有口福

營業中

休息中

九龍城呢間小店《有口褔》絕對會令你回頭，酸菜魚係首選，小菜都值得一讚。呢度聘請正宗四川師傅，落完單，聽到裏面嘅鑊氣聲，舐舐脷等食。酸菜魚(少骨)~ 呢度嘅招牌菜酸菜魚真係好值得食，上菜時已經聞到香噴噴，魚帶少少骨，食落更香，魚肉夠滑，配菜除咗酸菜，仲有芽菜及筍片，水晶粉索曬湯汁更加美味。肥豬仔午餐肉~食酸菜魚唔係乜都可以加，酸菜魚味道同午餐肉都好夾。鮮沙薑炒雞~即叫即磨新鮮沙薑，好有誠意，雞件炸香，然後加入配菜落鑊炒，炒得特別香口。炸普寧豆腐~即叫即炸，外脆內軟，呢個豆腐特別軟滑，配一個高湯加少少韭菜粒，味道特別可口。店員非常友善，殷勤招待，有耐性也樂意解釋餐牌，欣賞！

🫶🏻九龍城除咗泰菜之外，亦都有幾間出名嘅中菜，川菜菜館等等，今次嚟到呢間朋友介紹、名叫有口福嘅川菜館，一試雞煲同火鍋嘅味道 👅👅🔹 麻辣雞煲天氣轉涼，就忍唔住想試吓食刺激麻辣嘅雞煲暖暖身，今次點咗個中辣試吓 🌶️ 熱騰騰冒住熱氣嘅雞煲，一上枱就散發出陣陣麻香味，煲內有不少雞肉及洋蔥，熬煮後十分入味。開頭食只係覺得少少麻，但越食辣度會慢慢累積，真係好刺激，食到出晒汗 😂 不過伴飯食加可樂一齊飲，同朋友閑聊間不知不覺就食晒啦～ 🥰🥰🔸 水魷朋友堅持要點份水魷落雞煲煮黎食，其實本人從來都未食過，不過見佢堅持就試吓啦～一碟水魷份量不少，餐廳早已將粉嫩嘅水油切成一條條，放入雞煲煮後，件件彈牙爽口，口感相當特別 😇🔹 手切肥牛店員介紹是日靚牛，將肥牛加入雞煲滾，麻辣香口，口感柔軟，牛味頗濃郁，店員果然冇介紹錯，呢份肥美相當好食 😋😋😋🔸 手撕包菜最後點份手撕包菜補充下纖維 🌱🌱呢度菜炒得有鑊氣，帶有少少甘甜辛辣，卷心菜口感爽脆 👍🏻🔹🔸🔹🔸🔹🔸🔹🔸🔹🔸🔹🔸 有口福 (九龍城)📍九龍城打鼓嶺道15號地舖💸 ~ $500 / 2人

來到九龍城不一定只有泰國菜！ 之前常常聽朋友介紹過這間中餐館性價比很高！今日終於有機會經過去吃！地方不算大，有懷舊風味，而且食物選擇多！有酸菜魚，烤魚，小炒，有辣有唔辣任君選擇！今日我們點了1. 麻辣無骨黑雞腳平常見的雞腳白色多，很少看到黑色，所以試試，酸酸辣辣很開胃，而且還要無骨，食落好爽快！2.蔥爆螺肉蔥爆肥腸就常常見，第一次見炒螺肉，就很想試！價錢不貴份量十足，淡淡螺肉！感覺比葱還要多！ 正3. 孜然寸骨喜歡食孜然一定會叫，條條寸骨上灑滿了孜然，咬下很有口感4. 大盤花菜吃了很多肉，一定要有菜平衡一下，大大盤菜滿足5. 糖拌蕃茄由於開胃菜很辣，就問店家有什麼解！老闆就介紹食甜嘢，所以我們就點了糖伴蕃茄！又健康又解辣，很多地方已經沒有這道菜，現在吃很有兒時回憶。而且食飯途中看到很多人進來點酸菜魚及水煮魚外賣，我估一定很好吃！下次來一定要試試！ 還有烤魚都很吸引！

