新新酒樓

跟朋友飯聚，朋友帶我到這間鄰近佐敦港鐵站，地理位置非常便利的酒樓。我們選擇了超值晚飯自選餐，包含每位半隻上湯焗開邊龍蝦及燉靚湯，另選兩款小菜。而自選小菜共有23款，每款也吸引。✨ 燉靚湯（位上）佛手瓜煲排骨湯清甜滋潤。湯料非常多，帶有佛手瓜本身自然清甜味道，搭配排骨更能增加湯頭的鮮美度，入口順暢，口感清爽甘潤。🦞 上湯焗開邊龍蝦龍蝦肉在焗烤後仍保持彈牙，加上上湯的香氣，龍蝦肉吸滿醬汁的精華，整體味道更豐富，口感更加滑嫩。✨ 黑椒茄子牛仔骨煲黑椒茄子牛仔骨煲香氣四溢。以黑胡椒為基底的醬汁辛香撲鼻，帶微辣的味道令人開胃。牛仔骨肉質軟嫩，充滿肉汁。而茄子吸收了醬汁軟嫩入味，美味的下飯小菜。✨ 西蘭花如意炒蝦球西蘭花如意炒蝦球的味道是清爽鮮甜，帶有蒜香和蔬菜的清香。蝦球彈牙，西蘭花爽脆，如意更增添清脆的口感和獨特的風味，使整道菜的口感層次更加豐富。✨ 海帶綠豆沙甜中帶甘的海帶綠豆沙，加入臭草更增添一股獨特的清香。真的不錯，下次再來試試其他美食…查看更多

新新酒樓是一家充滿傳統粵式風情的酒樓，復古的酒樓格局。一入座便奉上枱面花生，這是傳統酒樓的經典小食，簡單卻充滿懷舊情懷。蒜泥拍青瓜這款小食清新開胃，青瓜爽脆，搭配陳醋調味，酸香適中。少量炸蒜點綴其中，提升了口感層次，入口清爽不膩。蒜香一口骨每件骨頭大小適中，剛好一口，份量適中至少有十件。外層炸得香脆，蒜香味濃郁撲鼻，咬下去肉質嫩滑，蒜香與肉香完美融合，令人停不了口。啫啫唐生菜熱騰騰上桌，煲氣十足，令人食慾大增。超大隻蝦乾與肉碎搭配，醬汁濃郁惹味，唐生菜保持玻璃般爽脆口感，份外新鮮，熟蒜的香氣與蝦乾的鮮味相得益彰，整道菜用料紮實，絕不馬虎。清蒸沙巴龍躉是魚肉嫩滑新鮮，即劏即蒸，保留了魚的天然鮮甜份量十足，絕無偷工減料，簡單的清蒸方式更突顯食材品質，適合追求原味的食客。懷舊金錢雞是全晚的最大驚喜，懷舊金錢雞在許多酒樓已難覓其蹤，新新酒樓卻將這道傳統菜式完美呈現。金錢雞由三層組成：面層是柔軟豬肉，中間是雞肝，最底是入口即化的肥膏，淋上叉燒蜜汁，味道濃郁。咬下去層次分明，肥膏的油香、豬肉的柔嫩與雞肝的乾香完美融合，甜鹹適中，令人回味無窮，絕對值得一試！…查看更多

香港人放假時好多都會約埋飲茶，大多唔限時，一路食野，一路傾吓計。今日就約咗朋友上黎呢度。多款精美點心選擇，廚房小食類都有，連好耐無食過嘅懷舊點心都有得叫。飲茶都會叫D餃類，見到瑤柱帶子菜苗餃 ($33.8)，幾名貴嘅食材名字組合一起，有別於食開嘅蝦餃。外皮軟滑透薄，見到內裏嘅餡料，隻隻飽滿。內裏食到鮮甜帶子，亦有蝦肉，菜苗及冬菇粒，一隻餃有唔同口感。睇見呢度有灌湯餃食，名字唔陌生，但唔知幾多年無食過。仲要係花膠瑤柱灌湯餃 ($50.8)。以鮮甜上湯浸住隻餃，花膠係側邊。喜歡嘅可以加少少紅醋更令人開胃，入口食到有香菇，瑤柱絲，豬肉，蝦肉及大菜糕。餃皮已被上湯浸得軟滑，食吓食吓連連湯都飲晒。喜歡飲茶嘅原因之一，就係可以食到唔同種類嘅食物，煎炸香口類走唔甩。首先有香煎腐皮卷($33.8)，一條可剪成2件，方便易食。點喼汁食，皮脆內有芽菜，甘荀及菇絲及蝦肉等作餡料，一啖一件好輕鬆。另一香脆炸物係蜂巢炸芋角($29.8)，一碟3件列隊排好。唔係好多酒樓仲有得食，外面鬆化，咬入有芋蓉嘅綿滑感及惹味肉碎，無需點醬汁已經好好食。友人見到點心紙上有金牌炸乳鴿($52)，就話想食，心動不如行動。炸得顏色幾靚，鴿身適中，每人半隻岩岩好。滷得幾入味，皮香鴿肉唔乾，點少少喼汁食仲惹味。作為另類甜品有呢客原籠馬拉糕 ($33.8)，大大個圓圈切成八小件。入口夠熱又鬆軟，第一啖已食到熟悉嘅馬拉糕味道，飲啖茶，食件糕，正。茶位每位$11，叫咗壺鐵觀音，加咗幾兩次熱水都仍然咁香濃，二時後入座係下午茶時段，價錢下調，食得更開心。…查看更多

