朋友在理工讀書，去黃埔那邊食也是很方便，他想吃素食， 唯有找間比較有名氣的素食 餐廳比較新潮， 裝修較簡約。 餐牌也是很清晰，雖是素食，但有泰式，日式，美式的煮法。有很多選擇。 我和朋友選了兩個主食，一個小食，大家分來吃 泰式東蔭功意粉 意粉有咬勁， 醬汁香濃，泰式風味令人想一吃再吃 不可能炸雞塊 是用不可能肉(impossible meat)作做成的，炸得香脆，味道與一般的雞塊差不多，是比想像中好吃。 素食全日早餐 份量看起來很壯觀， 有菜有菇有素蛋有麵包有豌豆。素蛋很有趣，看起來像煎蛋。 吃起來很有滿足感。 餐飲的凍伯爵茶很有趣， 第一飲凍的伯爵茶 朋友的本地薑燕麥奶很夠薑。

同長老係銅鑼灣食飯， 都係要酒樓先攪得掂。 搵間靚小小， 又抵食嘅就啱哂佢地心水。 個鋪面裝修得靚， 啱哂老人家心水。 有stage有樓梯， 老人家話啱哂擺酒，，叫我要擺係到擺 去到聽到咋咋聲， 睇黎好多人都嗌左白胡椒蟹，我都嗌返隻先 個胡椒蟹真係勁大隻， 鐵板上，咋咋聲勁吸引。 個蟹鉗成個手板咁大。。勁開心 拆出黎， 勁多肉。 先講肉質，肉厚實唔會散，一定是新鮮蟹。 白胡椒汁勁香， d味沁到入蟹入面， 帶出蟹鮮味。 是正的。 同場有人想嗌都嗌唔到， 原來最好要早一兩日訂先有得食。 另外嗌隻乳鴿，68 蚊唔算貴。 炸得香脆， 肉又夠味。 也是正 再嗌多個薑蔥蠔雞煲 薑絲大大條， 好有趣 蠔大大粒，薑蔥汁好惹味，雞肉都唔會鞋，送飯一流。 最後老人家食得滿意，話要下次再黎

今日行過先達 突然又想食泰國菜 見價錢相宜，就入左去。 間餐廳有二樓, 裝修都幾地道 兩個人, 有二人餐， 但今次就想散嗌 一個香葉炒河,材料好豐富， 係我鍾意嘅粗身泰國河粉， 有炒過嘅香味，少少辣，幾惹味 泰式海南雞飯，無骨，大大份， 係黃油飯，有辣汁， 其實正常人真係食一碟就飽。 豬頸肉炒椰菜苗， 都係份量十足， 有炒過嘅蒜香味，豬頸肉都多，椰菜蕃唔會苦， 幾好。 蒜香牛油雞翼， 份量又係想像中多，一上碟果陣好香蒜味。 炸到金黃色，賣相吸引。 芒果糯米飯大大份， 有成個芒果 d 汁夠濃， 掛到去d 飯到。 overall:抵食夾大件

就算去完日本， 都係心思思掛住日本嘅居酒屋。 今次朋友就帶我去間充滿日本風味嘅本地居酒屋。 裝潢真係好日本，好適合一班人一齊飲酒傾計。 兩個人, 照慣例嗌左野飲飲先 野飲大大杯 我果杯成塊菠羅， 夠哂豪邁。 而朋友果杯就有粒粒蜂膠，幾特別。 前菜就嗌左個牛油果漬。 牛油果加醬油，食落會似拖羅， 牛油果夠creamy, 食落又真係有d 魚生嘅感覺。 明太子蛋捲，，咦 三角形嘅？ 未見過。。亦諗唔明點整 食落有蛋香，入面明太子亦足料 值得一試 哩個三文魚層層疊有d suprise 即場火槍燒 燒香左個面， 更加令人食慾大增 三文魚，青瓜小卷，魚子，芝士，mix 埋一齊食 勁香口。 靚靚刺身拼盤，擺得好靚之餘, 三文魚，帶子，油甘魚，吞拿魚，甜蝦。款款我都鍾意食。 刺身擺盤都有講究，有 厚切， 有捲成花。 是正的。 蟹膏甲羅燒配多士， 咸咸香香， 配多士香脆， 送酒一流。 清酒煮生蠔就真係正， 一路煲， d 蠔香，酒香慢慢飄出黎， 煲到個生蠔慢慢開口。 入面蠔肉嫩得黎， 又夠清酒味。 飲下酒，食下正野， 傾下計， 過下日本癮