之前黎食過覺得食物勁惹味而且性價比好高，特別係家鄉炒米粉真係一食難忘！今日介紹左個中意食辣既朋友一齊黎晚餐我地大約夜晚6點半去到，好好彩唔洗等位，今日係平日，但7點左右已經座無虛席，非常受歡迎！菜式有好多選擇，有辣有唔辣，例如涼菜、雞煲、樟茶鴨、烤活魚、粵式小炒、川湘小炒等等……。家鄉炒米粉（$78）可以選辣度，配料主要有午餐肉、蛋、椰菜絲、紅蘿蔔絲等等。睇落好普通既家常材料，但米粉炒到夠乾身又有鑊氣，食落每條米粉都爽口彈牙，調味好香好惹味，而且完全唔油膩！配埋唔同既食材同芝麻，口感同香味好豐富。估唔到簡單既食材係可以整到咁好食，真係顛覆左我地對炒米粉既認知$78又好食又大大碟，性價比爆登。酸菜魚（少骨）（ $198）上碟我地嚇一跳，因為超大碟，感覺比炒米粉大3-4倍，而且碗底好深！ 魚份量勁多，肉質好鮮嫩好滑，完全唔腥。酸菜同大豆芽口感爽脆。我地叫左大辣，整體食落唔油膩，味道又夠酸又夠辣又有麻痺感，非常惹味開胃。。脆椒雞軟骨（$98）我地都係叫左大辣辣椒同雞軟骨都炸到好脆好香口，真係脆到坐對面都聽到！食落雞軟骨有口感，無炸到乾或者覺得油，味道咸香又辣，惹味香脆令人忍唔住一啖接一啖！總

剛去完中國四川九寨溝遊覽, 愛上了吃川菜, 朋友住九龍城, 今晚帶我去     吃晚飯回味一下,  真開心.交通好方便,  乘地鐵由宋皇臺站出, 行三分鐘. 餐廳有兩層, 客人也很多, 必要先訂位. 天氣熱,  大家先叫了飲品:  竹蔗茅根精, 天地壹號蘋果醋, 冰涼順暢,  好飲.  再看餐牌. 牆上彩照, 食物款式多, 點餐無難度, 餐牌內有詳細介紹,  鮮活魚,  雞鴨, 可辣可走辣牛羊小炒,  蔬菜, 粉麵...............價錢中等.先叫了開胃菜,   干煸四季豆,四季豆味道清甜, 口感爽脆, 連同肉碎及蒜椒炒, 香口惹味！接著送來招牌菜, 我們喜歡的  酸菜魚,   大大碗, 滿載金黃色的食材, 好豐富.   選了魽魚,  走辣.  魚肉夠大塊,  份量足, 魚片味道鮮,  魚肉結實,  已去骨, 魚皮爽口彈牙.大家吃一口魚片, 再吃口配菜,   配料好入味, 增添口感.  酸菜, 芫荽, 荀, 芽菜, 粗粉絲, 薯粉, 味道好滿意.   紅薯粉煮得啱啱好, 吾會太稔, 粗身滑溜, 質感煙韌,  配湯同吃, 好食.樟茶鴨   好食而又不辣的四川名菜.   我們叫了

眾所周知九龍城應該都係食泰國菜出名而係芸芸嘅泰國菜 朋友竟然帶我去食川菜食完之後覺得有驚喜！價錢唔貴，份量大大份！最重要係好食！會回頭再食🫶🏻酸菜魚 有兩款選擇 一款係普通啲嘅魚而另一款就係龍躉雖然我哋揀咗普通啲嘅一款但係魚質感好滑🫶🏻而入邊有滿滿嘅水晶粉同萵筍真係吸晒酸菜魚汁 好入味！而呢一個酸菜魚湯，亦唔係好油 （感覺上冇咁邪惡）酸度啱啱好 唔會偏鹹 （但個人鍾意食辣可以再辣啲😂😂😂）份量仲要好大份CP值好高！口水雞有半隻咁多嗰張麻辣適中！肉質都幾滑雞件大大舊 食落口啖啖肉👍🏻👍🏻👍🏻👍🏻👍🏻手撕包菜呢一個，我覺得味道比我平時喺出邊食嘅酸少少 但係冇咁辣 好開胃

