星洲總廚 (大全街)

營業中

休息中

呢間出左名好耐啦🤣呢幾日終於去左試！中午去都排左大約四至五個字先入到～ 黃店要支持下💛爐燒豬頸肉叻沙（$62）豬頸肉份量好多，有成七至八舊咁多🥳 燒得好香口，一啲都唔乾身，叻沙湯底椰香味十足，湯頭入口味道濃郁👍配料有豆卜、溏心蛋、魚蛋等，十分足料🤤 豆卜索曬啲湯後，食落正到傻！溏心蛋有流心效果👍 麵底用左米線，口感都頗煙韌！招牌厚切8安士咖喱豬扒飯（$60）咖哩有星加坡咖喱同小印度咖喱揀，今次就試咗前者，咖哩味道甜甜地，都幾特別～ 豬扒真係不得不讚！炸得好香脆🤤而且仲要超厚，食落啖啖肉🥰肉質都好嫰滑腍身，仲完美鎖住啲肉汁💯 馬拉三色拉茶 （跟餐加$10）由頂層數落去係西冷紅茶，黑白淡奶同馬拉椰糖，奶味較重，飲落偏甜，我覺得都可以一試！如果驚太甜嘅話記得少糖～馬拉怡保白咖啡 （跟餐加$7）賣相幾靚，但我唔鍾意個味🙈#大大力懲罰黃店💛-星洲總廚 (大角咀)📍大角咀大全街57號地下抵食指數：😚😚😚😚/5舔舔脷指數：😚😚😚😚😚/5

💛星洲總廚·我哋本身其實唔係諗住食呢間架 我哋諗住去食附近既一間拉麵居酒屋 點知佢full左 所以我哋就嚟咗試 點知超級有驚喜 佢每樣嘢都好好食呀🤤·海南雞飯$66 (轉雞髀加$8)大家一定要轉佢個雞髀啊 佢個雞髀超級大份 而且佢係有幫你片走多餘嘅肥膏 亦都起咗少少骨 所以食得超方便 好正😍佢個雞勁嫩 而且好夠味 咬落去超級多汁 我男朋友話個雞皮都唔錯 好滑😏而且佢個飯係勁香 係好正宗個種油飯 夠香得黎唔會太油 呢一個真係超級推薦😋😋·招牌厚切8oz咖喱豬扒飯$60因為呢間餐廳冇乜小食揀 所以我哋最後嗌左2個主食🤭🤭之後我哋勁驚食唔晒 所以就加咗$10轉印度薄餅 好似無咁大負擔😂佢個印度薄餅係偏乾身同埋硬嗰種 唔係泰國嗰種 所以我自己覺得差咁啲 唔夠酥🤔但係佢個豬扒真係超出色 佢每件個肥瘦比例都啱啱好 而且佢係厚切啖啖肉得黎完全唔會un😍😍佢個咖喱都幾有層次感 有啲印度香料味 但係又唔會太搶 勁夾🤤·#rbyeat#rby東南亞菜#rby💛#rby大角咀·📍大角咀大全街57號地下

本來我地坐2人枱，但店員見我地叫農夫包，就幫我地轉左4人枱。凍馬拉三色奶茶最底層黑色就係椰糖，但個人唔了解椰糖係咩味。小印度咖哩雜菜羊扒配烤餅有兩塊大大的羊扒，羊肉好香但同行朋友怕羊味。烤餅配小印度咖哩亦係非常好ge組合。焗咖哩雜菜農夫包配厚切豬扒可以揀配星加坡咖哩或小印度咖哩，我地揀左星加坡咖哩，有兩隻辣椒，但個人覺得辣度可以接受。個包真係好大個，上面仲有好大塊豬扒。烘脆ge包配上咖哩好惹味，亦試左配小印度咖哩，個人覺得配星加坡咖哩好味啲。豬扒好厚，唔會炸到好乾身。

二人限聚又再延長，今日黎到大角咀呢邊，之前都想試一試呢間星洲總廚，但每次午餐時間都有啲人潮，要排隊等位，今日遲左食飯，行到出黎已經兩點鐘，見佢唔駛等位，又醒起佢係Openrice評價都幾高，一於試試佢。今次就食招牌厚切豬扒星洲喇沙，塊豬扒真係幾厚身，碗粉份量適中，上面有兩粒魚蛋，以及三粒豆卜，豆卜索唒個湯啲味，好夾，魚蛋就係一般魚蛋，無話特唔特別，個粉係米線，米線下面搭配小小芽菜，厚切豬扒出色，個粉就一般啦，配杯凍檸茶，埋單67

