文記火鍋

營業中

休息中

好耐冇打邊爐呢，今次食呢間出名正嘅火鍋店，不過都係第一次嚟食。佢會先送上開胃小菜，有我喜歡嘅中華沙律，嗌左双拼鍋，可以選兩種湯底，我選了瑤柱清湯鍋同四川麻辣鍋，兩個都好正丫，點了食物就等打邊爐，呢個時間拎埋醬料準備定開餐，注意要收醬料費啊，不過都好合理公道嘅。點了不少食物，有西班牙黑毛豬豚肉，手打鮮蝦滑，蟹籽墨魚滑，鯇魚片，酥化魚皮，黑椒鮮牛丸，蘇格蘭聖子皇，手切雪花牛小排，手切肥手，桂花蚌等等，食到飽晒丫，超級豐富。當中海鮮桂花蚌，聖子皇好鮮甜彈牙，手切嘅牛肉又特別好食，蝦滑墨魚滑又好滑好味，牛丸同其他丸類就好爽口彈牙，全部都好好味，食到好爽丫，正丫。價錢公道嘅，一分錢一分貨，食物幾高質，新鮮，味道好食，吾錯嘅一間火鍋店。

香港地真係好，想食甚麼都方便，炎炎夏日忽然想吃火鍋，就可以吃火鍋！未上火鍋先來小吃即叫即炸酥炸魚皮，非常香脆的酥炸魚皮沒有油臆味很棒！香口彈牙的黃金花枝丸，令食欲更高漲。爽口美味前菜和最心儀的清熱芫茜皮蛋鍋凖備就緖.......西班牙黑毛豚肉&秘製雲吞，肉味濃郁的黑毛豚肉先吃為快，雲吞用料頗佳，肉鮮蝦爽。鬼馬花枝&抵食醉雞件，花枝的爽滑口感是可取，油條吸取好味湯底，又是另一種美味。上等素生根是吃火鍋的最佳拍檔，還有爽爽生麵。如果喜歡嘆番杯啤酒，這是好選擇。吃飽飽，很滿足的火煱。

打邊爐最緊要係乜？我就覺得係食材啦，今次搵到間新鮮食材嘅火鍋店，叫文記火鍋。呢間入到去，環境都幾大，地方都坐得幾舒服，店員服務都可以嘅，食材才是我最滿意嘅地方，岩晒識飲識食嘅我丫。先講選擇，佢由湯底至食材都好多選擇，湯底都超過十款選擇，我覺得瑤柱清湯鍋吾錯，覺得呢個湯底冇咁熱氣，又更食到食材鮮味，而且仲落左吾少瑤柱，好味好飲丫。食材選擇好多，分左不同嘅類別，不少食材值得推介，例如本地手切肥牛 牛頸，呢個好食，新鮮，吾會平時咁硬到一塊塊得雪味，佢真係食到好香嘅牛味，打邊爐一定要食牛嘛，好食嘅牛值得加分，另外，頂級桂花蚌，都吾錯，鮮甜，價錢合理，幾爽口，好味道，黑椒鮮牛丸都好好食，呢個反而原本覺得少少貴，不過真係好正，牛丸新鮮手打好爽口彈牙，加左黑椒分量岩岩好，辣辣地好惹味，好正，食過包你覺得機打嘅黑椒丸差得多啊。其他超正嘅食材有待發掘，下次食到正嘅再推介，真心覺得呢間食材係好嘅。

今日去左大圍探朋友順便一齊食呢間火鍋，朋友話食材好正又新鮮嘅，食過真係吾錯。我選了兩拼火鍋湯底，四川麻辣同瑤柱清湯，如果食得辣嘅，四川麻辣都好正，夠麻，好惹味，瑤柱都清甜，因為我食得辣，食左麻辣再食下瑤柱鍋就覺得瑤柱鍋較淡了，而朋友冇食麻辣嘅，就覺得瑤柱鍋夠味又清甜。食材方便都有好多選擇，除左一般嘅牛，丸等食材，我都點左蘇格蘭聖子皇，很巨形嘅，啖啖肉好好食丫，而且都好新鮮彈牙，吾錯，價錢都合理，另外仲有爽脆珊瑚蚌，都吾錯，肉質爽脆，味道鮮甜，還有手打鮮蝦滑都好值得推介，平時墨魚滑就聽得多，手打蝦滑都吾多有，火鍋食好彈牙美味，好食丫。整體感覺都吾錯，而且服務都好好，食材新鮮又好食，出開大圍會再嚟食先。

同朋友夜晚八點半先搵嘢食，喺大圍見到文記火鍋，就咁星期五未到星期四晚上就去打邊邊，爽一下。服務非常好，我地得兩個人俾咗個六人枱我哋，沙發可以連埋一齊坐得非常舒服。呢度有好多款牛食我朋友揀咗本地手切肥牛，我哋討論緊食頸位定係脊位，侍應好友善過嚟解釋兩者嘅分別，最後我哋揀咗較爽同較滑嘅頸位。本地肥牛果然係牛味重啲，我自己比較鍾意食本地肥牛多個美國牛。因為牛味不同，果然本地肥牛好味真係好爽好滑有牛味，肥瘦適中。第二好味係野生竹笙好好味，條條都好大條，返咗落湯度之後吸晒啲湯嘅精華，美味到不得了。仲有美國蠔，五大隻，隻隻都大大隻脹卜卜又新鮮。我雖然好飽都食咗三大隻。三寶丸係牛丸蝦丸同墨魚丸，爽口彈牙。響鈴係新鮮炸起唔會有油煙味，仲可以就咁食，俾埋麻醬你。點醬食得，好鬆化。食到脹卜卜，好豐富嘅消夜啊。

