去完尖沙咀行街，想坐得舒舒服服食餐上海菜，不妨試吓呢間「上海婆婆336」，餐廳地方闊落，裝修以啡木色為主，營造出中式懷舊的環境！ 飄香鳳梨雞 做法似生炒骨，鳯梨雞無論是菠蘿或者係雞件都好大件，味道酸酸甜甜，啖啖肉非常好食😋！ 336上海小籠包 小籠包上枱時熱騰騰，一入口已感覺到皮薄餡料多，又多湯汁👍🏻！ 酸辣湯雲吞 湯料有蛋絲、筍絲及木耳絲，一大碗裏面再配上5大粒雲吞，持別豐富，加上調味和芡汁的濃度適中，整體來說好味😋！ 豆沙鍋餅 每一件切得平均，而且豆沙餡足夠，個人感覺甜度剛好！ 菲黃炒鱔糊 份量很多鱔糊有口感，九王炒得有鑊氣👍！ 北京炸醬麵 炸醬味道甜甜地，小朋友都愛吃，醬汁嘅份量剛好能撈勻面底，好味😋！ 椰絲甜煎餅 外皮香脆可口，中間有好多嘅椰絲、芝麻、花生，$28呢個價錢，的確幾抵食😋！

近期新蒲崗多咗好多唔同嘅食店，但係一講起食潮州嘢，即刻諗起呢間傳統老字號潮州菜《陳儀興飯店》！ 傳統的裝修格局，沒有豪華的裝修，店面放了好多凍蟹、螄蚶、滷水食物，夠晒風味🥰！ 潮州蠔餅 $85 份量都幾多👍🏻面層脆卜卜而且蛋味濃，內裏𧐢仔大大粒，非常香口又足料😋加上蠔的鮮甜味，不錯！ 鹵水鵝件 $128 鵝肉鮮嫩多汁夠入味，果然係招牌菜， 底層重有豆腐，吸收哂所有精華，配合白粥一齊食，一流🥰！ 鵝肝鵝腸 $188 鵝肝質地粉嫩每一啖都好甘香，鵝腸厚肉多膏又爽口，重有大量既大豆芽和豆腐，吸收哂所有精華，夠大碟超滿足🥰！ 水煮滑牛肉 $128 薯粉條，木耳和大量牛肉，香香辣辣夠哂惹味，牛肉肉質亦唔嚡！ 馬友 $198 食潮州野當然唔少得點條凍魚啦👍🏻，以蒸煮再冷藏，放上枱已經連皮都去埋，進食好方便之餘，油脂香亦特別鮮甜！ 白粥 $24 圓肉紅棗薏米水 $20 新鮮熬製的涼茶，一共有4款，我就比較鐘意圓肉呢支，不太甜又足料好清潤👍🏻！

唔知食乜好，火鍋放題的確係一個好好嘅選擇👍🏻呢間人氣高企嘅《牛站(駅)麻辣火鍋放題店》內有3個價格選擇，主要都係肉類和海鮮的選擇分別，$258/$298/$338 (120分鐘無限任飲任食)👏👏 湯底有十款選擇，麻辣、滋潤、惹味嘅都有，而我就選擇咗花膠雞鍋，滋補又足料，夠哂味👍🏻！ 而大部分食材都可以喺自助區自取～冷盤，小食，自家製飲品，雪糕等等．．咁就可以一邊食一邊用App慢慢落單😌夠哂方便！ 🐂牛肉選擇都唔少，有美國極黑和牛片、肩胛肉、封門柳、牛脊肉、牛板腱等等．． 肉質柔軟，口感豐富，充滿濃郁的肉香味👍🏻！ 🦐海鮮就有蝦、象拔蚌、帆立貝、沙白和魷魚等等．．．食材，全部都好新鮮，每款都可以點少少試試，唔會浪費食物😊！ 麻辣小龍蝦～就最多人食，好惹味！ 糍粑～軟糯Q彈，外層脆卜卜，內裏有紅糖漿味道超香甜！ 甜品選擇亦唔少，台式甜點、夾糖區、軟雪糕和日式糕點都有，小朋友至愛🥰！

