新九記粥麵

營業中

休息中

天氣啱啱轉涼，啱啱放工見到呢間粥店，同事話好好食，不過食lunch嘅時間非常多人，放咗工見到夜晚唔使排隊等位，所以一於去試吓，價錢唔算貴，食多幾款都唔肉痛。我哋兩個人首先叫咗豬手撈麵，豬手好軟淋，好入味，仲有三大嚿，豬手汁撈落麵度一齊食，食到麵質好彈牙，豬手汁充滿骨膠原，味道濃郁真係好味。順帶一提呢度店員真係好好，佢叫我地差不多食完豬手麵先叫其他食物，因為豬手麵凍左就會冇咁好食，盡快食先最滋味。另外叫咗一點粥滾魚腩片，真係好好食，好好食，重要嘅嘢要講三次因為真係好好食，魚片啲骨大大條唔會哽親，魚肉非常滑配埋辣椒豉油食，我一個人可以食一碟，真係好好食。最後叫咗個豬潤滑牛粥，豬膶新鮮整大大嚿好爽滑，牛肉厚切夠曬入味，最正係啲粥真係好棉，最後食埋一碟腩汁芥蘭，好耐無試過食粥都咁開心，大集團個d粥真係唔該byebye，原來食到一餐咁好味嘅粥，都會有幸福嘅感覺，下星期我又要來啦。

我最近很熱衷跟朋友人推薦新九記粥麵的豬潤、雞粥還有陳皮鯪魚球。這間位於灣仔大王東街的新九記，其實是老字號，上世紀七十年代便已屹立於此。拿過米芝蓮，日本電視台訪問過，但店鋪沒有挾著光環狂開分店，至今依然是默默經營。當晚來到的時候，見很多都是老顧客，餐牌都不用看就落單，有些人甚至是未出聲，夥計已經大概知道他要邊幾樣。 老闆見我和男友左顧右盼，可能已知道我們是第一次來，便推薦了幾樣必食的粥麵。 1) 粥灼鮮豬潤$100 粥灼鮮豬潤$100 是厚切，用粥灼熱，最後撒上薑蔥末來提香除腥味。夥計端上後，特地提點我們，豬潤最好就是趁熱吃，攤涼了不新鮮了，口感會變硬。就算是我男友平時不大喜愛吃内臟，也是連翻大讚。就算是深水埗馳名的豬潤麵，口感跟新九記的這個豬潤差太遠了。 剛煮起的豬潤，外面爽脆，而中間軟腍多汁，非常驚艷！ 2) 鷄粥  除了豬潤，來新九記也是必定要試他們的鷄粥$58 鷄粥是用新鮮雞熬煮，粥品煮得綿滑，鷄肉經過熬煮之後鷄肉也不算太鞋，鮮甜香味也依然濃鬱 3) 陳皮鯪魚球  然後便要試一試鯪魚球。 加入了陳皮的鯪魚球，鮮味更爲提升，尾段帶輕微的陳皮芳香，而且

新九記粥麵在灣仔可謂歷史悠久，由朋友出生營業至今。每天早上有不少公公婆婆光顧，中午就有上班族用膳，晚上則有附近街坊來吃晚飯，每個時段各有捧場客。雖然新九記粥麵店鋪小小的，但每一項細節都盡善盡美，食材新鮮無味精，服務上雖然忙碌，不過服務也很親切周到，所以一直深受家住附近的朋友喜愛，我們久不久來吃飯。南乳豬手大件飽滿，一入口已感受到它的燜功了得，豬手能燜至軟中帶彈，可花費不少時間燜煮。南乳豬手富含膠質，鮮嫩到不得了，南乳味濃厚，讓人食指大動，不要錯過呢。我們也來份開胃的皮蛋酸薑，皮蛋色澤鮮明，口感細嫩爽口，淡粉的酸薑片嫩嫩的，酸中帶微辣，不論單吃或是搭配皮蛋吃都很棒。熱騰騰的魚腩豬心粥，不斷冒出魚腩的精華，粥底充斥魚肉的鮮甜，魚腩肥厚滑嫩，豬心口感爽彈，拌入青蔥，完汁原味品嚐這粥，可謂簡單卻美味的享受。新九記的上湯淨雲吞都是由師傅即日包製，保證用料新鮮。雲吞相當實在，一碗八顆，雲吞皮薄小巧，卻藏著原隻蝦仁，肉餡鮮香，非常迷人。韭黃於淡褐色的上湯飄浮著，濃中帶鮮，與雲吞十分合拍。上湯鯪魚球一樣貨真價實，鯪魚球好不飽滿，肉質彈牙，當中還混入蝦米，魚鮮無窮，讓我們一口接一口吃過不停。上湯以大地魚

