悠蔬食 (渣甸中心) (已結業)

朋友生日想食素，定左5位。叫左2個小食 3個主菜3個甜品焗釀大啡菇，相都冇你明啦，行貨個番茄汁，切開之後濕又散。味一般😑炸腐皮卷，味道ok亦脆，但油左D。😏雜菇栗子豆腐煲，全部ok 香酒味但冇見到栗子（利申我不肯定個名有栗子，因為不是我叫，但朋友話見有先叫🤷‍♀️，不過朋友好鍾意講「我以為」🙄砂鍋濃湯雲吞雞，我夠濃，素雞好好食，餃子過熟，淋了。味道ok 😏蘆筍意大利飯，行貸番茄飯⋯其實真係唔好為咗香港人口味去將意大利飯煮到熟曬！仲要過熟！淋曬！不用咬🤢！甜品-芝士蛋糕一件，味道OK，大概1.5吋x3吋一件西餅尺寸😅甜品-洛神花梨糕 ，味到OK，幾特別😏甜品-蘋果批，我都提子乾蘋果味沒有了。脆皮好脆口感ok 😏環境地方比較密集, 椅背不停感覺到服務員經過。不過冇辦法！這是香港😑提提大家：自備蛋糕切餅費$88 ,如在本店消費甜品上加名字或祝福語$30

The food is surprisingly good as I don’t usually eat vegetarian... 5 girls eating 4 sets and there is plenty of food.We tried a few different one and I think the spinach cream soup and the green curry are surprisingly better than I thought. The naan is also very crispy and tasty to go with the curry. The Japanese handroll was good too.Downside is that you have to have minimum of 200/pp for dinner and you can’t really sit for too long.

人愈大愈來愈食得健康啲間吾中食下素食邊個話素食只係得菜，菇類好像好悶，其實吾係呀朋友係附近返工有次經過今次相約食下叫其中一份晚餐前菜有三款，紫蓉藜麥蘋果奇亞,涼拌准山黑木耳,麻醬沙薑豆絲粉皮，好清新。手卷:香芒牛油果苜蓿芽手卷苜蓿好新鮮，牛油果好健康湯:茶樹菇竹笙黃耳百合燉湯好清，足料，無味精主食:牛肝菌野菜忌廉燴意粉伴香烤大啡菇一上碟賣相好好大大粒大啡菇好多汁份量多好朋友就冇叫晚餐，選擇叫多個小食同散叫麵小食:鹽酥靈芝菇好有台灣風味炸得香脆，不油愈食愈想食另外，叫左干燒伊麵好乾食，份量多，有濃汁另外餐跟百爵紅菜乳酪蛋糕少少茶味，不太利跟餐可以甜品減10元叫左個士多啤梨達，有吉是，皮脆加錢加左水果茶，水果茶入面有好多水果，好清新冇肉都可以食到好飽

母親節又就快到啦 今年食乜好呢？？平時屋企晚餐媽咪都係煮菜多 ，大魚大肉媽咪可能興趣不大 ...今年不如搵返間新派素食試下先，見open rice 呢間有唔少舐舐脷 就決定呢間啦 😚一如以往我哋都係提早食母親節飯，避免人潮嘅高峰期，今日係平日星期三但係呢間餐廳全店滿座 。呢餐飯同行有兩個分別一歲半同四歲嘅小朋友，服務員 細蚊 見到小朋友有啲哭鬧，主動上前送上兩份小禮物 ， 原來係兩隻小狗毛公仔，兩個小朋友收到禮物之後就即刻開心曬。打開餐牌，樣樣餸都好想食，唔講唔知道，原來素食可以有咁多變化，呢一餐我地比較國際化。日式竹炭手作薄餅個餅底係竹炭做，灰黑色餅底很有口感，入口甘香，舖滿芝士及蔬菜，很 green，無罪惡感😌白松露菌金菇炒芙蓉大量金菇，蛋白炒得很香滑，松露是畫龍點睛，令整個菜更有特色，香濃但又不膩。砂鍋雲吞菇煲雲吞皮薄，包了香菇做餡，比起肉碎更有口感，湯底香濃很大煲。跟餐有一白飯，飯面有大量芝麻，很讚！簡簡單單已經令白飯生色不少。酥脆腐皮卷像是仿雞腿，其實是腐皮，剛剛炸起，外皮香脆，咬落腐皮彈牙，有一根雪條棍，就似是雞骨一樣，不錯。鹽酥靈芝菇調味很香口，香香鹽香，粉皮薄薄的，入口

