文記火鍋

營業中

休息中

叫個蟹逅套餐 ：豬肉有每人一片 牛有3片 ，但3片加埋都冇一片肥牛甘大. 丸餃類都係人頭一粒，餃皮厚冇乜餡.蟹係霉曬既 有2隻迷你基圍蝦，其餘有啲貝殼類 沙白 有沙 .湯底 ，只包$68-78補差價叫左胡椒花甲湯底 .只係一個清到冇味既湯 加咗啲沙白落咗啲無味嘅胡椒 （沙白扮花甲？）完全冇味，海鮮唔新鮮 2個人埋單$700蚊 一定無下次，未試過45分鐘食完個打邊爐 ，完全唔想逗留，難食過酒樓任食邊爐. 冇影食物相係見到都覺得唔吸引，唔想影 本身冇唸住要評價. 但越唸越覺伏

店舖麻雀俱少只有五張枱左右，用 open rice 訂位去試，其實係有驚喜，驚喜食材新鮮，環境無一般火鍋店嘈吵，份量亦足夠，兩個人食左十碟連酒水 $1000 埋單，食飽飲醉回家，稍嫌食材價錢偏貴少少，附近原來都有幾間火鍋店，我只敢試食呢間，值得推介大家去試下

咁凍既天氣最岩就係打邊爐上網見好多人都話好食咁做冬就黎試下啦係openrice book枱有83折湯底叫左清酒卜卜蜆湯底冇味 蜆都冇味 食完都唔知食緊咩蜆肉一d味都冇 又冇鮮味但個湯底已經138定148 唔記得強烈建議唔好叫呢個湯底 牛頸脊（大）細份同大份都係差廿蚊 所以就叫左大份黎食肉質好冧 有牛味 牛三味有牛小排 牛頸 牛脊肉係冧既 但4百幾蚊 就見仁見智啦之後叫左桶蠔蠔就好好食👍👍 好鮮一份有5隻最後仲叫左帶子刺身中等size 一份5-6粒但質素有d普通整體黎講食物係好食 份量正常但價錢就偏貴湯底就不了

呢間火鍋店係喺大圍比較近屋村嘅地方~ 唔係好近地鐵站所以比較似係街坊火鍋店~ 另外佢哋又做外賣火鍋食材~ 設計左一個個package方面街坊直接order😆 住喺附近嘅街坊可以好方便咁order~ 食物方面, 佢哋主打高質嘅食材☺️ 種類都好多~ 湯底都有10幾個選擇, 亦都有比較特別嘅湯底, 清酒蜆鍋, 白芷魚湯鍋等等🐠 不過嗰日試嘅湯底就唔算太突出🥲 主要都係胡椒味比較重~ 的確係有兩大舊筒骨~ 但就食得唔係好方便之餘, 湯底亦都唔夠鮮味~ 佢都有好多手打手工本地食材~ 佢嘅牛肉都係用本地手切牛肉~ 牛魔王絕對可以試吓佢哋嘅牛魔王三拼拼盤🤣 總共有三個部位~ 不過今次食唔到咁多就冇試到~ 另外雲吞丸類都係手工自製嘅😍 手打丸食落口感真係唔錯~ 另外佢嘅即炸響鈴魚皮都好出色☺️整體來講食材都好新鮮🥰 不過定價都幾高, 而且每款菜式都唔算特別多份量~ 所以性價比唔係好高~ 以下係嗰日嗌嘅湯底同食材~ 有星星係比較推薦嘅! 🤍金牌筒骨湯底🤍即炸響鈴🤍即炸魚皮🌟🤍本地手切頂級牛肉🤍西班牙黑毛豚肉🤍鮮鵝腸🌟🤍黑松露墨魚滑🌟🤍雙拼雲吞🤍豬肚

一時興至到，又見到社交媒體網站廣告，萬幾個like, 又話預訂有折，搞到我好有期望。點知…..係門口已覺有少少伏伏地，因為入邊一個人都冇，嗌咗套餐，但原來好多嘢都唔包，套餐嘅款式唔可以揀，湯底好多都要再加錢，前菜要收錢，但只係一碟見到都唔想食嘅前菜，已經收你30元，之後再見到上到嚟嘅食物，都唔係我想食的東西，全部開晒口，蟹肉係梅的，肉是咬唔開的。所有的丸每人每款一粒，時令生菜是娃娃菜。食得好辛苦。埋單的時候，原來社交媒體網站講的預訂有折，是不包括套餐。well, 社交媒體網站好似冇講呢樣嘢喎。2個女仔，埋單$601。出門之後，唯有再揾附近的「屋子」醫肚無論係社交媒體網站, or OpenRice ，對呢間嘢都有好多好評，真令人懷疑。總之，我以後都不會再去。

