文記火鍋

營業中

休息中

是日即興想Hotpot..唸起文記🥰,話說上之walkin無位...死心不息要試試，估唔到係安在家中享用😂，講講外賣包網精緻，湯底送到屋企唔會漏，我落單時仲好強調包好啲個湯底😂🤣，咁解咁強調!??，叫得網上外賣平台 就明😂🤣...咪哂時間，睇下今日叫左咩😍食物全部都好好!!下次會再叫... whatsapp落order好方便...送貨送到屋企...1. 象拔蚌刺身 (好甜，讚)2. 椰子雞煱 (靈魂當然無得輸，好香)3.牛魔王三拼（🥰評泥評去都係個幾句，廢話事講，總之下之再叫...）4.海蝦 （我囡食哂咁濟😍）5.文記三寶丸 (啲丸好彈牙)6. 即炸響鈴 （勁脆配埋芝麻醬有驚喜😍）7. 鵝腸（肥鵝腸，不得了😂🤣😂🤣）8.桂花蚌 （滾一滾，好爽口）9. 韭菜餃10.脆肉鯇11. 雜菜

疫情期間，近排大家都唔想出街食，我地睇到佢地外賣有六折，真係好吸引，咁啱又住大圍，就一於叫嚟試下。畢竟去街市買餸，又要洗啲材料，整嚟整去都要幾個鐘，都幾麻煩下。依加有人洗好，仲有埋湯底，唔洗自己準備咁多嘢。加上六折，計返條數分分鐘平過係街市買，加上好多配料街市都未必有得賣。湯底點咗瑤柱什菌鍋，清清地，有又好多菇。本地手切肥牛，頸位同脊位各一份。仲點咗波士頓龍蝦，海蝦，蝦滑，雙拼手打丸……全部都幾新鮮。我地揀咗外賣自取，就係屋企附近，樣樣嘢都包得幾好。值得推介。

今年同學團年飯去食火鍋，而選擇咗去嘅火鍋店，地點對某D同學會係比較遠，不過其實附近都有火車站，加上有食過嘅同學推介，所以就去食啦。湯底有10多款可以選擇，我地揀咗個比較大路嘅鴛鴦鍋，沙嗲拼番茄薯仔。今次主要係想食牛肉，所以點咗2款牛肉，牛柳粒+手切牛小排。大碟牛小排質素都唔錯，好夠牛肉味，而且唔會太肥，搞到個湯底變得油淋淋，有浸油喺面。 牛柳粒口感十足，大粒得嚟又唔會韌，呢個唔可以淥得太熟，過熟就會唔夠juicy。

打邊爐就唔一定要狂食牛肉查實打邊爐食海鮮都好正好過癮呢度既海鮮價錢合理, 又多款式揀例如蕃薯蜆、刀貝、油貝、北寄貝呢啲都唔係常見既打邊爐食材鐘意食刺身既話呢度都有象拔蚌、活章紅魚、海膽、帶子同三文魚刺身樣樣都有齊哂首推湯底係胡椒花甲鍋個湯底好濃好香胡椒味, 仲有好多隻花甲, 可以慳返唔洗叫花甲花甲食落新鮮, 正!我地叫左鮑魚、象拔蚌刺身~刺身超級爽脆鮮甜, 證明係堅新鮮鮑魚大大隻, 每隻都幫你界左花, 咁就容易啲熟其他火鍋料都好唔錯, 叫左份手切肥牛, 個種滋味都係好正好難忘

行過大圍，兜咗一圈睇有咩食。天氣咁凍，所以都係揀咗打邊爐。湯底揀咗冬陰公花甲湯底，酸酸辣辣，開胃又暖身。我地都鐘意食海鮮，呢度主打配料新鮮。所以都點咗幾多海鮮，海蝦，新鮮大魚頭，波士頓龍蝦，青口。因為唔想食肉，所以都無點到肉。加咗好多海鮮入去，湯底更加鮮甜。我地仲見到有特別嘢，黑松露墨魚滑，無鉛松花皮蛋。都叫嚟試下。海鮮方面都幾新鮮大隻，抵食嘅。黑松露墨魚滑味道唔錯，彈牙香滑。皮蛋同湯底都幾夾。我地都食得幾滿意。