經常光顧星洲總廚，因為這家食物不錯，而且服務態度很好🤗唯每次多是二人行，只能各自點自己的餐😞😞😞這次不一樣了🤗疫情下的最後午餐、趕上最後的四人一桌，所以也點了個平時不會考慮的四人餐🤣🤣🤣朋友搬進這區月餘，但每次也見這間要排隊還沒機會試。這次可好了，第一次光顧就陪我們吃個四人餐😆😆😆四人餐的人均消費比平時的套餐貴一點，不過款式多，份量多，也不用等太久，很不錯🥳🥳🥳套餐有海南雞半隻🐔、豬頸肉🐷、娃娃菜、串燒🍢🍢🍢（🐔🐮🐑選兩款，每款四串，我們選了🐔🐑）、咖哩農夫包（有🐷🐮🐔選，我的是🐮，記住🐮是要加錢唷！🤗），還有四個飯（2x油飯，1x椰漿飯，1x白飯）➕四杯飲品。初嘗這家的豬頸肉🐷、串燒🍢🍢🍢和咖哩農夫包，貫徹了一向的好味道👍🏻豬頸肉很香，我很欣賞這家的羊，之前試過羊架已經覺得出色，這次的羊肉串燒也不錯，羊味濃郁😋平時的我不太好羊，但這家我耐不耐都會選羊吃🤪而終於試到的咖哩農夫包不單份量大、咖哩汁配麵包很好吃😋😋😋四人餐應該可供五人吃😅米飯我們都少要了一個，不想浪費🤓下次四人同行可以再考慮四人餐🤣🤣🤣

衛生：做足安全措施探熱、搓手液已備妥。你唔好諗住走得甩。整個環境整潔乾淨，客人吃完立即清走食物。店員還問問：依d 係咪唔要？好禮貌。有些食店係無講，好似趕你走咁。裝修：整個環境好舒服，用色協調，以馬賽克砌了象徵新加坡的「魚尾獅」，好靚。好優雅舒服。食物：炸雞扒出前一丁：出前一丁自己煮就得。無錯的。但炸雞扒咁juice 鬆脆就真係未必得。外脆內嫩及熱，放左一陣，做好熱三寶叻沙：老公話唔錯，夠濃夠鮮，魚旦就甜味！飲品：一定要試凍馬拉三色奶茶。杯上是三色分明。椰糖，沒有搶去奶茶味，仲添上馬拉色彩。仲可以選少甜，我就選了少甜。

大角咀人氣店💛每次lunch經過都一定有人排隊。放工時段見有位，即刻入去e肚。點左招牌厚豬扒喇沙：豬扒厚就唔算好厚，但份量都幾多，肉質軟淋，肥美，一d都唔鞋口，仲要係超入味同JUICY！推薦碗喇沙完全係誠意之作，湯底椰香味好重，超級惹味！碗麵好足料，配料有芽菜，豆卜，魚蛋，雞蛋。D豆卜吸哂喇沙湯底既精華，擺入口個下真係堅正！埋單只係$64，仲要包埋湯/野飲！抵！提提大家，佢午餐同晚餐個價係一樣架！

對星馬菜認識不深，亦不算喜愛，偶一為之倒是挺有新鮮感。是夜來到大角咀，周六晚上八時多仍有十人左右等位，家庭小店形式運作，座位排得頗密，有板相隔。羊肉串燒 $45一客四串的羊肉嫩滑不羶，燒得惹味香口，蘸些滿滿花生香的沙嗲醬，討喜。滿堂椰漿飯拼盤 $68有齊牛豬豬三款肉，適合心多多的人：爐燒豬頸肉入味軟腍，南乳脆炸雞扒皮脆，小印度咖哩牛腩的敗筆是不夠熱；另外主角椰漿味濃，加上煎蛋和花生魚仔，感覺超豐富。招牌厚切8安士咖哩豬扒飯 $60豬扒大塊厚身，保留到肉汁，確是吸引；新加坡咖哩略嫌薑黃粉下得太重手，有一種嚡脷感，另上適合我這種不愛醬汁的人。晚市套餐包一杯飲品，價錢合理。見店員忙碌的招待、收拾、清潔亦毫無黑面，落力地滿足眾人要求，值得(老闆)嘉許。

大件夾抵食既星加坡菜黃店💛呢間都幫襯過好幾次😋 湯控表示每次黎都一定要飲老火湯🥰叫set就可以揀飲品/湯 加多$5就可以兩樣要晒😛今次係青紅蘿蔔湯😛 真係好似係屋企飲咁 冇味精😋🥢招牌厚切8安士咖喱豬扒飯 ($60)可以揀星加坡咖喱/小印度咖喱🍛揀左小印度咖喱😋 相比之下 都係中意印度咖喱多啲 似番平時食個個味 兩大塊豬扒超正 夠juicy🥰基本上每次都食豬扒😂🥢海南雞飯 配雞油香飯 ($68)肉質都幾嫩滑 係雞皮咸左啲😖🥢鴛鴦雞配椰漿飯 ($62)配星加坡咖喱雞 南乳脆炸雞

