呢間主打廚師發辦餐廳位於銅鑼灣，只需$1580，即可品嚐25品菜單，當中更加入左生蠔、龍蝦、海膽等奢華食材，CP值都幾高，真係好豐富！ 沖繩海草蟹肉: 蟹肉滑嫩鮮甜，配上酸酸甜甜嘅水雲，好開胃！鮟鱇魚乾：口感綿密，配上柚子酸汁，味道清新，一啲都唔怕膩 黑梅貝：口感彈牙，配上醬汁令味道昇華 真鯛海膽豆腐：以真鯛包住香濃海膽豆腐，整個呈現非常新穎，味道好balanced 螢光魷魚：加入薑汁豉油，但味道依然偏腥 北寄貝刺身：口感爽彈，幾有咬口 小龍蝦刺身：龍蝦上枱時仲一路郁緊，超生猛！刺身味道清甜 日本華漣生蠔：選用長崎縣生蠔，非常大隻，比較重礦物味，肉質飽滿 蟹膏豆腐：以鮮甜多汁嘅蟹肉配上黑魚籽，味道幾夾 紫海膽：以高湯製成嘅啫喱配上黑魚籽同三文魚籽，鹹甜交織，鮮味大爆發 南非鮑魚：慢煮四小時後，入口軟腍，表面再加入蟹膏同麵豉，令味道更豐富 壽司：當晚有赤貝、深海池魚、金目鯛、銀鱈魚、白見貝、毛蟹、大拖羅、鰤魚、黑龍魚。最印象深刻係銀鱈魚，油脂飽滿～ 甜品：博多士多啤梨配香蕉雪糕

餐廳以紅、綠色為主調，裝潢充滿古典風味，由泰籍廚師團隊主理，主打越南及泰式fusion菜，菜式選擇好多！ 泰式豬肉碎羅勒葉包 豬肉碎加入泰國香料炒香，香辣惹味，以清爽生菜包住肉碎一齊食，解膩之餘亦令口感層次更豐富～ 唯略嫌穫氣唔太夠 越式軟殼蟹米紙卷 米紙口感煙韌，包著啱啱炸起嘅軟殼蟹，配上沙律菜、牛油果等作餡料，味道清新宜人～ 串燒沙嗲 串燒烤至微焦，牛肉、豬肉同雞肉質相當嫩滑，肉味濃厚，蘸上自家製沙嗲汁，相當惹味。 菠蘿海鮮炒飯 炒飯表面鋪滿豐富嘅材料～ 有滿滿嘅鮮蝦、腰果、肉鬆同鮮蝦等，相當架勢！配埋新鮮菠蘿，入口鹹中帶甜，愈食愈開胃🍍 泰式黃咖喱蟹肉配蒜蓉包 一上枱已經見到相當足料嘅蟹肉鋪滿成個咖喱🦀 蟹肉鮮甜滑嫩，咖喱充滿椰香。旁邊嘅蒜蓉包烘至香脆口感，蘸上咖喱汁，吸盡咖喱精華實在太滿足✨

今日同朋友喺九龍城廣場，無意中發現咗呢間中菜小館，決定入去幫襯吓！ 餐廳座位幾多，當日兩個人食，無試太多小菜～ 一坐低已經聞到隔離枱傳來嘅香氣，見到佢哋叫左啫啫芥蘭煲，即刻決定叫返個！一上枱渣渣聲，超香！芥蘭新鮮爽口，加入肉碎炒～ 好夠味！ 另外仲試咗乳豬，可以1/4咁叫，二人分享都唔怕太多～ 乳豬皮烤到非常香脆，而肉質嫰滑，肥瘦適中，不愧為店內招牌菜！ 最後喺OpenRice見到好多人介紹試左芥末蝦球～ 蝦肉爽身又彈牙，被金黃香脆嘅炸皮包裹住，唔會過厚，點上微辣嘅芥末醬，清新開胃，不錯

