新九記粥麵

營業中

休息中

早午餐時段嚟到灣仔大王東街既新九記，見肚餓，就入去食碗麵。入面都幾迫下，無他既，小店經營。上次食過豬雜，回味無窮，今次就試下佢個炸醬麵先。一陣碗麵就煮好，先試碗湯先，好濃郁既大地魚味，好好飲，炸醬份量覆蓋大半碗麵，炸醬微酸微甜，好開胃，係舊時既味道嚟，麵條爽滑，全無枧水味，唯一缺點就係廚師無剪開d麵條，所以我食起上嚟有d麻煩。口味：🥚🥚🥚环境：🥚🥚🥚服务：🥚🥚🥚性价比：🥚🥚🥚

灣仔的新九記粥麵，外表看起來就是一般的港式粉麵店舖，最多額外提供粥品，再加上草根的裝修，看起來就是功能性和街坊性強的食肆，但這只是它的表面，一到晚上，這裏就會搖身一變成為火鍋店，而且提供的不是普通的湯底火鍋，而是粥底火鍋。這裏的粥不是普通的廣州白粥，而是加上大頭菜和陳皮等配料煮起，沒有什麼人工的味道，就是天然純水的甜香。配料不用什麼和牛以及矜貴的食材，就是豬什，豬頸肉，鯇魚以及黃油雞。首先煮起黃油雞，變成了油香十足的雞粥，沒有什麼殘渣雜質，雞肉水準相當高，剛剛熟的肉質相當嫩滑，雞油和肉汁結合在白粥以內，比起一般街邊食肆的雞粥高質不知多少倍。豬什有豬腰豬肝，當然還有豬粉腸，豬潤沒有筋，豬腰沒有了尿餲味，豬粉腸當然也沒有苦味，最後豬頸肉的爽嫩，粥底的天然甜味令到這些的鮮味得以提升。基本上無論是任何肉類，也可以配合在這粥底火鍋，而且經過不斷的翻煮，比起一般的粥品味道更香更能表達出來，在這寒冷的冬天就是被一般更自然的享受。

午歺吃了淨雲吞，有7粒，細節粒，但鮮味十足。大地魚湯正宗。今日太飽，未能試吃其他，但見隔離位一位吃炸醬面，很粗的豬肉條，林料足，另一位的鯪魚球加水餃面，鯪魚球很大球，只吃餸已經夠飽，難怪那位小姐要求少面。

今日第一次去食，抱住搏一搏心態去試，因為睇到open rice 有負評；不過冇令我失望。之前有人投訴話個粥杰撻撻同冇味，但我就好喜歡呢種軟綿綿嘅粥底，而且都有味（我唔知有冇味精），我叫双并滑牛同豬潤，都好食唔鞋唔硬。叫咗個淨雲吞，系我鍾意嘅細細粒，系細個時食過果種。味道不過不失，但如果可以加多啲大地魚就好。有人曾經話過服務員態度差，但今日個哥哥仔好有禮貌，多謝晒、唔該不停講，而且做嘢好快手；阿姐都好醒目，客人一走就清理枱面，保持地方乾淨，令食客食得安心又舒服。我一向好少寫食評，但今次體驗令我覺得店主有心改善，希望大家可以再次幫襯，比多次機會小店，可以繼續經營落去。

之前有望過食評寫得咁差，一直都唔敢入嚟食。不過今日病要食粥就試吓。鯪魚球粥 $46驚喜的是，每粒鯪魚球都超級大粒！仲要有六粒！！碗粥又大，好飽，其實性價比幾高。鯪魚球味道其實有啲似貢丸，可能加咗冬菇，仲要無我討厭的芫荽芹菜，所以我覺得特別好食。但可能調味料有啲重，雖然好味，但食完好渴⋯缺點：舖頭入面有個小空間，近廁所，好臭！！其實臭到本身唔想坐低食⋯⋯可能坐出面會好啲⋯喺灣仔返工，40幾蚊咁大碗粥都算係咁⋯如果大家要同「靠得住」去比，咁就真係搵野黎講⋯⋯😂總結，無我想像中咁差，有驚喜。下次會試下雞粥，聽到隔離枱大讚好正

某日覺得飽飽滯滯咁，lunch time想食吓粥，但公司附近好似冇乜粥麵店，問同事介紹呢間粥麵店。入到去見師傅，店員都幾後生，諗住應該唔好食，點知有驚喜。皮蛋魚片粥，粥好綿，麵都做到舊式味道，之後食過幾次，柱侯牛腩夠入味，蝦籽撈麵ok，薑葱撈麵仲好食。可惜自己有痛風，所有雜都唔食得😭如果唔係一定試晒佢，店員雖然傾計比較粗魯大聲，但對客都有禮貌

今晚放工唔係幾舒服😷無乜胃口，諗住食碗粥🍵上openrice 見到呢間♦️新九記粥麵世家♦️有好多個讚，未試過，雖然唔知係邊度🏖️要搵，不過咁多人like, 應該唔會伏瓜😳點知……..坐低叫左碗牛肉粥🥩粥底就杰撻撻，牛肉又鞋而且好難咬開🤢基本上都係要成塊吞😵‍💫成碗粥連牛肉都係淡而無味，成為$46，咁嘅價錢和質素，可以幫襯其他地方😴.最攪鬼係水都唔比杯，今時今日咁嘅服務態度，真係無下次😤

