文記火鍋

營業中

休息中

同朋友夜晚八點半先搵嘢食，喺大圍見到文記火鍋，就咁星期五未到星期四晚上就去打邊邊，爽一下。服務非常好，我地得兩個人俾咗個六人枱我哋，沙發可以連埋一齊坐得非常舒服。呢度有好多款牛食我朋友揀咗本地手切肥牛，我哋討論緊食頸位定係脊位，侍應好友善過嚟解釋兩者嘅分別，最後我哋揀咗較爽同較滑嘅頸位。本地肥牛果然係牛味重啲，我自己比較鍾意食本地肥牛多個美國牛。因為牛味不同，果然本地肥牛好味真係好爽好滑有牛味，肥瘦適中。第二好味係野生竹笙好好味，條條都好大條，返咗落湯度之後吸晒啲湯嘅精華，美味到不得了。仲有美國蠔，五大隻，隻隻都大大隻脹卜卜又新鮮。我雖然好飽都食咗三大隻。三寶丸係牛丸蝦丸同墨魚丸，爽口彈牙。響鈴係新鮮炸起唔會有油煙味，仲可以就咁食，俾埋麻醬你。點醬食得，好鬆化。食到脹卜卜，好豐富嘅消夜啊。