星洲總廚 (大全街)

營業中

休息中

今天在大角咀見到好多人等位埋去取位試吓、午餐海南雞飯好滑好味、咖哩厚切豬扒好鬆化、下午茶時間再去試下午茶餐鲜油央多好抵食！叻沙米線味道幾好！呢個時間人客比較少！下次有時間再去食過

又去左大角咀星洲總廚一星期去2次咩玩法今次叫左滿堂椰飯跟凍奶茶（好多餸，有豬頸肉&豬扒& 印度咖哩牛腩， d肉都煎到好脆口🤤d肉多到食唔晒）新加坡咖哩豬扒 轉跟薄餅 加$10（豬扒好厚好正好juicy，必食👍👍👍平時我唔食豬扒，因為好多都又薄又鞋口，呢個一定要再食！ 呢個餐跟咗啲蔬菜感覺上健康啲平均啲；個三色奶茶👍奶茶加上椰糖感覺不一樣！）抵食🥰🥰#黃店 #黃金戰士 #掃黃 #黃色經濟圈 #每日一黃店

【 不過不失星州總廚 】Lunch唔想煮又落樓睇下附近有咩食，經過星州總廚見到入面的座位已經畫分好，隔住一張唔俾人坐，人流唔多，所以都幾放心堂食，佢地仲將餐具用有蓋的盒好好儲放。我地點了兩個午餐，一個小印度咖哩雜菜羊扒配烤餅， 一個爐燒豬頸肉叻沙。小印度咖哩雜菜羊扒配烤餅配凍奶荼，咖喱味道唔錯，咖喱有小小辣，羊扒有小小羶，啱晒鍾意有羊羶味的人，烤餅就一般，有小小硬，同埋份量太小，得兩塊。爐燒豬頸肉叻沙配老火湯青紅蘿蔔中湯。，叻沙湯底十分香濃，椰香味重所以唔太辣，食唔到辣的我都接受到。爐燒豬頸肉燒得都算剛剛好，唔乾身，但味道我不太喜歡。

當時臨搬離開大角咀嘅時候開好可惜開得咁遲😭我係一個濃味人非常愛東南亞風味呢間餐廳一試愛有水準之餘CP值極高事關今日要去“走肉朋友”攞黃糉💛就黎食個tea“魚3寶叻沙”$45（兩粒普通魚蛋&兩粒白魚蛋&兩粒豆腐卜&兩塊魚皮）叻沙湯好重椰奶白魚蛋都好濃味平時出去食開冇咩味（之前食過海南雞/肉骨茶/農夫包全部都好正，值得再encore)四眼哥哥好有禮貌又會提小心枱邊夾手👍**低調黃店

Our 🖐🏻☝🏻long weekend is all about spending our money “wisely” in the right places!! We were out and about and came across this Singapore restaurant! The food is super yummy, efficient and polite staff! The fried chicken and pork cutlet wasn’t oily at all, it was light and crispy on the outside and tender on the inside. A very refreshing, satisfying plate full of food! Must try!

💛厚切豬扒真係不得了😋·🍜招牌厚切豬扒叻沙（$64）豬扒份量多！炸到剛好口感唔鞋😋一致認為絕對會因為豬扒再encore 🤩我對喇沙一般喜好.最吸引係半熟蛋🙃😆·🍚馬拉肉骨茶配飯（$68）追加了豆卜及金菇菜（+$8）真係超級想念馬拉肉骨茶😣見到即刻點左～味道中規中矩.唔算正宗但可以止住癮先🤪大食仔第一次飲就覺得好不錯～·🥬魚湯娃娃菜（$33）清清地👍🏻👍🏻👍🏻👍🏻·🥣老火湯（跟餐送）勁足料！·📍星洲總廚大角咀大全街57號地下