同朋友試左呢間omakase，只要$798就有18道菜，絕對係抵食入門之選！套餐包括前菜三款、刺身五點、一品料理、壽司六貫、江戶前玉子、吸物同甜品✨ 整個用餐體驗大約兩個小時多啲，師傅亦好用心介紹每一道菜，唯獨餐廳播放嘅背景音樂並非太符合店家風格，有點違和感🥹 前菜：麻醬菠菜 ｜ 慢煮南瓜 ｜ 磯煮螺 刺身五點：蜜柑鯛 ｜ 象拔蚌 ｜ 鰤魚 ｜鯖魚 ｜ 華漣生蠔 鯛魚入口散發蜜柑清香；象拔蚌清甜又爽口， 利用竹炭鹽同柚子皮簡單調味，令鮮味更能呈現；獅魚比一般油甘魚大 ，現正值今年最當造時期，入口散發陣陣魚油香；鯖魚無用任何鹽醋醃製，師傅用火槍燒一燒表面，將魚油逼出來，油香滿溢；華漣生蠔味道鮮甜，海水味唔太重。 一品料理：金鯛立鱗燒 以接近二百度高溫油炸魚皮，香脆可口，配上海膽醬汁，令魚肉味道更豐富。 壽司六貫：九州深海池魚 ｜ 北海道帆立貝 ｜ 北海道牡丹蝦 ｜ 銀鱈魚 ｜ 和歌山吞拿魚 ｜ 根室海膽 深海池魚采用熟成處理方式，令魚味更香濃，；帆立貝鮮甜肥美，帶柚子皮香；牡丹蝦肉身爽彈；銀鱈魚油脂感豐富；吞拿魚用上中拖部位，油分恰到好處；海膽以紫菜包住，入口甘甜濃郁。 江戶前玉子 口感綿密，有點像蛋糕口感～ 吸物：鯛魚湯 用魚頭同魚身熬製接近4小時，加入日本腐竹，令口感更滑。 甜品：雪葩及芋頭雪米糍

Posso座落於上環九如坊， 主打意大利菜，餐廳設有開放式廚房，可以見到廚師即席烹煮。不論味道定擺盤亦相當有誠意，甚至可媲美五星級酒店質素！ Crostini ($125) 表層係薄脆餅，帶有微微甜香，中間夾住配濃郁綿滑嘅鴨肝醬，配以鬆脆嘅多士作底層，帶來三重層次享受。 Grilled Octopus ($135) 八爪魚有陣炭火燒過嘅焦香，烹調恰到好處，令到肉身軟滑彈牙又唔會過靭，搭配墨汁令鮮味更加突出 Cavatelli ($170) 麵條外表呈貝殼形狀，食落去煙煙韌韌，充滿咬口，加入咗煙燻沙甸魚烹調，讓鹹香得以呈現，表面更有蒜香麵包糠增添口感，令味道更豐富～ Casoncelli ($165) 麵條長形且扁扁的，係意大利北部傳統餃子，餃子皮帶有淡淡蛋香。內餡以無花果醬汁煮牛尾，酸甜解膩！ 3-Day Aged Threadfin ($160) 魚皮好香脆，馬友魚經過短暫風乾，令魚味更加濃郁，再配搭已發酵嘅娃娃菜，味道酸酸鹹鹹，夾埋底下 入口幼滑嘅薯仔mousse，令整道菜味道更加平衡！ Lamb Roulade ($175) 鍾意食羊嘅人必試！羊肉卷羊味香濃，肉質軟嫩，帶有微微味噌甜味，一試難忘！ Grilled Celeriac ($135) 燒過嘅西芹頭搭配黑松露同乳酪，味道清新，不過小編個人麻麻呢個 Cannoli ($75) 係意大利嘅傳統甜品，外層酥脆可口，夾住軟滑嘅ricotta cheese，再加入自家製米酒 ，帶有微微米香