九龍城最出名係食泰國菜，但酸菜魚原來都唔差！呢間雖然唔係好新淨，野食都抵食又大份架~· 酸菜魚 $198份量都幾多！有啲冬粉、荀片同芽菜，所以都會飽肚~同埋都好入味！有得揀貴啲嘅魚，不過就叫返魽魚~肉質會實啲啲，因為係出面食過酸菜魚啲魚肉係好散🥲魚肉都嫩嘅，同埋除咗無骨魚肉，仲會有埋魚頭個啲！係非常足料~同埋可以加啲火鍋配料落去，不過我想食其他小菜🤣🤣· 脆椒雞軟骨 $98炸得好香口😍雖然有大量辣椒，但都唔會勁辣，每粒雞軟骨都好大粒！· 韭菜花炒雞腎 $98份量唔少，整體調味唔錯唔會過咸，不過我覺得雞腎應該無額外醃過所以就咁食會有少少唔夠味但口感爽脆而韭菜都唔會好老有渣· 酸辣腰花 $98我覺得呢個同我想像中有啲出入🫢，好似唔夠野味🫣因為以為佢係乾炒但原來係濕炒有芡汁~不過豬腰個口感係唔錯！唔太淋最重要係無怪味！！因為內臟嘅話有怪味就會唔好食😛🍽 有口福 | 九龍城📍 九龍城打鼓嶺道15號地舖

今晚約左老友去九龍城拎手信順便一齊食飯，今次介紹我一間好抵食小店，近富豪東方酒店附近，地鐵宋王臺站又方便，一流👍🏻蟲草花胡椒豬肚雞湯😍上枱已經聞到香噴噴，份量是料，蟲草花營養價值高，增強抵抗力，豬肚爽滑，黃雞件足半隻又不會太韌，，雞肉吸入胡椒湯味更香，湯底甘醇鮮美，真心自己都飲左大半鍋，越飲越有味道辣子田雞-上碟已經聞到辣辣味道，田雞都幾多，炸後更香口，味道鮮味，辣味道剛剛好，辣而不燥，美味九菜花炒雞腎-九菜花香口，所以簡單咁同雞臀炒都已經係好拍檔，雞臀爽爽脆脆的口感，放入口勁有咬感，滋味到不得了，一口接一口最後加多一罐加多寶，正

去到土瓜灣，真係好多食店，小菜，泰國菜，火鍋等等多不勝數。近打鼓嶺休憩公園附近的這餐廳就係我今日的目標。 依間除左酸菜魚出名，小菜都好正！酸菜魚正宗酸菜魚的湯，酸、麻、辣都表現到，另外魚肉大大件,數量都不少,肉質夠嫩,。入面o既水晶粉索晒d湯汁,配埋酸菜食非常夾姜蔥魚扣夠曬鑊氣,魚扣口感爽彈,又有D魚PORK煙煙韌韌,調味偏濃,非常惹味，送飯一流炒水晶粉因為我地唔係好食得辣,叫左少辣,味道岩岩好,水晶粉又好彈牙! 有肉碎同芝麻另水晶炒唔單調

依家嘅九龍城除咗有泰國菜仲有極多唔同國家嘅菜式，真係百花齊放🤩，呢日朋友🧒🏻約我喺九龍城食飯，就帶咗我嚟呢間川菜+港式小炒嘅小店開餐🤩$88「韭菜炒河蝦」：韭菜新鮮爽脆，顏色嫩綠；河蝦🦐細細隻、份量有好多，河蝦🦐成隻連殼，感覺食咗好多鈣質落肚🤩$88「農家小炒肉」：用咗半肥瘦嘅豬腩肉，所以好甘香😋，同埋青辣椒一齊炒，辣辣哋，惹味又開胃😋$148「薑蔥魚扣」：呢個菜似乎唔係好多地方有得食，見到有就梗係點啦🤩；魚扣爽滑得嚟有啲煙靭，加大量薑蔥一齊炒，香口好食😋$108「椒鹽魷魚鬚」：外邊嘅脆漿非常鬆脆，裏邊嘅魷魚鬚結實煙靭，又係香口好食😋$20「津路烏龍茶」：完全唔甜，配合濃味嘅食物好夾😋呢度嘅食物全部都大大碟，真係抵食🤩

好耐未試過同同事飯聚， 佢提議去九龍城， 但又唔想食泰國野...就搵左間餐廳入入到去都幾多野揀喎...食辣野嗌返枝啤酒先! 啤啤佢店員推介泰啤....果然係九龍城 泰國野集中地有趣嗌d 前菜，我就想食牛肉片，同事想食黑雞腳，個賣相好靚，有d 芝麻係試上面。加埋木耳同青瓜好清爽。 黑雞腳冇骨，咬落去脆脆地，唔錯。而牛肉片就不過不失，係以前係上面食既味道同口感哩個炸豆腐又係店員推介，其實佢仲推介埋大腸...不過同事唔食，所以冇得嗌個炸豆腐比想像中好食外面脆得黎入面勁嫩，又唔會散，超正好耐冇食的炒薯絲，成日想係屋企自己整，但永遠都整唔到係街的味道哩個又係正，辣辣地，又唔會辣到食唔到。好開胃，一個人食一碟都得雞煲熱辣辣，suppose係要嗌埋其他野打邊爐...但食埋入面半隻雞，都飽了，嗌唔到其他神奇地服務費係每人十蚊...有趣

