新九記粥麵

營業中

休息中

天氣啱啱轉涼，啱啱放工見到呢間粥店，同事話好好食，不過食lunch嘅時間非常多人，放咗工見到夜晚唔使排隊等位，所以一於去試吓，價錢唔算貴，食多幾款都唔肉痛。我哋兩個人首先叫咗豬手撈麵，豬手好軟淋，好入味，仲有三大嚿，豬手汁撈落麵度一齊食，食到麵質好彈牙，豬手汁充滿骨膠原，味道濃郁真係好味。順帶一提呢度店員真係好好，佢叫我地差不多食完豬手麵先叫其他食物，因為豬手麵凍左就會冇咁好食，盡快食先最滋味。另外叫咗一點粥滾魚腩片，真係好好食，好好食，重要嘅嘢要講三次因為真係好好食，魚片啲骨大大條唔會哽親，魚肉非常滑配埋辣椒豉油食，我一個人可以食一碟，真係好好食。最後叫咗個豬潤滑牛粥，豬膶新鮮整大大嚿好爽滑，牛肉厚切夠曬入味，最正係啲粥真係好棉，最後食埋一碟腩汁芥蘭，好耐無試過食粥都咁開心，大集團個d粥真係唔該byebye，原來食到一餐咁好味嘅粥，都會有幸福嘅感覺，下星期我又要來啦。