新一年有新O既開始 又係時候約D 親朋戚友食下飯聚下舊 今次就約佢地去酒樓食下晚飯小菜 見到個4人餐好似幾抵, 一於就食4人餐 首先就上左個燒鵝拼叉燒皇 唔知今日點解咁好彩, 竟然斬左個燒鵝髀比我地,,真係孝感動天 叉燒夠淋, 肥瘦O岩O岩好, 燒鵝皮脆脆地, 食落有鵝香, 正 之後就有翡翠炒花姿蝦球, 翡翠原來係西蘭花, 蝦球大大粒, 花姿片份量亦足夠, 是正的 再有鹽擦鮑魚, 鮑魚SIZE 都OK, 肉質彈牙, 食落辣辣地, 幾香口, 都是正的 冇幾耐隔離有個店員煲緊一個瓦煲O既野...係咩黎O既呢.. 原來係濃湯雞煲翅! 個雞煲翅真係真材實料, 雞湯夠濃得黎, 魚翅大大梳, 淨係嗌哩個都夠正! 咕嚕黑豚肉, 脆脆地, 肉唔會鞋 濃湯灼時蔬就正常發揮 另外嗌左個蝦多士, 一人一塊 蝦多士大大塊, 炸得夠脆得黎, 蝦膠夠彈牙, 亦是正 最後埋單果陣估唔到會送糖水,,, 是紫米露, 有D 咬口得黎唔會太甜 大滿足!

為左預祝聖誕，今次就帶左朋友去間靚靚西餐廳鋸扒。 聞名不如見面，入到去見到個火爐景，加少少聖誕裝飾， 已經充滿節日氣氛。 咁啱今晚就係acoustic night, 襯happy hour, 飲住野，等聽歌。 買一送一，好似好抵。 即刻嗌返杯 朋友就嗌margarita, 而我呢，就嗌左manhattan .飲住野，慢慢揀野食，聽下歌。 今次就嗌二人餐， 食豪d 首先就餐湯，餐包同沙律 湯同沙律就正正常常。 餐包搽左牛油，焗脆左個面。 脆脆地，好香口。 淨係個包都感覺到誠意 嗌左個ribs 配薯蓉，大大份， 好開心 bbq 醬很惹味， ribs 亦夠淋身 薯蓉creamy 得黎有淡淡牛油香。 而薯蓉是free flow, 任嗌。 開心 free flow 薯蓉很開心 牛扒一份， 雖然要加錢， 但難得豪一次 粉嫩多汁唔會韌， 加錢都值。 話說今次配左chimchurri醬， 要自己整是有難度， 配牛扒就夠哂香口 當然， 薯條都係free flow 食住好野，飲住cocktail, 聽住live music , 開開心心， 輕輕鬆鬆準備長假期， 真開心

前兩日天氣開始轉涼, 同朋友係天后行行下就入左大坑 見到有間越式餐廳個門口幾有格調, 一於入去試試佢 間餐廳個名叫火車頭,, 無理由唔試下佢個火車頭湯河 個湯河上到黎, 大大碗, 有生牛肉, 牛腩片, 牛筋, 牛丸同埋牛百葉, 份量十足, 而香葉呀, 辣椒果D就另上, 可以夾返每個人O既口味 生牛肉浸到O岩O岩熟, 口感一流, 牛腩片入味得黎又唔會韌, 湯頭就夠哂濃郁, 河粉又夠滑, 是正的 嗌左個蕃茄牛腩麵 牛腩份量都唔少, 亦係好入味好淋. 個麵類似粗麵咁, 彈彈地, 配埋個湯一齊食, 是幾特別的 個軟殼蟹米紙卷賣相就是正, 食落脆脆地, 生菜都好新鮮 燒法國鵪鶉就真係第一次見, 第一次食 賣相就幾靚仔, 大細就同乳鴿差唔多大, 鍾意食乳鴿O既朋友都可以試試