突然間想打邊爐🍲就諗住去試下，睇到餐牌都知價錢有返咁上下，不過見佢賣材料新鮮所以諗住貴少少都唔緊要，最緊要好食！入到去叫左2個湯底要隔煱，一個芫茜皮蛋一個胡椒豬肚，食落都係一般湯底無咩特別！但淨係個胡椒豬肚湯都價值$98，隔煱加$20配料叫左牛脊肉，生蠔🦪，炸魚皮，冰豆腐，炸支竹，響鈴，西洋菜響鈴佢上枱既時候話係即炸的，咬落係好熱，但真心似返炸或者再氣炸，完唔似新鮮炸，食落去完全唔新鮮至於冰豆腐同炸支竹就更加唔新鮮，食落去有少少酸味，應該開始變變地至於肉類就正常，全晚最好食係個西洋菜飲品叫左竹蓆茅根，味道好假..一d都唔好飲最後埋單2個人食左$9xx埋單..真係一d都唔抵咁既價錢咁既質素真心認真麻麻

同朋友打邊爐聚會，而且鍾意食牛嘅朋友係一個唔錯嘅選擇！以前同朋友喺大圍打邊爐聚會去小肥牛，但近呢一兩年小肥牛嘅價錢越嚟越貴，質素亦下降，少咗去。早排同朋友諗住再食嘅時候發覺已經執咗笠。參考Oper rice見到呢間文記。主要係同朋友都鍾意食牛，見食評同餐牌都唔錯就去試吓！而且做優惠仲有折。當晚六個人都食咗幾多野下，折咗都每人大概$400多d，但覺得質素唔錯，係值呢個價嗰本雪花牛係最好食而且員工都好有禮貌，服務態度好好

我地一班老友齊聚當然要去打邊爐啦，由於大家費事行咁遠，又唔中意等位，所以就揀咗呢間。湯底就揀咗 川穹白芷魚頭鍋 $228，都幾港式風味，魚頭湯底係第一次見，有大大隻魚頭都好足料。味道都幾清甜。牛肉識揀就一定揀本地肥牛，唔係間間火鍋店都有本地牛食。我就就揀咗脊位 大份($288)，牛肉分量都幾多，唔係得幾塊果啲。食得出係靚牛，肉味濃，口感嫩。蟹籽鮮蝦滑$78，好中意蟹籽嘅口感，咔咔聲，爽彈又過癮。黃沙豬潤$32 新鮮滑嫩野生田雞$68 好耐無食過田雞，嚟過下口癮鵝腸$78 口感脆爽雜菜$38 正常雖然環境就一般，但勝在食物質素唔錯。

成班友仔踩上一個朋友屋企探個初生B女，俾B女玩完大家都肚餓就決定係朋友屋企樓下既文記火鍋打個邊爐繼續吹下水先食物多選擇，坐得舒服都幾多唔同類型既海鮮可以揀仲有好多款刺身可以食...真係估唔到我地叫左個椰子雞鍋椰子味超香，拍得住我係深圳食個啲雞肉嫩滑好食好新鮮叫左碟手切牛，食完真係明白咩叫做入口即溶肉唔韌同埋完全無筋鬼馬油條、脆鯇片都唔錯海鮮方面叫左蟶子，真係大大隻，肉質爽脆同埋好鮮甜見佢海鮮咁正，我地再加單叫埋鮑魚、海蝦、花甲....都係鮮到一個點相比其他火鍋店，佢地既海鮮都唔算係貴...可以放心喪食!!

阿婆生日我地去咗打邊爐，佢一向都鍾意打邊爐嘅，有時喺屋企都會打。本來話去D比較有特色嘅火鍋店，不過討論完覺得費事食完會難搭車返屋企，所以都係揀喺附近嘅餐廳食。阿媽話行幾個街口就有間火鍋店，我上網search就發現係文記啦。阿婆鍾意味道較清淡嘅湯底，特別係今日諗住叫活魚刺身打邊爐，所以揀咗胡椒花甲鍋，費事蓋過咗食物特別係海鮮嘅原味。活魚刺身真係好新鮮，D肉係光亮嘅，肉質晶瑩剔透，我地有點豉油食，阿婆就會打邊爐，味道一樣鮮美。再order咗雲吞同埋魚皮餃、墨魚滑、手打蝦丸、金菇、豬紅、唐生菜同埋本地手切肥牛等，都係非常美味。