今次已經第二次黎，好鍾意，好鍾意，好鍾意佢既牛奶鍋，係3.6牛奶鍋，聽個名都覺得夠晒潤，滑黎到，除左有醬料既調味架外，仲有小食:中華沙律。湯底黎到白雪雪，試飲，清湯再加牛奶，重牛奶味。嗌左桶蠔，有五大隻，每隻仲大過我手掌，有蠔味，好味。脆鯇腩，我至愛，最緊要咬落去chok chok聲，夠脆。響鈴，即叫即炸，有兩個食法,1: 點芝麻醬即食; 2: 滾一滾，點自己秘整豉油。由於佢只係卷左兩陣到，點醬好好味。仲嗌左黑毛豬，粉腸，娃娃菜。最後叫左烏冬，佢係用日本幼身烏冬，用牛奶鍋去滾，特別滑，吸味。呢間材料新鮮，各位可以試下

Made reservation on the same day without problem and I understand why after the meal.  The place is expensive and everything came with tiny portion.  Four of us spent more than a $1,000 and we have to eat again afterward.  Overprice and totally not worth it.

一行五人大熱天時打邊爐，冷氣充足，位置易找，分兩層，材料新鮮，生猛海鮮，脆卜卜的響玲，侍應親切，服務一流，環境整潔，坐得舒服，光猛寬敞今次為友人慶祝生日，侍應主動為我們提供义碟切蛋糕！約定下次再來

大圍文記生日飯，食家最知我心就梗係去打邊爐，試了大圍開業一年的文記。位處積信街，珍禽異獸隔離，店分兩層，人多仲可以包房，座位舒適寬敞不迫狹。湯底點了冬瓜瑶柱湯象拔蚌刺身例牌$298﹐鮮甜味美﹔個人推薦佢地既四寶丸，蝦丸做得極彈牙足料，黑椒牛丸亦非平日可吃到；仲有即炸魚皮，熱辣辣即叫即炸，正到爆韭菜餃亦是自家製，多菜少肉合口味！牛肉要了手切牛頸及脊雙拼$298，頸位味濃，脊位腍香，但期望可以更好。服務很好哥仔熱情招待，吃得開心要在大圍找服務有質素食物有水準的火鍋店，可到這兒一試。FB專頁: smallsmallsmalllin

行經大圍，見倒一間新開火煱，𥚃面環境乾淨，新裝修，有二樓，人多可包房，海鮮湯低好有冬陰公feel，少少辣，好特別，響鈴自家即叫即整，芝士獅子狗好特別，刺身新鮮，中山脆肉鯇好鮮甜，正，下次會再來

本身住大圍,早兩日聽朋友講開左間新火鍋,見呢幾日凍凍地,專登過去試下我同男朋友兩個人,好快有位,佢地d檯都幾大張,2個人坐好舒服,唔會覺得好迫叫左個胡椒豬肚湯,,豬肚爽口,飲完兩啖即刻暖晒聽老闆極力推薦下試左個響鈴,話就咁食都得,點個醬食,又真係脆卜卜,幾好食野生竹笙, 好爽口, 索晒d湯汁, 超正手切肥牛,都幾薄, 牛味濃鮮菇..整得幾靚牛骨髓..好滑仲試左個4寶丸,,d丸超彈牙,,一d都唔覺粉,,下次黎都會再試

男朋友突然接我收工, 然後帶左我黎試呢間新開的火鍋店。 可能時間太早, 6:30黎到一個人都無, 完全唔洗等位 唔講唔知原來呢度有兩層架 係有個客入黎話book左枱被職員安排坐上層我先知 , 我同男友坐下層, 下層有4張6人枱湯底我地揀左好耐終於揀左雜菜湯 (本來打算叫鴛鴦湯底-沙嗲&清湯, 不過男友話唔試喎) 睇左好耐餐紙都諗唔到食咩好, 有個年輕男(我估佢係老闆) 走過來推介我地牛頸脊? 係咪咁叫呢... 好似係, 每日限量供應嫁! 未試過咪試下囉! 點知 又真係好好食喎! 果然係推介! d肥牛一黎到, 男友已經忍唔住夾左幾塊走... 我都未影相... 唯有砌番佢啦! 我係咁搵都搵唔到響鈴, 打邊爐點可以無響鈴, 就係呢個時候... 老闆又推介我地試炸腐皮話係新鮮製, 所以就叫左 (定係我無知呢? 炸腐皮 = 響鈴?)  炸腐皮好好食! 點醬食都好正 (唔知咩醬, 酸酸甜甜咁)  男朋友想食, 點左個醉雞 但我無食呀! 我平時都唔係好食雞的~ 男朋友話d雞好滑喎~午餐肉係我至愛, 緊係要點啦, 睇落好細碟, 最後食唔哂調味架, 好盞鬼...