屋企人特別鍾意去中式酒樓食飯，所以今日就去咗呢間《新新酒樓》💁🏻‍♀️食呢個鹽擦南非鮑魚餐$738 的確幾抵食！ 濃湯雞煲翅 一大煲熱辣辣，半隻雞份量，湯底夠哂火候和鮮甜，四人飲用每人可以飲到兩碗，而翅裙都好多👍🏻👍🏻！ 鹽擦南非鮑魚 椒鹽味好香口，肉質唔乾亦夠厚身，爽口之餘亦食得出鮮甜😊估唔到咁好食！ 燒鵝拼叉燒 燒鵝夠入味，皮脆肉質又唔霉，而叉燒大大片無肥膏啱哂我食😋！ 翡翠炒花姿蝦球 同平時去飲宴食到嘅一樣😅西蘭花夠翠綠，海鮮夠鮮甜爽口，夠鑊氣！ 咕嚕黑豚肉 味道正常，大大碟足夠四人食用！ 濃湯灼生菜膽 生菜爽口，掛汁一流，好清甜👍🏻👍🏻！ 最後重有綠豆沙糖水送！另加$28(每件)蝦多士，感覺有點貴，但味道都好好味🥰！

離遠望過去，只會望見霓虹橙光管，呢間小店《The Steakhaus 》以皮革和復古嘅色系設計，的確打造得入型入格！ 🔶🔸🔶🔸🔶🔸🔶🔸🔸 鐵板油泡安格斯牛柳 $218 店員即場以鐵板煎製，再加入滾油，香味撲鼻😍牛柳肉質軟嫩，加埋蒜頭一齊食特別惹味，而多士亦好脆口，食完超滿足，推薦必食👍🏻👍🏻👍🏻！ 奶油蒜蓉蝦 $58 蝦身已去殼，爽口又啖啖肉👍🏻進食好方便😋奶油蒜蓉掛汁一流，味道濃郁，一碟有七隻！ 蟹羔蟹餅 $78 外層煎得香脆，每一啖都係滿滿的蟹肉鮮甜味，加上蟹羔🥰越食越滋味，味道配合得好好👍🏻！ 小綠色沙律 $28 呢個價錢，份量都唔少，而且沙律菜夠新鮮！ 士拉差雞翼 $48 單骨雞翼，一碟有七件即點即炸，香脆又香辣好惹味，但份量感覺偏少😊！ 甜薯條 $38 熱辣辣，脆卜卜，感覺亦唔油膩，份量亦唔少，不錯👍🏻！ Baileys Black Sugar Milk $78 呢杯cocktail 以 Baileys 甜酒加入焦糖和牛奶，入口香甜帶點威士忌的香醇，味道十分融合，賣相都好靚✨！ ⏰食物可能即點即製的關係，所以等候嘅時間都會比較長，大家記住預留多點等候時間！

每次去九龍城，順道都會食餐泰國菜，呢到出名嘅泰國一條街有咁多選擇😊最後當然揀咗老字號嘅《小曼谷》泰國美食🥰！ 泰式生蝦刺身 $128 大大隻晶瑩剔透，肉質厚實，沾上特製醬汁，鮮甜又惹味😌！ 泰式干炒豬肉片河 $98 炒得特別有鑊氣👍🏻 又不油膩，加上用濶條河粉，所以口感會比較有彈性和滑溜，而配料亦炒得好香口，好好味😋！ 泰式煲仔翅 $108 熱辣辣上枱😊材料十足，味道的確好鮮甜，加上湯底用上湯熬製，加入埋爽口芽菜和芫茜🌿 ，配合得剛剛好😋😋！ 泰式鐵板蠔餅 $138 蠔餅外層香脆，內裏𧐢仔大大粒，非常香口，蠔亦好鮮甜，放係鐵板keep住熱度，慢慢食都無問題👍🏻！

屋企人未試過京滬菜，難得觀塘區開咗間《京滬佳餚 》見到D食物都幾高質，一於食餐好先😊！ 京滬香酥烤鴨 香脆的外皮和嫩滑多汁的鴨肉，以特殊的調製和烹飪技巧，令肉質更加鮮嫩，風味獨特，再配上餅皮、蔥絲、山楂條，層次和味道都大大提升👍🏻！ 金湯藤椒酸菜魚 以新鮮的生魚肉和酸菜為主要材料，椒麻的味道和酸菜令湯汁更加濃郁，魚肉每一片都切得好薄，入口鮮嫩幼滑！ 招牌小籠包 小籠包上枱時熱辣辣，皮薄到見到豐富的湯汁，口感鮮美，湯汁鮮甜，肉餡鮮嫩豐富，好好味👍🏻！ 香麻龍蝦豆腐花 以香麻微辣作調味和新鮮龍蝦的鮮甜，再搭配豆腐花的柔軟口感，第一次食呢個配搭，味道剛剛好，好特別的食法👍🏻！ 老上海炒飯 上海炒飯以蝦仁、煙肉、蛋和青菜等配料炒製而成，米粒飽滿，每一啖都好惹味，一啖接一啖食唔停口！