親友想在生日食懷舊菜，就選一間交通方便的酒樓食飯。酒樓位於柯士甸道與彌敦道十字路口，無論是搭地鐵或巴士都很方便。酒樓在商場內的高樓層，能遠眺港島區的銀行及商業中心，景觀真好!點 C 餐  6 位用 $2088 包茶錢、啤酒及汽水。另外多點兩份小菜: 金錢雞 5 件和客家梅菜扣肉 。上湯加拿大龍蝦 6位份量有一隻龍蝦，如果是12位用有兩隻。龍蝦斤量看起來不錯，上湯汁味道適中柔和，龍蝦和伊麵都好味，份量亦夠六人分享有餘!翡翠花姿珊瑚蚌螺片、珊瑚蚌、西蘭花及彩椒等都調味恰當，螺片和珊瑚蚌同樣爽口，最愛的是新鮮西蘭花!客家梅菜扣肉 $118聞到好香的味道，即時向侍應點白飯，扣肉幾大塊，味道剛好，扣肉肉質非常好及軟腍，不用多咬可以大啖食，扣肉下的生菜更好味，好下飯! 清蒸沙巴大虎斑 1 條 (大)大虎斑蒸得靚，賣相很有氣勢，看起來多肉，夾下夾下果然多肉，蒸得剛好，新鮮，肉腍好食!白飯 $15在詢問白飯的狀況時侍應回覆白飯是即叫即蒸，所以要等，等下無問題，我哋只是想食梅菜扣肉撈飯吧!富貴黃金百花球蝦球炸得結實，外脆內軟，加入酸辣醬更好味!紅燒竹笙雞絲翅清楚見到材料豐富，湯亦鮮美，我哋飲晒一整鍋。鴻運乳豬件全體以餐飲次序來算，鴻運乳豬應是第一道菜，但食到中段才到，乳豬皮脆肉厚，好食!金錢雞 5 件 $190一直好期待的金錢雞來了，聞到燒味的香味，汁少少甜，金錢雞油脂味豐富，配青瓜可以解膩。5件金錢雞有兩件較硬，花點時間才可以咀嚼好，有點失望! 蠔皇金錢扣玉掌份量幾多，玉掌下面的生菜更多。玉掌味道尚可，可以再更入味，冬菇和生菜好食，又多一款好下飯的菜餚!新新一品脆皮雞  半隻脆皮雞聞到好香，皮好薄好脆，雞肉腍身，不用蘸醬汁都夠味，個個都好喜歡珍菌炆伊麵味道調得很合適、不油、夠熱，好食!蟹籽海皇炒飯有蟹籽在頂部，另有蝦仁、菜、蔥和蛋絲等，炒飯有少許鹹香味，乾身，每人一小碗已足夠。福康蟠桃 侍應主動更換碗碟及詢問上菜進度，壽包要待客人同侍應講才開始蒸，蓮蓉餡有蛋黃，甜度適中，麵糰口感一般。糖水 - 紅豆沙紅豆沙材料豐富，甜度很合適，比想像中更好食，有點意外!半席晚飯份量算大，整體味道不太濃，很健康，我哋愛懷舊菜但期待品質更進一步。侍應服務體貼，酒樓位置方便，有景有美食，開開心心渡過一晚!…查看更多

爸媽有次經過見到新新酒樓，就講話呢間樓酒佢地細細個就去，係好紅嘅酒樓，以前好多明星麵去。呢日同佢地去開佐敦，就直接去佢地去飲茶！ 12點已經人頭湧湧等位，如果肯搭枱就快入啲，我地3個唔搭枱就等咗大約半小時就入得。*星期六 午市茗茶 $11/位 *點心都係$2x ，即製即蒸。《 剁椒蒸魚雲 $26 》一大個魚頭，肉多之餘魚鰓位又爽滑！《 金粟脆魚餅 $23.8 》 薄身但彈牙加埋粟米粒甜甜哋好食；《 豉汁蒸釀茄子（大）$33.8 》 鯪魚肉彈牙，茄子腍身入味～《 蠔皇叉燒包（小）$25.8 》 包熱辣辣好鬆軟，叉燒肉餡多，唔會得啲醬，好食！《 蟲草花浸鮮竹卷（中） $29.8 》 唔油膩，湯又清香～《 銀魚仔肉餅飯（大）$45 》 幾大盅，飯唔會太乾，銀魚加肉餅好香口又有口感，加啲豉油撈飯好正～《 香煎蘿蔔糕（小）$25.8 》 蘿蔔肉多，香口好食，但如果多返啲臘肉粒會更好～《 鮮奶蛋撻仔 （中）$29.8 》好耐冇食過蛋撻仔，有四個～ 點心份量都幾足，所以我哋三個都食得好飽。職員都好有禮貌，點心員亦都細心，下次再嚟飲茶先！！…查看更多