條粉絲都好爽口，調味都夠香好惹味！加埋配料食，口感更豐富！再者有芝麻鋪面，令到整體香氣更有層次！勁香口搞到我食左大半碟（因為要留番少少俾朋友食）
。重慶辣子雞 （HKD 88)
作為一道重慶名菜, 滿滿既辣椒乾多到就快淹沒啲雞肉就係佢既特色！我同食大辣既朋友睇見都好興奮 炸過既雞肉口感酥脆，係香氣十足既辣椒乾同花椒既雙重刺激下，辣得好過癮！加埋好多炸到脆卜卜既花生，香氣更有層次，整體麻、辣、鹹、香！呢碟用黎送飯真係超正！
。孜然寸骨 （HKD 108)
有大量香料同辣椒鋪面，上碟已經香氣撲鼻。入口果然好惹味，味道咸香微辣。加上肉質脆嫩爽口，唔會黏牙，稍稍用力已經可以”骨肉分離”，啖啖肉又唔會食得好狼狽！同埋完全唔油！
。農家小炒肉 （HKD 78)
肉片肥瘦適中, 帶點軟骨，食落口感豐富！配搭青椒炒，辣度較温和，入口先有青椒既香氣，再食到豬肉既甘香！加上芝麻，令整道菜既香氣又昇華！
總結：小菜好夠火候，川菜既麻、辣、香 勁突岀，加上不油膩 一定會再幫襯！
張貼
