星洲總廚 (大全街)

營業中

休息中

嚟過呢間餐廳食過幾次晚餐，決定要寫一篇食評讚下佢個炸豬扒🐷星期一至五有dinner set，我叫左豬扒喇沙，個set$64包湯或飲品。塊豬扒炸到岩岩好，好juicy又唔會太乾，而且份量非常多，喇沙味道都唔錯，唔會話好濃味亦都唔會太淡，又唔會話好辣，喇沙入邊仲跟左一隻半熟蛋，兩粒魚蛋同幾舊豆卜。仲有值得一讚嘅就係有一位男侍應真係非常有禮貌。不過我中午打去問當晚會唔會營業，接聽電話個位就非常冇禮貌禮貌，佢當時既回覆係”梗係開，開緊啦，點解會唔開”。。。其實而家疫情嚴重，真係有好多餐廳係唔做晚市，我只係打去問一問費事摸門釘但係就遭受到冇禮貌嘅對待。。

喺好短嘅時間內重臨大角咀! 本來係約咗朋友試另一間餐廳, 可惜又輸比附近嘅返工人士.. 只係12點已經企滿人等位, 呢區真係好旺! 😲結果由街頭行到街尾, 又帶咗朋友黎呢一間餐廳喇! 今日好多人, 等位耐過上次, 好彩得兩個人容易少少! 😝Set lunch咁多嘢揀, 上次食完雞飯今次要試另一款熱門菜式... 好大塊豬扒! 我同我朋友一人叫咗一份 豬扒炸得好香口, 炸粉唔算厚, 醃得好入味, 食三塊已經夠晒飽叻沙個湯都好重椰香味, 有糖心蛋, 魚片, 芽菜, 豆卜, 呢份厚切豬扒叻沙係受歡迎嘅, 睇見餐廳入邊八成客人都有叫呢碟, 抵食夾大件, $64 set lunch 抵!

近排多左係大角咀食野發現都幾多抵食既小店當然都係繼續支持黃店💛——————————————————————肉骨茶既湯料十足湯底係以馬來西亞既做法中藥味滿滿，但唔會太重藥材而難以入口肉排亦滲有濃濃既湯味另配上大大油菜n白飯！飽肚燒出黎味道幾香口沙嗲汁內有大大粒花生沙嗲味不會太辣但油多了點而個人覺得肉質有小小韌個人十分喜歡尼個咖央多！味道相比係新加坡食過的更合我意咖央醬既椰漿味十分適中麵包烘得岩岩好，十分脆身重點咖央醬上夾有整片牛油中和咖央既甜邪惡但好好食叻沙既顏色幾靚但湯底唔太夠味道，椰香味重點會更好魚蛋都算彈牙米線口感還不錯另配以厚切豬扒！飽肚感十足而且超厚肉，肉質紮實得黎彈牙抵食一杯凍一杯熱甜度適中吧

近手年大角咀多咗好多食店，經過一段時間某啲食店已經改頭換面，呢間主打星州菜嘅餐廳，第一次幫襯係食下午茶，因為覺得價錢唔貴，味道亦唔錯，所以再試吓晚餐。如果我冇記錯，初初開業時見佢餐牌上有胡椒蟹、蝦⋯etc，但而家好似冇咗🤔，換嚟比較大眾化嘅食材。今次叫咗咖喱羊扒同牛腩，其實咖喱味道唔錯，係牛腩唔夠＂淋＂，羊扒有啲羶；可能食啦沙會穩陣啲，唯獨是餐廳坐位太密，而且窄，會令食客感到唔舒服，反而影響生意⋯其實餐廳繁忙時間可以set用膳時間80-90分鐘，將每枱隔開少少⋯反正唔係fine dining 餐廳，大家都係食完嘢坐一陣就走，咁咪仲好。

呢個時勢就算啲野幾好食，服務差都唔會想再幫襯。服務唔係話講聲唔好意思就叫好，入去安排好座位都係其中一環，成日要調位，仲要搭枱同其他人膊頭貼膊頭。真心，唔會再幫襯！p.s.: 1.野食唔係特別好食，味道ok，牛腩韌。 2.職員全程令人精神繃緊。