最近經常燒烤又打邊爐，今日想食得清淡d。行經灣仔大王東街，見到呢間老字號粥品店，裝潢樸實，環境潔淨，夠哂光猛，加上店員熱情招呼，一於試試～南乳豬手HK$60/碗豬手炆得入味，一上枱就聞到陣陣南乳香，口感腍滑，鮮香味濃，肥而不膩，火候恰到好處，而且豬手膠原蛋白豐富，充滿膠質。柱侯筋腩撈麵HK$47筋腩炆透入味，香氣濃郁，口感鬆化腍滑，味帶鹹香但又不會過於濃膩，牛筋同樣滑溜入味，夠鮮味且不黏牙。麵條爽彈，充滿嚼勁。粥灼鮮滑雞拼豬膶 HK$100第一次試粥灼食品，口感的確更為嫩滑~含豐富鐵質的豬膶口感鮮嫩軟腍、滑嫩香醇，夠厚身非常有咬口，爽脆無渣，好鬆化，而且烹煮時間剛好，唔會有血水，冇半點腥味！鮮滑雞充滿雞味，肉嫩味鮮，啖啖肉夠好滋味，粥底綿滑有米香，濃稠度剛好。魚腩拼豬粉腸皮蛋粥 HK$68切件魚腩好足料，啖啖肉唔算多骨，魚肉嫩滑鮮美無腥味，入口滑溜。豬粉腸充滿嚼勁非常新鮮，加入皮蛋後味道更加豐富，而且米粥濃稠絲滑，很讚～

外間的粥底火鍋通常是用粥水，後加米飯，但傳統真正的粥底火鍋，可能香港只有這一家，每到冬天定必人頭湧湧爽脆鯇魚皮，是已經煮熟的魚皮，製作工序繁複，用上薑絲，蔥絲，辣椒及麻油等醬料，輕輕一拌，令魚皮入口爽口而且有嚼勁粥灼鮮豬潤，因為朋友不吃內臟，幸好這裡有用粥灼的小食，每塊鮮豬潤不薄不厚，入口又爽又淋，洗得乾淨，灼的熟度剛剛好，我敢說這是我吃過最好吃的重頭戲來了，粥底火鍋，雖然火鍋配料選擇不多，但就是用真正的粥底，數款配料已經足夠該店的特選黃油雞，是用新鮮本地雞，好可惜售完，下一次，一定要訂檯加預留一份粥滾了，粥底加入了冬菜，陳皮及薑絲，令普通的白粥底更香，不再普通每一碟配料都是新鮮，足料，大碟，絕不欺場爽滑牛肉，色澤紅潤，灼熟後的牛肉夠滑口同好軟，入口不韌新鮮豬肉丸，一碟約十數粒，每粒都是人手搓成的，新鮮豬肉打成膠，混入少許蝦肉，令口感更為鮮最後，一大鍋生滾粥完成，小心粥是非常燙口的要慢慢品嘗，味覺絕對是出乎意外的好吃題外話，看得出這家店的老闆對員工如對家人般，員工也做得很開心，對所有客人都以禮相待，服務態度良好

寒露都過咗，日頭熱啫，晚黑就涼風凜凜，沾寒沾凍，搞到入夜冇晒胃口，只想食吓粥就算。過咗海，只識得羅富記同生記，邊行邊諗食邊間好，點知就經過呢間，原來佢都係老字號喎，啱晒飲支豆漿緩和吓自己先，唔太甜好健康咁碗醬料係要加錢㗎，用嘅唔係普通豉油同辣椒嘛，點雞同牛柏葉一流頭盤梗係叫醒胃嘅炸醬麵，唔食得辣嘅大胃都食到，皆因佢嘅辣係後勁，入口係甜，吞落先嚟料大胃好怕豬潤，見係招牌咪試吓囉，點知勁有咬口，甘甘地好好食，唔同出面，真係食到一滴不剩一口雲吞，一食就咬到好鮮甜嘅蝦，鯪魚球裡面加咗陳皮，湯水又冇味精，同樣佢地嘅下場係一樣都冇剩低每日新鮮預備嘅本地雞，用粥灼熟，比用湯烚更加綿滑，可能冇經到水嘅強力滾燙拍打，真係滑到你唔信你知道嗎？牛柏葉真身係黑色，白色係因為漂白過嚟，老細堅持原汁原味，所以食落唔會有怪膠味，仲好有嚼勁𠻹