本人無肉不歡，但為了慶祝母親節(母親是素食者)所以特意搵了這間位以素食為主的餐廳。只好硬著頭皮去嘗試素菜。到步後發現雖然是平日， 但都座無虛席， 好在一早預訂了位，入去覺得好整潔優雅，裝潢以白色為主， 餐枱與餐枱之間的位置非常闊落， 不會太擠迫 ，而食物方面，食物選擇非常之多，令我對素菜另眼相看， 之前對於素菜了解實在太孤陋寡聞 有中式有西式，有冷盤， 甜品，而我們前菜選擇了雙薯藜麥蘋果雪泥，香千拌馬蘭頭，泰式鮮果沙律，雪泥好似薯仔沙律，加了蘋果，感覺清新而不膩。湯方面，選擇了羊肚菌竹笙黃耳百合燉湯，非常之濃味，材料好足主菜有黑松露薯蓉焗大啡菇菇菇大大隻，菇汁滿滿，加埋黑松露，好香口。白松露菌金菇炒芙蓉炒蛋白，加了金菇，清香帶點彈牙，白松露味道香，有點像賽旁蟹！很特別，原來素菜都可以好特別。必食之選😋😋😋😋👍👍👍👍👍有南瓜大啡菇千層面，酸酸地，小朋友至愛，可以 encore番茄野菜意大利飯番茄味非常之濃郁，都係好開胃，好快清碟。甜品紅茶千層班戟 茶味香濃 赤莓紅蓮 色香味俱全 呃like之選另外不得不讚讚 餐廳亦有貼心的服務 ，有帶客人到座位已至有bb櫈都令我的心暖一暖。

身邊好多食肉獸，真係要d 牙力先可說服一班人陪我食素菜！其實宜家素菜都好多玩法，都唔係以前淨係得芋頭魚、羅漢炒麵，今日我地就book 左銅鑼灣渣甸中心嘅悠蔬食，地方唔算大，不過裝修清雅，坐得舒服我地點左3個 set，首先有中西湯兩款揀，我就揀左中式，係羊肚菌竹笙黃衣百合燉湯，清清甜甜，都好足料。另外仲有三款小食，薯蓉、馬蘭頭、沙律，個馬蘭頭好清新，好似食緊草咁。另外仲有手卷，都夾雜大量苜蓿，好有纖維，不過未必個個好似我咁識欣賞。主菜！風乾蕃茄野菜松子意大利飯上面件天婦羅露筍炸得剛剛好，脆卜卜，又唔會厚粉。蕃茄加上松子令味道有不同層次，香口又開胃。砂鍋餛飩「菇」大大隻餛飩，餡料很多，主要係菜同菇，漲卜卜，好夠味，湯底香濃，送飯一流。日本南瓜大啡菇焗千層面好厚芝士，拉絲拉得好長 👍🏻西式素菜配搭芝士，令味道更豐富，無肉都唔會淡口！ 千層面都很香酥，剛焗起，熱辣辣很滋味。最後甜品點了赤梅紅蓮，甜品出色，草莓甜甜酸酸，加蛋撻，簡單很熟悉，但又有新鮮感。整體都ok，加 fun 素菜

周六和家人去北角參加放生活動，本來想搵北角素食店，在OpenRice 找到悠蔬食，之前試過尖沙咀店，好食有創意，朋友講過銅鑼灣店都好，由於阿仔未食過悠蔬食，今次一於嚟試吓，仲喺app訂位，快捷方便老公預早有約嚟唔到食晏，我同阿仔兩個去到由三位改兩位，店員服務殷勤，我哋好快安頓落嚟。這裡套餐好多選擇，由於想試吓其他食品，只叫一個餐，另外兩客手卷同埋擔擔麵。手卷蔬果新鮮、包著的紫菜乾身脆口，我和仔仔一人吃一件好快處理掉。擔擔麵走辣，花生濃湯和麵配合得當，吃完差不多飽了。另有白汁什菜焗意大利麵，火喉剛好，份量不太多，恰到好處要再來試其他菜式