A Lux座落於中環都爹利街，餐廳選址比較隱蔽，經朋友介紹先得知呢間隱世餐廳🍴主打意法料菜式～ 當晚同朋友試左tasting menu，無論食物定服務都令小編充滿驚喜✨特別要大讚當晚嘅sommelier，介紹左好多款餐酒配搭，令成餐飯更加完美！ 四道菜晚餐每位$728起+10%，包括前菜/湯、意粉、主菜同甜品 Appetiser: Duck con fit, pear, salad （+$58） 濃郁豐腴嘅鴨肝醬搭配香梨，為菜式注入一抹清新氣息，令入口無咁膩～ OR Appetiser: Red prawn carpaccio, Kristal caviar （+$88） 紅蝦肉壓扁製成薄片，伴以香醇甘美嘅頂級魚子醬，鮮味十足，相當開胃！ Pasta: Gnocchi, walnuts, 4 cheese sauce 意大利馬鈴薯丸子口感煙韌彈牙，加入以四款芝士製成嘅醬汁，芝味香濃，味道有驚喜！ OR Pasta: Carabineros prawn spaghetti （+$128） 西班牙紅蝦肉質爽彈，配以紅蝦頭熬製而成嘅番茄醬，為醬汁增添海鮮風味，意粉相當掛汁，味道酸酸甜甜，令人一啖接一啖 Main: Tooth fish, clams, bouillabaisse （+$168） 呢道菜係職員大推！法國白鱈魚煎得皮脆肉嫩，魚油好豐富，配上新鮮蜆肉同馬賽魚湯，連平時唔太鍾意食魚嘅小編都覺得好驚豔✨ OR Main: USDA ribeye, mustard sauce （+$98） 牛扒肉質粉嫩，肉汁豐富，牛味香濃！連配菜都相當滿意～ Dessert: Petit Four Cheese Platter 甜品四小碟有白酒燉梨配雲呢拿雪糕、瑪德蓮、軟心朱古力同白桃啫喱，每款賣相都好精緻！一次試曬四款甜品，好滿足！ OR Dessert: Cheese Platter 芝士拼盤內嘅每款芝士都有獨特口感，以柔滑嘅軟芝士或香濃嘅硬芝士搭配核桃同杏脯乾，為成餐飯劃上完美句號！

「和宴」呢間燒肉店開業至今經已達50年，餐廳主打日本空運A4和同A5宮崎和牛，選用嘅牛肉全部都有證書認證，絕對有品質保證 和宴沙律 （$85） 開頭以為一定食唔晒，估唔到對消膩咁有用！以不同沙律菜搭配紅黃椒，並加入清新柚子汁點綴，非常開胃！ 和牛拼盤 （$798） 拼盤包含五款和牛，分別有宮崎和牛特上雪花牛排肉、澳洲和牛橫隔膜、宮崎和牛上牛排肉、宮崎和牛特上肩肉眼同宮崎牛排肉。當中特上雪花牛排肉最為驚喜，油香四溢、肉味香濃，入口相當滑嫩！ 宮崎和牛牛板腱（$288） 牛板腱肉質柔嫰，油脂含量較少，蘸上蛋黃汁後，令牛肉更香滑～ 韓式海鮮煎餅（$138） 外層炸到金黃香脆，每一啖都食到海鮮，非常足料，口感層次豐富，食落亦唔會油膩