朋友約我到新九記食粥底火鍋，當我行到門囗嘅時候見到新九記粥麵，反應係「吓？粥舖黎嘅？」當我入到去見過朋友嗌到成枱都係火鍋配料…哦！明白因為市面上有多間粥底火鍋，一般都令人聯想起海鮮但新九記除左魚之外都無其他海鮮配搭主打肉類及內臟，另外仲有豬手粗、蝦子撈等等粥真係唔係水加米煮成咁簡單，除左生滾粥吸引，砂鍋粥仲惹味粥底本身仲有冬菜及陳皮，好香我地叫左牛肉、豬肉片、豬肉丸及 牛柏葉個人比較鐘意豬肉片同埋牛柏葉，豬肉片未預先煮過，所有鮮味都融入粥裏面，肉片好嫩滑；牛柏葉就切得好幼細，淥兩淥就食得，非常爽口。食到最後我地緊係清晒鍋粥先走！呢度真係非一般嘅粥麵店，食過番尋味

最近少咗出去食飯，因為想減肥避免食太多油膩野，但係今晚真係太攰唔想煮，所以收工喺灣仔附近食呢間粥麵店，之前聽過朋友推介話冇味精，清清淡淡好似幾啱我😆。餐廳一睇就知係老字號，好有港式的味道，個位唔算寬躺但估唔到會比多張凳擺嘢，坐得都幾舒服。粥灼鮮滑雞（$80/碗）好少見係粥灼嘅滑雞，食落嫩滑啲之外估唔到仲多汁。粥灼鮮魚腩（$65/碗）魚腩啖啖肉又少骨，仲有豉油加指天椒配搭，話可以去腥，但個人覺得其實本身都唔腥，若果想多啲味道可以點黎試下，事關帶少少辣。溫馨提示：趁熱食，不然可能會腥啲皮蛋酸薑（$35）第一次食皮蛋係流心的，自己食咗大半碟🙊，私心推介。南乳豬手（$60）食到個嘴黐黐地，充滿骨膠原，而且冇肥膩的感覺。雙拼類粥品-蠔豉拼豬粉腸（$60）蠔豉好大粒，粉腸亦洗得乾淨，幾彈牙，整體幾足料。合時油菜（$20）有生菜、小白菜、菜苗&菜心可揀，個人選了後者，配上獨家蠔汁，同出面食嗰啲唔同，味道不錯。不得不提餐廳好細心，把菜心和菜葉分開，岩曬我呢啲食葉唔食心嘅人。壹品豆漿（$10）沒有防腐劑，飲落又唔會太甜，仲係香港製造。總括而言，呢間老字號真係幾高質，價錢又合理，去開附近可以試吓

近排好想食啲本土地道野，所以上網search見到呢間粥麵老字號，好似係由車仔檔做起，屹立不倒咁多年好似幾犀利，一於去一試究竟。今次三人分別食了醒胃炸醬撈麵（$47）、鮮蝦雲吞麵（$36）、新鮮及弟粥（$46）同合時油菜（$20）。炸醬食落辣辣地，但係可以接受嘅程度，用黎送麵一流，浸埋湯就更佳，完全明白點解會醒胃。雲吞皮薄，蝦肉鮮甜，麵底又唔會過分重鹼水味。其實係第一次食及弟粥🙊，因為一直都對內臟無咩好感，驚好核突嘅口感，點知一啲都唔會😆。及弟粥裡面分別有豬丸、豬心、豬肚、豬肝、肉片同豬粉腸，個人最愛豬肝，可以話係令我對食內臟改觀嘅一個重要轉捩點。不得不提，粥底並沒有味精，真材實料。最後仲叫咗碟菜一齊share，合時菜就揀咗生菜，當中可以揀腩汁同蠔油。個人就揀左腩汁，因為好似好少地方有呢個選擇，估唔到一啲油膩嘅感覺都冇，同生菜好夾，價錢仲好平，真係良心價😍。

老字號新九記粥麵好似食番童年時粥麵既味道！食材新鮮，雲吞麵湯底好正無鹼水味，d蝦好新鮮。我一向唔係好食豬潤，但係佢地既豬潤無個陣怪「壓」味。鯪魚球麵大大粒新鮮彈牙。Well done！！