想食高質素嘅台式料理，去呢間位於元朗YOHO嘅《臺北棧》就一定會啱哂心意🥰裝修以台灣海岸為靈感主題打造，配合紮染海浪的天花藝術，無論打卡或者約埋朋友傾吓計都十分適合📸📸！ 招牌牛肉麵 $108 每一塊牛肉都充滿膠質，軟嫩中帶點Q勁，啖啖肉之餘，湯頭亦是用心熬製，而台灣寬粉亦掛湯一流，最吸引的是每一碗都提供了秘製「辣牛油」以牛脂肪製成，放進熱湯頭即融化，微微香辣，每一啖都蓋滿牛脂香氣👍🏻👍🏻！ 麻婆臭豆腐 $98 臭豆腐Q彈多汁，沾上帶微微麻辣度的肉碎一齊食，特別滋味😋每個套餐亦會附上飲品和隨機小食一份！ 櫻花蝦烏醋茄子 $48 🍆厚切茄子，加上大量脆口咸香的櫻花蝦，再沾上秘製醬汁，絕對係一道好開胃的涼拌小食🥰！ 芋泥牛乳 跟餐加$30 鳯梨苦瓜汁 跟餐加$25 真正鮮榨苦瓜汁，帶點微微鳯梨清香，甘甘甜甜又清熱😊！ 粒粒花生奶奶麻糬 $88 咁特別嘅蝶豆花藍色麻糬🥰只有元朗店限定，以台灣淡水獨有配方，採用日本鮮牛乳和木薯粉做成的Q軟口感，入口冰涼，出奇地軟滑✨✨！

平日返工食lunch 😊食嘅嘢都差唔多，所以難得今日放假，就去咗位於葵涌《悅品酒店》嘆返個高級行政午餐先！ 餐廳環境空間感好大，亦有戶外空間，裝修設計亦比較時尚，所以坐得好舒服😌！ 風乾肉拼盤 Air Dried Beef, Coppa Ham & Parma Ham , 肉質分別以柔軟、甘甜芳香、味道細緻和鹹香味濃，一次可以試哂3款！ 忌廉濃湯 湯中加入了腰果，所以味道特別香濃，以脆餅條和麵包沾上來吃，特別好味😋！ 烤美國牛西冷扒伴忌廉薯配紅酒汁 主菜有4款選擇，牛扒選擇咗5成熟，烤得剛剛好，肉質粉嫩，賣相都好靚👍🏻！ 黑松露野菌意大利麵伴焗芝士龍蝦尾 松露味道唔會太濃而遮蓋龍蝦的鮮味，龍蝦肉質和麵條都好爽口彈牙，整體配搭得好好😋😋！ 甜品＆飲品 甜品賣相精緻，但味道比較單一，有點失望！ 熱茶就全壺以玻璃器皿送上，可以慢慢飲用👍🏻

想食牛什🐂即刻諗起歷史悠久嘅《陳儀興牛什粉麵 》佢哋主打潮洲食品，所以味道特別有保證👍🏻 牛筋、牛肚、沙瓜、崩沙腩、牛肺、牛膀、牛坑腩等等．．．樣樣齊！ 崩沙腩 $148 肥瘦適中👍🏻炆煮得夠腍又入味，入口帶點煙韌彈牙，加埋個生菜底吸收咗D腩汁，特別好味😋！ 雲吞麵 $38 麵條富有彈性，沒有鹼水味👍🏻雲吞皮薄又足料，加埋潮洲特式，粉麵必加的蔥粒炸蒜，紅醋和辣椒油，味道大大提升✨✨！ 炸雲吞 $30 一碟有5隻，脆口唔油膩，沾上甜酸醬，開胃小食！ 轉餐飲品連菜／魚皮 $26 魚皮分量都唔少😊而通菜就夠爽口，腐乳鹹香味夠晒香濃😋！