餐廳環境以圖書館為設計靈感，裝修華麗典雅。每晚皆有現場樂隊表演，令現場氣氛更熱鬧更具情調。當晚有好多客人都係特意前來慶祝生日，店員同歌手更會親自走上客人面前獻上生日歌，絕對適合慶祝✨ Tasting Menu (每位$1,388) Japanese Mackerel 鯖魚外層烤至焦脆，魚肉偏結實，帶陣陣魚油香。底層配上柑橘啫喱醬油同烤菠蘿，令整道菜更加清新。 Swiss Barley Soup 呢個係瑞士嘅農家菜，將牛肉同蔬菜打成清湯，再加入忌廉，好足料，每一啖都好滿足，暖胃首選，好適合冬天飲。 Nagasaki Chicken Roulade with Beetroot Salad 以低溫慢煮，肉質嫩滑多汁。卷物以日本長崎嘅雞肉慕絲釀入鵝肝、蘑菇、烤甜菜根泥同開心果等，味道幾特別，略淡左少少。 Lime Riesling Sorbet 以青檸雪笆作過場 清除口腔內嘅油膩感～ Carabinero Red Prawn Noodle 原隻西班牙紅蝦鮮甜十足，肉質爽彈，蝦頭內藏有大量濃郁嘅蝦醬，搭配中式蝦子麵，呢個配搭非常新奇，充滿fusion感～ Sous Vide Black Cod 鱈魚肉質滑嫩，搭配辣香腸牛油醬及煙燻芹菜泥，令味道更豐富有層次。 Grilled A5 Miyazakigyu Rib Cap 宫崎A5牛表層充滿炭燒香氣，內裏牛味濃郁、嫩滑多汁，搭配日式燒汁同薯蓉 Glazed Lemon Mousse Cake 慕斯以脆皮白朱古力包圍蛋糕，檸檬香突出，配上西柚同香橙蜜餞，令味道更清新。

酒吧位於蘇豪區，有大量各具特色嘅啤酒選擇，店員非常友善，好熱情咁介紹唔同款嘅啤酒比我地🍻 Mussels (500g) 藍青口由法國直送，有三個唔同重量選擇，粒粒鮮甜飽滿，配搭四款自選醬汁，小編揀咗cream sauce，每隻青口都沾滿醬汁，配上大大份即叫即炸粗薯條，不錯呢🍽️ Chicken Wings 雞翼一份有八隻，表面炸至金黃香脆，加入香草調味，令味道更具層次，內裹嫩滑多汁，佐酒一流✨ Meatball in Tomato Sauce 肉丸口感偏軟綿，味道唔算好香濃,配上酸甜番茄醬汁，非常開胃✨ Fish and Chips 外層鬆脆可口，炸香後仍然可以保留原有肉汁同埋嫩滑口感，旁邊更附上大大份薯條，點上他他醬或番茄醬，減低炸物油膩感，夠曬滋味🤩 Beer Tasting Platter 如果諗唔到試邊款酒嘅話，可以不妨考慮tasting platter，可以自選六款啤酒~ 店員當日為我地推薦左幾款黎自比利時、法國嘅啤酒，每款各有特色，一次過試曬白啤、黃啤、黑啤🍻

呢間人氣川菜餐廳Chilli Fagara已經連續多年獲得米芝蓮美食推介，當日同朋友試左餐廳嘅lunch set✨ 餐單前菜以麻、辣、燙分類。小編先食燈影牛肉，然後再食麻辣涼拌百合木耳同素棒棒茄子🌶️ 每塊牛肉片都好薄身，口感香脆略帶著微微蒜香；涼拌百合木耳加入四川花椒，爽脆鮮甜，味道充滿層次；最後再食香辣素棒棒茄子，辣度循序漸進，開胃惹味✨ 湯類：酸辣湯 & 蘑菇蛋花羹 酸辣湯可以揀豬肉或雞肉作配料，加入荀絲、木耳絲、蘿蔔絲等，酸辣醒胃；蘑菇蛋花羹味道清甜略帶蛋香，可以中和前菜嘅辣🫶 主菜：孜然羊仔柳 & 水煮西冷牛肉（+$118） 孜然羊仔柳用上孜然、紅辣椒乾同辣椒粉炒香，表面略帶微焦，肉質軟腍，惹味非常；水煮牛肉連同火爐呈上客人面前，用上軟嫩西冷牛肉，仲有薯粉、酸菜等配料，薯粉吸盡辣湯精華，超正！大家可以自選辣度🌶️ 主食：自製XO醬三色炒米粉（+$50） & 家鄉麻辣燙素菜炒飯（+$50） 炒米粉夠乾身，加埋XO醬炒更加惹味👍素菜炒飯正常發揮 甜品：薑茶湯圓 最後送上薑茶湯圓作結，湯圓以流心黑芝麻作內餡，略嫌外皮厚左少少🤏