早排農歷十五，就特登上網揾啲特別嘅齋菜，陪媽媽食。同傳統嘅齋鋪有少少唔同，鋪頭嘅裝修偏向小清新風格，以白色、紫色為主，似年輕人嘅聚腳cafe 多啲。Lunch set 嘅選擇都幾多，除咗飯同麵，仲有點心揀！套餐嘅前菜係果仁鮮瓜絲沙律，配咗檸香芒果醬，有果香，偏甜，都幾特別。加埋果仁，食落仲更香口。餐湯係甘筍地瓜扁豆忌廉濃湯，忌廉湯好滑溜，夠creamy，可能係有甘筍同地瓜嘅原故，餐湯好鮮甜。主菜我就揀咗喇沙什錦鮮蔬湯麵，配天婦羅蒟蒻同秋葵。雖然唔似得平時一般咁多海鮮，但味道都好濃郁，蘿蔔煮得好淋，夠哂入味。天婦羅蒟蒻比較好少見，幾彈牙，口感特別。媽媽就揀咗點心拼盤，有黑松露餃、蔴蓉紫薯脆煎堆、素叉燒包、素翅香菇燒賣，另外仲有多碗豆腐讚岐烏冬填肚。媽媽大讚叉燒色，話醬汁調得好好，好似食緊真叉燒咁。而我偷食咗嘅燒賣味道都唔錯，雖然冇普通燒賣嘅鮮蝦鮮味，但有香菇嘅調味，食落唔會好寡。甜品方面，就揀咗春季限定特色甜品，赤莓紅蓮，其實姐係士多啤梨吉士撻，外形好靚，砌成一朵花，可以影相呃like 🤩！

一行六人一起食Lunch, 大家一致想食素菜，最後揀左呢間有口碑的西式素食餐廳。我地叫左四個set lunch! 有沙律，湯(中湯和西湯)，main course, 飲品和甜品(加$20), 再另外散叫。果仁鮮瓜絲麵沙律配檸香芒果醬~清新甘荀地瓜扁豆忌廉湯~香濃creamy粉葛陳皮甘荀赤小豆湯~勁多湯料，無味精，正黑松露薯蓉焗大啡菇~啡菇又大又厚肉，薯蓉鋪滿菇面，好美味茄子猴菇栗子豆腐煲~好入味，最正係D栗子印度薄餅~好鬆脆，好香Set B 梅菜茄子栗子煲配珍珠糙米飯~配飯一流Set C 和風淮山野菌燴扁意粉~淮山好爽，扁意粉亦好煙韌，好正Set F 牛油果鮮蔬墨西哥卷餅配红菜頭蔬果~墨西哥卷餅比較鞋和乾，下次應該唔會再叫Set A 喇沙什錦鲜蔬湯麵配天婦羅蒟蒻~湯太稀和淡味，但天婦羅炸漿算幾薄甜品:士多啤梨tart~賣相好靚好吸引，士多啤梨好fresh, tart底亦好脆另外得不提是腰果露，好香好滑，必叫項目

今日本小姐生日🎂 年紀大左👵🏼，比以前更重視養生🙆🏻‍♀️，做個美魔女都唔錯🤭 朋友帶我黎食素，食得健康我鍾意。keep clean the body。-餐廳地方唔算大，朋友醒目有訂位，午市坐無虛席🤭 我地各自叫左一個lunch Set 互相share 食。Lunch set 有前菜、湯品、主食、飲品，都幾抵呀！ 重點係健康又好味。-❤️前菜⭐️果仁鮮瓜絲麵沙律配檸香芒果醬沙律新鮮口味清新、酸酸甜甜挺開胃果仁既健康又可增加口感-❤️湯品⭐️甘筍地瓜扁豆忌廉濃湯西式湯一向比人較膩既感覺但餐廳依款湯相對清新健康，口感creamy很滑溜，濃而不稠。甘筍地瓜一向係至愛，很鮮甜，亦很有益多數係中湯先會加扁豆估唔到係西湯加埋扁豆，有嚼口，口感會更好甜甜的一口濃湯，滿滿既幸福-⭐️粉葛陳皮甘筍赤小豆湯平時媽咪春夏天最鍾意煲依款湯水有祛濕功效，又可以調理脾胃湯清甜、冇味精👍🏼-❤️主食⭐️牛油果鮮蔬墨西哥卷🌮️餅配香脆薯角及紅菜頭蘋果藜麥沙律🥗依款素食好有創意，平時係傳統素食餐廳食唔到。好鍾意食牛油果，營養價值高味道獨特，果肉柔軟墨綠色既墨西哥卷🌮️皮薄薄的，口感煙煙韌韌捲入豐滿的蔬菜及牛油果，吃來很清爽紅菜頭蘋果藜麥沙

