新新酒樓

營業中

休息中

今天中午與同事二人走到呢間酒樓飲茶，分別叫了幾個小菜，唔錯喎😋 我最愛椒鹽豆腐，外脆內滑，加上簡單的椒鹽調味，香口惹味，為平凡的小食生色不少😀😀見到隔離枱既燒煵仔好吸引，我們也叫了一碟，份量不少，入口鬆化，軟腍無渣，肥瘦均勻，外皮脆卜卜，$68唔貴。好耐未試過咁邪惡🙈，又叫了一隻紅燒乳鴿，外脆內嫩好juicy, 好味！金銀蛋覓萊一樣鮮甜美味。服務都算ok, 整體唔錯，我諗以後午餐時間又多一個選擇了！

今日黎到佐敦呢間酒樓食飯，地方都算大，服務仲幾好。首先點了前菜沙礓雞腳，雞腳好有味，沙薑味濃郁。本來想叫乳鴿，但剛好賣晒。再來是金銀蛋時菜，白菜仔好新鮮好甜。然後是啫啫滑雞煲，一上個煲熱辣辣，d雞好滑，配上啫啫煲的味，用黎送飯好好食。最後來了重頭戲籠仔荷香薑米靚蟹蒸飯，好大隻蟹，望落去已經好吸引。蟹入面蟹糕好多，蟹的鮮甜也好出，飯連蟹蒸得好入味，呢個必食推介。重點是價錢也不貴，食左咁多野埋單5百零元。

以前出名嘅新樂酒家原來已經改名新新酒家，並且重開了一段時間，今晚決定跟老公好好懷舊一下。位置向倫敦廣場，非常方便，餐廳環境闊落，空間感十足。餐牌選擇多様化，令人眼花撩亂。新新燒鵝皇（例牌）燒鵝皮香肉嫩，鵝油香味撲鼻，有咬口，鵝味香濃。燒汁海生蝦燒汁惹味香濃，海生蝦雖然唔算好大隻但肉質鮮嫩彈牙，非常美味！薑蔥粉絲大連鮑魚雞煲薑蔥香味濃郁，鮑魚爽彈鮮甜，雞肉嫩滑入味，粉絲吸收哂所有醬汁精華，非常惹味。清蒸沙巴虎斑虎斑蒸到剛剛好，魚肉滑溜溜，鮮甜美味，果然非常新鮮。水準依舊不變，員工態度良好，值得一讚！

好多時和媽咪去吃晚餐, 問媽咪想食什麼, 老人家都特別愛上酒家, 因為要有飯到肚才飽喲, 就趁上星期五, 爸爸去了開OT 我和媽咪到了佐敦的新新酒家開飯~ 新新酒家位置方便, 係佐敦莊士敦廣場, 佐敦地鐵一出就到, 搭電梯上去就OK~ 環境方面,新新似舊式少少的酒家, 裝修以實在為主, 不過正因為此, 個人覺得侍應態度更加殷勤親切, 非常有禮、主動和細心, 整個用餐感覺相當良好~ 食物方面, 選擇都好多, 海鮮看來新鮮又好味~ 不過這天是月尾, 不太想太破財, 所以就來幾客小炒吧! 我們點了: 半打果皮蒸大連鮑魚 火龍千島蝦球 海鮮窩麵 白粥一碗 半打果皮蒸大連鮑魚 - 這裡的海鮮其實相當抵食! 半打六只大連鮑都只是HKD 138, 鮑魚蒸得剛剛好,肉質厚身又夠彈牙, 群邊爽脆鮮甜,充滿香甜味道! 火龍千島蝦球 - 份量超級多!!! 蝦球隻隻爽口又彈牙, 上面曬上千島醬(沙律醬), 再配上甜甜的火龍果, 口感清新, 令人想一吃再吃! 海鮮窩麵 - 麵條好好吃! 是平時雲吞麵的麵條來的, 完全無梘水味, 正! 湯底都好味, 食落冇味精,至少我喝完全窩都沒有口喝~~~

今天去佐敦上完堂落堂和同事吃晚飯 到了莊士倫敦廣場選了這家新新酒樓一起吃金銀蒜粉絲蒸大元貝一份有四大隻 很新鮮元貝蒸的熟度剛剛好 軟軟的不會硬面上舖滿了粉絲 加上蒜蓉豉油 很不錯芝士美國龍蝦伊面也是很大份的一道菜式一看有一大隻美國龍蝦龍蝦肉彈牙 而且有剪過方便食用雲耳炒勝瓜加了洋蔥一起炒 甜甜的雲耳脆脆 勝瓜爽滑 整體不錯吃南瓜西米露吃完飯 每人送上一碗糖水今晚的糖水是南瓜西米露一絲絲南瓜 配上軟綿綿的西米帶點點椰汁的味道