適逢聽日就係假期，我本身係返夜班嘅，咁我見佢 10:00先閂門，就決定晚上9:00嘅晚餐時間去食呢間餐廳。其實我之前都食過一次，但係當時因為同另一個走咗嘅同事一齊食，就因為冇好好咁樣仔細品評過佢，所以今次呢個食評都唔會加入上一次食過嘅嘢落去嘅。咁我今次個朋友好好人呀，佢專登走來搵我食晚飯，咁我就推介過呢間餐廳度食啦，朋友就叫咗個星加坡喇沙，個喇沙其實係足料嘅，見到上面都有魚蛋，一啲海鮮等等，但係驟眼望落去我略嫌佢金邊粉嘅份量唔係好多，但係反而啲芽菜會多啲，但係一般喺香港食過嘅餐廳好多都有呢個嘅情況出現，唔知係唔係因為我自己個人觀感定係點，就硬係覺得佢啲金邊粉嘅數量就唔係好多，但係如果金邊粉可以轉油麵（因為我係油麵愛好者）嘅話我諗我當時都係會揀返食喇沙嘅，我都有試食過幾啖嘅，就覺得佢嘅喇沙椰漿味道濃厚嘅，另外都食得出其實啲香料味都好足夠嘅，但係我覺得佢嘅辣可以再多少少，咁樣嘅話個喇沙就Perfect啦，因為我見其他網友都話佢個喇沙係好食嘅，咁呢個觀點我都同佢哋係一致嘅，所以我覺得佢個喇沙唔敢講話係全城最好食，因為我食過有其他嘅喇沙係好食過呢間嘅，但係我覺得可以作為一間午餐之選，因為畢竟佢

以前十分愛吃位於勝利道的一家海南雞飯，雖然之前水準下降，但偶爾也想吃下，可惜結業了一段時間。下班回家，突然想吃海南雞飯，就想起星洲總廚！之前來吃過喇沙，味道不錯，這次可以試試海南雞飯。海南雞飯餐跟老火湯或餐飲，老火湯火喉不錯，少味精。海南雞十分嫩滑，而且沒有紅色生肉，有雞味。醬汁除了海南雞專用甜豉油，還有薑蓉及辣醬，可以每咬雞都沾不同醬汁，各有特色。雞油飯有油香不油膩。大角咀美食有得多，一路走走總會找到好食的。

好味到痴線嘅「厚切炸豬扒」!好味到痴線嘅「厚切炸豬扒」!好味到痴線嘅「厚切炸豬扒」!區區一個下午茶, 一個35蚊嘅「招牌厚切炸豬扒出前一丁」配即磨咖啡, 想點?! 個豬扒好味道到痴咗線!!! 究竟要點整先可以整到咁好食? 真正啲外脆內滑、又淋又軟癸多汁; 而且肉質鮮美, 充滿豬肉香味!走入依間食店, 純粹係隨便路過、搵嘢食。係緣份嘅安排: 現今香港搵嘢食, 普通食肆根本好難遇到有心嘅好廚師。- - - 其他食物都出色: (1) 老火湯: 正, 溫馨, 家嘅味道。(2) 星加坡咖央多: 似樣, 但可以再濃味啲。(3) 涷奶茶: 好飲, 好香茶味, 亦好香糖味。(4) 即磨咖啡: 正常。(5) 爐燒豬頸肉煎雙蛋飯: 無得頂! 豬頸肉香脆, 有如义燒; 配以海南雞飯嘅「 傑醬油」, 非常開胃。服務一流, 有禮貌。地方舒適寬敞, 乾淨企理。依啲食店, 要不停幫襯!

今日友人載 P san 同我一齊黎到大角咀搵食, 本來想食另一間, 但因為疫情關係, 嗰間餐廳只做外賣, 所以轉咗嚟喱間試吓。喺餐廳門口拎飛仔, 等咗大約 15 分鐘就有位, 入去之前, 店員用探熱器幫我地量體溫, 再為我地帶位。 餐廳用屏風隔開每張枱, 枱與枱之間距離亦很寬闊, 坐得一啲都唔迫夾。坐低咗, 我同 P san 每人點咗一個晚餐, 一個馬拉肉骨茶套餐, 一個滿堂椰漿飯拼盤, 一杯紅豆冰同一杯三色奶茶, 我哋仲同友人點咗 8 串串燒同一個咖央多士 share 食。首先嚟嘅係 P san 點嘅三色奶茶, 最頂層係奶茶, 第二層白色係淡奶, 最底嗰層係椰糖, 飲落茶味濃, 可能因為用椰糖關係, 有一種同另外一啲餐廳唔同嘅味道同風味。跟住就到咖央多士, 咖央好香椰香同有少少蛋味, 唔甜, 仲新鮮整起, 熱辣辣, 唔算烘得好脆, 但佢配埋每塊都有一小塊鮮牛油, 更香更好味。到 P san 點嘅滿堂椰漿飯拼盤, 拼盤包括香茅雞肉, 咖哩牛腩同埋燒豬頸肉,  有小小失望嘅係因為無椰漿飯, 所以轉咗油飯。香茅雞肉係炸嘅, 炸得非常香口, 亦有好香香茅味, 雞肉 juicy 又入味; 咖哩