粥粉麵飯，堪稱中國飲食界的四大發明，源遠流長歷史悠久，亦發展出不少不同的形態，而當中的粥品看似簡單，但其實易煮難精。前陣子筆者由朋友引路來到灣仔大王東街的一間粥品店，裝潢平實地道，單看外表還以為是普通的粥麵店，卻原來大有來頭，由七十年代街邊檔深受街坊愛戴，到入舖後曾獲得米芝蓮和日本電視台推介，其中的實力可窺一二；原來更是朋友心目中頭三位的好味粥店，受到如此的青睞，筆者當然不會錯過一試的機會。店內地方不大但坐得尚算舒適，餐牌上多是粥品麵食或一些佐餸小食如豬手、牛筋腩和豬雜。既然朋友熟路，當然由其發辦。先點來柱候筋腩拼南乳豬手，兩者皆炆得夠身入味，牛筋腩鬆軟滑腍，味濃而不膩，細嚼間還帶著淡淡的陳皮甘香；南乳豬手煮得皮肉分離但不會軟爛，豬毛清得乾淨亦沒有多餘的肥膏，入口軟腍黏口帶南乳香，濃厚而骨膠原滿滿。之後到主角登場，粥灼鮮豬雜跟粥底，朋友說這樣點能試齊這店的珍寶亦較大份足料。先品嚐豬雜，有齊豬膶、豬心、豬肚、粉腸、豬肉片和豬肉丸，全都選用新鮮材料入饌，亦處理得很到位，只需以米漿輕灼，添上了滑溜，不用太多調味已十分出色。筆者雖然愛吃內臟但豬膶向來不是那杯茶，但在朋友推崇下都想試一下，意想不

粥有粥味，🐟有🐟味，粥底夠足料，啖啖口感綿滑，落米夠，粒粒分明爆開，食得出係生米煮成熟粥。無落味精的調味，味道方面仍然顯得足夠，習慣食得清淡的不用再點豉油就足夠享受食材與粥底融合的化學作用。我最喜歡魚腩的爽脆加粥底的綿滑，如果可以再切厚一點口感更滿足。另外推薦豬膶+粥底的配搭，豬膶夠大塊，好似食豬扒一樣今次唯一不足是豬膶煲得耐咗少少，沒有了上次來食豬膶粥時的鮮嫩口感與味道，始終時間控制都好緊要，下次再嚟食時一定要問吓專業人士大廚，豬膶應該要煲幾耐先可以好似佢咁煮得咁鮮咁嫩？另外仲有豬肉丸都值得一讚，不是平時急凍的豬肉丸，而是新鮮豬肉打造的，Size啱啱好，唔係太大粒，但又有咬口，食完仲有回甘味，不過掛住食，無好好研究落咗咩料同D豬肉度一齊攪，先有咁的回甘味。另外，我地仲嗌咗個南乳豬手嚟補充骨膠原，唔食尤自可，一食不得了！嘩！又係另一推薦小菜，豬手夠”林”無肥膏，有少少黏牙為上乘，咬兩口就輕易皮骨分離，味道剛剛好不會太鹹但又夠入味讚讚讚服務方面，我地一邊食，店員時不時仲會走埋嚟係咁幫我地加粥和湯，成煲粥真材實料，成晚Keep住夠米氣，真係食到好飽整體來說很不錯，值得回頭再吃及推薦的食店。

前天午餐時想清清腸胃，便到了灣仔這間老字號吃碗粥。店舖是非常傳統的粥舖模樣，午飯時間人山人海。說真的這裡的價錢有點貴，我單叫了個東菇滑雞粥就要52元，單併粥好像要40多，但雞滑粥甜熱騰騰，料多，還算值得一試。

老店舖相信應該有口碑，雖然佢馳名係粥，聽到啲人不斷叫豬腸吖、牛腩吖～但今日好熱，實在食唔落口，所以叫左碗水餃麵就算，點知黎到放底係碗我相信係雲吞麵唔緊要，照食都得，見佢地人客不斷，總有少少錯漏～本人只係覺得，好食就得～其實份量都比較少同細碗，雲吞有五粒，每粒都包有一隻蝦，爽口彈牙，皮滑，唯獨麵有啲硬，老闆娘問我夠唔夠因為我太餓食得太快，但淺嚐就可以了，留待下次，再黎試試佢地最出名嘅粥底吧埋單$36，港島區黎講差不多了～

前排想食熱辣辣雞粥上網見呢間粥品係頭三名加上朋友介紹 試吓新九記！5點幾嚟到唔算多人最後無試到出名嘅粥 嗌咗撈麵🤪餸就揀咗豬雜 乜都有得試吓🤓豬雜有豬膶 豬肉片 豬肚 豬肉丸 同豬心豬膶幾爽口 豬肉片好淋 豬肉丸唔算好彈牙 不過味都ok😌豬肚同豬心就正常 唔會太韌麵用咗幼麵 無乜梘水味 都幾淋薑蔥放咗喺面自己撈感覺有無都唔大分別🤔本身唔太鍾意薑 撈完試咗啖都係揀返晒出嚟無食如果喺撈好咗上 再有埋蔥油就正了🤩食幾啖再飲啖湯 感覺就無咁乾了試咗啖朋友嘅炸醬麵 反而有驚喜本身唔食辣 炸醬少少辣得嚟又甜甜地 好開胃仲有一條條嘅肉絲比較推薦炸醬麵下次再嚟都係試吓佢啲粥🤤