原來食齋都要最低消費，長知識了。媽媽食素，生日想請媽媽食餐好啲特別啲，睇食評呢間好有百幾劣評得個位數，所以想一試，點知先係谷氣嘅開始……由電話book枱，whatsapp「提醒」落訂，打嚟confirm人數，坐落睇meun等齊人，都只係強調幾點要交枱…到真係落order，嗌左幾樣嘢先話最低消費人頭200，細路兩個當一個大人……我話：吓！由始至終都無話過要收最低消費嘅？Waiter/Boos ：我地官網同meun最開頭有寫……原諒我上嚟之前無check清楚你「官網」……睇menu又自動飛左無嘢食嗰頁……繼續嚟，Waiter /Boss ：就算你依家唔食，你落訂嗰500蚊，我地唔可以俾返你，一定要食左去喎……銅鑼灣渣甸中心26樓「悠蔬食」，你好嘢長知識了激到完全唔想食，寫到好評嘅爸絲打真幸運

經常在銅鑼灣食飯都覺得沒有甚麼特別想食的東西，我太喜歡新鮮感啦！所以朋友跟我食飯都是我做資料搜尋，無意間發現這間素食店，平時是食肉獸的我去試試。前菜，湯跟飲品都忘記了拍啊！只講主菜:芝士焗菠菜南瓜猴頭菇紅米飯 味道非常濃郁完全不覺得自己在吃素 吃猴頭菇感覺很似吃真的豬扒 很特別 厚厚的芝士 可以拉絲啊！茄汁野菜燴意粉 味道不錯，但沒有甚麼特別。

最近同朋友慶祝，想起之前在尖沙咀食過的素食餐廳，原來銅鑼灣都有！本來只是想介紹給朋友試下，點知原來食物都有不同呢！呢到係同藍色做主題～椅子都是粉藍色同白色的～好有少女感覺今次叫左呢個青咖哩雜菜猴頭菇配印度薄餅同飯～一來到青咖哩的椰香味已經聞到了～🤤～入面的蔬菜都沾滿了青咖哩的汁～配埋飯食～～印度薄餅同青咖哩汁係重重重點！印度薄餅整得超級脆！每咬一啖都會「卟～卟～卟」點埋濃濃的青咖哩～omg~一邊脆一邊滑～無得彈～剛剛題過～呢間餐廳都有d特有的食物～而呢個就係其中一個啦～蜜汁脆鱔～呢個係用菇來扮鱔～只看樣子都扮得幾似～醬汁都調到好似一模一樣咁～味道濃～脆～黑松露薯蓉焗大啡菇～wa wa wa~ 呢個超級大陣松露味,好香！仲要超級多芝士～芝士下面是薯蓉～薄薄地一層唔算多～但正正係因為咁先正，唔會太飽濟，大啡菇焗得好「淋」～加上旁邊的蕃茄醬汁～味覺又提升了～最後仲叫左個甜品～個樣好吸引丫！呢個係春季限定～士多啤梨下面係吉士～（侍應見到我地有時需要出手食野，會主動給濕紙巾～值得一讚）

地點雖然旺，但要等電梯，晚上較多人，要好有耐心等，菜餚雖然也可口，但從落單到上菜，要等多於一1小時，雖然經催促，但仍沒有任何改善，要帶著極大耐心才完成晚餐呢！甚具挑戰性！

最近男朋友OT情況非常嚴重,加上常常在外進餐,擔心他吃肉太多沒有蔬菜,儘管不太喜歡食菜也選擇了在悠蔬食吃晚餐。想不到店內環境非常寧靜,餐牌也有驚喜,食物雖然沒有肉但做出來的味道和平時吃的差不多,有以假亂真的感覺。我們叫了兩人餐, 有平日常叫的忌廉湯﹑壽司手卷﹑焗菇奶油意粉﹑前菜﹑菇排等, 非常豐富。 我覺得最值得推介的是壽司手卷和菇排。壽司手卷內用料有牛油果,沙律醬,和滿滿的豆芽絲等。這些配搭看起來毫不搭調,但吃上來,竟然非常配合。牛油果加上沙律醬,爽脆的蔬果絲,吃起來口感和三文魚十分相似,如果沒有提醒自己正在吃素食,真的可能會被味覺欺騙。另一樣就是這個主菜,從外觀上就覺得非常像一塊牛排,加上常用的牛排醬汁後更是吸引。口感煙韌,底下還放了薯蓉,混合了醬汁和菇的香氣後十分惹味。吃畢後加點了這個水果撻兩人分吃,水果的感覺也新鮮,可以一試。