到大角咀個客度，繼續支持黃色經濟💪🏼睇食評話豬扒好味，叫返個咖哩豬扒飯試試先😋豬扒好大份😆有肉汁，外脆內軟有誠意，咖哩香濃，$63午餐未必最平，但絶對收得起有餘👍🏻另外，餐廳整齊乾淨，對客有禮貌，食飽幫我叉好電繼續做嘢💪🏼💪🏼

今日係戶外曬咗大半日，好需要食好野補充返😭記得之前食過呢間外賣質素幾唔錯，今次就試吓堂食～由於打咗電話留枱，一去到已經可以入座叫咗兩個飯(配野飲/ 中湯)招牌厚切8安士咖哩豬扒飯👍👍👍 ($60＋$10轉印度烤餅) 豬扒份量十足，肉質夠嫩仲好juicy，食肉獸必點！(男朋友一路食讚不絕口😆😆)+10蚊轉嘅印度烤餅就得兩塊，略嫌唔夠薄脆同冇乜味咖哩味道都唔錯，香料味同辣度都重啲會更好啦～滿堂椰漿飯拼盤👍($68) 叫呢個飯最主要係貪佢可以試三樣野南乳脆炸雞、小印度咖哩牛腩、同燒豬頸肉個人覺得豬頸肉最出色！外皮香脆，唔乾身，入味反而南乳雞就一般中形酒樓味道，牛腩就有D硬最驚喜係椰漿飯～充滿椰香味，粒粒分明冷馬拉三色奶茶(跟餐加$10)👍👍(由頂至底層)紅茶＞黑白淡奶＞椰糖好有風味～好有層次感，茶味唔算好濃，絕對值得一試怕甜可以叫少椰糖總括嚟講呢間小店真係好抵食🥰🥰埋單都唔洗百五蚊～服務態度都好好值得一讚👏🏻👏🏻👏🏻例如放低杯野飲果時，會突登提我地唔好放係枱同枱中間因為一kick就好易倒瀉 (隔離枱真係咁岩倒瀉咗) 

在家吃飯的一天，軟件要了外賣，椰漿飯配上好吃的炸雞翅以及咖哩雞腿，份量不錯，炸雞翅的味道不同於茶餐廳和韓國料理，很有東南亞風味，雞腿也非常入味，配著椰漿飯實在是享受

大角咀往往都係小店friendly 既地方, 呢個地方租平, 附近有唔同階層既人, 所以平價、中價、高價既小店都好齊全。搵食, 黎大咀可以係olympic 出, 又可以係太子/旺角行過去, 邊個MTR都需要10-15mins walking, 睇你行得幾快~ 呢排食西餐有D多 , 所以去左睇顏色地圖搵食, Search 到間個名幾得意食星加坡野既餐廳, 見時間倘早, 應該可以一博限聚令對餐廳帶黎既影響, 相信我唔哂多講,  已經少左出街食野, 所以出街食時, 都會首選去支持小店。咁岩入左去有自閉檯坐, 唔哂同人share 食得比較安心; 有次去其他店, 4人一台, 但唔識既人除左口罩狂傾計，成餐食得唔太安樂我叫左佢個dinner set, 星加坡咖喱加招牌厚切豬扒，加錢改飯做nann。個豬扒顏色好似有d深，不過唔係燶左唔哂驚。外皮好香好脆，肉質軟嫩，真係估佢唔到。 豬扒醃得好香好入味， 真係食過返尋味唔怪得知係招牌菜。個nann 比想像中冇咁香比較薄身，但配厚豬扒，份量對我黎講岩岩好。食飯可能會太飽。當然同主菜既豬扒對比，佢真係比下去。如果係男士，建議配番飯。咖哩，可以揀星加坡咖哩或

🐾 星洲總廚 (大角咀) 🐾-海南雞飯$66✔️-海南雞飯:個雞好有雞味，配埋姜容同甜豉油簡直一流👏🏻油飯都勁入味，個雞一啲都唔會話好乾咁👏🏻———————————————(非專業,完全跟據個人口味☺)食物:7/10環境:6/10服務:6/10人均消費:100———————————————▪店舖名稱: 星洲總廚 (大角咀)▪店舖地址:🔸 大角咀大全街57號地下-----------------------

不受時間與社會的約束，幸福地填飽肚子，吃飯時不受任何人打擾，也不需要照顧他人的口味。時間や社会にとらわれず　幸福に空腹をすとき　誰にま邪魔されず　気を遣わずものを食べるという　孤高の行為。大角咀區而家多左好多新樓，附近舊區都逐漸活起來，愈來愈多食肆，乜野國1家食物都有，可以講多左個 #尋食 嘅地方。依間賣星馬嘅都算中型店，地方夠大、檯都夠多。第一次入來就揀依個拼盤，貪佢可以一次試多樣吾同嘅出品。個椰漿飯底做得吾錯，其他炸雞炸豬排就正常，吾會有好大驚喜。至於服務我都覺得合格。