文記火鍋

營業中

休息中

近排涼咗好多，屋企話想去打邊爐，我地就近揀咗呢間文記火鍋試下。湯底叫咗花甲鍋，味道清甜，唔會太咸（最驚就係湯底鹹噶啦），花甲分量都好多！配料叫咗田雞，牛魔王三併，三寶丸，溫室皇帝菜，鮮腐竹，雜菇，即炸魚皮。我地樣樣都覺得幾滿意，味道都幾新鮮，尤其是牛肉，味道濃郁滑嫩，同埋田雞真係唔係度度都有得食，新鮮彈牙。三寶丸都係手打嘅，肉質緊實。即炸魚皮真係熱辣辣，焦脆可口，覺得熱氣就點啲湯食，就咁當小食又得。食物質素都幾好，環境都坐得幾舒適，地點都算易搵。如果住附近不妨一試嘅。

三個女仔嚟食飯，入到去香氣四溢，點了個豬肚窩，閒落好香個湯底好淡，除左胡椒食唔到其他味。最欣賞係田雞，超新鮮。點了個牛小排，沒有宣傳單張的入口即溶，食落似脊位，牛味幾重，鬼馬花枝幾好食，牛骨髓味道正常，超甜粟米唔算甜，但都幾香，花甲嚟到已被強行打開哂，仲好多沙，算係最難食嘅。等到21:00全單單點75折,酒水加一另計，望住張單計左陣，先知佢個75折唔包個湯底，但係包括人頭醬15蚊位，再唔包個餐前小食，再包哂單點嘅食物，以鋪頭地理位置距離火車站唔算近，食物質素一般，同人頭收費埋單238一位（醬油人頭15蚊再加個十蚊小食仲有加一，普通酒吧人頭nuts25蚊個），有男仔一齊食一定遠唔止哩個數，性價比算低。不如果真係想試哩間，我見到佢門口有個龍蝦海鮮餐258蚊（但唔知佢人頭醬油小食加一果啲點計㗎），應該至少食得飽的。食物份量係大店份量，收費係大店收費，質素係小店質素，但味道又唔係隱世小店果啲食物新鮮，湯底濃郁果啲，味道實在係一般。。

龍蝦海鲜套餐每位$258龍蝦超级大隻貝殼類、蝦好新鮮北寄貝大大隻(鲜甜)元貝好大粒(厚肉)蜆類(好鲜甜)蝦(爽口)魚片(好新鲜……無奈有细骨〈個人少食>)牛肉(好鲜嫩)生瑚蚌(好爽口)青口(鲜甜)湯底胡椒花甲鍋$108好鲜甜(輕微胡椒味)牛肉雪花分佈平均三文魚刺身厚切(好新鲜)什雜丸和餃子餃子皮薄(餡多)丸子(有爆漿丸)厚切午餐肉(额外加單)響鈴炸得好香脆整體海鲜大隻新鲜坐位不算太多(預先訂位)服務有禮p.s海鲜套餐需2位起(訂座)限時2小時:

上個月月尾諗緊同個女仔friend 慶祝生日，實在太耐冇打邊爐，於是就想OpenRice睇吓有咩好建議，大圍火鍋係其中一個推介，原來禮拜一同禮拜二如果用OpenRice做預約有七五折，咁就一於試吓啦，佢亦都唔收切餅費啊朋友買咗個細細地嘅蛋糕，夥計幫我地收埋好叫咗佢最出名嘅手切肥牛大碟，揀咗胡椒豬肚湯底同埋蕃茄薯仔湯底，仲有一對魚皮餃，手打三色丸，我覺得佢啲牛肉係好食嘅，不過如果可以大碟啲就好啦，因為所有份量偏小，三色手打丸都唔錯，都幾彈牙，佢所有嘅蔬菜同埋菇類都好新鮮同埋洗得幾乾淨，加上夥計服務效率都幾快，佢個牛筋竹蓆水都幾好飲，清甜，下次可以再去食👻