難得嚟港島冇理由又食靠得住，搵到一間喺灣仔嘅小店，不過原來佢已經好出名咗好耐，仲想過米芝連掙扎咗好耐就放棄咗靠得住嚟食呢間其實價錢都唔平一碗及第粥都要成$56 ！見評價咁好都好期待，但係食完之後覺得好普通，粥底非常面，可惜係白粥嘅味道，完全不像生滾粥，內臟合格好味，但係豬潤太薄，其實靠得住真係好味啲。而且價錢都唔平豬膶兩薄片，豬粉腸兩條，但係味道普通，發記粥品好好多！豬肚都係好似我阿媽整嘅質素特別少少有豬心爽口，但係都普通而且細件！整體而言材料好少 足夠好大碗，而且好keep到溫度反而朋友嘅牛筋腩撈麵，好好味！牛肉好多，而且煙靭程度啱啱好不會太肥，一嚿大牛筋店員幾親切，環境都係唔錯喎，仲有廁所 不過啲嘢食性價比比較低，而且普普通通 不會特別來吃

灣仔的粥店選擇不多，而今天又想吃雲吞，又想吃粥，所以選擇了這家店。 豬心粥$44比較特別的選擇， 口感是爽脆的。份量也有5 件左右。雙併粥$52 (牛肉&豬潤)滿滿的粥品，還是滾著的。配料1: 牛肉肉質嫩滑新鮮，但多筋配料2: 豬潤很大的一塊厚切有口感，爽而有點粉感， 煮得不會太老。2 碗粥也是即場加料再煮，所以都能夠新鮮滾熱辣上桌，粥的口感綿密，不會水水的，粥的米粒也不碎濕濕，而粥底也有點調味。淨水餃$39有６粒皮算薄，只是接駁位較厚但皮也不夠滑蝦爽彈，新鮮，木耳爽脆。湯則以鹹味為主， 談不上鮮甜。蜆芥鯪魚球$44６粒很香，很大粒外皮不太脆內裡軟淋很有魚味，很足料餐廳環尚算闊落，也企理。

舊區尋美食，在灣仔大王東街尋找港式雲吞麵舖，一直想嘗試，奈何星期日全日休息，今天有機會提早食午餐，12點去到不用等位。牛腩麵 - 牛腩鬆軟入味，不會入口即散，湯底清甜，真材實料。淨雲吞 - 雲吞原隻鮮蝦，新鮮好味。Have always been looking for old style wonton noodles shop. Had my eye on Sun Kau Kee for a while, but didn’t have a chance to try. Finally able to have an early lunch today. Soup base is fresh and refreshing. Beef brisket is right amount of time. Tender and soft, delicious taste. Wonton portion is good. Regular size unlike the mini wonton will need to order extra portions.

一街之隔，利東街與大王東街，充分將城市現代化及地道文化劃分，然而又毫無違和感集結而成。(1) 爽脆鯇魚皮將灼熟的魚皮放到冰水中冷卻，即能鎖緊鮮味，又能做到爽脆順滑的口感。佐以潮式料酒，熟油及配料，令平平無奇的魚皮變成有趣的涼拌。(2) 爽滑牛筋撈麵滷水入味，牛筋亦有嚼勁。唯沒有軟腍至溶化的膠質。(3) 新鮮及第粥包含豬心、豬潤、豬肚、粉腸及肉片，加上少許蔥花。豬潤未及至「黃沙潤」如細沙一般，但肉質粉嫩，沒有出現白色筋位。粥底無法挑剔。(4) 南乳豬手撈麵撈麵爽彈，沒有很重鹼水味。文學界四大發明：有造紙術、印刷術、指南針與火藥；飲食界則為：粥、粉、麵與飯。

今日下午茶老闆請 食完之後飽到依家都未落格 又去到收工時間 所以決定搵啲清淡少少既晚餐 上網睇咗一大輪 決定去大王東街呢一間舖頭食粥 舖頭地址都唔係太難搵 電車站行過去1分鐘都唔使 就見到大大個字寫住九記 晚飯時間見到好多人喺度食粥底火鍋 我哋兩個就每人叫咗一碗粥 我就叫豬潤皮蛋粥 朋友就叫豬潤肉丸粥 生滾粥係即叫即做 所以店員都話大概要等五至十分鐘等咗一陣我哋兩碗粥 就好快到咗 呢一間舖頭嘅主人真係非常好食 識落唔會有一種好鞋嘅感覺 反而食落非常爽口 皮蛋味道都合格 整體上成個用餐到非常愉快埋單，每人$52

又到lunch 時間 本來想去食碗米線經過bakehouse 時見到對面的新九記有開門 決定一試爽滑魚皮唔係經常可看到架 功夫菜，涉及工序繁多， 要試！口感爽脆， 略嫌調味不足。豬雜雲吞麵豬雜味道好好 口感不錯湯頭有蝦味， 鮮甜， 整體屬於清新感覺若是喜歡濃味的朋友 可能會不習慣唯一扣分既係衛生情況！有待改善，有很多蚊子飛來飛去

朋友推薦新九記粥麵的豬潤、雞粥還有陳皮鯪魚球。這間位於灣仔大王東街的新九記，其實是老字號，上世紀七十年代便已屹立於此。拿過米芝蓮，日本電視台訪問過，但店鋪沒有挾著光環狂開分店，至今依然是默默經營。來到的時候，見很多都是老顧客，餐牌都不用看就落單，有些人甚至是未出聲，夥計已經大概知道他要邊幾樣。炸醬撈麵，炸醬野味，麵條彈牙。

想在短時間,食少少熱物,走過幾間，最後選定新九記。本來是只想簡單叫碗雲吞面。看到餐牌有豬雜，決定試下。我問店員，面抑或米粉好些? 他很有信心告訴我:兩樣都得。幾分鐘的時間,一碗幾好樣的豬雜面便到了。豬雜包括極少吃到的1件豬心、2件豬肚、1件粉腸、1件豬閏，新鮮乾淨。面條爽脆彈牙，湯底亦清香。我最愛薑蔥呢。臨走時，連續對店員讚好。日後我會再來翻尋味的!