今日試左間係天井O既隱世日式小店. 望望個裝修, 係有日式FEEL, 有深夜食堂FEEL. 門口寫住免費添飯, 咁就唔怕唔夠飽. 見到入面宣傳貓飯. 咁就試下貓飯啦 嗌左個手製芝士牛肉漢堡扒SET, 再加貓飯 個SET 有沙律有味噌湯有扒有貓飯有黑糖大福 蟹籽青瓜沙律幾清新, 味噌湯就正常發揮 個漢堡扒厚厚地,口感幾好, 唔會韌, 加埋芝士, 個口感仲豐富 而貓飯個味道咁特別, 第一次試牛油豉油撈飯, 有埋D 木魚片同紫菜, 口感更有層次 另外一樣就係天井牛丼, 有隻蛋黃係面夠哂搶眼 就咁食D 牛肉有D咸, 不過撈埋蛋汁同飯食就O岩O岩好 再EXTRA 嗌左個芝士吉烈豬扒, 炸到脆卜卜, 小小拉絲流心O既感覺 是正正的 店員送左碟OFF MENU O既燒雞骨腸比我地試味 個皮脆脆地, 有肉汁, 亦是好食的. 唔知下次黎到會唔會有得嗌呢?

是日陪朋友去灣仔睇裝修物料，行到肚餓，唯有搵下野食。 行下行下，見到有間漢堡店 就入左去。 餐廳唔算大間， 但可以睇到店員即製食物， 都幾有趣。 望落都幾多款下，薯條都可以揀唔同味。 先黎個cajun 薯條同啤酒 個cambo 可以直接揀啤酒，幾抵。 可以同朋友飲住啤，食住薯條等burger close up 個薯條先。。薯條份量都唔細，cajun 味， 即係大概係熱浪味咁上下，成個感覺就係熱浪味shake shake薯條，香脆惹味，送酒一流。 啤酒就正常發揮，夠凍夠爽。 傾傾下漢堡包都到了，一人一個， 唔使爭。 分別嗌左個魚柳漢堡，同埋芝士漢堡。 先講個魚柳漢堡， 魚柳大大塊， 芝士香濃， 整體食落唔會乾， 個包就係偏甜又夠軟， 啱哂我口味。 朋友嗌的芝士漢堡， 睇落都是正的，微溶的芝士醬，厚厚的漢堡扒，加埋生菜， 應該幾好食。

好耐冇入過誠品，原來開左間新野 企企理理，乾乾淨淨咁。 生蠔有好多款，愛爾蘭出，最平9蚊就有得食 係真唔係，等我試試先 想坐吧台果陣。。已經坐滿左。好彩店員解釋返， 原來public area 都可以坐。 即刻搵返個位，慢慢揀野先。 lunch set 都幾抵食， 有魚生飯，有夏威夷丼飯， 跟餐仲可以配一隻cooley babe 生蠔(+6 蚊) 先黎個夏威爾丼飯，今次揀左粟米，菠蘿粒，黃桃，牛油果同埋三文魚。 可以揀沙律底，或者飯底。啱哂d 生酮人士，可以走飯。 撈埋一齊食， 感覺幾fresh, 酸酸甜甜幾開胃， 加埋三文魚，有多重口感。 另外就嗌左海膽火炙左口魚丼，有大大舊海膽 ，仲有好多塊火炙左口魚 海膽大大舊， 食落好鮮甜，有淡淡海水味，撈埋醋飯食，仲正。 而左口魚燒過之後魚油更香，入口即溶咁。 而份量都比想像中多，是正的。 最後梗係唔少得就係嗌生蠔! 嗌左七隻， 大大盤冰底上， 視覺效果一流! 即刻變左全場焦點! 今次就嗌左兩款生蠔 有cooley babe 同n3 兩款 cooley babe 就真係幾抵食， 雖然比較細粒， 但都有淡淡蠔味同海水味。 而n3 就金屬味重d , 口感實淨d。 朋友就喜歡n3 我自己鍾意cooley babe 多d , 各有所好