火鍋小店黎講佢都算多野食揀湯底都有十幾款，最估唔到仲有幾款刺身食，老闆推介我地叫象拔蚌刺身，又唔貴喎價錢都幾抵象拔蚌刺身果然CP值高，爽口彈牙又鮮甜，貪玩夾左幾塊打邊爐又OK喎哈哈~另外我地仲叫左好幾款海鮮，打邊爐除左個爐同肥牛之外，最緊要梗係要有海鮮啦!!餐廳提供既海鮮都有好多款，例如番薯蜆、波士頓龍蝦、花甲、蟶子、油貝、刀貝、貴妃蚌等等我地就叫左其中幾款，元貝堅正夠哂鮮甜，粒肉仲大大粒仲有花甲同蕃薯蜆都好出色，除左好多年前係西貢試過之外，都未曾食過蕃薯蜆係爆汁話左打邊爐最緊要除左個爐之外，就梗係要有肥牛啦我地叫左碟手切肥牛, 今次梗左脊位肉質鬆軟重牛味，點埋辣椒豉油食，好食過日本和牛!記得叫埋佢地既文記水餃，一樣係爆汁好食架!!

大圍就真係少嚟嘅，呢排見大圍都開咗幾多新嘢食，我就過去大圍搵朋友食嘢。本身係唸住食日本嘢嘅，但由於我地無book位，太多人等緊，所以就轉咗打邊爐。豆腐芫茜魚湯鍋：有大大個魚頭，仲有好多豆腐，堅係足料。打邊爐專家係擺嘢落去煮之前試係個湯底先嘅。 飲落幾清甜，唔會有腥味，清清地幾好飲。三個人叫咗8樣嘢，都食得好飽。我就比較鐘意黑松露墨魚滑，日式芝士魚卷，西班牙黑毛豚肉呢三樣配料。黑松露墨魚滑好香口彈牙，日式芝士魚卷味道濃郁，西班牙黑毛豚肉口感鬆軟。叫嘅幾樣配料我地都覺得唔錯嘅。

天氣真係開始轉涼啦~又黎到日日都想打邊爐既日子lu雖然依家周街都有火鍋專門店或者連鎖店但我自己就鐘意周圍捐窿捐罅幫襯下啲小店或者大排檔今次就黎到試文記火鍋住係呢頭既朋友話佢係區內出哂名，咁梗係要試下啦湯底有十幾款選擇，火鍋料都勁多選擇，連刺身都有鍋底我地就揀左胡椒花甲鍋，湯底呈奶香色，有好香濃既胡椒味，仲有好多花甲，隻隻都大大隻打邊爐點可以唔叫牛肉呀?! 我地就叫左碟本地手切牛(頸位)，真係勁正! 牛肉味濃，雪花紋靚，拍得住專門店質素!仲有其他火鍋料，例如響鈴、炸魚皮、手打丸等等手打丸粒粒新鮮彈牙，入面仲好多汁，堅係好食!見到隔離枱叫左象拔蚌刺身又幾靚仔下，我地又唔執輸叫埋一份先真係大碟夾抵食，每一片都好爽甜，仲食到原汁原味既鮮味好彩我地有叫到啫~成晚最抵食就係呢份刺身~大家有機會去食一定要叫象拔蚌刺身，無介紹錯嫁!

天氣涼涼地，又有想打邊爐嘅感覺，同阿媽講不如夜晚唔好煮飯，出去打邊爐。好彩佢無買定餸，不過佢話唔好去咁遠，近近地喺大圍食。之前食開嘅火鍋店食過幾次，所以上網搵下有冇其他新選擇，就發現呢間好似幾抵，試一試啦。湯底我地點左椰子雞鍋，味道清香，飲半碗先開始打邊爐。配料有多款選擇，我地點左3寶丸，餃子拼盤，炸魚皮，豬紅，唐生菜，同埋重點牛魔王3拼。最推介係手切牛，牛肉味道濃郁，夠新鮮，唔會過肥或有筋。埋單加埋每位都唔使$200蚊，都好抵食，份量同質素都唔錯，下次打邊爐又有多一個選擇。

近排涼咗好多，屋企話想去打邊爐，我地就近揀咗呢間文記火鍋試下。湯底叫咗花甲鍋，味道清甜，唔會太咸（最驚就係湯底鹹噶啦），花甲分量都好多！配料叫咗田雞，牛魔王三併，三寶丸，溫室皇帝菜，鮮腐竹，雜菇，即炸魚皮。我地樣樣都覺得幾滿意，味道都幾新鮮，尤其是牛肉，味道濃郁滑嫩，同埋田雞真係唔係度度都有得食，新鮮彈牙。三寶丸都係手打嘅，肉質緊實。即炸魚皮真係熱辣辣，焦脆可口，覺得熱氣就點啲湯食，就咁當小食又得。食物質素都幾好，環境都坐得幾舒適，地點都算易搵。如果住附近不妨一試嘅。