還記得幾年前還未帶口罩時，嚟過一次食酸菜魚，今次同朋友再來，發現小店味道依然出色之外，仲比以前多咗好多特色小菜，今次令人大快朵頤。酸辣腰花$98雖然喺內臟，但食起嚟口感及味道一啲都唔似，腰花類似豬潤，但口感比豬潤更堅韌，亦沒有內臟的腥味，而且用酸筍及酸辣汁去炒，酸味突出，辣味慢慢滲出來，爽口惹味，而且食得出大廚爆炒的火喉好夠鍋氣。韮菜花炒雞腎$98大廚炒得夠鍋氣，將韮菜及雞腎炒得夠哂入味，呢碟小菜唔辣嘅，就係夠香口，而且雞腎質地脆口，味道鹹鹹香香，佐酒一流。水煮魚$198水煮魚用魽魚煮，入面有好多芽菜及薯粉，魽魚比較多肉少骨，而且好有魚味，魚肉已拆骨一大件的，一件放入口分兩啖先食得哂唷! 水煮魚酸多過辣，令人食到口水流，食完一啖接一啖。

🌟酸菜魚 💰198魚肉新鮮，鮮嫩多汁，而酸菜則帶來一種脆嫩的口感，與魚肉的柔軟形成美妙的對比。配料亦相當豐富。有薯粉、芽菜、酸菜，使得口感更加豐富多樣。🌟辣炒土豆片 💰68土豆片外酥內軟，炒製得恰到好處，土豆片酥脆可口，給人帶來愉悅的咀嚼感。辣炒土豆片的辣味和鮮香太能刺激食慾了，我太愛了！超推薦這個！🌟辣子雞 💰88辣子雞的雞肉經過炒製後，外酥內嫩，肉質鮮嫩多汁，入口即化。花生足夠多！正！香辣誘人、口感鮮嫩和酥脆，非常適合作為下飯菜！

住九龍城嘅朋友，介紹咗依間餐廳好多次，今日終於約埋屋企人一齊來試試😎雖然餐廳好似比較舊，但晚飯時間，都幾多熟客仔，睇嚟好受街坊歡迎👍🏼價錢都幾大眾化非常推薦！蟲草花胡椒豬肚雞個湯好好飲！好濃，胡椒味突出豬肚軟林林，又好入味，好食！半隻雞嘅份量，兩個人食都差啲食唔晒！又可以飲湯，又可以啖啖肉，正！炒米粉以晚飯時間，想叫個炒粉麵share，呢個米粉性價比超高，$78大大碟！鑊氣十足，米粉彈牙，配料都幾多，唔錯嘅選擇！清炒高笋絲萵筍絲真係非常適合夏天，清新清爽其他嘢食都比較濃味，叫一個清炒嘅蔬菜，就啱啱好😎椒鹽九肚魚分量比想像中多！九肚魚唔係一條條，係已經切好一件件，所以炸粉脆卜卜嘅範圍就比較多，熱辣辣，份量咁多，真係超滿足！夫妻肺片又係比想像中大碟👍🏼👍🏼辣味調校得幾好，唔會太嗆整體來講，食完之後都明白點解朋友極力推薦🤔經濟又實際，份量又多👍🏼👍🏼

鍾意食辣的，就會經常都會心血來潮想食辣今日忙到全日都未食嘢，當然要食啲自己鍾意食嘅嘢補償番所以就揸車過嚟食呢間嘅水煮魚，之前有朋友推介過呢個價錢一啲都唔貴，因為係好大份量㗎仲可以加唔同嘅火鍋料，師傅就會煮埋一齊我哋就加左萵荀，其實仲有鴨血、豚肉片、肥牛、牛腱……不過我哋唔想食咁多肉，就淨係加左萵荀，係最夾嘅配搭麻味&辣味都好夠，而且越食越辣魚塊大大件，肉質非常肥美，呢盤水煮魚真係足夠3個人食‼️辣炒土豆絲呢個當小食食真係不得了，會令人食唔停口㗎