媽媽突然想吃中菜，就這樣放工後來到佐敦的新新酒吃飯。 「新新酒樓」其實已經有很長歷史，媽媽爸爸亦經常到這裏喝早茶，以前是地舖，上樓後感覺好像有點不同。 餐牌上的小菜選擇不少，當中孖寶的最吸引，不過，我們最後還是選擇單點。 京蔥爆海參這個小菜我和媽媽都大力推介，海參份量多，而且口感非常爽口，最重要是廚師爆得夠鑊氣，就連京蔥亦煮得非常入味，讚。 麒麟素豆腐 芡汁做得不錯，令原本平淡的豆腐變得滑嫩鮮味。 紫米露飯後酒樓為我們送上紫米露，紫米煮得軟糯香甜，非常滋潤。

好耐冇孝順下屋企人，今晚就帶阿爸阿媽黎新新酒樓食晚飯，位於佐敦莊市倫敦廣場，出咗地鐵站過條馬路就到，非常方便就腳。籠仔荷香薑米靚蟹蒸飯 $188老人家始終都鍾意食飯，但又唔想食白飯咁寡，所以點左個荷葉蒸飯，結果非常驚喜！用竹籠加荷葉去蒸，非常清香，大家添完一碗又一碗。蟹蓋入面唔少膏，當然係我嘅囊中物😁芝士焗美國龍蝦(伊麵底) $198/隻估唔到一隻龍蝦有咁多份量，好多肉食，新鮮肥美！芝士汁伊麵底不用多說，當然令人食指大動。蜜汁叉燒 $108非一般粟米斑塊 $98斑塊一共八件，炸得乾身，粟米汁另上，自行添加。蛋黃南瓜 $88鹹蛋黃炸南瓜，我都係第一次食，南瓜比較淋身，鹹蛋黃好香，唔錯。紅燒脆皮乳鴿 $52/隻爸爸係乳鴿狂迷，點左兩隻俾佢慢慢吮，睇佢食得咁滋味，應該真係好好食😂同屋企人食飯唔需要去新潮型格嘅餐廳，傳統嘅酒樓反而最得老人家歡心，今餐爸爸媽媽都好滿意，下次一定會再帶佢地嚟食！

作為一個土生土長嘅香港人 傳統嘅中菜永遠在我心中佔一席位 難得今日同屋企人食飯 一大班人最啱就係揀酒樓開餐菜單有多種菜式選擇 種類繁多 例如燒味，鑊氣小炒，蔬菜，海鮮， 湯品…… 樣樣都好想食 圖文並茂 好吸引除咗有單點嘅菜式之外 仲有套餐提供 價錢亦相當相宜 不妨可以考慮一下蛋黃南瓜$88即叫即炸 熱辣辣 好欣賞佢個脆漿 非常鬆脆之餘又夠薄 唔會食到成口粉 一咬開 中間嘅南瓜好軟熟 個南瓜好甜真係用咗新鮮鹹蛋黃去整呢味餸 真材實料 鹹蛋黃係我至愛 蛋黃蓉沾滿每條南瓜 味道鹹鹹甜甜好特別 這個配搭確實不錯紅燒乳鴿$52隻乳鴿size啱啱好 肉質嫩滑唔嚡口 中間依然保持肉汁 個皮炸到脆卜卜 點淮鹽及喼汁 簡直冇得輸上湯龍蝦伊麵$198龍蝦伊麵係我每次去酒樓食飯都必點的 $198 真心覺得抵食 龍蝦夠大隻伊麵又夠多龍蝦並非雪藏貨 肉質鮮甜帶有海水味伊麵唔會太淋 依然有咬口 完全吸曬上湯嘅味道粟米斑塊$98非常貼心 斑塊和粟米醬汁是分開上的 咁樣可以避免斑塊變得軟身 要食嘅時候先淋上醬汁 這樣便可以吃到斑塊嘅酥脆籠仔荷香薑米蒸蟹飯$188荷葉墊底成個飯都充滿荷葉嘅香味 原隻鮮蟹 蒸飯 蟹嘅鮮

今日放假叫媽咪唔好煮飯，一家人到附近商場的新新酒樓叫餸食中餐。這裏地方非常闊落，坐得舒服，海鮮新鮮生猛。餐牌上款式好多，好多精選孖寶，靚湯及優惠套餐，特別係上湯焗美洲龍蝦推廣價$198隻，當然要試吓上湯焗龍蝦大大碟好抵食，龍蝦爽口新鮮配伊面一流👍燒味拼盤-有叉燒、海蜇、青瓜、燒肉、切雞等，燒肉燒得脆卜卜，海蜇青瓜辣辣地好入味爽口😋叉燒不會太肥或太瘦，好多汁🤤火龍千島蝦球-酸酸甜甜好開胃，蝦球爽口彈牙，配白飯簡直一流🤤杏汁豬肺老火湯，真材實料，杏仁味好香好濃好鮮甜，絕無味精，豬肺煲得好淋，點豉油一流😋😋😋