來到大角咀原本想食個間台灣便當，點知太晏做完午試就轉食另一間黃店🤪 呢間就主要食星州菜！佢環境有啲似一般茶記，但菜式就係馬拉同新加波菜咁😀 咁一場來到梗係要食下個叻沙啦！-我就叫左個豬頸肉叻沙，想講佢真係我食過最多餸的叻沙😂有成8舊豬頸肉，每舊都燒過超香，仲要醃得好入味，面頭又有蜜糖🤤 每舊都好厚好滿足！到碗叻沙，竟然有一隻蛋，四五舊豆卜，同2粒魚蛋，真係未食粉麵都飽左🤣 佢的湯底濃，好香椰汁味，所以唔會太辣，但有叻沙的香味👍🏻有啲黑胡椒令到個湯更香。入面係米粉+油麵，係正宗的配搭啊！😍 配埋芽菜食，索晒啲湯，超滿足😌 我咁大食的女仔都食唔晒🙈 同行朋友的咖哩豬扒都好得架，塊豬扒超大塊！整體性價比好高，好正宗的黃店💛

星期六的中午，徒步由深水埗行去大角嘴覓食。巡了幾回，最終決定進店一試。首先，店員的態度友善，著我們探熱後便安排入座。看看菜單，算是多選擇，今日就試個豬勁肉叻沙！朋友就試肉骨茶！食物奉上時熱氣騰騰，叻沙的湯底夠濃咸美，麵質略軟，燒豬頸肉香噴噴，略咸。朋友的肉骨茶都入味，用料十足，油菜非常新鮮爽脆，配上白飯，整體來說是合格有餘。配餐飲熱咖啡也有驚喜，是高質的既磨咖啡。有空會再來幫襯！

今日去大角咀呢間星加坡餐廳食下午茶估唔到咁高質！要推介一下！星加坡三寶叻沙 $45叻沙湯底十分出色 好香濃 椰香味重所以唔辣 可能本身唔食辣所以超鍾意呢隻叻沙仲要好豐富 魚皮 魚蛋 豆卜 溏心蛋整碗都係滿滿材料 真係食到湯都飲埋架！星加坡咖央多士 $22下午茶食返件咖央多士都開心牛油處理得剛好 見到一整塊 但一咬即溶 加埋個醬配合 好夾呀 仲有烘底脆脆地更好好食中式例湯-蓮藕湯呢個湯隨餐附送 估唔到又咁多料 仲好好飲 唔似味精湯 真係好有煲出黎既老火湯咁

🍜 星加坡魚三寶叻沙 連飲品 HK$45材料好豐富，魚蛋、炸魚蛋、炸魚皮、雞蛋、豆卜。個人特別喜歡嘅係魚蛋真係特別大粒，而且幾彈牙。湯底椰汁味道幾重，整體算幾香。.🥛 馬拉三色奶茶 (特飲另加HK$10)奶茶用咗馬拉椰糖、黑白奶、西冷紅茶。😜點咗少甜少冰，所以甜度剛好，奶味道會比茶味重，個人覺得不錯。如果你習慣港式奶茶，茶味相對比較重嘅話，可能冇咁適合你啦!--📌 下午茶時段Weekday 14:30 - 17:30Weekend 15:30 - 17:30

我一直都鍾意食海南雞飯，食咗好多個餐廳嘅海南雞飯，都未發現到有正宗嘅，直至到我發現咗大角咀呢間星洲總廚。裡面覺得最好食嘅，佢嘅份量都幾多，絕對值68蚊呢個價（對比市面上面嘅來講）。如果佢唔俾嗰雞脾你嘅話呢，佢就會比半邊雞差唔多嘅份量，佢嘅刀工都比其他店好，擺盆度又有心思，絕對值得一試。另外，佢有其他嘅嘢食例如肉骨茶，但係肉骨茶我就唔係好鍾意啦，因為佢話呢個就要肥豬肉呢就搞到好肥膩，其他嘅例如豬扒炸豬扒同埋其他嘅嘢食都OK嘅。