今年生日屋企人揀左去文記🍲簡簡單單食個生日飯🎂一黎揀左個好鮮甜既魚湯湯底😋好好味呀之後就點左新鮮海膽🥢鮮味十足既象拔蚌🍽不同火鍋料😋😋等我介紹下啦呢個就係好大粒又好食既新鮮海膽😋呢個就係鮮到爆既加拿大象拔蚌呢個係手切新鮮牛摩王🐄呢個係每枱都有叫既即炸響鈴🔔脆卜卜呢個唔係人人都識叫識食食既牛胸爽（牛胸油）呢個係脆脆脆脆肉鯇送酒小食點小得😆鬼馬炸物最重點要講既就係屋企人叫文記留左條魚😋幫我慶祝生日（等我年年有餘😆）文記仲幫我哋蒸埋👍🏼服務一流👍🏼掂掂掂最最最後我想講既係文記除左可以散叫，原來有套餐食🤓（因為見隔離個啲枱都係叫套餐先知😆）下次可以試吓😋（因為都好大份又靚仔咁）（*純分享：如果食質素同服務又唔限時就揀我推介既生日餐廳）

佢係真係有好多款海鮮嘅，今日經開，時間充足，天氣又涼涼地，就入去打個邊爐。要左個套餐，258一個人，未計加一。個餐話有前菜，係一個用豉油碟裝嘅中華沙律，記住係比兩個人嘅，一個豉油碟。😦勁小家，佢所有嘢食上晒，我一睇就知應該唔飽…丸佢得三款，預每人一粒，雲吞又係，每人一粒，刺身得4片三文魚，食落質素仲差過爭鮮👎🏻。時令蔬菜，竟然係娃娃菜😀我明白娃娃菜可能因為平，但係佢一年四季都有，點樣叫時令… 同埋，佢成份蔬菜就係得娃娃菜，仲要唔知有冇兩棵，勁小。 我地要左蕃茄薯仔湯底，係普通上湯加蕃茄同薯仔，個湯完全無蕃茄味😢而且個套餐唔包嘢飲，想問佢拎杯水，佢都要收我錢🥲雖然個餐牌寫到好多嘢食，好多款，不過樣樣都係得一兩舊，而且貝殼類嗰啲都係得個殼大，其實本身都唔係好多食到的部分。其他食物質素正常一般，不過食完之後，要返屋企補飛，完全唔夠飽。我好少食火鍋係食唔飽，仲要呢個價，其實食放題都夠。加埋一，2個人600蚊，無下次。

好正好好味！唔單止打邉爐用來做湯底，齋飲湯也飲到濃濃藥材味，諗起都好回味，我今次是自取，本身住荃灣，所以靠google map 搵.哈哈好在唔難搵到，希望疫情後，帶埋朋友到店慢慢品嘗其他湯鍋及其他食品。另外也叫了個熟食炸枝丸，我相信啱啱整起脆卜卜會好好味奈何外賣炸物，過了水氣欠小小咁啦⋯⋯另一推介醉蝦，超香酒味，打邊爐吃好特別，另一個是手打蝦膠，不錯真希望疫情快過，大家捱過去⋯⋯牢牢記着︰「前面是絕路，希望在轉角。」黑暗過會是晨曦，懷着樂觀總有轉機---陳奕迅《今日》老闆加油💪🏻⋯⋯祝各位身體健康

朋友同我都係火鍋怪,成日周圍去打邊爐,去佢屋企又係打邊粒爐,重點係唔洗諗食乜,咁今年又停夜市堂食,就外賣試試佢咁就叫咗下面張單嘅嘢(4人餐),散叫有7折,送貨就要比運費($85),咁我地自己就再買咗小小菜,豬肉,牛肉同埋午餐肉呢pack大嘅豬肉同埋午餐肉係我地自己加嘅,其他都係文記叫,但我都想讚下文記嘅豬肉同埋手切牛幾好味,仲有豬潤同鵝腸都超爽口,桶豪正,但得3隻帶子刺身好鮮甜,響鈴就真係小咗D得4條,鮑魚好食,但蜆就唔得啦,好似就嚟壞咁同埋有好多沙,整體一般,有折就可以試下嘅