約左班中同一齊打邊爐喔☺️🍲我地五丁友叫左都唔少野的😀😄食物嘅份量其實都真係好少下 質素都係好的 但價錢真係偏貴的🙈🙊牛肩頸 叫左大碟的 質素都真係幾高下 不過好似又唔係好值得咁貴喎😅😅肉質非常好 好有牛肉嘅味道喔👍🏽👍🏽牛脷托 小妹真係第一次食 又真係幾okay架 下次可以再encore‼️‼️三寶丸 係有手打墨魚丸 手打蝦丸 同埋牛丸 每款🈶️三粒 仲要係細細粒架咋 真係好珍貴的啊 味道都係正常 不過不失吧 但都幾彈牙嘅🦷🙂餃子係個餃子拼盤🥟🥟 🈶️幾款餃子的 包括🈶️韮菜餃 雲吞 魚皮餃 同埋水餃 每款份量都係得三粒 而且都係幾細粒嘅 味道都係普普通通 不過不失喔黑栢葉 都幾新鮮的🙂☺️淥廿秒就食得了嘿嘿 珊瑚蚌 都好大碟的 都係淥一淥就得的了 質感都幾爽口的😄😀粟米 🌽都幾好味幾鮮甜喔 小妹最愛😍🤩湯底係椰子雞煲 味道超級香耶 又好濃郁啵🥥🥥👍🏽👍🏽啲雞肉仲有椰漿浸住 所以都有啲味架 整體嚟講 食物質素都幾好 但份量較少左啲😅😅不過係OpenRice book位有7️⃣折優惠喔😊☺️

係大圍站附近，開咗勁多間火鍋店，有啲價錢貴但不好吃，但文記火鍋店價錢公道，食物質素高，係區內都出晒名，所以一定會推介比朋友，特別冬天，一季都會幫襯四五次，十個讚呀

夜麻麻心思思要打邊爐，就行咗入文記。基本醬料都齊全，夠晒用。湯底叫咗芫荽皮蛋湯，普普通通。女士見到三文魚都忍唔住要點，但一上枱見到咁嘅樣，首先已經猶豫食唔食好。每一片都近血皮位，即係代表位置唔係咁靚。味道就都係三文魚味嚟嘅，但就因為刺身位置嘅問題淡味啲。新鮮鵝腸，煮完質感仍然會帶點滑潺潺，爽口煙韌，有鵝肥香但無肥食。脆鯇魚骨，新鮮肥美爽脆，有點難咬。文記水餃雖然細細隻，但隻隻都有一大節爽彈鮮蝦肉，還可以。是晚最貴嘅本地手切牛頸脊， 朋友話切就切得好厚， 厚到好難咬，而且牛味淡。西班牙豚肉片，都係比較厚身，豬香不錯。九點半後入座已經有扣，買單都要九百，認真有點貴，而且食物質素同價錢唔符合。

沙田大圍文記火鍋成日同同事去食。貪佢收得夜。又係沙田友。每次ㄧ話打邊爐,就自然諗起佢。皆因材料好新鮮。特别海鲜。。keep到。而湯底我幾推介麻辣火鍋。麻辣夠麻。辣得好過隱。試過好多四川麻辣湯底。文記做到好正宗。總之超正。哈。我中意仲有必叫手打丸。炸嚮令。自家製。有誠意。好多牛既不同部位也超正。完美。無得彈。價錢合理。最緊要食得開心。準備又要再約朋友烚下烚下啦。我又要再去呀。諗到個麻辣湯底就流口水。ㄧ試難忘。

我成日都話d食材新鮮固然重要，服務都好重要，雖然地方唔係好就腳，但野食真係冇得頂，手工丸做得好出色，彈牙爽口，響鈴即叫即炸入口即溶，個麻辣湯底麻辣度適中，唔會太over,另外一提係個沙嗲湯底好濃好香，d料浸落去索晒d汁已經好好食。。

第一次光顧呢間餐廳，由於係朋友介紹，一齊去，所以知道大概都唔係便宜火鍋。店舖有2層，下面比較細，上面無見過，可能下次可以試試。我地幾位女士叫左11樣食品加一個鴛鴦鍋。而且餐廳有1664 draft beer ，認真開心。特別喜歡佢嘅黑毛豬同丸丸，非常美味可口而且丸丸又彈口！反而對老闆介紹嘅3色牛拼盆有d失望，3種牛有一種特別難咬，只有一種特別適合老人家，不過另外一種味道十足，如果可以獨立叫就更好。例牌象拔蚌鮮味可口。但下次不會點叫蜆，因為有沙，而且店舖會將它先過水，不夠鮮味。整體不錯，如果你不在意價錢的話。