係佐敦行完街，媽咪話要叫餸食飯，真係考起我🤔，見到莊士敦道廣場樓上11樓有間叫新新酒樓，個名幾得意，就上左去試下！環境唔算太大，但都闊落坐得舒服既😌！叫左個燒味拼盤，真係超好味，d义燒同燒肉都好淋，入口即溶，平時食開d燒肉都係好乾身，估唔到第一碟菜就有驚喜！👍🏻👍🏻之後再黎個火龍千島蝦球，火候控制得恰到好處，外面脆卜卜，內裡先甜爽滑，加埋沙律醬同火龍果，零舍開胃😋😋！主菜上湯龍蝦伊面，做緊優惠198，黎到都ok，有好多肉，特別個伊面底，好濃既蒜頭味，索曬d龍蝦汁，正！😊最後緊係要整返個菜平衡一下，金蛋浸時莧菜，清甜菜嫩，飽曬！有時好食既店就要多多支持下，唔好俾佢哋沒落！

等到屋企人從新年旅行回來真難，回來又懶不煮飯，收工帶我到佐敦的一家酒家吃晚餐。花生10茶芥12x2杞子雲耳浸菜苗88一個月沒有在家吃飯，接近沒有吃過菜，點這白菜🥬倒沒錯，不是炒的菜卻格外帶菜甜，雲耳有嚼勁，杞子帶甜又有營，上湯再加西芹草菇，太健康了。燒鵝皇128例份量一點也不少，感覺很實惠，肉多皮嫩，汁也香，鵝味濃郁，口感實淨堅挺，沾上梅醬更得宜味美。芝士焗龍蝦伊面198真是優惠益食家😂二百不用吃到龍蝦🦞面了，真是便宜的奢侈。這個是4人份量吧～很大碟，芝士出手闊綽，對於我這個芝控，魅力沒法擋😍蝦肉很彈，面真的吃不完呢，芝味無窮。必叫這個，回味無窮的🧀紅豆沙豆子煲得綿粉，甜度適中。食後感：佐敦區租也不便宜，難得做到這個價位，實在出乎預料的驚喜🥰

今日同朋友相約過來晚餐，簡左間未食過既新新酒樓。係佐敦地鐵站附近，交通十分便利。環境較舊式一點，但座位比較闊落，𨋢門前放滿好多明星合照片，可見酒樓都幾受歡迎。🥢上湯龍蝦伊麵 $198伊麵份量好多，慘著龍蝦既鮮味，龍蝦亦十分新鮮，晚市黎講，呢個價錢算抵食丫。🥢紅燒乳鴿 $52上碟時熱辣辣，外皮香脆，大部分夠嫩滑多汁，乳鴿味道較淡，但蘸上汁，味道立即升級。🥢鮮茄魚湯浸菜苗 $88魚湯非常鮮甜，忍唔住飲多幾啖，健康又好食。🥢沙嗲肥牛粉絲煲 $98出得街食中菜，港人都愛叫呢道菜，當中粉絲吸收左沙爹肥牛同蔬菜既美味，非常惹味。

近年有不少新的酒樓出現，無論食品及招待都不及舊有的食店.這食店離mtr 1 min 十分方便，易找.歷史十分久的酒樓.這豬肺湯十分有名，因此又要試一試，這年代相信只有少部分有提供到這些多難到的食物.要一些老師父才能做到.滑滑的叉燒，十分好味道，和一般的差十分之遠，大家一定要試一試.清清的紅燒豆腐，穫氣十足.沙鍋上的節瓜十分爽囗，粉絲也十分入味.大大碟的炒飯，十足乾身有水準.雲耳蒸雞好味道，有荷葉的清香味.

平時與家人經常到酒樓食飯，但今次約了朋友來到這間有50幾年歴史，位於佐敦地鐵站附近的酒樓試試。 步出電梯，就看見酒樓名稱 - 新新酒樓，電梯旁有不少明星光臨的照片，心想應該不錯。。。當天客人不算太多，待應招呼一流，整晚一共換了3次碟。。。今次只得2個人，所以只叫了3個菜，本來花膠海參玉掌煲的味道不錯， 但可惜海參及鴨掌不夠入味，杞子雲耳浸菜苗保持一般水準，而士多啤梨骨大大舊，而味道跟甜酸骨差不多，但味道尚算可以。整晚菜式跟一般酒樓沒有大分別，不過不失。

很久沒有吃中菜了，約了位好兄弟去試這間位於佐敦倫敦廣場的粵菜館—新新酒家，酒家以平民的價格呈獻高級食府的菜餚，究竟有幾好食，幾底食，就來試試，當然不會缺少好兄弟的同行。兄弟是素食主義者，但都會食下肉，但海鮮一律禁止，以我這海鮮大食怪，今晚便要收斂一下。翻開菜單，發現菜色也真不少，有好幾道菜都想食，餐廳還提供一些套餐，更加優惠。結果我們選了精選孖寶D，有例牌明爐燒鵝和薑蔥粉絲大連鮑魚雞煲，淨係聽個名都覺得好食，燒鵝多汁、肉嫩大大件，送白飯食最滋味。我當然是負責那幾隻鮑魚，個人也不是太好，但兄弟不吃，只好我一人包辦，鮑魚鮮甜，不太林也不太硬，硬度剛好，有𡁻口。為了照顧素食兄弟，選了豆豉鯪魚炒生菜。豆豉鯪魚汁滲進每條生菜中，生菜又新鮮又爽甜，味道豐富，一讚！最後二人都吃不完，只好打包回府，明午繼續美味燒鵝粉絲雞保。