無得出街食飯又想打邊爐就諗起文記呀WHATSAPP落單好方更STAFF 好HELPFUL既點左~海鮮二人餐再單點揀左醉雞湯底呢個堅要讚呀一打開包裝係好香酒味呀成個湯好濃郁我地一黎到飲左半碗湯先開始邊爐仲要個湯愈滾愈鮮好鍾意呀雞件又唔會好鞋~(餐有)炸魚皮響鈴響鈴係一向都必點估唔到個炸魚皮都咁出色呀脆口得黎唔會好干加埋炸蒜真係PERFECT~(餐有)丸同餃丸就正正常常呀餃有九菜餃魚皮餃水餃只係好似細粒左D咁(餐有)蝦蟹花甲蟹係好多羔鍾意食羔既要試呀蝦就肉質麻麻花甲鮑魚OK呀~(另點)黑柏葉好爽~(另點)鵝腸屋企人好鍾意話夠肥美呀~(另點)北海道蟹柳一般

香港人最鍾意係咩？緊係打邊爐啦😎真係一年四季都咁想食 不過好食既材料都唔易揾嫁依家 我覺得大圍黎講呢間文記性價比都不錯嫁 可以試下 而因為疫情 我都一段時間無來了趁最近好似好啲 我又約友人們出嚟聚下喇🌹湯底揀左胡椒卜卜蜆湯，湯底淡咗啲 ，不過都胡椒香，蜆肉鮮甜，兩三隻有沙醉雞件 啖啖肉 有少少膏不會柴 yum（上）鵝腸 新鮮帶小小肥 正（中）西班牙豬肉片 肉味香濃（下）貴妃蚌 一淥就食得 爽脆又鮮甜鱔片 切得薄薄地 唔會𡁻好耐 入口即化呢個水餃拼盤 有鮮蝦雲吞 文記水餃 同埋魚皮餃 三樣都鮮爽好味 正豬肉無臊臭味，不過容易一夾就散即炸響鈴 勁正一咬鬆化 旁邊有個芝麻醬點多個口味 happy同樣地魚皮都係即炸 脆卜卜熱辣辣 送酒絕配Overall今晚嘅配料都新鮮好吃 哥哥仔侍應們都好勤快 期待下一次再嚟試多啲配料

行晒成個大圍到到都要排隊見到OpenRice 有73折訂枱優惠重要即訂即有 終定試試伏先🚁鴛鴦鍋揀左 四川麻辣湯🌶&皮蛋芫茜湯🥬滿足想食辣又想下火既需要😂菜式1. 醉雞 係雞髀肉 啖啖肉非常唔錯 但係冇酒味2. 厚切午餐肉 午餐肉都係咁既味😂 食得出結實唔係cheap cheap牌 但係最靚果幾個牌子又唔係🤨3. 鬼馬油炸鬼真係幾鬼馬 上面係墨魚滑 下面係鬼炸鬼墨魚滑係幾彈牙好食不過問題係...我等到d墨魚滑熟左既時候下面油炸鬼淋到成pat野咁..😑熟與脆口不可兼得😓4.肥牛 不過不失 尚算新鮮 就係有d貴不過打邊爐又點可以冇肥牛呢4.雜菜 ok新鮮 有洗係重點🤣 水餃 彈牙 好味😋👍🏻5. 魚蛋都係香港仔四海魚蛋啦兩個人 食到超級飽埋單691😮重要已經折左😦只可以話我地太大食😓✴️推薦位✴️唔駛等位 野食新鮮❤️更多試伏實錄💛真心分享唔做假💚

想試好耐，今日終於嚟試下，果然冇失望。環境舒適，服務殷勤，食材新鲜好味，好滿意。叫了胡椒蜆湯底，牛頸脊，非常肥美嘅鵝腸，好爽口嘅墨魚滑，好精致嘅水餃拼雲吞，還有一碟炸支竹，非常滿足。

在家抗疫一段時間，一直都唔敢出去打邊爐。今日邊爐癮起，真係頂唔住。即刻試下文記有無位。好彩有位！即刻換衫沖落去。安排左坐係2樓，果然安排妥當，枱同枱有擋板，同埋枱同枱距離都幾遠，感覺安心。到文記緊係要食牛肉，真係好正！基本上唔駛叫其他野食，兩個人食左兩碟牛肉，再加少少丸類同響鈴。仲要有得自隊青島啤酒。真係成年無飲過啤酒。雖然一個自隊有d悶。可以食咁正既牛肉，再隊成支青島，真係夫復何求呀！希望疫情減退，可以打番多d邊爐！

疫情期間，六點後禁堂食，加上二人限聚令，想打邊爐又唔想去街市買餸，買完返嚟又要洗材料，整黎整去都幾麻煩。見到而家市面上都有外賣火鍋自取套餐 ，就試下火鍋外賣係點樣，買返嚟唔使準備咁多嘢，仲有埋湯底。自取回家就食得，方便。 呢間鋪的海鮮上算新鮮。湯底夠味！