在奧運做完運動，肚餓餓，要搵啲好野醫肚！係大角咀好多好野食，行行下見到餐廳幾多人，梗係入去試下！見到好多人叫set dinner,我都要試下！我樣樣都想試，最後叫左拼盤椰漿飯。有雞扒、豬頸肉同咖喱牛腩。牛腩好腍，咖喱唔太辣，幾適信怕辣的人。豬頸肉和炸雞扒就一般，不過份量好多，夠醫飽我朋友就叫左炸豬扒飯，豬扒值得一讚熱辣辣，炸得唔會好乾，好多肉汁，份量又係大大份晚餐送熱飲或老火湯，係紅蘿蔔粟米加肉，無味精見到好多人都叫泰式拉茶同肉骨茶，下次一定要試！

又多一個大角咀友同我食野啦😁呢間星洲總廚的確係幾多人幫襯 🎈2個人叫咗4樣野 食唔晒 都只需$2xx 十分之抵食個人認為 佢嘅豬排同喇沙都十分出色 咁嘅價錢咁嘅質素 值！

大角咀原來有好多餐廳，下午茶時間黎食仲好抵添😋單上面仲印住為香港人打氣說話🖤————————————————————雙蛋豬頸肉飯 $45 (4/5)(呢個價錢係下午茶餐價)太陽蛋煎到半生熟🍳一吉落去係爆蛋汁，蛋汁撈飯，正！豬頸肉唔鞋，帶有少少肥膏，有少少炭燒味🔥不得不提個汁好好味😋係暗然銷魂飯嘅汁！*跟餐仲會送一杯熱飲————————————————————小店價錢平之餘仲有人情味，見到服務員不時同食客傾計，特別窩心

每次來到奧海城，總會與友人來到大角咀吃這間的椰漿飯。每一次看他們家的MENU，最吸引我的依舊是椰漿飯，這個滿堂椰漿飯配料十分豐富，有南乳脆炸雞、咖喱牛腩、豬頸肉，一些花生和一隻流心蛋。個人偏好豬頸肉，因為它是爐燒過的，所以非常香嫩，而南乳炸雞則偏咸，吃一件炸雞要配幾口1飯；牛腩則嫌有些韌，咖喱汁是屬偏香甜的，送飯一流，花生是有炒過的，所以粒粒十分香脆。主角椰漿飯，充滿椰香味，不會過濃，真的每口飯啖啖散發住椰香，很讚。這碟飯可以算得上色香味俱全，賣相不俗，值得一試再試。是次與友人選擇跟配了熱飲，曾經亦試過他們家的跟配老火湯，依稀記得是十分清甜。每一次老火湯的種類都是不同的，所以，如果不想喝熱飲，選擇跟配老火湯，也是 不錯。

平日晚上光顧都人頭湧湧，超熱鬧。肉骨茶同雙拼雞都賣哂，好可惜，好想試😟男朋友叫咗椰漿飯，一上枱已經覺得賣相好吸引，味道亦對版。啲餸好好「撈飯」，男仔應該會輕易食哂。👍🏼我就叫咗炸豬扒喇沙。份炸豬扒真係好大件，感覺熱辣辣超抵食。食落唔算乾，不過炸粉薄啲會更好。至於喇沙湯底，我就略嫌唔夠濃。不過呢個價錢，我接受😂個麵仲有一隻溏心蛋/魚蛋/豆卜，足料！另外一提，杯美祿恐龍好岀色😃，甜度剛剛好。我細食，忍唔住飲哂成杯，都已經飽咗一半。😂