尋晚同老婆食海鮮邊爐做宵夜，去到間舖，門口寫住龍蝦海鮮餐每位$258，星期五加$20，9:30後有85折，睇下啲海鮮同火煱料都ok就去試下，點知食時發現火煱料少左一樣，手工餃拼盆得2隻雲吞，咁都算拼盆？同海報寫的唔同，問下啦，話係師傅執的，無錯架啦，佢話無錯就算，繼續食，食完埋單，兩個人收左我六百幾，說好的85折呢？！話套餐無折喎！佢話海報細字有寫套餐無折，乜咁做生意都得，誤導失實，永無下次😡PS：食完勁口乾，今朝個口仲好苦，應該味精好勁

一直都知大圍多野食，但自己好少去食，今次朋友七月生日，她選擇了這間食海鮮火鍋去慶生。生日有優惠，我們四個$298，生日的那位就半價。一來是三文魚刺身，因為自己唔太好，所以無試。叫佐一jar竹蔗矛根清清熱。$298海鮮盤，一來見到好大盤，入面有龍蝦，帶子，蜆都有大中細3款，青口，多甫魚，etc食到差不多的海鮮已經有點飽，先開始食雜錦丸同肉有兩款，牛同豬，還有響鈴。食到好飽，五個女仔只係食淨少少肉，算好犀利。咁多海鮮覺得幾抵食。可以再encore~

在大圍找美食，東逛西逛決定一試這間火鍋店。餐廳面積不算大，但設樓上雅座，並安排坐最開面靠邊位置。火鍋湯底有多款選擇，由幾十至百幾不等。我們點了北海道3.6牛乳，湯底牛奶味十足，所有食材都像浸了牛奶浴一樣。點了一碟手切肥牛，$288其實比想像中貴，幸好都不令人失望，幾好味。另外有手打蝦滑、墨魚滑、花枝片、蜆、黑栢葉、雲吞、烏冬和生菜。蝦滑爽口彈牙，值得推介。其餘只能說中規中矩，黑栢葉一碟只有幾片「葉」，蜆好一般，雲吞是粉麵店的那種，帶鹼水味，似乎跟牛乳湯底不太配合，可能是全晚最不喜歡的一樣食材。整體食物不過不失，可是用餐體驗卻令人掃興。首先由於我們坐的位置後面有回收碗碟的膠盤，店員不時大大力將餐具掉進盤內，其實對食客來說是十分擾民的行為，有幾下真的被嚇到。另外，店員似乎身體有點抱恙，不停咳嗽，又打噴嚏🤧，落單和收拾碗盤都在我們身旁，店員亦沒有戴口罩，又要負責送餐，作為食客總覺得不太自在。出外食飯最怕遇到低級食客，樓上的空間小、樓底矮，隔鄰的幾個男人不斷高聲談話，除了大大聲粗口橫飛，內容更是非常露骨嘔心，一邊食一邊心想快點離開，當然這跟餐廳無關，只是我們倒楣首次光顧就有這不愉快的用餐體驗。

今日又來食餐飽，服務依舊好，麻辣湯底亦好好味，我依然無叫海鮮餐，因為散叫係抵啲，選擇多啲及有折。 今日散叫，啲料都係咁靚，無乜可以弹，而且感覺份量都多咗！ 食物如下:1) 麻辣/蕃茄薯仔湯底: 麻辣做得幾好，嚟嘅主要原因都因為佢2) 手切牛頸脊: 未輸過3) 桶蠔: 甜4) 黑栢葉: 幾秒ok, 爽，同麻辣好夾5) 貢丸: 每次都叫6) 鮑魚: 新鲜，唔特別7) 豬潤: 新鲜，厚度識中，唔特别8) 鱔片: 新鲜，正常9) 醉蝦: 出嚟賣相己吸引，啲蝦浸响酒度仲郁嘅，浸越耐越入味，尤其蝦頭啲羔，麻辣加酒香，一流，推介10) 日本海膽: 足料，鲜甜值

鋪頭位置不太方便非附近居民，但都算易搵。去過兩次進餐，兩次都點套餐。因為經驗良好，所以先去覆灼。套餐係海鮮套餐，另加牛肉、小吃、菜、丸等，但主力都係個海鮮（睇圖）。整體不差，料都係新鮮好既。第2次去吃果次，貝類較多沙石，影響體驗（都幾扣分，如果第一次就多沙石，個人係永世不會覆灼果類）。發現少人（3）還是多人（4-6），套餐（非主件類）食品（如牛，丸，菜）份量冇太大分別。 酒水價格係中高檔排檔價。Ps套餐cash only。feeling上扣分位係找續上， 我會拎找零既人（因為本身已有service charge)。