要數我覺得最好食嘅炸豬扒我一定會揀呢間位於大角咀嘅星洲總廚👍🤤其實我之前介紹過不過琴日又同一班朋友嚟呢度食，隔咗一排食物嘅質素依然維持到，不得不再介紹！😍👍呢度最出名嘅就係佢嘅炸厚豬扒飯，首先佢嘅份量係非常之大，一般女士一份應該食唔晒，我估計我食三份都飽哂，佢哋嘅豬扒有別於一般嘅日式炸豬扒佢唔會有麵包糠同埋好厚嘅炸粉，亦唔會有一般茶餐廳和冰室炸豬扒好勁嘅鬆肉粉味，佢呢度嘅炸豬扒只係有非常薄嘅粉漿，但係非常脆身，又可以保持到每塊厚豬扒多汁juicy 得來又非常之嫩，一點也不鞋，冇鬆肉粉但係啲肉又可以做到咁嗽藥嫩，點解嘅？？我覺得呢度嘅廚師真係處理厚豬扒嘅高手!👍真係要俾啲掌聲佢👏👏👏👏總之佢呢度嘅厚豬扒一定要食，佢可配唔同嘅汁可以有豉油汁，咖喱汁，變做肉燥溫泉蛋大碗飯或者配喇沙都得，價錢唔算貴由$60至到$68配左冇味精老火湯或者飲品, 入門級我建議先試佢嘅招牌甜豉油厚豬扒飯($60)，一試難忘👅我次次返嚟都係試佢嘅豬扒己很滿足😍______________________________店名：星洲總廚環境🏝：7/10服務💁🏼‍♀️：8/10 價錢💰：8/10食物質素🍝: 9/10 整

我諗好多住呢區朋友都聽過呢間野 我自己就間唔中lunch會去食，都係為左杯恐龍美綠大大力推薦比大家今時今日好難搵地方再飲到美綠了，重要加勁多粉，勁入味豬扒都相當入味同脆

印象中嘅大角咀從來都只係奧海城, 今日應朋友之約特登入嚟呢邊同佢食lunch, 開始我哋嘅覓食之旅😎由於朋友唔係好熟路嘅關係, 搵搵下路就用多咗時間行過嚟, 奧運地鐵站行過嚟大概要10分鐘時間。過到嚟已經過咗12點, 一啲小小嘅餐廳已經逼滿人, 要等位🙁眼見呢間餐廳比較多位, 就揀咗排佢, 今日就食星馬菜啦! 😋等左10分鐘左右可以入座, 我同朋友都係快手之人, 好快就決定到食乜.. 我叫咗個熱門海南雞飯, 個油飯好香 , 唔算油膩, 啲雞肉質都好嫩, 加$8可以食髀位, 我呢份冇加嘅 分量亦都好夠, 女士們可能食唔晒個飯㗎..朋友就叫咗個馬拉肉骨茶, 加咗$8要豆卜同金菇菜, 佢嘅評語亦都係非常正面! 總結: 可以再嚟幫襯!!

其實大角咀緊係多野食，午餐、晚餐要食暈每間起碼都要幾個月。。。。唔係誇張，係爆多食店！！今次去食呢間星馬餐廳，排長龍都要食，因為唔貴又高汁好味。今次點了海南雞飯 $65 轉雞脾加 $8. 貪佢啖啖肉又去埋骨，雞真係好滑，我配椰香飯，個飯好好味，夠椰香又唔會過份濃！份量正常， 絕對值得去試！呢個價錢私心推介！

馬拉肉骨茶 $68 肉骨茶有杞子，藥材味較重。肉骨🍖夠淋，易咬，但唔算太入味。附帶既黑醬油微辣🌶整體而言，中規中矩，唔太驚艷🐒 生菜🥗口感爽脆，煮得唔油！平時好驚出街食菜，因為會好油，哩到完全唔會🤩厚切8安士豬扒叻沙 $64厚切豬扒🐽豬扒厚度十足！係名乎其實既厚切豬扒~炸衣好薄，肉質鮮嫩，口感軟淋多汁😍豬扒醃得夠耐，直接食都夠曬味~做得幾好，有驚喜✨差唔多每台客都食緊厚切豬扒飯或者豬扒叻沙就知應該唔差😋 叻沙🍜湯底椰香味十足，夠惹味！米線較淋，質地軟滑，掛湯力頗強，會令人食到停唔到口，一啖接一啖咁吸入😙 配料有溏心蛋、豆卜、魚片同芽菜溏心蛋🥚質地較軟，流心效果一般，唔算入味豆卜唔夠吸湯魚片彈牙芽菜偏淋，可更爽脆🧐整體而言，食物味道唔差，份量十足，值得一試🍽